حازم كان واقف بي توتر و اماندا بتقول ليه يلاامشيييي حازم بقا جاري وراهو و هو كلو ما ليه يبعد لحدي م حازم وقف من التعب و داك اختفى مرة وحدة حازم كان راجع و نفسو قايم اماندا بتقول ليه اها؟؟؟؟ طلع منو مهند صح؟
حازم:جريت و م لحقتو
اماندا:كيف م لحقتو يا حازم خلاص كنت على وشك اعرف الكاتب
حازم:ياخي م شفتيه بجري كيف؟كل م اقرب منو بجري زيادة
اماندا دخلت الحديقة و بقا عندها مليون سؤال في راسا اذا د حازم الهو الكاتب كيف هو ختا الرسالة و هو جمبي؟ممكن يكون مدبر زول بس الهيئة بتعتو ياها زي حازم او امكن مدبر زول نفس هيئتو يعني جات صدفة او او او او د مهند يعني بسيطة جدا و منطقية شديد !!حتا لمن حازم قليه اوصلك الجامعة اصر انو م يوصلو دقيقة ي جماعة دقيقة و على حسب علمي جامعتوم الليلة اجازة!!!!!!؟
بجد م عارفة خلاص راسي جاااط شديددددد
قطع تفكيرا صوت صبا و هي بتصرخ
دخلو جوة بي سرعة صبا و حسن كانو في نص الحديقة و حسن كان حاضن صبا شديد و بلف في محلو كأنو بحمي نفسو من حاجة
حازم سألو قليه :حسن في شنووو؟؟؟؟؟
حسن:سمعنا اصوات ما ياها يا حازم
اماندا:كيف يعني م ياها؟؟؟
حسن:زي م بقول ليكم كدا
حازم:الاصوات شنو يعني م فاهم؟؟
اماندا بقت لافة في الحديقة كدا و فجأة صرخت و نادت حازم
كلهم جو و لقو سائل احمر مدفق مايل على كبدي
حازم قال لي اماندا:د دم؟
اماندا عاينت ليه و قالت:م عارفة لكن تقريبا اي سمعو تاني اصوات غريبة شديد اتجمعو كلهم في نص الحديقة و بقو بعاينو حوليهم زين و رؤى دخلو و لقوهم بي الطريقة دي و بقو منططين عيونوم احساس في شنو ي جماعة مالكم
حازم:الصوت وقف اماندا فكت يدها منو و قالت:الكلام د م حقيقي
صبا:اماندا م حقيقي كيف
اماندا:انا متاكدة د كلو مدبر اكيد حتكون الحديقة المقابلانا عملت كدا بدون شك!!!!
صبا:مافي زول دخل هنا غيرنا يا اماندا
حسن:اماندا معليش شديد لكن انا م بقدر اعرض حياة صبا ولا حياتي لي الخطر ،كدا كفاية صح؟انتي م باقي ليك شي و الدفتر يخلص و زي م شايفة الطاهر اصلا م عاوزنا ف أحسن نمشي و نخلي الكلام د
اماندا قالت:لكن😢..
