صباح اليوم التاني
رؤى صحت بي صوت تلفونا و هو بضرب ردت على الرقم بدون م تعرف د منو البضرب:الو
زين:الساعة داخلة على تمنية و انتي لسا نايمة؟؟
رؤى:منو معاي
زين:انا زين
روؤى:مالك ي زين ؟نومي مضايقك في حاجة لا سمح الله؟
زين:المحاضرة بتبدا الساعة تمنية و نص و انتي لسا م صحيتي!!!!
رؤى:م ماشة الجامعة
زين:لو خايفة من الحيوان داك م تقلقي م حيقدر يعمل شي
رؤى بقت تبكي و قالت ليه:ممكن م تجيب لي سيرتو؟
زين:بتبكي عشان الباطل د؟قدم ليك شنو هو عشان تبكي على فراقو كد؟
رؤى و هي بتزيد بكا:عشان كدا انا ببكي ..دايما كنت ببادر و ارسل ليه و اضرب ليهه لمن يكون زعلان مني دايما كنت بغلط نفسي و اطلعو صح عشان م تحصل خلافات و اخسرو دايما كنت بصدقو هو و بكذب العيوني شافتو عشان م تحصل مشاكل بيناتنا ،و النتيجة شنو؟زي م شايف انت !انا كيف من الاساس حبيتو؟كيف حبيتو و انا عارفة نواياهو م تمام و زول قليل ادب و سفيه و م بتملى عينو الا التراب
زين:رؤى انا لو وصلتك حدخل البيت اكسر راسك ،م تتكلمي لي عنو كتير و تصرفي عربي علفاضي قومي البسي عشان نلحق المحاضرة
رؤى:ماف زول حيفهمني
زين :انا منتظرك تحت
رؤى:قلت ليك م ماشة
زين:ماف شي اسمو ما ماشة ،ولو م طلعتي حدخل البيت و احكي ليهم و اريح نفسي
رؤى:م بتعملا
زين والله بعملا
رؤى:م بتعملا
زين:رؤى م تستفزيني
رؤى بعد الكلمة دي سمعت الباب بخبت قامت جري من الاوضة و فتحتو و لقتو سيد اللبن :خلعتني يا عمو
زين قعد يضحك و قليها:البجامة عجبتنا
رؤى تاوقت و عاينت ناحية عربية زين و حدرت ليه و شالت اللبن و قفلت الباب
زين:مستنيك.
رؤى لبست اقرب سكيرت و بلوزة و لفت الطرحة و طلعت ليه
رؤى :بجد مافي داعي لي د كلو :)
زين :عايني يا رؤى انا اخلاقي منك واصلة الحد تمام عشان كدا م تصرفي عربي كتير د اول شي تاني شي اعرفي من حسا انا الحوديك و اجيبك و حتا لو مارقة تكلميني ماشة وين و مع منو و انا طبعا الحوديك و اجيبك لحدي م اسافر كندا و لو جا حازم قبل سفري يبقا احسن بعدا تقعدي معاه و تفهميه الحصل معاك شنو عشان يخلي بالو منك
رؤى:اخلاقك مني واصلة الحد!!انت م مجبور تعمل د كلو و ي سيدي شكرا انك انقزتني م تخليني اندم اني ضربت ليك
زين:خلصتي؟
رؤى كشرت ليه و قالت:خلصت شنو م فهمت
زين:طيب خدي لبان عشان الظاهر انك م اتسوكتي
رؤى:انا بقول في شنو و هو بقول في شنو
شالت منو البان و بقت ساكتة اول م وصلو الجامعة قايها:رؤى م تزعلي مني بس الغاظني انك لسا بتحبيه و لسا بتفكري فيه و الغايطني اكتر انك بتمشي على هواهو و م بتنتبهي لنفسك
رؤى:زين الحاجة د يحصلت و انتهت و امكن ربنا عمل د كلو بس عشان يكشفو لي +و حنك تني بحبو و بفكر فيه د انت اطلع منو انا بعرف انساهو كيف
زين:طيب ادخلي و حجي اسوقك بعدين
رؤى:زين بجد م بيحتاج م تتعب روحك ساي برجع بي ترحال ولا مواصلات بتصرف م قصة
زين:رؤى حجي اسوقك بعدين و خلاص قفلنا على الموضوع
رؤى:تمام اعمل البريحك لكن م تجي تتنرفز و تتزهج فيني عشان حتوصلني و حترجعني
زين:م قلنا معليش و انتها الموضوع :)
—————
بسمة دقت الباب لي حازم و دخل طوالي لقتو نايم صحتو و قام مخلوع:في شنو مالك حصل ليك حاجة
