A Forgotten Love[Completed]

A Forgotten Love-8

Unicode

//မတည်မြဲနိုင်တဲ့ ကတိတွေ//

Hawaiian Shirt,Navy blueကို ဂျင်းအဖြူ
ဖြင့်တွဲဝတ်ထားသည့် ဟယ်ရီ့ပုံစံက အတော်
လေးပင် ဆွဲဆောင်ဟန်ရှိလှသည်။
သပ်ရပ်ကြော့မော့သည့် ရိုးရှင်းပုံကြောင့်
ဟယ်ရီ့နှင့် လိုက်ဖက်ညီနေသည်။ကိုယ်လုံးပေါ်
မှန်ရှေ့၌ ဟယ်ရီရပ်ကြည့်နေဖြစ်ပြီး အနောက်
မှ ငေးကြည့်နေသည့် ပိုင်စိုးကိုလည်း လှမ်းမြင်
နေရသေးသည်။

"ဟန်နီ ဘာတွေရှိလို့ အဲ့လောက်ထိပြင်ဆင်နေ
ရတာလဲ..ထူးထူးဆန်းဆန်းတွေ"

"အဲဒီ့ထူးထူးဆန်းဆန်းက မင်းလေ၊ငါက အမြဲ
တမ်း ဒီလိုပဲကို"

ဟယ်ရီက ရေမွှေးကို ဖျန်းဆွတ်နေ​၏။
သဘာဝဆန်လှသည့် အနံ့တွေက အီစူးစူးအနံ့လည်း မဟုတ်သလို၊စိတ်ကိုလည်း ပေါ့ပါးလန်းဆန်းသွားသလိုနှယ် ခံစား​ရစေသည်။ပိုင်စိုး မနေနိုင်တော့ဘဲ ကုတင်ပေါ်မှဆင်းလာခဲ့သည်။ဖတ်လက်စ စာအုပ် ကိုလည်း ပစ်ချထားမိခဲ့သေးသည်။

"ငါ..မင်းကိုနမ်းချင်တယ် ဟယ်ရီ"

"အင်း..ခဏပဲရမယ်နော်"

ဟယ်ရီ့ဆီမှ ခွင့်ပြုလာပြီဆိုသည်နှင့် ပိုင်စိုးက
ဟယ်ရီ့နှုတ်ခမ်းသားတို့ကို တပ်မက်စွာ နမ်း
စပြုလာ​၏။လျှာဖျားဖြင့် နှုတ်ခမ်းသားတို့ကိုပင်
ထိတွေ့ရင်း အနည်းငယ်ပွင့်ဟလာသည့် ဟယ်ရီ့
နှုတ်ခမ်းဖျား​၏အတွင်းဘက်သို့ကျူးကျော်လာ
ပြန်သည်။ပိုင်စိုးက နိုင်နင်းစွာ၊ကျွမ်းကျင်စွာပင် ဟယ်ရီ့အား ချီမလိုက်သည်။အနမ်းတွေကို ရပ်ပစ် လိုက်ပြီး ဟယ်ရီ့မျက်ဝန်းတွေဆီသို့ ရီဝေစွာ
ငေးစိုက်ကြည့်နေပြန်တော့သည်။

"မင်း နှုတ်ခမ်းတွေက အမြဲတမ်း ချိုမြနေတာ
Honeyလိုပဲ။ကိုယ်တော့ တကယ်ကြိုက်တယ်"

"ဒါဆိုလည်း အောက်ကိုချပေးတော့၊အလုပ်
နောက်ကျလိမ့်မယ်"

"ခဏလေးပါ ဟန်နီရာ..မင်းကို ဒီလိုလေး
ပွေ့ချီပြီးဖက်ထားချင်လို့။ဒီနေ့ အိမ်မှာပဲ
အလုပ်လုပ်မှာဆိုတော့ နေ့လယ်ကျရင် ဖုန်းဆက်"

"အင်းပါ၊လွှတ်ပေးတော့ အင်္ကျီတွေတွန့်ကြေ
ကုန်တော့မယ်"

ပိုင်စိုးက ဟယ်ရီ့ပါးကို အားပါးတရနမ်းပြီးမှ
လွှတ်ပေးသည်။ဟယ်ရီ့အလုပ်အိတ်ကို ကိုင်
ထားပေးပြီး အိပ်ခန်းထဲမှ ထွက်လာဖြစ်ကြ​၏။ထမင်းစားခန်းထဲကိုသွားပြီး ဟယ်ရီကဖျော်ထား
သည့် Lemon Teaကို ရေခဲသေတ္တာထဲမှ ထုတ်သောက်နေသည်။ပိုင်စိုးကမူ ဟယ်ရီ့အနောက်မှ
တကောက်ကောက် လိုက်နေသည်။ဖုန်းကိုပင် စားပွဲပေါ်သို့တင်ကာ အလျင်စလို ပြန်ထွက်သွားမည်လည်းပြုပြန်​၏။