حازم:الغرفة محجوزة
اماندا نططت عيونا و قالت ليه:لا كيف محجوزة؟؟؟؟
حازم:كدا محجوزة يا اماندا ،ابقا نحن حلينا اللغز غلط
اماندا:لا يا حازم م حليناهو غلط يعني كل الطرق تأدي الى روما مافي حاجة حل الفندق !
حازم:طيب ياخي امكن قاصدين بيت او عمارة و رقما رقم ستبعتاشر يعني اشمعنى فندق؟
صبا:لا يا حازم مستحيل يكون غير الفندق
حازم قليها :ليه قررتي مثلا
صبا:د مجرد تحليل طبعا، لانو اماندة حكت لي الالغاز الفاتت كانت وين ، و كلها حتات ظاهرة و مكشوفة و سهل انو يوصلو ليها ،يعني اكيد م حيختوهو في بيت
حازم:وضحي اكتر
صبا:يعني يا حازم الحتات الفيها الالغاز حتات واضحة و معروفة يعني المقابر ،شارع (...) حتات سهل انك توصل ليهم و تلقى اللغز لكن لو هو قاصد بيت في مليون بيت هنا في قرية عروس حتا لو مرقم في مليون بيت برضو رقم سبعتاشر لكن لاحظ زي م قلت انت مافي فندق في قرية عروس غير د +مكتوب نوم يعني عاوز اوضح ليك انو فندق +كاتب مبنى !شغل مخك شوية
حازم:طيب فلنفترض كلامك صاح وريني ليه و كيف الاوضة محجوزة اذا انتي قلتي الخاتي اللغز خاتيهم في اماكن واضحة و ساهل انو اوصلو ليها وريني نحن حندخل الاوضة كيف
صبا:حازم انا قصدي ساهل كحتا م كأنك حتوصل بظبط لي الورقة كيف يعني ؛كانت واضحة انو في شارع (،،،) بس تعبتو انكم تلقوها لانك م عارفين زي شجرة كان مختوتة فيها الورقة 💁🏻♀️
حازم:طيب طيب فلنفترض برضو انو كلامك صاح و انو فعلا الورقة دي مختوتة في الاوضة رقم ١٧ طيب وريني حنوصل ليها كيف .
عمر:ايوا حندخل كيف الاوضة
اماندا :يجماعة حنستأذن من الزول بس حنقول ليه على اذنك شوف لينا اذا في ورقة ولا لا و اذا لا معناتا حلينا اللغز غلط نتجه لي حل حازم التاني م موضوع
عمر:اماندا م ممكن تطلعي فوق الا تكوني حاجزة غرفة د شي معروف
حسن:خلاص يا جماعة احجزو غرفة واحدة لي مدة يوم بس و بعدا تمشو لحدي الاوضة العاوزنها و تعملو فكرة اماندا
بسمة:جماعة دي تكلفة والله
اماندا:م قالو ليك حتدفعي حاجة من جيبك فروقي حبيبتي
حازم:خلاص اسكتو ي جماعة انا ال حمشي
اماندا:لا م حتمشي انا الحمشي
حازم:اماندا نفسي يوم بس يوم اقول حاجة و انتي تكوني ساكتة كدا و توافقي بدون م تعاندي و تعملي جوطة
اماندا:و نفسي بس يوم يوم واحدد تخليني اعمل حاجة بدون م تنق لي فيها
حازم:حسا اتخيلي تطلعي فوق و الزول الفي الاوضة يطلع متحرش و يغتصبك حتقولي يا منو؟
اماندا:خيالك الواسع د و خوفك الزايد د هو الموديك في دهية:)
حازم:و انتي عنداك و فضولك د هو الحيوديك في دهية
اماندا:حازم انا مصرة اني امشي من الاخر كدا
عمر:حازم خليها تمشي انت مالك متمسك كدا م حتمشي تموت يعني +في كاميرات لو خصل اي شي بتعرف و بنلحقا
اماندا:لا انتو ليه مقررين اني حمشي اموت؟
عمر:م خازم هو البخلي الزول يفكر كدا
حسن:يجماعة خلصونا
صبا:يخوانا انتو في حاجة برضو م ملاحظين ليها
كلهم:شنو
صبا:انو الاوضة مسموح يقعدو فيها اتنين !
