فلتغفري عن انتقامي

حلقه ١٥

أغلق ايهاب الهاتف لتردف بخوف: في ايه يا ايهاب

نهض ايهاب وهو يقول بتوتر : ماما جالها جلطه 

صرخت ميرا بصدمه : يلا بسرعه

إيهاب : هتيجي معايا

— ايوه طبعا يلا حملت ابنها و خرجوا بعد فتره  وصلا إلى المسشفي، اتجهوا إلى الذين يجلسان امام الغرفه ليردف ايهاب بخوف:  ايه اللي حصل
يا هشام

هشام: انهارت اول م ميرا مشيت و اغمي عليها و دخلت العنايه دلوقتي

انفجرت ميرا في البكاء وهي تقول: يارب استر طب هتخرج امتي

رافت:  لسه الدكتور مخرجش

انتظروا أكثر من ساعتين أمام غرفه العنايه وهي تبكي بشده و ندم : انا السبب ي ايهاب بس غصب عني هما وصلوني لكده

إيهاب بدموع وهو يربت على كتفها : ادعيلها ربنا يرجعها بالسلامه

في هذه اللحظه خرج الطبيب ليجروا عليه بلهفه فقال : جلطه و لحقناها الحمدلله

ميرا بدعاء : الحمدلله طب انا ينفع ادخلها

الدكتور : لا هي لسه تحت الاجهزه لأن السكر عالي جدا

ميرا برجاء : هشوفها بس و اخرج

الدكتور : ماشي بسرعه بس

التفتت ميرا لإيهاب و قالت وهي تعطيه ابنها: خلي تيمو معاك بعد اذنك متدهوش لأي حد

هز رأسه بإيماء، دلفت ميرا العنايه لترى امها معلقه بالاجهزه بكت بشده  اقتربت منها و امسكت يدها قبلتها بلهفه و ندم: اسفه ي ماما

فتحت أسماء عينيها بتعب قائله بذهول:  ميراا انتي هنا انا  اسفه يا بنتي و

قاطعتها ميرا بسرعه : شش متكلميش  انا عايزاكي تقومي بخير الاول

اسماء بخفوت وسط دموعها: لو خفيت هتسبيني تاني سامحيني لو مت

ميرا بخوف : بعد الشر عليكي يا ماما متقوليش كده

—  وحشتيني اوي يا نور عيني

ميرا بأبتسامه صادقه : خفي عشان تشوفي حفيدك

اسماء بدموع : بجد هشوفه كتر خيرك يا بنتي حقك عليا، ابوس ايدك متحرمنيش منك

ميرا بتفهم : نتكلم  في اي حاجة بعدين المهم انتي دلوقتي

— لا المهم ان شوفتك يا روحي قبل ربنا م يتولاني

ميرا بلهفه وهي تقبل يدها : لا بعد الشر و حياتي بلاش الكلام ده انتي هتبقي احسن... انا لازم امشي و بكرا هجيلك

اسماء بخوف :  لا بلاش لو مشيتي مش هترجعي تاني

— والله و حياه تيمو هرجع ي حبيبتي ثم قبلت راسها و خرجت