#مثلث_برمودا
الحلقة 8
بقلم PULSE
(Bs.Am.Ya)
هاشم فتح الباب بلا ميدق
هاشم:رماح ال وشاف شعرها الطايح على ظهرها 💜
غدي:تلفتت بتفاجئ من دخلته عليها وارتبكت معرفتش شن ادير ولا وين تمشي غير أنها عدت تجري للحمام
هاشم:سكر الباب بسرعة وهوا مزال تحت تأثير الصدمة متوقعش انها تكون هنا مكانش يعرف انه رماح عطاها دارة كان شكل شعرها وهوا مطلوق واخذ عقلة بعدها ناض من سرحانه ومشا للمطبخ لقا نوح ورماح مقعمزين على طاولة السفرة اللي يشرب في قهوة واللي يلعب في فونه
هاشم:قعمز معاهم صباح الخير
رماح:صباح اللوز للناس الموز شن شايف على الصبح اتصبح علينا مش عوايدك يعني ديما نلقا فيك كيف القدر المستعجل على قولة المصرية لا سلام لا كلام 😂
نوح:يضحك شكلة شايفلة شي شوفة وميبيش ايقول وغمزلة 😉
هاشم:تنهد بنفاذ صبر بتسكر فمك انت وياه ولا نقلبها على روسكم را مش ناقص حناطتكم على الصبح
رماح:أو ماي قاد انقذني يانوح من هذا اللعين سوف يطلق النار من عينيه الملتهبة ياللهول
نوح:زراته الضحكة ومقدرش يمسكها 😂😂😂😂
هاشم:تنهد استغفرالله واتوب اليه
رماح:ايوة ايوة طلع الشيخ المدفون اللي جوا خطرها طارح على الصبح وبنه عطرك كان تخطم بيها من قدام مدرسة بنات ايصيرلهن شلل نصفي وين ماشي على خير
هاشم:ضحك على كلامة عندي بضاعة بنستلمها وشوية شغل
رماح:بنمشي معاك منحبش نقعد في الحوش
نوح:حتى نا
رماح:انت وين بيدك هذي
نوح:عادي يدي هيا مش كراعي
رماح:اها خطرها وكال السندوتشات وجو مدرسة ميمشيش معايا نبي لحم ووكال واتي على التسخين تقريبا الثلاجة يبيلها إعادة اعمار
هاشم:وعينه في الفون وصيت يوسف تو ايجيب كل حاجة
رماح:أمالا خليني نوتي روحي
مشا خطوتين بعدها رد
رماح:نسيت بكل البنت أمس عطيتها داري خلاص تو ناخذ من عند نوح الله غالب عليا
نوح:عساس نا ميت بش تلبس من عندي
رماح:شتب
بقلمي PULSE
________________
غدي:غبية مفروض خذيتي احتياطاتك مش في حوشك انتي أكيد يعني بيخش من غير مايدق شكلي نسيت اني هنا مخطوفة ماهو لأنه محد حسسني بالشي هذا بعدين شن بنلبس انشالله بنقعد لابسة جاكته عمري كلة ووشاحي تعبا دم معش ايصير منه اوففف شن اندير ضروري مانلقالي شي حاجه وانشالله بنقعد محبوسة هكي في الدار باهي لعند امتى تعبت وينك يايعقوب 🥺
____________
هناء فتحت باب حوشها
هناء:تفضلي ياوخيتي توا كيف نور الحوش
نادية:خشت وبابتسامة مصطنعة منور بهلة
هناء:والله اخيرا لقيت من ايونسني فديت من القعميزة بين السيسان تريحي انتي توا وتو نديرلك طاسة قهوة مش عادية
نادية:خليك والله ماتعبي روحك معندش نية
هناء:لا والله ماتجي تو انديرلك عارفتها اتريح أعصابك مش هنطول خمس دقايق خوذي راحتك انتي الحوش حوشك وخشت المطبخ
أما نادية وخرت راسها لاورة على ظهر الصالون وهيا تذكر بعد كانت تشكي لأختها من عناد غدي
