#مثلث_برمودا
الحلقة 11
بقلم PULSE
(Bs.Am.Ya)
مثلث برمودا كانو في السيارة
رماح:كنك لفيت
هاشم:وهوا ايسوق نسيت المحفظة
عند غدي
يوسف قعد يقرب وهيا توخر لعند خبطت في الساس كر وشاحها
يوسف:اححح شن هالجمال
غدي:ياحقير ياعديم التربية وبدت تضرب فيه
يوسف:اااه وطاح على الأرض كيف المشلول بنت انتييي ااااه
غدي:وهيا تجهد سقمت وشاحها بش اتعلم مرة أخرى متحاولش تلعب معا بنت متعلمة كراتيه ياصايع يا عديم الأخلاق حتى صحابك اللي 24 ساعة قاعدين هنا معمرة حد تجرأ ايديرلي شي بس انت وتضرب فيه أخرى مش راجل كيفهم
يوسف:ايتقلب على الأرض بوجع والله اتشوفي يا🔞
غدي:اهئ اهئ شن اندير بيه هذا توا ضروري نهرب من هنا بس وين بنمشي
كان الباب مفتوح غدي طلعت على أساس بتهرب
هاشم فتح باب السيارة ونزل وبعد خش حديقة الحوش شاف غدي طالعة
غدي:هااااشم وعدت تجري وصبت وراه ومسكت في ظهرة بخوف وقعدت تبكي
هاشم:بخوف كنك يابنت شن مطلعك
غدي:وهيا ماسكة فيه وتشهق صاحبك ههذا جا وانتو مش قاعدين وكان وكان يبي وردت تبكي
هاشم:كان أول مرة ايشوف دموعها باهي خلاص اهدي مفهمت شي من اللي جا
غدي:مش عارفة نا مش عارفة شن اسمه سيبته معزوق جوا وكنت بنهرب خش شوفة اعزقة ولا خليني نا اللي نمشي أحسن اهئ اهئ
هاشم:مسكها من يدها وين تمشي تعالي انشوف شن صاير
غدي:خش تفضل شوف صاحبكم الأمين شن كان بيدير ونا بنت بروحي
نوح:رماح
رماح:كان مشغول في فونه هممم
نوح:مش هذي سيارة يوسف؟
رماح:رفع راسه اها هيا غريبة شن جايبة من الصبح
نوح:معا المفتاح هوا
رماح:اها عندة نسخة
بعدها بحتو في بعضهم
نوح ورماح:حييي علماا غدي
ونزلو بسرعة من السيارة
بقلمي PULSE
(BS.AM.YA)
هاشم خش و وراه غدي شاف يوسف طايح على الأرض وايحاول ايصبي
يوسف:اااه والله انوريك ياحقيرة
غدي:تخبت وراه هاشم والله نوريك كان تقرب ياعيل
هاشم قرب منه وضربة بكراعة ومسكة بيد وحدة ورفعة فوق
هاشم:هذي اخرت العشم ياحيوان هذي الامانه اللي مأمنينك عليها
يوسف:وهوا يتألم بتقنعني انه محد منكم لمسها هه مديرش روحك شريف
هاشم:زاد ضربة سكر فمك ياحيوان شايفنا عيال كيفك
بعدها خش نوح ورماح شافو يوسف طايح على الأرض وهاشم نازل عليه ضرب
رماح:شن فيه شن صار
نوح:شن فيه ياهووو فهمونا
هاشم:وهوا يجهد الحقير اللي مأمنينه على كل أسرارنا كان جاي ايطيح شرف الامانه اللي عندنا حيوان عيل
رماح:خزي هذي أخرت العشم
نوح:كويسة غدي دارلك شي الكلب
غدي:هزت راسها بمعنى لا عرفت كيف ننقذ روحي
هاشم:طلعوه القرف هذا من هنا وانشالله نشوفك مخطم من هنا حتى بالكذب
يوسف:وهوا ينزف منه دم والله نقدر انشيلكم في ستين داهية نعرف عليكم كل حاجة هوا بلاغ عن مكانكم وكملو عمركم انتو والحلوة في الحبس
رماح:ضربة في بطنه وعندك عين تدوي غبي قبيتك امشي بلغ وانحبس معانا ووقتها جرب جهنم في الدنيا وفي الآخرة هيا ياروح أمك وشالة وعزقة برا عند السيارة
رماح:روح طريقك سودة وقعد ايتك في يدة ورجع للحوش
هاشم:بعصبية كنا على شوية بناخذو ذنبك خليك منطمرة في دارك مسكر عليك
غدي:بعصبية شن دخلني نا إذا هوا معاه المفتاح ونا مخلييني بلا حتى تلفون بش كان صار شي نكلمكم قاعد تهزب فيا بدال ماتحمد ربك اني عرفت نصرف
هاشم:بعصبية وصوت عالي معش تعلي صوتك الزفت
نوح صبا بيناتهم
نوح:خلاص وسع بالك ياهاشم بنت في اللاخير هذي بعدين معاها حق مفروض مسيبين معاها نقال
بعدها خش عليهم رماح
رماح:كنها أصواتكم عالية بعدها قعمز على الكنبة اااه افتكينا منه والله من يومة مش قابلة بكل بس خطرها شن درتي بعد خش عليكي كيف دافعتي عن روحك
غدي:متعلمة فنون قتالية وكراتيه للدفاع عن النفس بس متوقعتش في يوم اني نستخدمهن في الموقف هذا
نوح:انقنك بنت بمليون راجل بجد مشالله عليكي كل يوم نكتشف فيك حاجة جديدة
غدي:ابتسمت شكرا من ذوقك
رماح:بس والله يستاهل بس الكلام هذا مينفعش معانا ضروري نحتفلو وبالمناسبة هذي اليوم اديريلنا الغدا
غدي:اوففف قتلك منعرفش انطيييب انغنيها
رماح:لعند أمتى انشاء الله تبي بعد انردوك لهلك ايقولو معلموهاش حاجة مفيدة
غدي:متخافش محد بيقولك شي
