A Forgotten Love[Completed]

A Forgotten Love-39

Unicode

//ပစ်ပယ်ခံရခြင်းကနေ ဟန်နီလွတ်မြောက်ခဲ့
ပါတယ်။ကိုယ်ကတော့ အပြစ်ဒဏ်တွေထဲမှာ
ချောင်ပိတ်ခံထားရဆဲ..//

ခဲစိမ်းရောင်ဖဲသားရှပ်အား အနက်ရောင်Casual Pantsဖြင့် တွဲဖက်ဝတ်ဆင်ထားသော ဟယ်ရီ
သည် ပြေပြစ်သောရုပ်ရည်ရှိ၏။ခါတိုင်းများက
လိုသာ ဆံပင်ကိုလည်း တစ်ဝက်မျှသာစုစည်းထားသည်။လက်ထံ၌ accessories ring များနှင့်လည်း
ဖြစ်သည့်အလျောက် ခပ်မျှင်မျှင်သာရှိသော လက်စွပ်ကွင်းများပေါ် ခရမ်းစွဲကျောက်ပွင့်တို့မှာ
မူ ဆန်းသစ်သောဒီဇိုင်းမျိုးဖြင့် တန်ဆာဆင်ခြင်း
ကိုပင် ခံထားကြရသည်။

လက်ကောက်ဝတ်၌တွင်လည်း accessories
များက မပါမဖြစ်ပင်။Braceletများဝတ်ရခြင်းကိုတော့ ဟယ်ရီကအနှစ်သက်ဆုံးဖြစ်သည်။

"ပိုင် ငါဝင်လာမယ်နော်"

"ရတယ်ဟယ်ရီ ဝင်လာခဲ့လေ၊ကိုယ်လော့ချမထားဘူး"

ပိုင်​၏အခန်းတံခါးသို့ သုံးချက်ခေါက်ကာ ဟယ်ရီက အသံပေးလျက်ဝင်လာရသည်။အခန်းထဲသို့
ရောက်တော့ ပိုင်သည်လည်း အပြင်သွားရန်
ပြင်ဆင်နေပြီးပြီပင်။Rockyတို့ကို သွားတွေ့ဖို့ရာ
ပိုင်က သူကိုယ်တိုင်လိုက်ပို့ပေးချင်သည်ဟုသာ
တောင်းဆိုခဲ့၍ ဟယ်ရီလည်း မငြင်းရက်ခဲ့ပါ။

အုတ်ကျိုးရောင်ရှပ်နှင့်ဖြစ်သောပိုင်က ဝတ်နေကျအတိုင်း ဂျင်းအနက်ဖြင့်တွဲဝတ်လို့ထားသည်။

ပိုင်က ဟယ်ရီ့ကိုရယ်ပြလိုက်ရင်း ရေမွှေးကိုလည်းဆွတ်လိုက်သည်။ပိုင့်လက်ထဲမှ ရေမွှေးပုလင်းကို
ပင် ဟယ်ရီသည် နှစ်ခါပြန်ကြည့်စရာပင်မလိုချေ။CHANELတံဆိပ် COCO Noir,အနက်ရောင် ရေမွှေးပုလင်း။ပိုင့်အတွက် ဟယ်ရီလက်ဆောင်ပို့ပေးခဲ့သည့် ရေမွှေးသာဖြစ်နေသည်။

"သားရော စိုးစံဆီမှာလား"

"ကောက်ကောက်လေးက မေမေတို့ဆီမှာ။
ဒီည သူ့မေဘွားတို့နဲ့ အိပ်မလို့တဲ့"

"ငါ့ကို လိုက်ပို့ပြီးတာနဲ့ အိမ်ပြန်လိုက်။
မနက်ဖြန် Jakeတို့ ရောက်လိမ့်မယ်။အဲ့တာ
တိုက်ခန်းမှာပဲ သွားနေတော့မလို့"