بسمة قعدت تضحك و قالت ليه:روق م حصل لي شي ختينا الفطور قلت اصحيك تجي تاكل
حازم شال التي شيرت من الكومدينو و لبسا و قليها:طيب نازل لكن اكلو انتو م تنتظروني
بسمة جاية تطلع من الاوضة قام و قفا قليها:بسمة
بسمة:ايوة
حازم:عاوز اقول ليك
بسمة قعدت في السرير و قالت ليه:اها اماندا مالا؟🤣
حازم:عرفتي كيف عاوز احكي ليك حاجة عنها🤭
بسمة:م اصلا انت م عندك موضوع غيرا
حازم:عايني الليلة عاوز اطلعا عشان عارِفة حتصحا حتوريني عروض
بسمة:اتشاكلتو امبارح؟
حازم:هي م شكلة بس عارف اماندا و مخها حتكون زعلت بدون سبب
بسمة سكتت مسففة و قالت:بتحبها ؟
حازم:ممكن م تسأليني السؤال د ؟
بسمة:طيب اسفة خلينا نرجع لي موضوعنا
حازم:زعلتي؟
بسمة و هي بتربط شعرها :ازعل من شنو بلظبط
حازم:امم طيب نرجع لي موضوعنا احسن
بسمة:اها قلت لي عاوز تطلعا
حازم سكت مسافة و بقا بعاين لي بسمة كانت رافعة شعرها بحيث انو رقبتا الطويلة ظهرت اطول كانت لابسة سلسل فيه فاروزة صغيرة بارزة بي اللون اللبني و لابسة فستان نص كم لحدي تحت الركبة لونو ابيض و عاملة لبستك علخفيف
بسمة:حازم
حازم طلع من سرحتو و قال ليها:ماشاءالله تبارك الله
بسمة قعدت تضحك و خدودا ديل بقو حممرر قالت ليه:مالك
حازم:انتي المالك حلوة كدا؟مارقين ولا شنو
بسمة:ابدا والله
حازم:طيب انا عاوز اطلع اماندا و م عارف اوديها وين
بسمة:تتزكر يا حازم لمن حكيت لي انو عندكم محل كدا دايما بتقعدو فيه من زمان ولا د في الخرطوم؟
حازم:لا في بورتسودان
بسمة:تمام امشي ظبط الحتا و جيب الشيبس الهي بتحبو و الشكولاطات و ورود و حركات المهم انت بعرف بعدا تعمل شنو😚
حازم:شكرا يا بسمة
بسمة:على شنو اصلا م عملت شي
اماندا جات داخلة توشك و قالت:سنة عشان تجي الفطور بر....
حازم بي صوت واطي :الله يستر
اماندا:الله الله انتو قعدين هنا و نحن منتظرينكم تحت بي الفطور والله مشاءالله
بسمة:قامت و قالت ليها:مشيت صحيتو و الونسة جرّت معليش
بسمة طلعت و اماندا كانت واقفة و بتعاين لي حازم و مكتفة يدينا و بتحدر ليه بعدين قالت:اها المرة دي حاصلة ليها مشاكل برضو؟
حازم فتح الدولاب و شال البشكير و ختاهو في كتفو و شال فرشة الاسنان و اتجه على الباب و قليها:م داير كواريك من الصباح
طلع من الاوضة و رجع و قليها:على الساعة تمنية القاك جاهزة فاهمة ولا لا
اماندا:ماشين وين😃
حازم:م بوريك
اماندا:اصلا انا زعلانة منك زاتو م دايرة امشي
حازم:خلاص ظااابط بسوق بسمة بدالك اصلا لو سقتك انتي حتجيبي لي الصداع
اماندا ضربتو في راسو و قالت ليه:بسمة في عينك
حازم :خلاص اجهزي قبل الساعة تمنية ،تمنية و دقيقة م لقيتك جاهزة حسوق بسمة الكلام د واضح ولا لا؟🤭
اماندا:قد امشي الحمام +حيكونو اكلو و فاتونا ميتنك كنت جعانة
نزلت تحت و الضحكة د من ضرس لي الضرس قعد في الصفرة و قالت ليهم:اها كيف الشعيرية؟انا العاملاها
عمر:و انا اقول مالا حلوة كدا
صبا:صراحة م باكل شعيرية :)
اماندا:فاتتك
حسن:الشعيرية محروقة يا اماندا :)تاني م تدخلي المطبخ لو سمحتي
اماندا :حسن المحروق حبة زحو بي جمبة و اكل الما محروق م قصة😔
