اماندا(فتحت الصفحة الاولى وطوالي قفلتو):لالالا اماندا م تفتحيهو..ياخ لكن شكلو مغري..(ختتو جنبها وبقت تعاين ليهو تاني شالتو وعايزة تفتحو) ياخ الله يلعن الفضول اماندا دي خصوصيات م مفروض تفتحيهو.
حازم:كنت متاكد جيتك للحديقة دي ما ح تمر على خير خلاص الجن ركبك وبقيتي تتكلمي براك؟
اماندا بغيظ:ركز في شغلك ي ولد.
شالت الدفتر وبقت تعاين ليهو مسااافة في الاخر قررت تسال الطاهر منو مشت ليهو لقتو برش في الاشجار.
اماندا:عمو عايزة اسالك.
الطاهر:قولي ي بتي.
اماندا:الدفتر دا حقك؟
الطاهر(شالو في يدو):لالا والله اول مرة اشوفو.
اماندا:طيب اولادك؟
الطاهر:دقايق اسالهم.
شال الدفتر ودخل مسااافة حتى جا راجع.
الطاهر:لا ما حق زول فيهم.
م عرفت تعمل شنو ختتو في مكانو وبقت تشتغل مع حازم.
اماندا:تعبت ح ارتاح شوية.
حازم:اوك انا بتم الباقي.
مشت على الكرسي وبقت تعاين للدفتر وهو مجدوع جنبها..جا حاج الطاهر ماري قدامها.
اماندا:حاج الطاهر معليش عايزة اسالك تاني.
الطاهر:اتفضلي طوالي.
اماندا:انت متاكد انو الحديقة دي ماف زول بجيها؟
الطاهر:ايي.
اماندا(بقت محتارة الدفتر دا دخل كيف).
الطاهر:ايوا صاح اتزكرت قبل كم يوم كدا كنت في البيت جوا وسمعت كركبة من الحديقة لمن طلعت لقيت زول طالع منها.
اماندا:هناي انسان؟
الطاهر:انتي لسة شاكة في موضوع الشياطين دا؟
اماندا:لا خلاص انسى.
مشى تم باقي شغلو وهي لسة بتعاين للدفتر م عرفت تعمل شنو قرت الاسم تاني "مفستورما" حست بيهو غريب شديد ياربي يكون اسم واحد من الشياطين؟ الاسم شداها شديد تعرف فيهو شنو واتاكدت انو الزول الجا الحديقة دا هو الختاهو او يمكن نساهو ف لازم تعرف الدفتر دا فيهو شنو عشان توصل ليهو وترجعو دا غير الفضول الخلاها تشيلو من مكانو وتفتحو....
عند غياب الاعمدة على ماذا المنزل يتكئ؟ وعند غيابك انتي في حضن من اختبئ؟
حازم(قاطع قرايتها):اماندا!
اماندا:اووف ياخ حتى م بديت!
حازم:م بديتي شنو؟
اماندا:ولا شي عايز شنو انت؟
حازم:المغرب قرب ياذن يلا نرجع ونتم باقي الشغل بكرا.
اماندا:طيب.
طلعت اللبس البتنضف بيهو وشالت الدفتر ودخلتو في شنطتها وطلعت معاهو ركبو العربية..
حازم:مالك الليلة انتي؟
اماندا:مالي؟
حازم:فاهماني انتي.
اماندا:ماف شي والله.
حازم:بعرفك انا لمن تكزبي.
اماندا(سكتت).
حازم:موضوع حسن؟
اماندا:اممم ايي.
حازم:بطلي تتحشري في مواضيع الناس وركزي في حياتك😗.
اماندا:حياتي مافيها شي يركزو فيهو.
حازم:شوفي كويس😉.
اماندا:اسكت مني انت وكلامك الغريب دا (ورقدت على الكرسي).
وصلت البيت لقاها نايمة اتاملها مسافة حتى صحاها.
حازم:قومي ي شافعة قاعدة في بيت ابوك انتي؟
اماندا:ايمن اسكت وخليني انوم.
حازم:ايمن في عينك ي بت قومي.
اماندا(فتحت عيونها):واي دا انت؟
حازم:لا جنك.
اماندا:قد من وشي ي شافع.
حازم:انتي المفروض تقدي😗.
اماندا:اي صاح خلاص اقطع وشك.
دخلت البيت وبدون م تتفاهم مع زول طوالي نامت بهدومها من تعب الليلة.