حازم:خلاص يلا تعالي نحجز اي غرفة و نخلص
اماندا:يعني بس انا م شفت زول خواف زيك
حازم حجز الاوضة و طلعو هو و اماندا و دخلو هناك و بقو قاعدين و م عارفين يعملو شنو
اماندا:طيب خلاص مرت عشرة دقايق بعد كدا انا حمشي عشان م نتأخر لانو البيت بعيد من هنا لو ناسي :)
حازم:ضحك و قليها:لاحظي انك براك المعطلة نفسك لا هبشتك لا مسكتك لا حميتك المشية عاملة فيها مريم الشجاع و انتي قلبك ريشة😚
اماندا:م لكن يا حازم انت البتخوفني اعمل شنو
حازم:طيب عايني نحن حسا بجد مفروض ننجز ارح نمشي الاتينن سريع سرع و ننزل تحت و بعدين نكبرا
اماندا:و الكمرات ؟
حازم:عايني وقت م يوصلونا حنكون شلنا اي شي و طلعنت حسا ارح ننجز عشان الزمن
طلعو برة و مشو لحدي الاوضة و لمن جو يدقو الباب الهاوس كيبينق طلعت من الاوضة الجمبها و قالت ليهم:معليش بس دي الاوضة حقتكم؟تقريباً لا
اماندا:فعلاً لا لكن عاوزين الزول القاعد جوا بي اي طريقة
الهاوس كيبينق:معليش لكن م ممكن تدخلي دي ي
الرولز حقت الفندق ف يا ريت تتوجهو على اوضكم
مشت منهم و شافوها دخلت اوضة كدا بعدين دقو الباب و ماف زول فتح دقوهو كذا مرة و ماف زول فتح
حازم:تقريباً مافي زول
اماندا:حازم لازم نجيب الورقةةة!!!!!!!لازم
حازم:طيب كيف اماندا ؟زي م شايفة ماف زول جوا و الاوضة مقفولة و يا ريت م تقولي لي نكسر الباب او نتصرف فيه عشان دي فيها سجن تمام فا ارح نشوف البيوت
اماندا: انا قلبي حاااسي حاسي انو الورقة دي هنا في الاوضة
حازم:طيب الحيحصل شنو وريني ممكن نعمل شنو مافي اي طريقة
اماندا لقت نفس البت بتطلع من الاوضة و هي مغيرة هدوما قالت ليه و هي بتبتسم بي خبث: حازم انا عندي حل
حازم :قولي
اماندا :لكن توافق بدون اي كلام عشان مافي زمن
حازم:اها اصلا انا بقيت متعود على حلولك و افكارك د
اماندا مسكت يدو و قالت :تعال معاي
———————
ايمن:متاب انا جاي عليك
متاب:ايمن بس اديني عشرة دقايق تاني
ايمن:اسمعي نحن ماشين حديقة و حنضف و بتاع فا شنو لبس البنات البياخد مليون سنة د اعفينا منو حسا لفي ليك طرحة و عباية و تعالي لي مارقة م قادر اتلطع في الشمس دي
متاب:مبدئياً كدا يا ايمن اتكلم معاي بي احترام كويس تاني شي انا قاعدة انضف في العدة تمام تالت شي انا م غبية عشان اوسخ هدومي في طلعة تافهة زي دي
ايمن:هي يا بتنا روقي روقي بهظر معاك
متاب:عارفة استناني عشرة دقايق و بطلع ليك
متاب اول م قفل دخلت الفستان في الدولاب بي خاطر مكسور و دخلت الصندل و مسحت اللبستك و طلعت الحلق الكانت لابساهو و لبست العباية و لفت الطرحة و طلعت
(حصلت لي قبل كدا 😚💔)
ايمن:دقيقة م تمت
متاب :امي تمتا بدالي قالت لي عيب ايمن ينتظرك برة الوقت د كلو :))
ايمن ضحك و قليها:بالله😏
متاب :مالك بتعاين لي كدا م فهمتك
ايمن:اممم ولا شي يلا قدامي
متاب ضربتو وقالت ليه:م تنسى اني قارية علم نفس
ايمن:حسا انا ذنبي شنو ضارباني مالك؟
متاب:ارح من سكات يا ايمن
دخلو حديقة الطاهر و ايمن عمل بظبط زي م قالت ليه اماندا
