فلتغفري عن انتقامي

بارت ٤

وقفنا في الفصل اللي فات لما ميرا اتصلت ب عمر و اخبرته موافقتها علي الزواج منه

ارتسمت ابتسامه انتصار علي وجهه قائلا بمكر :كنت واثق انك مش هتسيبي حقك... بكرا تعدي عليا في الشركه و نكتب كتابنا

ميرا برفض: بلاش الشركه يا عمر انا مش حابه نكتب هناك و حد يشوفنا

عمر بتعجب: طب ليه يا ميرا ما هما اكيد هيعرفوا

— لا ده مش اتفقنا قولتلك لما اكرم يرجع وقتها نقول..... كمان انا هقابلك بعد م اخلص شغلي

تنهد و قال وهو يجز علي اسنانه: اوك اللي يريحك بس انا عايزك تطمني ان مش هيبقي في حد خالص في الوقت اللي هتيجي فيه

ميرا بضعف: لو كده هجيلك الشركه.... باي ثم اغلقت الخط دقائق و سمعت طرقات علي الباب انتفضت من مكانها بخوف فلا احد يعرف مكانها وضعت ابنها علي الاريكه و ارتدت حجابها ثم سارت نحو الباب... ثواني و فتحت لتتنهد بأرتياح حين رات تلك الفتاه لتهتف: خضتيني يا رحمه

دفعتها رحمه بخفه في كتفها لتبعدها عن طريقها و تدخل قائله: هو حد عارف مكانك غيري

ميرا بمراره : لا بس انا اللي بخاف من الهوا... ادخلي

جلسا علي الاريكه و هتفت رحمه بأسف و حزن: البيت وحش من غيركو اوي يا ميرا.. انا اسفه ان زعلتك بس من غير قصد والله.. عايزاكي ترجعي معايا

ربتت ميرا علي يدها و هتفت بصدق:انا مش زعلانه منك يا رحمه... انا مكنتش هعد عندكو علطول كان هيجي وقت و همشي فا م صدقت ربنا كرمني و خدت الخطوه ده يعني مش انتي السبب

رحمه بعبوس: طب انا اعمل ايه اتعودت عليكي انتي و تيمو مش طايقه البيت من غيركو

ضحكت ميرا قائله ببساطه: معلش ده مسأله وقت و هتتعودي و كمان اي وقت تحبي تشوفينا تعالي دايما هستناكي

ابتسمت رحمه و احتضنتها قائله: انتي طيبه اوي يا ميرا ربنا يعوضك خير عن كل وحش شوفتي
ثم تابعت بتعجب: نفسي بس اعرف مين اللي كسرك كده

امتلأت عيونها بالدموع و هتفت بالم و صوت مختنق: كل اللي كانوا قريبين مني كسروني خذلوني اوي يا رحمه.... كنت فاكره انهم بيحبوني لكن لا حياتي اتدمرت علي ايده

رحمه بتساؤل: حد كان غصبك تتجوزيه يعني

ميرا بحسره و ندم: للأسف كان اختياري.. كنت بدرس و بشتغل بكندا .. اول مره قابلته كان في كافيه كنت اعده مع صاحبتي او بالأصح مريضه نفسيه بتحكيلي مشاكلها لان كنت اخصائيه نفسيه... وقتها شافني هو كان في الترابيزه اللي جمبي و سمعني و انا بتكلم...معرفش عرف مكاني ازاي بعدها بفتره جالي العياده لأسباب كتير مش هقدر اقولها

ثم تابعت بألم و شلالات من الدموع علي وجهها: بقي يجيلي كتير اوي بقنا نتكلم و نتقابل لحد ما في يوم