الصباح مشت على الجامعة وكانت محاضراتها كتيرة حتى م لقت وقت عشان تنق ل حسن..بعد خلصت طوالي طلعو لقو حازم منتظرهم ركبو العربية.
حازم:ح نمشي على الحديقة؟
اماندا:م قادرة هسي تعبانة شديد اليوم كان طويل برتاح وبعدين تعال سوقني.
حازم:خلاص اوك.
اماندا:معليش متعباك معاي.
متاب:قلت ليك طلعي الموضوع من راسك.
اماندا:انتي اسكتي😗.
حازم:لاحوووللل اماندا الليلة اتكلمت معاي ب احترام وكمان معاها معليش تعبتك معاي (وهو بهبش راسها) حبيبة انتي محمومة؟ ولا تكون الحديقة دي فيها حاجة اثرت عليك؟😍
اماندا:انت عارف اول شي انت م بتستاهل تاني شي بجاملك ساي عشان تجيب لي شكلاتات تاني انت قايل شنو؟
حازم:اي قولي كدا لاني صراحة خفت يكون حصل ليك شي🤭.
وصلو متاب وبعدها مشو على بيتها نزلت من العربية وكانت داخلة على البيت لقت حسن..
حسن:انتي؟
اماندا:اقتنعت تحكي لي ولا شنو كلمتك قلت ليك ح تجيني براك.
حسن:اجيك شنو انتي ساكاني؟
اماندا:انت قايل م عندي شغلة غيرك؟
حسن:اصلا واضح م عندك!
اماندا:صاح والله م عندي.
حسن:يعني بالجد مشيتي وراي؟
اماندا:عان دا هوي م مشيت وراك ولا شي دا بيتنا.
حسن:دقيقة..يعني نحنا جيران؟
اماندا:شفت القدر كيف براهو بجيبك ل عندي يعني م عندك حل غيري😗.
حسن:قدر قلتي لي ي بت امشي احضري هندي بعيد مني🥴.
اماندا:انا لسة في كلامي وبراك ح تجيني!
ودخلت البيت طوالي مشت المطبخ بقت تاكل من الحلة وتتونس مع امها.
اماندا:انتي عارفة ي امي؟
نازك:اها.
اماندا:انا زولة كويسة والله.
نازك:هسي في زول مغالطك؟
اماندا:بس حبيت اوريكم يعني😗.
نازك:طيب استني اعمل الغدا عديل م تاكلي وانتي واقفة.
اماندا:عارفاني بحب اكل بالطريقة دي + م عندي زمن ل غدا ومواضيع.
نازك:اي عندك شافع ماشة ترضعيهو.
اماندا:م تستبعدي🙈.
نازك:طيري من وشي ي قليلة ادب.
اماندا:عايزة اتزوج عشان اكمل نص ديني واملا ليكم البيت شفع انتي قايلة شنو🙈.
نازك:انشاءالله بس يكون بزواج.
اماندا:انا القليلة ادب برضو؟🤣
نازك:قصدك شنو ي قليلة ادب تعالي هنا.
اماندا(وهي جارية):اسفة ولا شي سلامتك🤣.
دخلت غرفتها غيرت هدوما ونامت زي ساعة كدا صحت على صوت تلفونها بضرب.
اماندا:مالك ي زفتة من الصباح؟
متاب:صباح اجلنعم.
اماندا:عايني انا م مركزة اها دايرة شنو؟
متاب:البحث المفروض نسلمو متزكراهو ولا ازكرك ليهو؟
اماندا:شتت يااخ اليوم دا م ممكن يكون متعب كدا.
متاب:اها انجزي اجيك ولا تجيني؟
اماندا:تعالي انتي انا م قادرة اتحرك من مكاني.
متاب:اوك ربع ساعة وبكون معاك.
اماندا:طيب قدي.
قفلت التلفون ورقدت شوية لحدي م متاب جات داخلة.
اماندا:م شفتي ي متاب.
متاب:احكي.
اماندا:حسن طلع ساكن جنبنا.
متاب:كذابة!
اماندا:والله..اخخخ كدا سهل علي حاجات كتيرة💃🏽.
متاب:ح تعملي شنو؟
اماندا:م عارفة لسة م فكرت بس ممكن اسال الجيران من اهلو +لو قررت اراقبو ح يكون قريب مني يعني🌝.
متاب:شنو؟
اماندا:هناي م تركزي🌚.
متاب:وصلت معاك لدرجة تراقبيهو؟ ي بت انتي م عندك شغلة ولا شنو؟
اماندا:صراحة كدا م عندي🦦.