حازم قاطعا و قليها:لكن شنو يا اماندا خلاص كلام حسن صح احسن نطلع قبل م يحصل شي تاني
اماندا:ااف اف
كلهم مشو و فضلو اماندا و حازم اماندا الا تمشي الحديقة التانية و تسالوم من الحصل د
حازم:اماندا !!؟
اماندا:م حنخسر شي يا حازم ،و بس حمشي استفسر و حكسر حنك الحديقة كلو كلو اوعدك
حازم عاين ليها و قليها:طيب ارح قدامي
دخلو الحديقة و كانت فيها ناس كتار و اطفال بلعبو و اتجارو مشو بعيد لحدي م لقو بيت صغيروني دقوهو و فتح ليهم راجل عجوز بس م شديد في عمر الطاهر كدا عاين ليهم بي استغراب و قليهم:الطاهر رسلكم؟
اماندا قالت ليه:لا عايزنك في موضوع و ي ريت تجاوب لينا بي كل صراحة
عاين ليهم بي نظرات استفهام بعدين قليهم:قولو سريع انا م عندي وقت مشغول
اماندا عاينت لي حازم و رجعت عاينت لي الراجل و قالت ليه:الحصل قبل شوية في الحديقة بتاعت الطاهر انت المخطط ليه صح؟
دخل البيت جوا و داير يقفل الباب اماندا وقفتو :جاوبني
قليها و هو ورا الباب :امور الطاهر دي م تدخليني فيها كفا العشتو بي سببو
اماندا و هي بتقرب من الباب اكتر:انا عاوزة اسمع القصة
الراجل فتح الباب و قليها:ي بت م تطيري من هنا
حازم كلمة تطيري دي اكلت معاه جمبة جا عليه و هو معصب الراجل داك بي سرعة دخل يدو في جيبو و طلع مسدس و وجهو على حازم ،حازم تلقائيا رفع يدو حبا و رجع لي ورا لحدي م وصل اماندا قليهم و هو بهز المسدس:يلا من هنا
اماندا :بس وريني اذا انت طلعت الاشاعة دي ولا لا
عشق المسدس و قليهم:عاوزين تموتو؟
اماندا و حازم رجعو خطوتين لي ورا و قامت اماندا قالت ليه:بس وريني ادا انت الطلعت الاشاعة د
الراجل. و هو بعاين لي مسدسو :منو قليكم انها اشاعة؟
اماندا:كيف؟
الراجل رفع المسدس عليهم و قال:يلا ي بت انتي غوري من هنا
حازم مسك اماندا و جرا بيها لحدي بوابة الحديقة ركبو العربية اماندا قالت ليه:يعني مثلا حيقتلنا قدام القوم ديل كلهم؟خواف د
حازم:م خواف يا اماندا لكن انتي م حتكوني عارفة ممكن يحصل شنو ولا هو يتصرف كيف فأخير طرنا من وشو زي م قال هو
اماندا سكتت و عاينت لي الشباك و قالت بي حزن:ياخ كان نفسي اظبط الحديقة دي و اعمل زي م مهند كان عاوز ياخي قطع لي قلبي
حازم:مالو مهند
اماندا:كان عاوزالحديقة دي ترجع زي الاول عشان يطلع منها قروش حالتوم صعبة هم ،م عارفة الطاهر مكابر على شنو
حازم:و زعلانة قدر د لي شنو؟م اي شي انتي عاوزاهو حيتعمل
اماندا بي حزن:ياخ عارفة كسرت الحنك اصلا حيلي اتهد والله كفا الالغاز المحيراني دي و الزول الما عارفاهو هو منو د
حازم حسا بيها زعلانة شديد يعني هو عارف انو الموضوع تافه و م بستاهل زعلا د كلو بس برضو م متعود يشوفا كدا،ضربا في راسا و قليها:هي يا شافعة
اماندا :اي
حازم:شنو اي ؟مفروض ترجعيهم لي عشرة و تقعدي تتعاوري فيني
اماندا:م فيني حيل 😕
حازم:طيب عايني لي هنا و اسمعي كلامي د كويس 😼
اماندا عاينت ليه احساس مالك قليها:لا م تعايني لي كدا قولي لي اها يا حازم في شنو
اماندا :اها ي حازم في شنو
حازم:الليلة بليل على الساعة عشرة تكوني جاهزة و النبي البسي فستان و ارحمينا من البناطلين دي
ضحكت و قالت ليه:وريني سايقني وين
حازم:ابيت
اماندا:ياخ وريني بطل عوارة و لنبي
