فلتغفري عن انتقامي

حلقه ٣٤

تنفست ميرا بهدوء و وضعت ابنها النائم في عربه صغيره و قامت لتكون في مواجهته وهي تنظر له بشذر و كره : اخيرا ظهرت بقالك اسبوع مختفي او بالأصح هربان

اكمل زاهر حديثه متجاهلا كلامها لكي يصل لهدفه وهو يتحدث بلؤم كالحيه : كل دمعه هتنزل منها هتكون نقطه شر بتتبني ليكي في خزنته لحد ما يتعافى خالص و يبدأ رحله انتقامه و المرادي اقوي من اللي قبلها

أطلقت ميرا ضحكه ساخره عاليه و قالت بحنق و احتقار:المشكله يا زاهر انك مبتحبنيش كنت هقول يا حرام الغيره بتحرقه عشان شايفني معاه.. بس انت كل اللي وجعك كرامتك ان ازاي سامحت اكرم على كارثته و مسامحتكش على غلطك البسيط

غلت الدماء بعروقه و هتف بغضب و شراسه : انتي اللي تقوليلي اشمعنا يا ميرا ما انا اعتذرتلك زيه ميه مره و قولتلك اني معترف بغلطي رغم اني وقتها مكنتش اعرف انك بتحبيني

زفرت ميرا بضجر و اختناق : عشان اخلص من الحوار المتخلف ده انا محبتكش و قولتلك كدا من قبل ما اسافر و اقابل حتى اكرم... فببساطه جدا لو كنت فعلا بحبك اكيد كنت هسمعك و اديك فرصه

زاهر بعيون تخترقها بعنف و شر : لا مكنتيش هتعملي كدا بردو لان كبريائك هيمنعك لكن مع اكرم معرفش هو ماسك عليكي ايه مخليكي بتنزلي من نفسك اوي كدا

ابتسمت ميرا ابتسامه بارده وهي تتحدث بثقه : جوزي و بحبه اقلل بقي من نفسي او أعليها ده شئ يخصني انا مخدتش رايك في حياتي

زاهر بخبث و نظراته الشر التي تتقسم على ملامحه: جوزك اللي بدافعي عنه ده هو اللي بيخططلك دلوقتي على الهادي و مستحمل اي معامله منك لحد ما يشد نفسه و يرجع لقوته وقتها هينسيكي اسمك بس قبلها هيمحي ابنك من حياتك

اتسعت عيناها بصدمة وازدادت ضربات قلبها بخوف و ألقت بنظرها على ابنها بذعر ثم عادت تنظر له وهي تحاول تصنع الشجاعه و رفض كلامه : انت شيطان عمري ما تخيلت انك تطلع بالقذاره ده و اكرم بكل اللي عمله ميجيش نقطه فيك.... و بقولك اهو يا زاهر انا حره اعيش م

قاطعها زاهر بصوت عالي ضخم وهو يصيح بها بمكر : عارفه الفرق ايه بيني و بينه اني انا بحبك بجد و بحاول طول الوقت امنعك من الحاجات اللي ممكن تأذيكي حتى لما بعتلك الناس كان نيتي تنزلي الطفل عشان اقدر ارجعك وسطنا... تطلقي منه و نتجوز و هخليكي تعيشي بأمان مع ابنك

صاحت ميرا بغضب و عنف : هي الحيوانات بقت بتتجوز البني ادمين و انا مش عارفه

قاطع زاهر بصراخ و وهو يحدق بها بغضب: احترمي نفسك يا ميرا

انفعلت ميرا بقوه و غضب وهي تشير له بتحذير : احترم انت اللي باقي من رجولتك بدل ما امحيها خاالص... كل اللي انت بتعمله ده عشان تضمن حقك في الشركه و اني بابا ميطردكش... ياخي غور بكل حاجة و ابعد عني لأما هطلع كل السواد اللي شوفته فيك