الطاهر:لا لا نحن حسمنا الموضوع د يا ايمن و قلت ليها ماف كلام زي د و هي زاتا تاني لا جاتني لا جابت خبري
ايمن:شوف يا الطاهر انا اختي دي م بقدر على نقتا من الاخر كدا كلها اسبوع وحاتك بس خلينا نجرب م حتخسر شي اسبوع بس للو الناس م جو و الحديقة بقت شغلا ماشي طوالي بنشيل حاجاتنا و عدتنا و نمرق كلو كلو قلت ليك اسبوع م اكتر
الطاهر:يا ولدي انا م بتحمل اي ازعاج اوهو بيتي بي جاي بطلع اقعد في حديقتي بشرب شايي بقرا جريدتي و بسقي الزرع مواعيد مسلسلي جا بمشي بحضر اولادي حوليني حياتي حلوة شديد كدا و حديقتي بي عولاقة د عاجبني م عاوز شوشرة و حفلات و جوطة الفيني مكفيني م صدقت اتخلصت من اختك عشان تطلع لي انت
ايمن:عارف يا الطاهر حفلة وحدة بس وااححدة واحدة بتطلع منها بي كم؟اقل شيي ٢٠٠ !٢٠٠ الف جنيه د في اليوممم!شوف انت حديقتك واسعة كيف و ملائمة جدا انها تكون محل حفلة و منو الحيعرف بي قصتا ؟نسكت بس ولا منشاف ولا من دري
جا مهند و قال:ابوي نحن بنمر بي ظروق كعبة و انت عارف كدا محتاجين لي اقلا شي غير انو قروش الجامعة م سددناها كلها ،دي فرصة كويسة لينا
الطاهر:انا كم مرة قلت ليك انو اسرار البيوت م تطلع برة؟
مهند:سكتنا بما فيه الكفاية يا ابوي نحن بنموت من الجوع بي سبب حبك و انانيتك الزايدة عن حدها لي الحديقة دي خلاص كفا لحدي هنا و خلي الشباب يشوفو شغلهم
الطاهر:يا مهند ..
مهند:عارفك حتقولي امك و م امك ،فاكر امي لو كانت لسا عايشة و شافت الحديقة دي بي المنظر د حتكون مبسوطة؟انا مقدر الفقد العظيم الفي قلبك د بس خلاص جا الوقت اننا ننجز لانو الباقي لي و الباقي ليك خمسين جنيه ابيت اشيلا خليتا ليك لي الفطور خلاص يا ابوي لازم نعمل شي يطلع لينا منو قروش
الطاهر طلع القلوفز حقتو و قال ليه:اعمل الدايرو يا مهند انا مافيني حيل اقول لا ولا اتناقش.
مشا و بعديها مهند قال:ابدو من الليلة يا بكرة اي يوم المهم في اقرب وقت لانو نحن في امس الحوجة لي القروش دي
ايمن:عديلة بس انت م تشيل هم حاجة... ايمن طلع قروش من جيبو و اداها لي مهند
مهند:انا م حكيت د قدامك عشان تعطف علي و تديني قروش ،انا م حصل وريت زول بي النحن فيه د و دي كانت ذلة لسان ساي
ايمن قليه:يا اخينا عارفك انت م قاصد تقول كدا قدامي شيلا مني اعتبرا دين و وقت تجيك قروش اديني ليها
مهند شالا منو و حضنو و قليه:والله م بتقصر
ايمن:اها من بكرة بنجيب عماال و بنجي احسن ننجز سرعة سرعة
مهند:يا ريت والله ،حكون في انتظاركم
ايمن:تمام يلا يا سيدي
—————
اماندا:حازم دخل الهدوم في الشنطة كويس و اعمل حسابك انو م يقع منك شي
حازم:دخلت الهدوم بس اسرعي قبل م تجي هاوس كيبينق تطلع زيتنا
اماندا :حازم السكيرت ضيق شديد لكن
حازم:ابا يتقفل يعني؟
اماندا:لا لا اتقفل لكن شاز شديد
حازم:اطلعي طيب اشوف
اماندا:تشوف شنو يا قليل الادب يا واطي يا حقير يا سافل
حازم:لحول ولا قوة الا بالله م قصدي شي يا أم راس انتي ،انتي الفهمك محدود و معاق و قليل ادب
اماندا:واي دي صبا بتضرب لي يا حازم
حازم:اماندا طيب اطلعي انجزي سريعع نحن اتأخرنا