حازم:مفاجأة انت مالك؟
اماندا:ظابط يا ابو الزوز
حازم:لكن م تخافي حيكون يوم حلو شديد و مميز شديد
اماندا:نشوف🌚
وقف العربية جمب بيت اماندا نزلت و دخلت البيت جوة و لقت ايمن بتكلم في التلفون بي كواريك:حاضر يا متاب تمام بس خليك عارفة اني بحبك شديد و م كنت ناوي العب بيك ولا اقضي بيك زمن قفل التلفون واتجه على الباب لقا اماندا واقفة قليها:مالك؟
اماندا:ماف شي بس تعبانة شوية
ايمن:انا طالع عاوزة حاجة اجيبا ليك؟
اماندا:لا
طلع و هو زهجان و اماندا كانت عاوزة تضرب لي متاب تسمعا وسخ اضانا و لمن جات تضرب وقفت روحا فكرت بينا و بين نفسها ضحكت بعد م جاتا فكرة خبيثة ضربت ليها و قالت بي صوت تعبان:متاب تعالي لي البيت سرعة م عارفة مالي تعبانة شديد و مافي زول في البيت
متاب:سجمي مالك
اماندا و هي بتكورك :متاب سرعة تعالي لي م قادرة بتلقي باب البيت فاتح
جرت قعدت في اوضتا و ضربت لي ايمن :ايمن ايمن الحقني م قادرة اتنفس الحقني
ايمن:ااندا م تقفلي التلفون خليك معاي انا حسا جاي
اماندا و هي بتكح :ايمن اسرع
قفلت التلفون و متاب دخلت ليها بي خلعة اماندا مالك يا اماندا
اماندا كانت راقدة في السرير و خاتة يدها في وشها:بطني كانت مؤلماني شديد م عارفة مالي متاب:طيب اضرب لي حازم؟
اماندا :لا لا خليه عندو اجتماع ،اماندا سمعت باب العربية بتاع ايمن بقفل قالت لي متاب :انا ماشة الحمام برة
متاب:ادخلي حمام اوضتك
اماندا:نافيه موية عطلان ....دخلت الحمام بي سرعة و اول م سمعت ايمن دخل البيت و بكورك اماندا اماندا طلعت وراهو لقتو خشا الاوضة شالت المفتاح من يدها و قفلت الباب
ايمن:متاب اماندا وين اماندا كويسة؟
متاب قالت ماشة الحمام
ايمن جاي يفتح الباب لقاهو مقفول متاب قربت على الباب و قالت ليه:ابا يفتح؟؟
اماندا ضحكت و قالت ليهم:هوي ي شفع انتو حلو مشاكلم دي و م بتطلعو من الاوضة الا و انتو عروسين حلوين جميلين كدا ها اتفقنا؟
متاب:اماندا نحن حلينا الموضوع د و حسمناهو
اماندا:ي بت م دايرة معاك كلام كتير انا كلامي د واضح م بتطلعو من الاوضة دي الا و انتو مرتبطين فاهمة؟
ايمن:قربت اعمل حادث بي سببك تاني اياكي تعملي لي كدا فاهمة ولا لا
اماند:اكيد فاهمة😼
ايمن رقد في السرير و طلع تلفونو و بقا بلعب بيه
و متاب قاعدة في الكرسي و مكتفا يدينا
متاب:ايمن
ايمن قليها :نعم؟
متاب:شوف حل
ايمن:شوفي انتي انا م عندي شي اعملو و ان كانت على القعدة عاجباني شوفي انتي لو متضايقة اتصرفي مع صحبتك
متاب:ايمن نحن اصلا ما ممكن زاتو نرتبط ولا نفكر حتا
ايمن:والله الا كان ختيتي القانون د انتي
متاب:انا جادة يا ايمن
ايمن:طيب من الاساس لي حبيتيني ؟
متاب:م قدرت يا ايمن د شي م بيدي و م كنت حقول ليك اصلا
ايمن:تمام يا متاب ماف مشكلة عزبي في روحك كدا و عزبيني معاك لحدي ما زول فينا يموت
اماندا:اسرعو ي جماعة نعسانة و عاوزة انوم
ايمن تما كلامو و قليها:طيب انتي ليه قررتي انو نحن م ممكن نكون مع بعض؟
متاب:لأننا اخوان يا ايمن
ايمن:طيب عاوزة اسالك سؤال امي رضعتك؟...جاوب على نفسو و قال:لا امي ولدتك؟لا برضو بت ابوي ؟لا البمنعنا انا و انتي نكون مع بعض شنو
متاب صحكت و قالت ليه:ياخ يا ايمن انا خايفة
ايمن:م بتثقي فيني يعني!