عمر:كدا يا حسن تزعل اماندا؟هي ولا يهمك باكلا كلها الليلة
حازم جا قعد و قال:الشعيرية دي محروقة معناتا اماندا العاملاها
اماندا: دي صبا هي
صبا:هي زي ما انا
اماندا لكزتا و قالت ليها بي صوت واطي:اسكتي حسا بشمت فيني
حازم ضاقة و قال:درعة يا صبا حلوة شديد
صبا:هيع كان كدا انا السويتا اي 😃
اماندا:عان الكضابة دي انا السويتة يا حازم 😚
حازم:تاني م بتدخلي المطبخ عشان المرة الجاية حتحرقينا نحن🤭
——————
ايمن:ي شباب عاوز الحديقة دي تطلع حلوة شديد و تكون ملائمة انو يعملو فيها اعراس و حفلات
الطاهر جاهم و قال ليهم:ورا البيت في زرع اياكم تهبشوهو و الا كتلتكم و دفنتكم هنا دا
ايمن:م تخاف يا عمي وصيتوم
الطاهر:كلو منك انت و اختك ،شوف بعد م تعملو حاجاتكم دي و تظبطو الحتا م عاوز اشوفك لا انت لا اختك فهمت؟
ايمن:طيب تمام اوك بس روق عشان صحتك
الطاهر:هو انتو بقيتو فيها صحة؟؟حسبي الله بس تمو شغلكم
دخل البيت و رزع الباب بي كل قوتو
متاب:مالو د ؟
ايمن:والله الراجل د مجنون صدقوني
متاب:ايمن اسكت انا براي خايفة🙂
ايمن:صحي عاوز اسألك
متاب :اي
ايمن:اماندا حكت لي و قالت لي شافتك دخلتي حديقة الطاهر
متاب:اها؟
ايمن:لي مشيتي ليه؟
متاب:ساي عشان اتغلب على خوفي حيكون ليه يعني
ايمن:و مالك متوترة كدا
متاب :م شايف الحتا دي عاملة كيف؟عان الشجر الما مفهوم دا و الطين لا لا الحتا لو م قالو لي مسكونة و دخلتها و شفتها بي الحالة دي بقول مسكونة
ايمن:م كنت قايلك خوافة كدا🤭
متاب:اسكتي مني في اللحظة دي +يلا بعدا بمشي محاضرتي قربت تبدا
ايمن:ماشة مع منو؟
متاب:واحد صحبي قلي هو قريب من هنا و اصلا ماشي الجامعة قام قلي حغشاك
ايمن:واحد صحبك؟
متاب:ايوة مالك
ايمن:د منو؟
متاب:م اظن بتعرفو ليه بتسأل
ايمن:عاوز اعرف ماشة مع منو يعني م ممكن افكك مع اي زول
متاب:عاين طيب لي بعدين لانو قاعد يضرب لي
ايمن:قوليه يمشي انا حوصلك
متاب:م ينفع امشيه عيب
ايمن:لا ينفع قوليه اخوي حيوصلني
سكتت مسافة و قالت ليه :لا المرة الجاية يا ايمن
مشت خطوطين قاممسك يدها:مصرة؟
متاب:ايوة مصرة +مش قلت حتمرق مع البت ديك بعد شوية؟ م عاوزة اعطلك .....فكت يدها منو و قالت ليه نتلاقة بعدين
طلعت و بقت تفتش في العربية دقت الشباك و قالت ليه:انت القبلت الطلب لي جامعة (...)؟
قليها :ايوة
ركبت و قالت ليه طيب اتحرك سريع
—————
حسن دقا الباب لي صبا :صبا؟
صبا:اي يا حسن خش
حسن دخل و لملم ليها الشيتات الكانت في السرير و طلع النضارة من عيونا و ختاهم بعيد و قليها:امشي البسي
صبا:ماشين وين؟لا يا حسن لو مع ناس اماندا عشان الورقة و كدا م طالعة حنلف مية سنة و انا تعبانةة
حسن ختا يدو في واسة و قليها:مالك؟
صبا:مافي شي بس جسمي مكسر
حسن عاين ليها مسافة و قليها:مالك؟
صبا:ماف شي والله
حسن:خلاص ارقدي اتغطي ،اعمل ليك شاي او اي حاجة تاكليها؟
صبا:لا لا م للدرجة دي بس الطلعات خقت اماندا دي متعبة و بتاخد زمن و انا الليلة مافي المود
حسن قليها:طيب نحضر فلم؟
صبا :اايييي
حسن قعد في الكنبة و قليها تعالي.. قعدت جمبو و بدو يفتشو في فلم و اول م جاين يفتحو الفلم اماندا دخلت عليهم و قالت:صبا..
