فلتغفري عن انتقامي

حلقه ٣٧

صدمه أحاطت بعقلها و قلبها التي تشعر بنبضاته السريعه لتردف ميرا بدموع و عدم تصديق : حامل
ازاي ده مستحيل يحصل.... انتي اكيد غلطانه

الطبيبه بتعجب : انا متأكده من كلامي لان عملتلك سونار... ليه بقى بتقولي مستحيل

ميرا وهي تخرج لها شئ من حقيبتها: عشان باخد الدوا ده

نظرت الطبيبه في العلاج التي أعطته لها ميرا ثم قالت بدهشه : مين قالك ان ده هيمنع الحمل.. ده مسكن

ضيقت ميرا عينيها بصدمه : مسكن ازاي انا اشتريته من صيدليه في ألمانيا و مأكدلي انه ده برشام حمل

— اكيد اتبدل مع دوا تاني معاكي او انتي فهمتي غلط.. لكن ده مسكن و ضعيف كمان

بكت ميرا بشده وهي تحاول استيعاب ما تسمعه الآن : مين بيعمل فيا كدا... اقول ايه لإيهاب

الدكتوره بشفقه: لو جوزك عنده اعتراض على الحمل انا ممكن اكلمه أفهمه الوضع

نهضت ميرا و نظرت لها بدموع منهمره و عيون تائه ثم حملت اشيائها و خرجت من المشفى وهي تائه تبكي فقط كلما تخيلت رد فعل أخيها فهي لا تريد ذلك الطفل ايضا لكن كيف ستفهمه ذلك

ركبت سيارتها و انطلق السائق بها إلى مكان عمل ايهاب... فتره قصيره و وصلت ميرا الي شركه الادويه التي يعمل بها... صعدت الي الطابق العلوي و اتجهت الي مكتبه

وقفت امام الباب بخوف شديد و جسد مرتجف من مواجهته التي تعلم مدى صعوبتها
اخذت نفس عميق و طرقت الباب ثم دخلت لتلقي عليه التحيه

تفاجأ بها ايهاب ليقوم بلهفه و قلق و يتجة اليها : ميرا ايه اللي جابك هنا.. انتي كويسه

لم تجيب فقط تنظر له بدموعها التي تنزل بحراره على وجهها ليرتعب ايهاب و يردف بغضب : مالك الزفت ده عملك ايه تاني... هو فاضل اسبوع واحد و هتخلصي منه نهائي، استحملي اليومين دول بس و

قاطعته ميرا بصوتها المختنق من الدموع و الخوف : انا حامل

انقبضت ملامحه بتفاصيل و ازدادت انفاسه الخارقه وهو يخترفها بنظراته التي لا توحي بالخير : حامل يعني ايه..... يعني يا ميرا....  انتي بتلعبي بيا بقاااا

ميرا بدموع وهي تحرك راسها برفض: لا والله انا اتفاجأت زيك... مكنتش عامله حسابي انه يحصل

صاح ايهاب بغضب شديد و عنف : انتي تصرفاتك كلها عكس كلامك كفايه بقي دوختيني... يوم انا عايزه اكرم بحبه يا إيهاب.... و يوم لا انا مبكرهش حد اد اكرم طلقني منه... لا انا بحبه و هكمل َََ... لا انا مش هكمل ده بيضربني الحقني يا إيهاب و خلي يطلقني .... كل ده و انا بجري وراكي من مكان للتاني زي الكلب اللي بتمشي على هواكي

ميرا بدموع و ضعف : انا والله ما عارفه انا عايزه ايه مبقتش فاهمه نفسي.... انت الوحيد اللي بتفهني قولي انا عايزه ايه