RIDE OR DIE [ hiatus ]

Episode : 11

UNICODE

အချစ်ဆိုတာမင်းနဲ့အတူသာဆို
နူးညံ့သိမ်မွေ့ပြီး သေချာပေါက်
ပြုံးရီနေနိုင်တာမျိုး။

ပြောမရဆိုမရတဲ့ဂျောင်ကုရယ်ပါ
မနေ့တစ်နေ့ကမှဆေးရုံကဆင်းလို့
အိမ်မှာဘဲသေချာ အနာအရှင်းကျက်တဲ့ထိ
အနားယူပါဆိုကာမှ
သည်းငယ်ကိုလွမ်းလို့ ငယ့်ဆီလာမယ်တဲ့လေ။

မဟုတ်သေးပါဘူး ဒဏ်ရာတစ်ခုခုဖြစ်မှာဆိုးလို့
မလာပါနဲ့ဆိုတော့ ကိုယ့်ကိုသူ့အိမ်လာတဲ့
တစ်ခုမရတစ်ခုကို လှည့်ပတ်ပြီး ဂျီကျနေတယ်။
ဆေးရုံတက်နေရတဲ့ရက်အတွင်းလဲ နေ့တိုင်းအနားမှာပြုစုပေးနေတာဘဲကို ပိုကိုပိုလွန်းနေတာ
မဟုတ်ဘူးလား??

ရုံးပိတ်ရက်ဖြစ်တာမို့ သူ့အကိုနဲ့အမရှိတာကို
ကျွန်တော့်ကိုအတင်းတွေဇွတ်ခေါ်လေတယ်။
သူကတော့ ဘာမှမဖြစ်ဘူး ငယ်ဘဲရောက်အောင်သာလာခဲ့ပါတဲ့။

အစာမာစားမရသေးတဲ့ဂျောင်ကုအတွက်
ဆန်ပြုတ်ချက်ယူသွားဖို့လိုအပ်တာတွေပြင်ဆင်ရင်း သူ့အကြောင်းပြန်တွေးမိတော့
အလိုလိုပင် မျက်နှာပေါ်မှာ အပြုံးတို့က‌ပနံသင့်စွာ
နေရာယူလေသည်။

ခရုဆန်ပြုတ်လေးချက်တိုက်ချင်ပေမဲ့
ပင်လယ်စာဖြစ်တာမို့ အခန့်မသင့်ရင်
အနာကယားယံနေဦးမယ် အဲ့တာကြောင့်
ကြက်သားဆန်ပြုတ် မွှေးမွှေးလေးဘဲ
ချက်ယူသွားဖို့ ဆုံးဖြတ်ဖြစ်ခဲ့သည်။

ကောင်းကောင်းလေးဘဲစားစေချင်သည်မို့
အင်တာနက်ပေါ်က ချက်နည်းတွေသေချာရှာကာ
စေတနာအပြည့် ပီတိအပြည့်နှင့် ချက်ပြုတ်ခဲ့
တာမို့ အရသာရှိမှာအမှန်ဘဲ...

ကျွန်တော် ဘယ်အရာအပေါ်မှနောက်ဆန်တင်း
မနေတော့ဘူး ပျော်ရွှင်နေရမဲ့အချိန်မှာ
ပျော်ရွင်ဖို့၀န်မလေးတော့ဘူး

မောင့်ကိုလဲ ဒီထပ်အများကြီး ပိုပြီး ဆက်ချစ်ပေးသွားဖို့ဘဲရှိတော့တယ်...။

မောင့်ရဲ့မြတ်နိုးရပါ‌သောသည်းငယ်💛

"မောင်~ ငါ ရောက်တော့မယ်သိလား"

‌မောင် ‌လို့ခေါ်ပြီး မင်းနဲ့ငါလို့ဘဲဆက်၍သုံးနှုန်း
နေသော ထိုကောင်လေးက ချစ်မ၀လေး။