#مثلث_برمودا_الجزء_الثاني
الحلقة 4
لايك قبل ماتقرو...
بقلم PULSE
BS.Am.Ya
وصل هاشم وغدي لمطار تركيا وكان في سيارة تنتظرهم غادي حطتهم في الاوتيل
طبعا كانو تاعبين بكل من السفر غدي أول ماخشت طلعت دبشها خذت دوش ورقدت على طول
أما هاشم كان طالع ايجيب العشاء ولما خش
لقاها راقدة😴
محبش يزعجها خلاها راقدة وهوا خذا دوش وصلى ورقد على الكنبة بش ميضايقهش بس الكنبة كانت صغيرة وهوا كان طويل 😂
_____________________
مصطفى كان متكي على الصالون وياكل في زريعة ايتفرج على التلفزيون وزين كان قاعد على النت
رماح:فتح الباب وخش السلام عليكم وعزق شنطته وطاح على الصالون
زين ومصطفى:وعليكم السلام
مصطفى:مالك كان عندك حالة ولادة ولا ايه😂
رماح:ها ها حانط اتصدق
زين:هههه فكك منه شكلة المستشفى اليوم شايطة حالات
رماح:اقسم بالله مش غير بعد كنت في ليبيا الوقت اللي انكسد فيه أكثر من اللي نشتغل فيه هنا مفيش نفس
مصطفى:اوففف ايه الزهق دا مش معقول الويك أند يبقى كدا لازم نخرج نتفسح اي حاجة
رماح:انا مش ماشي مكان تاعب وبنرقد
زين:حتى نا منبيش نطلع
مصطفى:عملت ايه ياربي علشان توقعني في اتنين بموتو في النكد
رماح:انقولك نكته
مصطفى:قول
رماح:مرة مسمار دار رجيم قعد دبوس 😂
زين ومصطفى:😂😂😂
نصطفى:طب اسمع ديه مرة واحد اجوز صينية حطها في الفرن
رماح:ههههه مرة مسكني ضي تغديت عندة
زين:ههه خلاص انت وياه صمطتوها
مصطفى:اسمع اسمع ديه مرة وحدة قالت لحبيبها امتى هتيجي تكلم بابا عشان تخطبني قالها باباكي قاعد يوم الجمعة الساعة 8 قالتلة أكيد يابيبي قالها طب خليه يتفرج على مسرح مصر 😂😂😂
رماح:😂😂😂وووه بطني
زين:ههه ربي يهديكم
وقعد رماح ومصطفى على الحالة هذي طايحين على بعضهم من الضحك وينكتو وزين يضحك عليهم 😂
___________________
صباح اليوم التالي
عند أبطالنا ❤
غدي:فتحت عيونها بشوية وشافت هاشم مصبي على المرايا كان لابس سورية بيضة وسروال أمريكي وبنة عطرة فايحة المهم شكلة حلو
هاشم:شافها من المرايا ابتسملها صباح الخير
غدي:صباح النور كم الساعة توا
هاشم:امم قريب 12
غدي:اوفف معقولة من أمس وانا راقدة زعما كم صلاة فاتتني
هاشم:الظهر شوية وايأذن
غدي:انت طالع؟
هاشم:الجمعة شوية أخرى بنمشي للجامع
غدي:استكت شوية اها صح اليوم جمعة بعدها حولت البطنية وصبت انا مش عارفة كيف رقدت الوقت هذا كلة وماما ماكلمتهاش طمنتها انه وصلنا أكيد مشغولة
هاشم:كلمت يعقوب أمس على النت وطمنته وكانت عمتي بتكلمك بس كنتي راقدة
غدي:اممم يا ريتك وعيتني
هاشم:خلاص مش مشكلة تو اندير الشفرات ولو تبي كلميها على النت
غدي:تمام
هاشم:على فكرة فطورك قاعد مكليتش شي من أمس ووتي روحك لأنه بعد انروح بناخذك من هنا
غدي:باستغراب وين بنمشو؟
هاشم:لشقتنا
غدي:بالسرعة هذي!
هاشم:رماح موتي كل حاجة أكيد تو نكلمة وانأكد عليه من أول ما جيت مكلمتش
غدي:اوكي تمام
ومشت غدي للحمام
بقلم PULSE
أما هاشم رن على رماح
رماح:اوو نصي من على أرض اسطنبول
هاشم:هههه كيف عرفت
رماح:وهل يخفى القمر من أمس ونا انقول كنها الدنيا مظلمة في اسطنبول ثاريتك جيت
هاشم:ههه لا ونعم الصحبة والله
رماح:غصب من على خشمك
هاشم:باهي وانت حتى صباح الخير ماقلتها
رماح:كنك ياوليدي عندك حرارة صبح شنو اللي توا ولا اها نسيت انت اليوم صباحيتك وعريس جديد مزلت سوري
هاشم:صباحية شنو بالله
رماح:قاطعها أكيد ها 😂
هاشم:رماح خلينا ندوو جديات شوية عاد
رماح:خير وانت ديما عاقدها
هاشم:الشقة واتية
رماح:واتية وامورها تمام تو اندزلك العنوان بس خطم قبلها على المول لأنه المطبخ فاضي والمفتاح تلقاه عند البواب متع العمارة
هاشم:تم يا طير منور بكل
رماح:سلامات وسلم على العروسة
هاشم:ضحك باهي اقلب وجك توا سلام سكر من رماح وقعد يحرك في رقبته بيدة كانت توجع فيه من نومة أمس 😂
أما غدي طلعت من الحمام وماسكة المنشفة
غدي:كنك هاشم فيك شي
هاشم:ها لا تمام استك بعد شاف شعرها المطلوق وهوا طايح على ظهرها وهيا قاعدة تلف فيه غدي فطنتلة من المرايا تحشمت من نظراته 😳
غدي:فطرت انت
هاشم:اممم مجتنيش نية إلا لو تبي تفطري معايا
غدي:برمتلة بصراحة جعانه بكل فلهاذا مفيش مشكلة
هاشم:فرح خلاص وتي روحك ننزلو نفطرو لوطة لين ايأذن
غدي:ضحكت الساعة 12 ننزلو نفطرو
هاشم:عادي بس بسرعة
غدي:اوكي تمام
_______________
رماح طلع من دارة وكان لابس وموتي روحة للصلاة
رماح:مصطفى
مصطفى:....