متاب:م كدا..
ايمن:طيب الخوف من شنو؟
متاب:انو م نكمل يا ايمن
ايمن:نحن نعمل العلينا و الباقي على الله و اي شي يحصل اعرفي حصل لي خير و القرار بين ايديك
متاب:طيب و لو سبتني عشان وحدة اعمل فيك شنو لحظتا؟
ايمن:مع انو م حيحصل لكن جيبي اماندا و تعالو اضربوني لحدي م اقول بس
متاب و هي بتمسح في دموعا:طيب و لو مت انا حستحمل غيابك كيف
ايمن:و يعني لو نحن م مرتبطين و مت م حتبكي علي و حتشتاقي لي مثلا؟بطلي استهبال
متاب:طيب عاين
ايمن:عاينت
متاب:اوعدني انك م حتزعلني؟عشان انا بكاية
ايمن و هو بمسخ دموعا و بضحك م هو ظاهر😂😂
اماندا فتحت الباب و فكت زغرودة و قالت ليهم:الف الف الف مبروك بيت مال و عيال انشاءالله و د كلو طبعا بي فضلي فماف داعي لي الشكر حبايبي 😼
اايمن:طيب ادينا فرصة نتكلم
اماندا:اطلعو من اوضتي عاوزة انوم يشباب😼
متاب حضنتا و قالت ليها:انا بحبك شديد
اماندا :د شي معروف يحبي😼
ايمن قال لي متاب:هوي انتي تعالي وراي بدور اوريك شي
متاب عاينت لي اماندا و قالت ليها بي صوت واطي:مبسوطة شديد
ايمن جراها من يدها و طلعو برة و اماندا كانت بتعاين ليهم كدا🥺
قعدت في السرير و قالت و هي بتطلع الورقة من الشنطة:الله يحفظني ليكم بس
فتحت الورقة و رقدت في السرير و بدت تقرا
———————
مسكتها من كتفا و قلت ليها:كنتي وين ،حاصل ليكي شي؟وريني مالك فيكي شي د قاسم صح؟سوا فيكي حاجة
فرح:ايسر اهدا انا كويسة سافرت بورتسودان و جيت
قلت ليها بي عصبية:و م بتكلميني لي يا فرح م فكرتي ممكن انا يحصل فيني شنو؟
فرح مسكت كف يدي بي ايدنا الاتنين عشان تهديني قالت لي:حبيبي تعال نمشي نقعد في محلنا داك و بفهمك اي شي بس انت روق و م تعصب
مسكت يدهاو و جريتا لحدي العربية بي زهج و سقت لحدي الشارع داك و قعدنا في الطربيزة و قلت ليها بي عصبية:اها وريني مالك و مشيتي ليه بدون م تكلميني؟
فرح :بابا عرف انو انا و انت بنتقابل و كدا و هو قايلك زي قاسم فبخاف علي شديد ،ساقني بورتسودان و قفلت تلفوني و قفلني في الاوضة و اقنعتو انو نرجع عشان الامتحانات قربت
انا:طيب وريني هو فاضي متين و انا بجي اتقدم ليك لاني م بستحمل وجع القلب د يا فرح
