#مثلث_برمودا
الحلقة 12
بقلم PULSE
(Bs.Am.Ya)
دق باب الدار غدي لبست وشاحها بسرعة وصبت اتحل وهنا كانت المفاجأة
هاشم:رفع فيها عيونه
غدي:برفعة حاجب خير
هاشم:ضحك بهزوة ودفها من قدام الباب وخش بكل برود وقعمز على طرف السرير من قدام وقعد ايبحت فيها بنظرات مستفزة
غدي:استفزها هاشم وربعت ايدها وبرفعة حاجب باهي وبعدين مش على أساس الصبح كيف ضارب صاحبك شن مجيبك توا هنا ولا غير طروح
هاشم:ضحك على جنب وكان يستفز فيها
غدي:عيونها قريب ايطلعن شرار
هاشم:عزق في وجها تلفون هذا بش تكلمي بيه هلك واطمنيهم عليك طبعا انا عارف انك متعرفيش المكان اللي نحنا فيه وين فهنسيبك اتكلميهم براحتك عندك عشر دقايق لأنه بعدها التلفون والشفرة بيتكسرو وصبا وقرب من وذنها وياريت تعرفي الفرق بين العيال والرجالة يا غدي صح وطلع وهوا يضحك بش يستفزها
غدي:حيوان هذا شن ايحس بعدها عدت تجري وخذت التلفون وسكرت الباب اااه واخيرا بنكلم حد من هلي مش مصدقة وكانت تكتب في الرقم وعيونها قلوب قلوب 😍 ضغطت اتصال وقعد الرقم ايرن
يعقوب كان متكي ويدة ورا راسة ويفكر رن تلفونه رفعة لقاه رقم غريب كان بيفوته بس رد في اللاخير
يعقوب:ايوة
غدي:وعيونها دموع يعقوووب
يعقوب:نفجع بعد سمع الصوت وقعمز بسرعة من معايا غدي غدي صح
غدي:وهيا تبكي اها انا رايفت عليك
يعقوب:صبا وين قاعدة انتي ومن خاطفك
غدي:يعقوب اسمعني لأنه معنديش وقت انا كويسة الحمدلله واموري تمام ومحد اذاني ولا ضايقني انا متأكدة انه مصدقيني انت وماما واني مش هاربة مخطوفة يعقوب طمني ماما شنحالها وانت شن اخبارك بنموت عليكم
يعقوب:نحنا كويسين متخافيش المهم انتي بس باهي وين المكان اللي انتي فيه أو أكيد محد جا شورك غدي قولي طمنيني ولا في حد جنبك
غدي:لا والله مافي حد وبالعكس والله كويسين معايا وايعاملو فيا كأني أختهم محد جا شوري واصلا هما خطفوني لانه صاحبهم كان مصاب وميقدروش يمشو المستشفى وعلى أساس ايردوني ثاني يوم بس مش عارفة من اللي صورني ودار السيناريو هذا كلة اطمن عليا وطمن ماما رايفت عليها وخاطري نسمع صوتها بس خفت ايصيرلها حاجة فكلمتك انت طمني عليها تاخذ في دوا الضغط في موعدة والسكر كويس ولا عالي متنساش موعد الدوا متاعها وانت شن داير في الكلية
يعقوب:ضحك بشوية بشوية شن هذا كلة نحنا الحمدلله بخير ناقصنا انتي وانا انشالله عن قريب هنعرف كيف نجيبك بس انتي ساعديني اعرفي المكان وين على الأقل ناخذك انحطك في مكان بعيد عن هنا لين نثبت برائتك
غدي:صدقني انا مافي يدي شي وواثقة انك هتعرف تكشف انه اللي طلع هذا كلة كذب أكيد سيف قالب الدنيا عليا صاح وأكيد حالف انه بعد نرد بيقتلني
يعوقوب:وحياة باتي المدفون في تربته طول مانا انشم النفس مانخلي حد يقرب منك وهنجيبك متخافيش
غدي:حبيبي انت رد بالك على روحك وعلى ماما وطمنها عليا انتمنى نعرف انكلمك مرة أخرى معا السلامة
يعقوب:حاضر وانتي ردبالك على روحك وخليك غدي أختي القوية معا السلامة
غدي:في امان الله وسكرت الحمد لله يارب الحمد لله تطمنت عليهم الحمدلله
