فلتغفري عن انتقامي

بارت ٥

💠 ستعيشون لتروا أشياءً مرعبة من صنع الإنسان، أشياء تتخطّى قدرتكم على الاستيعاب✨

ظلت ميرا تركض خلف السياره بأقصي سرعه و هي تلهث انفاسها و تطلق صرخات عاليه وسط بكائها مناديا بأبنها سقطت علي ركبتيها حين اختفت السياره من امام عينيها لتقع ارضا مغشيا عليها التفت حولها مجموعه من الناس و اقتربت منها احدي السيدات لأفقاتها سكبت الماء علي وجهها حتي بدءت تستعيد وعيها فتحت ميرا عينيها ببطأ و قامت بسرعه رغم شعورها بالدوار و انفجرت في بكاء هستيري وهي تشير علي اثر السياره : ابني اتخطف.. خدو مني

السيده وهي تحاول تهدئتها: انتي لازم تبلغي البوليس لو تعرفيهم... عشان تلحقي ابنك

انهارت دموعها اكثر وهي تقول بصوت مبحوح تخرجه بصعوبه اثر انجراح حنجراتها من الصراخ: معرفش حد.. انا عايزه ابني رجعولي تيام
تابعت كلامها وهي تبتعد عنها و لسانها لا ينطق إلا اسم ابنها... امسكت هاتفها و اتصلت ب عمر فأجاب بغضب: ايه ميرا اتاخرتي ليه المأذون وصل

ميرا بين شهقاتها و صوت مهزوز: خطفو تيام يا عمر الحقني

عمر بصدمه: ايييه اتخطف... ابعتي العنوان انا جايلك

اعطت له العنوان ثم اغلقت الخط لتستمر في النحيب و البكاء
❤️❤️❤️
جلس أكرم في مكتبه يفرك يديه بعصبيه و الاحداث تتصارع في عقله حتي كادت ان تنفجر احقا اصبحت اب؟ لماذا وافقت ان تحمل بداخلها طفل سيربطها بي مدي الحياه؟ ليتابع بسخريه مؤكد انها تريد الدفاع عن نفسها امام الجميع... لكن لماذا لم تخبرني بذلك؟ هل تظن انني

اخرجه من شروده فجاه صوت طرقات علي باب مكتبه ثم دخول هذه المرأه السيدوه تقدمت اليه جيلان و هتفت بضيق: ايه اللي رجعك تاني

وضع ساق فوق اخري و هتف بكبرياء: و انتي مالك راجع قصري ولا فاكراني هسيبك في العسل كتير

نظرت له بغضب و هتفت وهي تلوي شفتيها: ما هو نزولك ده مش بيجي غير بشره ناوي علي ايه بقي

قام أكرم و توجه اليه و هتف بأشمئزاز وهو يمرر نظره عليها من اسفل لأعلي: ناوي انضف البيت من الأرف و القذاره..... هو انتي فاكره لما توافقي علي صفقه موسي..... مش هعرف

تراجعت خطوه للخلف بتوتر و هتفت بشجاعه مصتنعه: انا ماليش علاقه بها.. اسأل عمر هو اللي مسئول ايه علاقتي انا

أكرم بأبتسامه ساخره: ايه علاقتك!! ده علي اساس انتي مش مسيطره علي الشركه و عمر ده مجرد امضاء... انا مش نايم علي ودني و اعرف افركش كل حاجة امتي و ازاي ف متفرحيش اوي انتي وهو

نظرت له جيلان نظره لا يفهمها غيرهم و هتفت بتحدي و مكر: و انا كمان اعرف امتي و ازاي افجر كل اللي عندي يا اكرم باشا متنساش

اطلق اكرم ضحك عاليه وهو يقول بسخريه و توعد: و انا مش بتهدد يا جيلان هانم انتي متقدريش تعملي حاجة لانك عارفه انا عندي ايه ممكن يدمرك.. ف احمدي ربنا ان م أعدك في القصر و مأكرمك علي الاخر عشان عمر بس