طيب لكن م حسا يا ايسر اديه وقت يهدأ
انا:وقت لمتين يعني لحدي م يجي زول و يعرسك يا فرح؟
فرح :لا م تخاف بابا م حيرميني لي اي زول زي م عمل اخوي
ختيت يدي في وشي و حمدت ربنا انو فرح كانت كويسة م عارف الحاصل لي د شنو و ليه و و كيف اصلا قلبي اتعلق بيها لي الدرجة دي قلبي وجعني شديد لمن فكرت بس في يوم ممكن تموت و تسيبني حبي ليها م كان بتوصف و خوفي عليها من الناس و قاسم كان م طبيعي نهائي وديتا بيتا و كل م بعدتت عني كل م قلبي بوجعني زيادة حاسي انها حتمشي و تاني م حترجع و شوقي ليها كان بعيدد كنت بس نفسي انوم في حضنا و تداوي لي جرحي السببتو لي في غيابا
——————
صبا دخلت البيت و قالت لي امها:راجلك لمن يجي وريني عندي معاه كلام
تسنيم:سجمي يا صبا لعلو قاصدة ابوك بي راجلك د؟
صبا:والله كلمة راجل زاتو كتيرة عليه
تستيم قامت من محلا و لحقتا لي اوضتا و قالت ليها:سجمي يا صبا جنيتي ولا الحاصل عليك شنو
صبا:م هو انتو الجننتوني
تسنيم:دي قلة ادب جديدة دي ؟؟
مجدي ج داخل و قليهم:مالكم صوتكم طالع لاخر الشارع
صبا :تعالو عاوزاكم في موضوع
قعدو في الصالة و قالت لي ابوها:و انت بتقتل فيهم م فكرت انو ممكن زول يعرف؟
مجدي بلع ريقو و قال :اقتل منو. ي بت جنيتي
صبا:روق م تعصب نحن في بداية الكلام
مجدي مش عليها و اداها كف لحدي م وقعت في الارض
مجدي:صوتك د م يعلا علي فاهمة؟
صبا قامت من الارض و قالت ليه:عرسي لو تما مع اشرف م حيحصل خير
مجدي:حتعملي شنو يعني؟
صبا:حبلغ الشرطة ابسط شي اعملو
مجدي :تبلغي الشرطة علي عشان واحد تافه م بسوا قرش؟
صبا:قايل روحك م حيجي يوم و حتتحاسب فيه؟
مجدي:و تحاسبيني انتي؟صبا لا اله الا الله اطلعي من راسي
صبا:قاتلوم لي؟
مجدي:ي بت انا م قتلت زول هو كلمك صح قليك كدا
صبا:بابا ..حسن م كلمني انا سمعتكم قبيل و انتو بتتكلمو جمب الخديقة انا كنت هناك
مجدي قعد في الكنبة و بقا ساكت قالت ليه يعني كتلتهم صح يعني السمعتو د كلو حقيقة؟!!!
مجدي:اي كتلتهم يا صبا ،عاوزة تمشي تبلغي عني؟امشي بلغي و وريني حيصدقوك كيف بدون دليل!