اماندا طلعت من الحتا البغيرو فيها الهاوس كيبينق و بقت تنزل في السكيرت
حازم:اماندا انتي حتطلعي كدا؟
اماندا:م حنزل تحت يا اخينا
حازم:عارف بس لو طلع الجوة راجل؟؟؟
اماندا:مافي زول في الاوضة يا حازم م تجنني لو سمحت و توترني
حازم :طلعي القميص من تحت السكيرت
اماندا:و هي بتكورك :حازززممم ماف زمن حسا خليني انجز و القا لي زول يجيب لي كرت الاوضة وقفت برة اوضة التغيير و حازم كان منتظرا في الاوضة لقت هاوسكيبينق مارة بي ناحيتا اماندا وقفتا و قالت ليها بي ضيق:لو سمحتي
البت:بسمالله مالك انتي كويسة؟؟
اماندا قالت و في بتمسك راسا :النزيل في الاوضة رقم سبعتاشر طلع و طلب مني انضف ليه اوضتو و م قادرة انزل اجيب الكرت من تحت ممكن تجيبيه لي؟
-خلاص خليكي انا بنضفا و بعدين بنتحساب شكلك تعبانة
اماندا:لا لا م تعبانة بس حامل والله و الطلعة و النزلة م بتنفع معاي
-خلاص طيب خليكي هنا مسافة امشي و اجي اا دقيقة انتي جديدة هنا؟
اماندا:ااا اي
-في القسم التاني؟لانو م سمعت انو في بت جات جديدة معانة
اماندا:اي اي في القسم التاني
مشت بعد عشرة دقايق بظبط ادتني الكرت مشيت فتحت الاوض و لقيت مافيها اي زول و حتا م كان فيها اثر زول كان قاعد فيها لقيت ورقة مختوتة في الطربيزة بي طريقة واضحة شلتها و مشيت على اوضة التغير طوالي غيرت هدومي و لبست هدومي الجيت بيها ناديت حازم
حازم:اها؟؟
اماندا :لقيتا يلا اطلع بي سرعة
فعلا طلعو و لمن جو نازلين لقتوم البت ديك الأدتا الكرت قالت ليها:ماشة بيت ك ولا سنو
اماندا: اي والله الحمل تاعبني شديد زاتو احتمال اخلي الشغل كلو كلو
-اها يختي اخير ليك والله ،اها د راجلك؟
اماندا:اي جا يسوقني هو زاتو كان معارضني على الشغل د بس الحالة بقت صعبة والله م بتتعاش بدون شغل
-صدقتي والله ،الله يحلك بي السلامة يا رب ،خلي بالك منها يا زول هي
حازم:اكيد طبعاً
-م تخليها تشتغل والله البت دي قبيل كانت تعبانة اخير تقعد في البيت لحدي م تلد عشان م يأثر على الجنى الفي بطنا بزات الشهور الاولى دي بتكون صعبة
حازم:اي اصلا تاني ماف شغل بعدا
-انتي في الشهر الكم؟بطنك م كبيرة شديد
اماندا:في الشهور الاولى غايتو بكرة بنمشي لي الدكتور و نشوف انا في ياتو شهر
-تكوني في الشهر التالت يدوب البطن بدت تطلع اها م اعطلكم يخواني معسلامة نتلاقة تاني انشاءالله
حازم:انشاءالله..
البت مشت بي هنا حازم فكا الضحكة بي هنا قليها و هو ميت ضحك:اكيد حتصدقك بي كرشتك دي يا اماندا🤣🤣🤣
اماندا شفطت بطنا و قالت ليه:حازم يا حيوان انا كنت نافخاها براي
حازم:م هو واضحححح🤣🤣🤣🤣🤣
اماندا:ماف وقت اكورك فيك حسا ارح قبل م يكشفونا الله يلعنك
طلعو ليهم العربية برة و صبا هاجت فيهم:قربت تتم التلاتة ساعات على فكرة !!!
حازم:اعزرونا المدام حامل يخواني و م بتقدر تتحرك سريع 🤣
اماندا:اها دي حتمسكا لي لحدي م اموت صح؟
حازم:اتكلمي مع راجلك بي احترام حبيبتي 😭
اماندا :اها البحلني منو شنو حازم د؟وروني بس و قولو لي البحلني منو شنو!!!!!
