#مثلث_برمودا
الحلقة 6
بقلم PULSE
(Bs.Am.Ya)
يوسف بحت في هاشم اللي بالي بالك 😏
هاشم:ضحك توكل يامعلم
نوح:مثلث برمودا اااا
غدي مش فاهمة شي
الضابط كان ايشيرلهم بش ايوقفو بس يوسف أسرع وهلبهم😂
عرفو انه السيارة هذي شور العصابة دزو سيارة وراهم بس ضيعوهم
وفي ضابط رن على سيف
سيف:ايوة شن صار
الضابط:سيارتهم خطمت من هنا بس هربوا
سيف:بعصبية تي كيف اتخليهم يهربو ليش حاطكم نا
الضابط:دزينا وراهم
سيف:البنت معاهم
الضابط:معاهم
سيف:عزق التلفون بعصبية لين ادشدش والله بس نمسكك ياغدي والله اندمك على اليوم اللي جيتي فيه ونقتلك ونشرب من دمك🔥
أما في المستشفى اللي تشتغل فيها غدي طبعا وصل الخبر لمدير المستشفى وكل اللي يشتغلو فيها وكانت الدنيا زححححمة وشرطة وناس اتحقق معا اللي كانو قاعدين بس الأغلب مستغربين انه دكتورة كيف غدي ممكن اتدير حاجة زي هك غدي كان كل اللي في المستشفى ايحبها من المرضى اللي تشرف على حالاتهم في قالو انه ممكن ايكون خطف بس أدم كان قريب يهبل هوا متأكد انه غدي مستحيل اتكون هك هوا يذكر أخر مرة شافها فيها طبعا خذوه للتحقيق لأنه من ضمن اللي كانو في المستشفى في الوقت هذا وهوا قال اللي صار بالحرف انه نادو عليها عشان عملية طارئة وبعدها معش شافها
أما أم غدي ارتفع عليها الضغط والسكر وفقدت الوعي وعلى شوية كانت بتجيها جلطة ويعقوب قريب يهبل على أخته وهوا متأكد مليووون في المية انه أخته مخطوفة كلم كل صحابة واللي معاه في الكلية بش ايدورو على الخاطف أو ايحصلو أي معلومة
بقلم PULSE
(BS.AM.YA)
وصلو مثلث برمودا لمكان يشبه المينا كانت الدنيا صبح والمكان فاضي وفي شاحنه نقل بس
هاشم:توا كيف بيصير
يوسف:خلاص صاحب الشاحنة نعرفة وحكيتلة على الموضوع وقال تمام ياما مهرب غيرهم😂المهم الشاحنة كيف ماتشوف معبية بضاعة بس نا توصيت وخليته ايوسعلكم مكان صاح هوا صغير بس
رماح:باهي خلاص خلاص فهمنا عنجد هذ صدعت راسي هيا ننزلو ونركبو وتمت عليش الدوة الزايدة هيا نوح
نزل رماح ونوح وغدي ومشو شور الشاحنة
هاشم:هي ياباشا متوصي على شي
يوسف:لا أمور تمام تربحو
هاشم: هز راسة بمعنى تمام ونزل وبعد مشا شوية نزل وراه يوسف وضبح عليه
هاشم:التفتلة هز براسة بمعنى شنو
يوسف:قتلك شن رايك توكلوا انتو واتخلولي المزة اللي معاكم انخليها معايا يومين ونجيبها
هاشم:برفعة حاجب نعممم
يوسف:قصدي عادي يعني شباب ونفهمو على بعضنا الصراحة البنت ملاخير ناااار يعني نا مستغرب كيف أمس باتت معاكم تحت سقف واحد ومادرتولها شي خليك في شفايفها فرااااولة احح 🤤
هاشم:خبط على كتفة روح سلم ولدي قعمز تلا الدفاية وتغطى كويس تفرج على distribution 5 لأنه شوية أخرى ونزورك زيارة عزرائيل انخليك اتجربها بدال المرة مرتين شن رايك 😉
يوسف:😅 لا نبصر معاك معقولة نا هكي هي سلام توا عندي موعد مربوحة اول ماتوصلو عطو رنه تشاو وقلب وجها طول وركب سيارته ومشا
هاشم:ابتسم باستهزاء 😏 ومشا للشاحنه لقا غدي مصبية
هاشم:جاي بيركب في من ترجي مثلا تجيكي البيئم دبليو تاخذك
غدي:ها ها حانط تصدق الشاحنة عالية وصحابك طلعو وخشو ورا الأنقاض هذوما محد فطنلي بش ايساعدني نركب
هاشم:تنهد بقلة صبر ومسكها من خصرها ورفعها لين طقت الحافة وركبت
غدي:كانت مفنصة عيونها متوقعتش ايركبها بالطريقة هذي
هاشم حس بشعور غريب لما شمرها بش تركب خصرها لرقيق خفتها كأنه شمر طفلة
بقلم PULSE
(BS.AM.YA)
غدي بعد خشت كان رماح ونوح مقعمزين تلا بعضهم في جهة والجهة اللي قبالهم فاضية قعمزت فيها وسندت راسها على الحاجز اللي بينهم وبين السواق
رماح:ليش طولتي ماكنتي نازلة معانا
غدي:ماحضرتكم ركبتو والشاحنه عالية عليا معرفتش نركب
رماح:اووو معلش نسيتك بكل
غدي:حصل خير
بعدها ركب هاشم ملقش مكان ايقعمز فيه إلا اللي جنب غدي تنهد وقعمز في جنبها وهيا قلبت وجها وهوا نفس الشي😂
رماح:خلاص تمام هكي كلكم قاعدين وخبط على الحاجز هذا بش يطلع السواق
وطلع بيهم السواق وكانت الطريق طوييييلة
هاشم ساكت كالعادة وميحكيش معا حد وكانت بنه عطرة قويييية خصوصا لغدي لانه مقعمز تلاها مكانتش اتشم في شي غيرها رماح يلعب بفونه أما نوح كان حاس بألم في كتفة مكان الجرح وكان باين من علامات وجها فطنتلة غدي
غدي:فيك شي الجرح يوجع فيك
نوح:لا تمام عادي
غدي:عادي كان حاس بشي انشوفة لك
نوح:لا لا تمام مفيش شي
غدي:براحتك وردت سندت راسها وعقلها كلة عند امها وخوها شن صار فيهم بعد عرفو وحجات واجد في راسها
أما عند أمها قاعدة في المستشفى وكل ماتنوض تقعد تبكي واتضبح تبي بنتها واتقول انه بنتها مخطوفة ومستحيل تهرب معا حد وكل ماتنوض يعطوها إبرة مهديء وكان معاها أختها اللي قلبها محروق على بنت أختها اللي مش معروفة وين وعلى سمعتها اللي تشوهت قدام الناس كلها زعما من في مصلحته ايدير هكي بش ايضرها بالشكل هذا؟
عند مثلث برمودا
رماح ونوح كانو لثنين راقدين على بعضهم
أما هاشم وغدي ولا واحد فيهم حكا معا الاخر
لعند هاشم حس بكتف مال عليه و
يتبع....
بقلمي PULSE
(BS.AM.YA)