صبا مسحت دموعا و طلعت التلفون من جيبا و ورتو انها كانت بتسجل قفلت التسجيل و قالت ليه:حسن كلمني بي اي حاجة و في الاول م صدقتو و جارييتو في الكلام و جيت هنا عاوزة اتأكد لكن طلع ابوي بجد قاتل
مجدي كان ساكت صبا قالت ليه:انا متبرية منك و مافي اي شي حيخليني احن و م ابلغ عليك و غير التعنيف الكنت بتعنفو لي حسن و الدلائل كلها في جسمو و اوهو د معاي دليل انو انت الكتلت ..م عاوز تتسجن تلغي العرس و بعد م حسن ينتهي من الجامعة نحن حنعرس
مجدي قليها و هو ببلع ريقو:طيب ،لكن م كنت قايل في يوم ممكن تعملي فيني كدا حتا لو تهديد
صبا:ما يا ابوي انت العملتو م ساهل
دخلت الاوضا و رقدت وكانت بتبكييي حسن ضرب ليها قفلت في وشو و كملت بكاها
(شايفين تصرف صبا صح ؟🤔)
————————
اماندا طلعت ليهم الصالة و قالت ليهم:ممكن يعني لو سمحت اشيل متاب منك ؟م ممكن من صباح الرحمن لي حسي قاعدين سوا عاوزاها في موضوع:)
ايمن :انتي عشان ساعدتينا عاوزة تطلعي فوق راسنا؟
اماندا:ايمن النبي فيك عليك الله عاوزة متاب في حاجة ضروري فا شنو اطلع من راسي
ساقتا من يدها و قالت ليها:حازم عامل لي مفاجأة و قلي تعالي مظبطة و كدا و م عارفة البس ياتو فستان ياخ
بعد تفتيش و عناء
لبست فستان اصفر رويان ماسك من الوسط و فاري لحدي تحت الركبة اكمامو طويلة و مفتوح من الظهر و من قدام برضو v-neck لبست معاهو كعب عالي لونو ابيض و اكسسوارات بي الدهبي رفعت شعرا فوق عملتو كحكة اكتفت بي الروج لونو احمر انجليزي و بقت مارقة
طلعت لقت حازم مستنيها كان لابس بلوزة هاي نيك لونا اسود شاكيها مع بنطلون رصاصي مخطط بي خطوط رفيعة شديد سودة بوت اسود جلد لابس ساعة فضية في ايدو
اول م شافا صفر احساس بشاغل فيها و اماندا قالت ليه:عاين م دايرة معاك قلة ادب
حازم: مالك واقفة م تجي
اماندا:م انا لو كنت قادرة اتحرك بي الزفت اللابساهو في رجلي د كنت اتحركت ههه😊
حازم ضحك و مشا عليها و مدا ليها يدو و قليها:تكلي فيني 😂
دخلو العربية جوة و كانت في لحظة صمت كدا و خجل م طبيعية حازم قليها:لي حارمانا؟
اماندا:من شنو حبيبي انا
حازم:من الفساتين و الحركات دي ها و من الروج د والله محمد ولد بي حليفتا
اماندا :عارف يا حازم
حازم:اي حبيبي
اماندا:الهاينيك فيك حلو شديد 😃راجلي بعدين هدومو كلها حتكون هاينيك
حازم:عاوزة تقتليه صاح؟قولي الحقيقة؟لاني حسا م قادر اتنفس
اماندا ضحكت و قالت ليه:راجلي بعدين بشد حيلو و بستحمل
حازم:لالا لا قصدك شنو ي اماندا ؟🙂
اماندا:سوق و انت ساكت 😘
بعد اقلا من عشرة دقايق وقف العربية قدام مطعم انوارو قافلة اماندا نزلت و قالت ليه:قولي حتخطفني زي المرة الفاتت صاح؟😈
حازم:المرة الفاتت م خطفتك لي المرة المليون يا بيبي
اماندا:سمح انوارو قافلة ليه المطعم؟
حازم:طيب يا اماندا ممكن تمشي و انتي ساكتة ؟
اول م دخلنا الانوار اشتغلت و اشتغل معاها طوالي اغنية : sway -michael buble
عاينت ليه بي خجل و قلت ليه:اغنيتنا
حازم بادلني بنفس النظرات و مدا لي ايدو مسكتها و بي ايدي التانية ختيت ايدي في كتفو و هو ختا وحدة في خصري و التانية ماسك بيها يدي م كنت بعرف ارقص سلو على عكس حازم ،كنت سايبة ليه نفسي و بتحرك بي خطواتو هو ،كانت الاغنية بتعلا و حازم بتحمس اكتر في نهاية الاغنية لفاني و قربني عليه و قلي :بحبك
#يتبع