صبا:اسمعوني انا م فاهمة اي شي بس المهم انتو لقتيو الورقة ولا لا؟؟؟؟
اماندا:لقيناها الحمدالله بعد عنااااءءءءءءء:)))
عمر:اتأخرتو شديد لكن
اماندا:خلاص متأسفين ياخ حسا ودوني على البيت طوالي تعبانة شديد:)
بسمة و عمر رجعو ورا و فضلو حازم و اماندا قدام بسمعو اغاني و بضحكو و بتونسو و الشباب الورا كلهم نايمين
وصلو مع المغرب كدا حازم و اماندا دخلو نامو و ديل فضلو صاحيين
—————-
بسمة دخلت الاوضة حقتا و رقدت في السرير و هي محتارة ضربت لي صحبتا و قالت ليها:عايني انا م بقدر افرقوم عن بعض والله الكلام د انا م بقدر عليه
-انا بس عاوزة اعرف انتي لي متين حتكوني هبلة و عبيطة كدا ؟
بسمة:لحدي م اموت انتي عارفاني انا اتفه من كدا بي كتير
-غايتو حسكت حخليك لكن اماندا م بتستاهلو عندها عمر د بكفيها و بوفيها و هي طالما ما قاالت لي حازم انها بتحبو انتي م حتكوني فرقتي اي زول على العموم اعملي البريحك
بسمة:اففف ياخ خلاص وريني اعمل شنو
—————
حازم و اماندا من م جو من قرية عروس نامو مرة و حدة اماندا صحت الساعة اتنين بليل نزلت تحت لقت مافي زول صاحي طلعت اوضتا و فتحت الشباك و بقت واقفة فيه كان الهوا حلو شديد و الجو بارد بقت تغني اتلفتت يمينا لقت حازم قاعد في النجيلة بقت تتأملو و تشيل و تتبسم لبست فستان طويل اسود مشجر قطني بدون اكمام و طرحة ختتا في اكتافة و ربطت شعرها لي فوق شالتالور و نزلت ليه
اماندا:ابو الزوز
حازم:اماندا!المصحيك شنو
اماندا:نفس المصحيك
حازم:بفكر
قعدت جمبو في النجيلة و قالت:بتفكر في شنو؟
حازم:حاجات اكبر منك
اماندا:ي ولد م تحترم نفسك
حازم:انا م عارف تفكيرك وسخ كدا ليه
حازم نفسو ضاق و بقا بكح بي طريقة كعبة شديد انا قلبي كان في يدي بقيت بحاول اطلع منو كلمة لكن م كان قادر يتكلم بقيت بسألو البخاخ وين اشر لي فوق طلعت الاوضة و بي سرعة انا زاتي م عاوفة وصلت هناك كيف فتشت الدولاب م لقيت فتحت شنطة السفر و بقيت بفتش حتن لقيتو نزلت تحت بي سرعة و دخلت البخاخ في خشمو و بقيت ببخليه لحدي م هدا شوية ،و طبعا انا قلبي ريشة لقيت دموعي نازلة عشرة عشرة حازم عاين لي مسح دموعي و قليها :بقيت كويس مالك حسا
اماندا:انت عارف انو البرد م بنفع مع الازمة صح ،على الاقل كان تخلي معاك البخاخ جمبك لو حصلت ليك اي شي
حازم:خلاص يا اماندا انا اسف تاني م حعمل كدا
اماندا قربت عليه و شمتو و قالت ليه:شربت سجاير!؟
حازم و هو بضحك:اي
اماندا:بتضحك على شنو انت اا؟م بتتزكر زمان حصل ليك شنو بي سبب الهباب د؟
زمان حازم كان بشرب السجاير بي طريقة كعبة شديد بتخلص سجارة بولع البعدها بعني ممكن في قعدة وحدة يكمل علبة كاملة كنت دايما بحزرو انو يخليها بس م كان بسمع كلامي ، ازمة+سجاير=موت
بزات حازم لانو حقتو لمن تقوم عليه بتتعبو شديد و السجاير دهورتو اكتر و اكتر في يوم كنت مع حازم في العربية و بدا يشرب سجاير فجأة نفسو كتم و بقا يقول لي اماندا الحقيني انا حموت ..انا م كنت مستعد اخسرو نهائي انا الوقت داك م كنت بعرف اسوق اساسا و حازم كان بقول لي م قادر اتنفس ناديت واحد من الشارع و قلت ليه سوق لي العربية و فعلا مشينا المستشفى في اسرع وقت دخلوهو طوالي الانعاش ادوهو حقنة بتفتح الشعب الهوائية الدكتور قلينا انو كان شوية و يروح مننا و قال لو رجع لي السجاير امورو حتجوط تاني و ممكن يموت ،من وقتها ابيت اتكلم معاه نهائي و قلت ليه لو م خليت السجاير اعتبر علاقتنا انتهت ،الوقت داك كنت لسا في حالة صدمة من الحصل لي مع اخوي م كنت مستعدة اخسر زول تاني نهائي و بزات حازم م عاوزة اقول ليكم هو عوضني عنو بس كان مالي حياتي شديد و اتعودت عليه و بقا شي اساسي في حياتي .