صبا :مالك يبت؟
اماندا:اممم خلاص خلاص
صبا ضحكت و قالت ليها:تعالي ي بت
اماندا:معليش دخلت بدون م ادق الباب
حسن:عادي اي اماندا ..تعالي اقعدي
اماندا قعدت في السرير و في ايدا هدوم قالت ليهم:ي جماعة حازم الليلة مطلعني تمام
حسن و صبا:اها؟
اماندا:و م عارفة البس شنو م جبت معاي غير فستان واحد و هدومي كلها بناطلين و تيشيرتات
صبا:اها؟
اماندا:و الحيوان كل مرة بقول لي محمد ولد محمد ولد لمن اتعقدت و شفتي المقصوفة الاسمها بسمة بتلبس كيف؟بس انا بدور البس زيها
صبا:طيب اديك فستان مني؟
صبا انتي طويلة انا لو لبستو حجي فيني طويل درعة
صبا:لا لا بشوف ليك
صبا فتحت شنطة السفر و طلعت فستان لونو اخضر غامق v-neck اكمامو طويلة و بجي طويل
قستو و حسيت روحي م مرتاحة فيه نهائي لكن كان طالع علي حلو شديد قلت ليهم:اها كيف؟
حسن:حبو شديد بس انتي مرتاحة فيه؟
اماندا:نهائييييي
حسن:طيب م الا تلبسيه عشان هو يشوفك حلوة ولا شنو ؟
صبا:اصلا يا اماندا هو م مريح بس انتي استحملي
حسن:اماندا ،صدقيني حازم بحبك بي شكلك و بي لبسك د و هو بقول كدا عشان بحب يغيظك م اكتر مفروض انتي تكوني عارفة كدا
اماندا:لكن..
حسن :صدقيني يا اماندا البسي اللبس الانتي مرتاحة فيه م تغيري من نفسك عشان ترضي زول و ان كان على حازم هو بعمل كدا بس عشان يغيظك م اكتر
اماندا:د قولك؟
حسن:ايوة .
اماندا بي حماس :خلاص ظابط ادوني خمسة دقايق و برجع ليكم
مشت الاوضة بي حماس فتحت الدولاب شالت بنطلون زيتي واسع هاي ويست و طلعت هودي ابيض كروب توب و جزمة بيضة ،رفعت شعرها لي فوق و ربطتو كحكة (كعكة ولا كحكة؟😭) و عملت روج مايل على احمر فاتح و عملت بي فوقيه لبستيك شفاف و لبست حلق و جاتوم الاوضة :م محتاجين تقولو لي انو حلو لاني عارفة اصلا🤪
صبا:د ر ع ة دررععةةةةةةة ،احلا من الفستان بي مية مرة
اماندا:اها كدا خلاص صح؟
صبا :اي دقيقة اديك خواتم حتجي ظط م اللبسة
ادتني خواتم بي الدهبي و لبستني اسورة نفس اللون قالت لي :انتي كدا جاهزة
صبا:دقيقة الريحة
اماندا:لا لا لا اقيفي م تبخي ،حازم قاعد يحب ريحتي شديد ماشة ابخ منها
اماندا:ااشي اسي اشي انا على حازم
حسن:صبا خلي البت في حالا
اماندا:د حازم بضرب لي
رديت و طلعت برة :ها انت وين؟
حازم:انا تحت انزلي
اماندا:طيب دقيقة و اكون معاك
مشيت بخيت من الريحة و نزلت تحت كان متكي علي العربية و شغال بي التلفون و بلعب بي دقنو وقفت عاينت ليه مسافة كان لابس بلوزة اكماما طويلة كبدية و بنطلون ابيض و جزمة بيضة و انا احساس :واي🥺
كان مخفف دقنو و مرتب شعرو و كان حاجة كدا رهيبة🥺
اماندا:هي
حازم:اللية متعبة روحك و عاملة روج كمان 😂
اماندا:حسا بمسحو :)
حازم:لا تعالي خلاص اركبي عشان م نتأخر +اهم شي جبتي الكتاب؟
اماندا:قاعد في الشنطة
حازم:طيب اركبي
اماندا:موديني وين ؟
حازم و هو بدور العربية:لمن نوصل حتعرفي
اماندا شغلت اغنيتوم L.o.v.e و بدو يغنو معاها و كانو مبسوطين شديد
حازم قليهاها اقيفي اسمعك الغنية دي فتح غنية ابو عركي البخيت -من معزتك انتي ليا
بقا بغني معاها و عاين لي اماندا مسك يدها و بقا يردد معاه الغنية :
~بحبك حب ما حباهو جن لي جن
ولا حباهو زول لبشر
ما حباهو جن لي جن
ولا حباهو زول لبشر .
ولا جايين من الارحام من بعدك ومن بعدي حيعرفو
كيف دا كان بحصل ~
كملت معاه و هي بتعاين ليه جوة عيونو و مبتسم :
~من معزتك
من معزتك أنتي لي
من معزتك آنت لي
ختيتى قلبك فوق أيدي
وقتي ليهو عزيز على
عليك الله احرسو لي ~
سكتو و خلو ابو العركي يتم الغنية و قال:
~فى صباح وفى عشى
وقلتى لي معاك سلامه
يوم رحيلك من البلاد
دارك مرصع بالسواد
غيم حزن كل اليتامى
وانشر بين كل العباد
وفارقت الناس السلامة~
#يتبع
