فلتغفري عن انتقامي

حلقه ١٦

في ساحه المحكمه تقف ميرا مع المحامي و أخيها تنتظر معاد جلستها و قدوم اكرم لتردف بقلق وهي تنظر لساعتها : انا خايفه جدا اكرم ميجيش اتأخر اوي

إيهاب بلا مبالاه: مش مهم اعتقد مش هيفرق وجوده كتير

ما إلا ثواني حتى رأوا اكرم يصعد الدرج بشموخ و كبرياء و حوله أكثر من محامي توجه إليها و علامات الغضب تقتحم وجهه خلعت نظارته الشمسيه لتتلاقي بعيونه القاتله فهتف اكرم بغضب : انتي ازاي تجيبي الولد معاكي المحكمه اتهبلتي

إيهاب بحده: احترم نفسك و انت بتكلمها

ميرا بشجاعه: ده حاجة متخصكش.. بجد مش مصدقه ان هطلق منك كمان دقايق

أطلق اكرم ضحكه عاليه وهو يضع يديه في بنطاله ويقول بسخريه : واضح ان المحامي بتاعك جاهل و فاهمك القانون غلط ... من رأيي ترجعي بيتك بدل الكسفه اللي هتاخديها

اغتاظت ميرا و هتفت يإستفزاز وهي تجز على اسنانها: الكسفه ده انت اللي هتاخدها متقلقش و انصحك قبل ما تدخل هات شوال مناديل.. عشان تلحق تمسح العرق لما يأمرك القاضي بطلاقي

لم تختفي ابتسامته الساخره و الخبيثه لها رمقها بنظرات تحدي قبل أن يتوجة إلى القاعه التفتت ميرا بغضب للمحامي و قالت : يعني ايه الكلام اللي بيقولوا ده

المحامي : مش شرط يحكم بالطلاق من اول مره

شهقت ميرا بصدمه: ازاي امال انت بتعمل ايه معايا بقولك ايه تنزل تطلع تطلقني انهارده

دخلوا إلى قاعه المحكمه و بعد مده لا تقل عن نصف ساعه خرج الجميع ما بين فرحه الانتصار و الغضب الذي كاد يفتك بمن حولها كانت ميرا تسير بخطوات عصبيه و كل علامات الغضب تمتلأ وجهها لتصيح بعنف للمحامي : انت ازاي متصرفتش زي ما قولتلك
... ليه القاضي محكمش بالطلاق

المحامي : يا فندم مينفعش من اول مره و خصوصا لو في أطفال... لذلك القاضي حكم بجلستين صلح و لو محصلش هيتم الطلاق

ميرا بغل وهي تزم على شفتيها: كان المفروض تفهمه أن مفيش داعي للصلح و عايزه أطلق

تحبي اجبلك شوال المناديل يا حبيبتي.. ولا انتي عايزه مصنع بحاله قالها اكرم بإبتسامه انتصار على وجهه و استفزاز

استدارت له ميرا و وجهها ينقبض من شده الغيظ و الغضب لتقول ببرود مزيف: لا خليهولك هتحتاجة بعد جلستين

مد يده و اخذ منها ابنه قبله و همس بخبث: قول لماما تعقل لأن وجودي في المحكمه مش ببساطه كده

ميرا بنظره تحدي وقوه: هتشوف يا أكرم ان مش انا اللي بيتلوي دراعي
ثم أخذت ابنها و سارت إلى السياره ركب الاثنان و انطلق ايهاب إلى البيت وهو يقول : هوصلك و همشي عايزه حاجة

ميرا بتعجب: رايح فين

إيهاب : هقابل صحابي.. ممكن تهدي بقا هما جلستين و تخلصي