حازم جراها عليه و حضنا و قايها:تاني م حشربا اوعدك
اماندا :جيب العلبة الفي جيبك طيب عشان اكون مطمنة
حازم طلعا و ختاها في يدها قالت ليه:و تقول انا العنيدة و تصرفاتي زي الاطفال م شايف روحك ولا شنو؟
حازم:خلاص اسف يا ماما😁
اماندا:انت م بردان ؟؟لابس شورت و تيشيرت كدا عادي !
حازم:بردان لكن م كنت قادر امشي اجيب الجاكيت من فوق
اماندا:وب انا من الكسل ،غايتو غايتو شوف عيني حتموت بي سبب اهمالك و كسلك د
حازم:قريتي الورقة؟
اماندا:لا
حازم:طيب ارح اقتحيها اقريها بي صوت عالي
اماندا:منو الكان بكره الدفتر و بهيج و بفور لمن يسمع اسمو سبحانه مغير الاحولا 😃
حازم:هي منو قاليك بقيت احبو انا مصر على رأي انو حيودينا كلنا في دهية م انتي براك 😚
اماندا:طيب غور يلا من هنا خليني اقراهو براي
حازم:ياخ امكن عاوز اسمعك انتي م القصة في شنو مالك
اماندا ضحكت قم قليها:هي هي م تتفصلي لي ابدي اقري
ختا راسو في رجليها زي امبارح و قليها:اها سامعك يلا
اماندا بقت تتأمل في وشو حواجبينو الغزيرة انفو الحاد عيونو الكحيلة دقنو الكان محتل وشو بي الكامل مشت يدها في شعرو كان ناعم و غزير رفع عينو عليها لقاها بتعاين ليه بي كل حب بادلا نفس النظرات و قليها بي صوت مبحوح:مالك؟
ابتسمت و هزت راسا بمعنى :ماف شي
حازم مسك يدها و ختاها في صدرو و كان ضاغط عليها غمض عيونو و قليها :ابدي
اماندا عاينت لي ايدا الكانت غايصة في يد حازم كانت حاسة بي نبضات قلبو شالت نفس و رجعتو و قالت طيب
—-
فرح:ايسر انا م حصل حكيت الحاجة دي لي زول
ايسر:م واثقة فيني؟
فرح : م كدا يا ايسر انا بثق فيك شديد ،بس الموضوع د من م حصل م اتكلمت فيه مع زول و لا فاتحتو بيني و بين نفسي
ايسر:طيب يا فرح اقفلي على الموضوع لو هو بضايقك كدا اسف م قصدي
فرح:لا يا ايسر اصلا انا بكزب على نفسي طول السنين دي قايلة نفسي اني خلاص نسيت الماضي و قفلت عليه خالص،الماضي حيبقا ماضي و ما بتنسي .
ايسر:طيب مستعدة تحكي لي؟
فرح قالت :دي اكتر مرة انا كنت مستعدة فيها اني اقول كل الجواي و كل العشتو و كل الكنت حاساهو .
