#مثلث_برمودا_الجزء_الثاني
رايفتو عليا 😂 معلش طولت عليكم انشالله كل سنه وانتو طيبين
الحلقة 10
بقلم PULSE(نبض)
(BS.AM.YA)
هاشم:غدي بنحكي معاك في موضوع وضروري
غدي:بحتت فيه خير انشالله
هاشم:سرح لثواني في منظرها اللي خطف عقلة وهيا مقعمزة بالشكل هذا 💙
غدي:هلووو في حاجة
هاشم:تعرفي انك كل يوم اتزيدي حلاوة ❤
غدي:اممم وانت تعرف انه عيونك أحلى
هاشم:لا لا أكيد نحلم قلبي الصغير لا يحتمل ياهوو وجا قعمز جنبها اخيرا حنيتي عليا اليوم هذا بنسجل تاريخة 😂
غدي:بحشم هاشمممم قول شن موضوعك 😣
هاشم:حط يدة ورا رقبته اها تمام أكيد بنحكي بس بصراحة زمان ماحضرت فيلم شن رأيك تحضري معايا؟
غدي:اممم تمام حتى أنا زمان ما حضرت والجو كساد اصلا
هاشم:قبل نحسابك تاعبة من الشغل
غدي:هوا صح تعبت بعدها وراته تلفونها بس بعد شفت الكلام الحلو هذا طار مني كل التعب متوقعتش ايكون في ناس اتحبني هك 😍
هاشم:شدلها خدها بشوية في ومعزقين قدامك وايتعذبو اخرى
غدي:فهمت عليه باهي انا بنمشي انوتي واندير جو بش نتفرجو على الفيلم وانت اختار حاجة حلوة انتفرجو عليها
هاشم:شن رايك في رعب وأكشن ودم😏
غدي:اوفف عيوني هذينا
هاشم:معقولة متخافيش
غدي:قعدت تضحك كنك هبل انت يعني فوق المغامرات والاكشن اللي عشته معاكم هذا باستثناء اني جراحة والدم لعبتي بنخاف من فيلم في التلفزيون
هاشم:خبطها على ظهرها ببصارة أيوة هكي طيرتي السقع
غدي:ردتلة الضربة ولو نعجبك يانصي😂
هاشم:خلاص عاد قريب انحس اني متزوج صاحبي 😂
غدي:هههههه مبردك هي نجيب الحجات وانجي وطلعت من الدار
هاشم:كان خاطري بعد نشوفها تضحك نحضنها ونبوسها انقوللها ضحكتك تسحر فيا اي حاجة خاطري تقعد المسافة بيناتنا أقرب من هكي بس انا فرصتي في اليومين هذينا انخليها اتعيد التفكير ممكن تقعد معايا ومتسيبنيش انا دعيت رب العالمين ايقرب بينا وميبعدش بينا وتقعد امعايا باقي عمري هيا اللي علمتني الشي هذا انه الدعاء يصنع المعجزات 💙
غدي وهيا في المطبخ وحاطة اسبول على النار رن تلفونها رفعاته لقتها امها
غدي:الو ماما
نادية:اهلين حبيبة ماما شن أخبارك وكيف كان اول يوم في المستشفى
غدي:ايهبل كيف حالك انتي ويعقوب رايفتلكم واجد بكل
نادية:حتى نحنا أكثر قتلك غدي يعقوب سألني أمتى نبدو إجراءات السفر بش تروحي
غدي:طفت على النار كيف بس منقدرش انروح توا انا اليوم بس كيف بديت شغل فيها المستشفى
نادية:ماهو انتي عارفة خوكي قاعد على نار اصلا كل حاجة دارها غصب عنه طبعا هذا باستثناء عمامك اللي بعد طلع الخبر أمس وعرفو انك مسافرة قلبو الدنيا وقالو كيف اتسفروها بنت بروحها كان قلتو انها عندكم را حطيناها في مكان ومحد يقدر يوصللها بس يعقوب قاللهم انه في واحد تقدملك وعارف الوضع ودرتو فاتحة وسافرتو طول مشفتيش شن دارو وقالو كيف هكي بدون علمنا وقصة طبعا ميعرفوش انك خذيتي اللي كان خاطفك ضروري اتروحي في أقرب وقت
غدي:بس ماما منقدرش نمشي توا ونسيب كل حاجة ورايا عطيني شوية وقت
نادية:يا بنتي نحنا مصدقنا الموضوع هذا كمل غدي انتي حبيتيه صح
غدي:مش هكي بس
ناددية:غدي انا امك ونعرفك أكثر من أي حد في الدنيا وانتي من لما سافرتي ونسألك عليه شن داير معاكي تشكري فيه وباين انك مرتاحة وعارفة انك تعودتي عليه عشان هك مش هنظلمك وعندك اسبوع تفكري فيه ورا أقنعت يعقوب بميت واسطة فكري كويس شوفي انتي شن تبي قلبيها في عقلك مش في قلبك فكري في نفسك فينا نحنا وصلي استخارة بعدها ردي عليا
غدي:انشالله ماما معا السلامة
نادية:في امان الله وسكرت
غدي:حست بغصة في قلبها كانت خايفة من الشي هذا لأنها بالفعل تعودت على هاشم بس قالت اتفكر في كلام امها ومتخليش العاطفة هيا اللي تقرر القرار لعقلها وبس