متاب:ياخ خلي الولد في حالو!
اماندا:اها قلتي لي البحث عن شنو؟
متاب:تمام اعملي رايحة وخلينا نشوف موضوع البحث بس اتاكدي اني ما ح اخليك تتحشري في حياة الناس لدرجة تراقبيهم!
اماندا:اي قالو البحث مهم وعليهو درجات ركزي🌝.
———
-عند حازم
كان قاعد في غرفتو دخلت عليهو اختو.
رؤى:طالع مكان؟
حازم:ايي بس م هسي لسة شوية كدا.
رؤى:اوك خلاص.
وهي طالعة مسكها من يدها.
حازم:في شنو؟
رؤى:ماف شي بس كنت عايزة اسالك اذا عايز تاكل ولالا.
حازم:واضح انو ماف شي لدرجة انو حتى طلعتي من غير تساليني.
رؤى:واي م ركزت.
حازم:عشان كدا بسالك في شنو؟!
رؤى:م عارفة احكي ليك ولالا بس انت قبل م تكون اخوي انت صحبي وقريب لي.
حازم:عشان كدا احكي بدون خوف ولو عاملة غلط نصلحو سوا.
رؤى:لا م للدرجة دي بس انو يعني محتارة في حاجة.
حازم:قولي.
رؤى:انا هسي في علاقة بدون م تكورك بليز يعني🙊.
حازم:ما ح اكورك فيك انتي زولة واعية وعارفة نفسك بتعملي في شنو..مع انو انا شايف انك صغيرة على الحاجات دي بس لو الزول دا عايزاهو لقدام خليهو يتقدم.
رؤى:المشكلة هنا انو يعني م متاكدة اني عايزاهو لقدام ولالا.
حازم:يعني بتقضي وقت؟
رؤى:لا م كدا..بس يعني هو زول طايش وم مسؤول ومعروف يعني انو بتاع بنات.
حازم:طيب مربطة معاهو ليه؟
رؤى:هو بحبني يعني حاسة نفسي اني ممكن اكون نقطة ضعفو.
حازم:وح تستغلي الحاجة دي؟
رؤى:م عارفة بفكر في الموضوع.
حازم:بتحبيهو انتي؟
رؤى:اي شديددد والله رغم اي شي بعملو بس لسة مستمرة معاهو عشان بحبو.
حازم:حاسة انك بتقدري تغيريهو؟
رؤى:بما انو ممكن اكون نقطة ضعفو حاسة اني بقدر اغيرو.
حازم:اتوكلي.
رؤى:بالجد؟؟ يعني بتقيف معاي في الموضوع؟
حازم:بما انو زول قابل للتغيير وهو بحبك وانتي بتحبيهو ف ح اقيف معاكم.
رؤى(وهي بتحضنو):بحبك شديد وانت فاهم.
حازم:بس وانا فاهم؟🤣
رؤى:يعني بالجد بقى نادر يكون في اخوان كدا في الاول خفت انك تشاكلني ولا حاجة بس بوقفتك معاي ودعمك لي خلاني احبك شديد.
حازم:عارف اني زول رهيب.
رؤى:اسكت اصلا بهظر😂.
اثناء م بتكلمو تلفونو ضرب.
حازم:اتحرك عليك؟
اماندا:لا خلاص كنسل طلعت لي مواضيع كتيرة بحوث وحاجات قرف كدا م بقدر الليلة.
حازم:خلاص زابط اصلا كنت تعبان.
اماندا:وطبعا لو م لغيت الموضوع ما كنت ح تقول لي انك تعبان وكدا.
حازم:اماندا قدي عاملة فيها بتتحسسي وبتاع امشي شوفي بحوثك ب وين.
اماندا:اصلا قادة ي ابو الزوز😗.
حازم:كريهة.
اماندا:اول مرة تعرف؟😗
حازم:ح اسفهك😗.
وقفل الخط في وشها.
———
-في جانب اماندا
اماندا(وهي ناطة في السرير):اخخخ كدا خلصنا خلاص؟
متاب:اي خلاص.
اماندا:الحمدلله.
ايمن(جا داخل):اماندا...(عاين ل متاب) هي متاب قاعدة خلاص تعالي انتي عايزك.
متاب:في شنو؟
ايمن:بعدين بالليل طالع مع بت اوك؟ يعني زي ال date كدا اشيل معاي ورود ولا شوكلاتات؟
متاب:لو انا كنت في مكان البت كنت ح احب الورود اكتر بما انو اول موعد ليكم مع بعض.