حسيت انو فرح شايلا في قلبها حاجات كتيرة شديد م عارف كنت خايف ليه حسيت اني م حقدر اساعدا او م حقدر اواسيها حسيت لساني حيتربط اول م اسمع قصتا ،اول مرة احس بي العجز قدر د مع اني لسا م سمعت قصتا
وديتا الشارع القعدنا فيه المرة الفاتت و ختيت جمبها قهوة و بدت تحكي لي صوتا كان ظاهر عليه الخوف كانت بتتكلم بي صوت شبه باكي :ايسر انا م حقول ليك اني اكتر وحدة عانيت في الدنيا دي لكن الحتسمعو هنا م حتسمعو في اي حتا تانية لمن كان عمري اتناشر سنة هنا يادوب بدت رحلة عذابي انا جسمي كان مقسم و حلو و م بظهر علي العمر د،اخوي كان بلعب قمار و لمن الديون العليه كترت قرر يسدد دينو بي انا ،عرسني بي الغصب لي العاوز منو قروش و اهلي م كانو بي يدهم حيلة اخوي كان الاخو المسيطر داك يعني لا بعرف ليك كبير لا صغير كان بتعامل معانا كأننا خدم عندو ابيع فينا و استري على مزاجو و نحن م بنقدر نقول لا حتا لو قلنا م حيحصل شي غير اننا نتضرب ،اتخيل يا ايسر بت عمرها يدوب اتناشر سنة مفاهمة و م عارفة اي شي ممكن يحصل ليها و هي على زمتو ..عرسني لي زول نفس طينة اخوي و امكن اكعب سلمت لا من ضرب لا من زلة لا من جوع ،اتخيل يا ايسر انا بقعد اسبوع كامل م باكل فيه اي شي عشان هو اصلا م بجيب شي البيت و اذا بالغ بجيب رغيفة و حتت فول م كان ناوي يطلقني وقت يكون زهجان بجي بتسلى بي و تاني يرميني و م يجيب خبري اذا خسر في القمار بجي بفش زهجو كلو فيني ...كنت بحنسو يطلقني لكن في كل مرة بقول ليك كان بضربني بضربني بي طريقة كعبة شديد ..بعد تلاتة سنين حملت كان عمري خمستاشر و لمن عرف فضل يضربني لحدي م نزلو قلي انو م عندي قروش عشان اربيه و قال و الله اعلم د يكون ولد منو اتخيل بس الكلام د تسمعو بت عمرها خمستاشر سنة؟امكن الحاجة الوحيدة الكانت مصبراني اني بمشي المدرسة و بلاقي اهلي و كدا بس بعد م ضربني و سقط البيبي انا عفرايت الدنيا كانت بتتنطت قدامي قلت يا انا يا هو اليوم البعدي شلت سكينة و دخلت عليه الاوضةبقت م فارقة معاي و م عندي شي اخسرو مشت طعنتو في يدو و مشيت لي ناس امي و حكيت ليهم بي الحاصل ابوي ضرب اخوي لحدي م اغمى عليه وديناهو المستشفى و لقيناهو مات ايسر انا فرحت و نهائي م زعلت ولا دمعت بلعكس قلت لي نفسي يستاهل و الكان مفرحني اكتر انو ربنا حيحاسبو على العملو فيني د ،قاسم الي هو الكان راجلي جا البيت و كان عاوز يرجعني معاه ابوي قليه اني قدرت اقتل ولدي تفتكر م حقدر اقتلك انت طلقني بعد كلام ابوي د و رحلنا طوالي الخرطوم كنت زعلانة شديد اني خليت مدرستي و حياتي هناك رغم كل الحصل لي فيها ،ياهو جينا هنا و الحال كان صعب شديد ابوي جاتو فرصة يمشي يشتغل برة و حياتنا بعد دا اتصلحت شديد و ابوي بعد حوش ليه قرشين حلوين رجع هنا السودان و احدي حسا حالنا ماشي غايتو ابوي طلع ليه بفكرة اننا كلنا نطلع برة السودان..الموضوع م عاجبني والله
اماندا سكتت و اخدت تنهيدة و قالت:الدفتر د كل يوم بأكد لي انو م انا الوحيدة البتحصل لي مصايب ،بعد مرات بحس انو انا اتعس انسانة على وجه الارض لكن لمن ايمع قصص الناس بحس بي انو لا في ناس عاشو اصعب من الانا عشتو بي كتير ،انت رأيك شنو يا حازم في قصة فرح
