فلتغفري عن انتقامي

حلقه ٣٦

فتحت ميرا باب غرفته لتشهق بصدمه و غضب حين رأت الممرضه تقترب منه و تقبله اشتعلت النيران بجسدها لتجري عليه وهي تصرخ بغضب: ايه اللي بتعملي ده يا سافله

اتفزعت الممرضه بخوف و توتر عندما رأت ميرا لتردف بتوتر باللغه الالمانيه : انا كنت بطمئن عليه و بهنئه على الشفاء

تعالت صوت ميرا اكثر بعصبيه شديده و عنف: انتي بتقولي ايه انا مش فاهمه حاجة.... اطلعي بره انا هقدم فيكي تقرير

كانت الفتاه لم تفهمها فميرا تتحدث عربي غير مدركه لنفسها
فتح اكرم عينيه ببطء نتيجة ثقل رأسه اثر المخدر ليردف بإستنكار: في ايه

اقتربت ميرا منه بغضب شديد وهي تشير علي البنت: فوق يا باشمهندس الهانم دخلت لقيتها بتبوسك... طبعا ما انت عودتها على كده

نظر اكرم للممرضه بغضب شديد وهو يشير لها على الباب: اخرجي من هنا

الممرضه بجراءه: انا لم افعل سوي تهنئتي لك على نجاح العمليه

قالت ذلك ثم خرجت لتردف ميرا بأنفعال و حرقه : طردتها ليه خليها تكمل مباركه و اخرج انا

ضحك اكرم ليردف ببساطه: ممكن تهدي بغض النظر ان ده عندهم عادي جدا بس انا هبلغ عنها الاداره

استفزها اكرم اكثر لتشتعل غضبها بعنف و انفعال: تبلغ عن واحده انت اللي شجعتها تتعامل معاك كدا ما هي مش هتعمل كدا من نفسها

اعتدل اكرم في جلسته بتعب و هتف بغضب : شجعت مين ما انتي شايفاني و انا متنيل نايم عملت ايه انا بقي

نظرت له بأحتقار وهي تقول بتهكم: انت فاكر ان الضحك و الهزار دول هيدخلو عليا... انت استغليت غيابي و اني مش فاهمه لغتهم و عيشت حياتك انت و هي

انفعل اكرم بغضب و زعيق: احترمي نفسك انا معملتش حاجة و اتفاجأت بتصرفها زيك

ميرا بسخريه و نظرات كره: عملت او لا متفرقش معايا روح كمل براحتك و اعتبرني مش موجوده

دخل عمر و سيليا ليردف عمر بقلق : في ايه صوتكوا جايب لبره

نظرت ميرا بجمود و حده الي سيليا و قالت : سيليا اعدي انتي مع اخوكي لان ماشيه

أكرم بلهفه و دفاع عن نفسه بصدق: ميرا اقسم بالله ما اخدتها عليا ولا شجعتها على كدا يعني انا فيا حيل للكلام ده

التفتت له و نظرت له بغضب و عدم اكتراث : يابني انت حر في تصرفاتك تحب أناديها تكمل اللي كانت بتعمله عشان اعرفك انك متهمنيش

انقبضت عينيه بغضب جامح : الله يا يخربيت الزفت دماغك.... افهمك ازاي يعني و انتي غبيه

عمر بإستنكار : فى ايه يا جماعه اهدوا ما انتو كنتو كويسين

ميرا بسخريه و أسى : ده واحد ميستهلش اكون كويسه معاه

صرخ اكرم بأنفعال و ضجر: عمر قفل حساب المستشفى و أجر فيلا نعد فيها