اماندا:لو عايزين رايي الشكلاتات احلى لانو الورود ما ح تستفيد منهم شي يوم واحد وينشفو بس الشوكلاتات دي كدا حاجة بتخش القلب طوالي🤩.
ايمن:م عايزين رايك😗..متاب قاعدة وبتفهم في الحاجات دي اكتر منك انتي م منك فايدة.
متاب:اقول ليك فكرة احسن..شيلهم الاتنين وغلفهم بطريقة حلوة كدا وشيلها معاك.
ايمن.م قلت ليكم بتفهم..بحبك ياخ بدونك م كنت ح اعرف اعمل اي شي.
اماندا:هسي عملت شنو عان الوهمي دا😗.
ايمن:انتي اطلعي منها بس.
متاب:والبت بتاعة المرة الفاتت حصل شنو؟😂
ايمن:لا ديك خليتها ياخ طلعت معاطة وكلامها كتيرة وطلباتها لاحووللل.
متاب:انشاءالله المرة دي احسن.
ايمن:حاسي انها احسن بس عارف نفسي ح اتخزل🤣.
متاب:لالا م تقول كدا..المهم خلاص الوقت اتاخر باي.
ايمن:ارح اوصلك.
متاب:لا بيتنا قريب.
ايمن:م ينفع الوقت متاخر.
مشى يوصلها واماندا بقت براها وم عندها موضوع اتزكرت موضوع الدفتر..مشت طلعتو من شنطتها وبقت تقرا من الاول...
عند غياب الاعمدة على ماذا المنزل يتكئ؟ وعند غيابك انتي في حضن من اختبئ؟
قصتي بدت من نهاية قصتها هي!.. من خطواتها اختفت من حياتي..من صوتها بقى م مسموع..من صورها الفي خيالي بس البقت عايشة معاي..عرفت انو خلاص خسرتها للابد وماف طريقة ارجعها بيها..طيب احكي ليكم عنها شوية..مافي زول كامل بس هي كانت مثالية او على الاقل بالنسبة لي❤️!..في وقت كنت م عندي علاقة بالبنات وم بعرف الحب دا اصلا شنو جات هي وغيرت تفكيري وعاداتي كلها بالجد كانت النور في حياتي لانو قبلها م ظنيت كنت عايش اصلا..بروحها المرحة وعفويتها دخلت قلبي وم طلعت منو وما اظن ح تطلع واقدر اتجاوز الحصل دا كلو..احلامنا كانت كتيرة شديد ومخططين نحقق اي انجاز لينا مع بعض بس هي وين هسي؟ ليه م وفت بوعودها ومشت؟ مشت بالبساطة دي؟ حتى م انتظرت اني اودعها! عارف انو دا قدر وم مفروض اقول كلام زي دا بس حقيقة بعد هي مشت رجعت لنفس النقطة السودا الكنت فيها قبل م الاقيها! اي صفة حلوة قدرت تكتشفها فيني بعد هي مشت ساقتها معاها! حصرت نفسي في نفس القوقعة الزمان! رجعت لنقطة الصفر وم ظنيت ابدا من جديد!..
حست انها نعست عايزة تقفل الكتاب كدا انتبهت ل كلمات في نهاية الصفحة كانت عبارة عن...
Ψυχές، Ευτυχία، Παιδιά، Παιχνίδια، Νεκρός
بقت تعاين ليهم مسافة م عرفت ديل شنو.. لقت جنبها مكتوب "سبب حزني"
قاطع قرايتها دخول امها ل غرفتها.
نازك:انتي لسة صاحية؟
اماندا:لا خلاص كنت ح انوم اصلا.
نازك:اي يلا (وقفلت النور وطلعت).
بقت تفكر يارب الزول دا يكون حصل ليهو شنو؟ البت البحكي عنها دي مالا؟ وشنو الخلاهو حزين للدرجة دي وقصتو شنو؟ ودي شنو الروطانة المكتوبة تحت دي؟ ختت الدفتر في الكومودينة وفكرت كتييرررر لمن حست راسها ح يطق وم قدرت تنوم والفضول لسة بزيد قررت تقرا تاني وتشوف الحصل شنو..فتحت النور وشالت الدفتر مشت الصفحة البعدها لقتها مافيشة!..في ورقة مقطوعة!..
*#يتبع*
حسابي لي المتابعة:
_.zeezyy