حازم و هو مغمض عيونو و بي صوت ناعس:في قصة منو
اماندا بي زهج:قولي م كنت سامع القصة؟
حازم و هو بتسائب:قلت ليك انا م عاوز اسمع القصة عاوز اسمع صوتك
اماندا:ليه؟
حازم:عاوز تعرفي ليه؟
اماندا:اي
حازم و هو بفتح عين وحدة و بعاين ليها:عشان بحبك
ضربتو و صحكت قام قليها:حسا لو اتقدمت ليك بتوافقي
اماندا:لا طبعا
حازم:فتح عيونو وقليها عيبيني
اماندا قالت ليه :كلك عيوب
حازم غمض عيونو و ضغط على ايدا شديد قاصد يوجعا و قاليها:جادي انا الفيني شنو يخليك م تقبلي بي
اماندا:م بنتفق د اولاً شي تاني عينك زايغة و انا بطني بتفور بي سرعة :)
حازم:بس كدا؟
اماندا:ايي بس كدا
حازم:جادي معاك انا
اماندا:والله يا حازم انا م بقدر اقرر كدا ساي يعني انا حسا حالياً شايفة انو نحن م بننفع نكون زوجين نهائي
حازم:طيب اديني مثال عشان اقدر افهمك نحن م بنتفق كيف
اماندا:الدفتر
حازم:اماندا بطلي استهبال انتي زاتك عارفة انو البتعملي فيه د غلط و لسا مواصلة فيه !بعدين انا م حقيف ليك في حاجة والا اكون عارف انها ممكن تضرك ،و انا وجهة نظري انو احسن تكملي مع زول عكس شخصيتك تماماً عشان لو انتي عرستي زول نفس شخصيتك و طريقة تفكيرك حيقول ليك توح للغلط و انتي حتمشي معاه م حتكونو شافين الغلط وين
اماندا:برضو م حعرس لي زول عصبي و بقيف لي في حلقي و بحاسبني بي الوحدة
حازم:تمام بس حبيت اوريك و جهة نظري ...فكا يدها و زحا راسو من رجولا و بقا يعمل مساج لي رقبتو
اماندا حست بيه انضايق و قالت ليه في شكل هظار:منت جاي تطلبني من ابوي ولا شنو 🤭
حازم:لا لا انا م بقدر عليكي عاوزة لي وحدة مزة كدا طويلة و حلبية و بتعرف تطبخ و هادية و رزينة و بتسمع الكلام و تكون بت ها تكون بت
اماندا:قصدك شنو بي بت بت الفستان د م مالي عينك؟
حازم عاين لي الفستان و قليها:سرقتيه من بسمة ولا شنو
اماندا :قوم قوم من هنا يا حازم
حازم:تمام ..انتي م طالعة ؟
اماندا:لا
حازم:طيب اتغطي كويس عشان م تمرضي حببتي 😘
اماندا:و هو بهمك اوي يعني؟؟
حازم:انتي بس م تتضايقي
اماندا:اتضايق من شنو كمان
حازم جا عليها و قوما و قليها:حسا جن يقوم يركبك ادخلي قدامي يلا
اماندا:ابيت م بدخل
حازم:و بتسألني جاي اتقزم ليها ولا لا انا اعرس لي شافعة زي د ؟
اماندا:لاحظ انو كلامك جارح ..عاينت ليه بي طرف عيونا و دخلت جوة
كنت منتظرا بس تقول لي بوافق و كنت اول م انزل الخرطوم حمشي اطلبها من ابوها ،بس كلاما احبطني شديد مع انر عارف لو انا خطيت الخطوة دي ممكن عادي توافق م عارف انا مالي ولا عاوز شنو مشعري ملخبطة شديد .
دخلت الاوضة و قعدت بي زهج و بقت تقول :طويلة و بيضة و بتعرف تطبخ؟كان بس ناقص تقول و يكون اسمها بسمة :)
صراحة حازم زول مسئول و راجل بي حق و حقيقة و شهم و الف بنت بتتمناهو و د انا الخايفة منو ،م عاوفة ليه بغير من بسمة لي الدرجة دي مع انو عارفة حازم مستحيل يحبها طريقة كلامو و لمن اعاين ليها و يمونو ثاعدين مع بعض بتوحي لي انو بحبها او في شي بيناتوم ياخ ما عاوفة مالي مشاعري ملخبطة شديد
#يتبع ق