رماح:مصطفااااا
مصطفى:عزق التلفون نعم نعم عايز ايه اديني خسرت عاجبك كدا
رماح:اه عاجبني بعدين صبي دوش وغير دبشك مش ماشي للصلاة ولا كيف
مصطفى:اديني قايم وانت كل حاجة بتجري فيها يعني انت قاعد تزعق من بدري عشان تقولي قوم البس انما انت حالة صحيح
رماح:ياخفيف لا مش علشان هكي شن بدير غدا اليوم
مصطفى:معرفش لما انروح
رماح:تي انبح بش كان ناقص شي ايجيبة زين ماشي توا للمحل ايجيبة مرة وحدة
مصطفى:ابقى قولة ايجيب بتنجان هعمل مسقعة
رماح:وأخيرا باهي هيا صبي بدل مفيش وقت
مصطفى:قمت اهو خلاص وانت أشر من امي
رماح:مصطفى خلاص مش وقتك
بعدها طلع زين كان لابس جلبية لونها رصاصي ومتعطر وشعره مسقم ومنظرة حلو
رماح:يا اهلا بالشيخ والله محلاها الجلبية دايرتلك هيبة
زين:ضحك كيف يعني مليش هيبة من غيرها
رماح:لالا خليك في شعرك انت بس هوا المسيطر وهوا قريب ايذوب من النعومة
مصطفى:ياخي صلي على النبي
رماح:من وين طلعت انت كيف الجني رايح
زين:ضحك ناطالع سلام
بقلم PULSE
(BS.AM.YA)
سحاب كانت طالعة تعزق لكناسة حشاكم حطتها في الصندوق وجت ماشية شافها زين جا شورها
زين:السلام عليكم
سحاب:تلفتتلة وعليكم السلام ورحمة الله وبركاته اهلين زين كيف حالك
زين:تمام الحمد لله بس انتي كيف تسكني هنا
سحاب:اها في العمارة اللي لاورة معا سكن الطلبة
زين:بفرحة جديات والله ماكنت نعرف
سحاب:ماهو لانه هلي قاعدين في أنقرة وانا قرايتي هنا في اسطنبول
زين:اها تمام باهي كويس طلعنا جيران
سحاب:ههه صح كويس بس قولي شن الاناقة هذي جلبية وحركات طالع حلو بيها
زين:تحشم شكرا عيونك الحلوات ااا انتي ماشية لمكان معين
سحاب:اها ماشية للسوبر ماركت في شوية حجات ناقصة
زين:حلو حتى نا ماشي معناها نمشو معا بعضنا
سحاب:بابتسامة اوكي
__________________
انجو لابطالنا
هاشم وغدي فطرو في الاوتيل وهاشم كان فرحان في داخلة بس غدي كانت عادي لأنها مش واخذة مزال على الوضع وبعد الصلاة لمو حاجتهم وعدو تغدو في مطعم بعدها مشو للمول
غدي:كنت ماشية معاه وشرينا حجات واجد بس و هوا ماشي جنبي ومرة مرة يدوي معايا حسيت بشعور اني فعلا متزوجة وطالعة مع راجلي بس ممكن الظروف اللي نا اجوزت فيها السبب اللي خلاني نجوز ونسافر بالشكل هذا كان مخليني مزال مش متقبلة الفكرة بس اللي كنت مستغربته فعلا هاشم مش هوا نفسة اللي نعرفة من قبل كان هادي وحنون ويدوي معايا بشوية مش نفس الشخص اللي أول مرة شفته وكان عصبي وديما ايعيط حتى نظرته ليا مختلفة عن قبل كل حاجة كانت غير
واخيرا بعد كملو كل حاجة وصلو لحوشهم
هاشم:فتح الباب تفضلي
غدي:كان حوش حلو ومرتب ونظيف وبالأثاث كل حاجة كانت فيه
هاشم:عجبك
غدي:ابتسمت اها مشالله حلو
هاشم:حلو باللي ساكنته
غدي:بتغير الموضوع الشناطي
هاشم:خليك تو ندخلهم متخافيش
بعدها كل واحد منهم بدل غدي كانت مقعمزة في الدار على السرير اطبق في دبشها خش عليها هاشم
هاشم:انا بنرقد برا شوية تريحي انتي هنا وكان تبي حاجة كلميني
غدي:بحتت فيه وليش ترقد برا ارقد على سريرك
هاشم:....
يتبع.....
بقلم PULSE
(BS.AM.YA)
