فضلو ماشين بي اماندا و كل م تبعد اكتر و كل م هي بتخاف اكتر بتعاين لي الشارع الحتا كلها ضلام الساعة وقتها كانت حداشر و نص فضلو ماشين قراب النص ساعة لحدي م وقفو بي العربية لمن عاينت بي الشباك لاحظت انو ياهو د الشارع الاتخطفت منو عاينت قداما و لقت حازم و حسن و عمر واقفين قدام العربية لقت نفسها بتبكي ،دققت في ملامحو كانت ظاهرة عليها الخوف و الخوفا اكتر انو قدرت تعرف من وقفتو و طريقة مسكتو لي القروش و عروقو الناطة انو حيكسر راس الخاطفين ديل خافت شديد انو يشتبك معاهم و يحصل ليه حاجة و في نفس الوقت متغايظة منو شديد لانو على حسب تحليلا و استنتاجاتا انو حازم الخطط لي د كلو ..
الخاطفين اماندا نزلو من العربية و بعديها الخاطف الكريه داك فتح العربية و طلع اماندا كان خاتي يدينا ورا ضهرها و ماسكوم و ماشي بيها لي قدام
حازم اول م شاف اماندا عصب زيادة و كان شوية وًيمشي يقتلوم بس حسن كان بخت ايدو في كتف حازم عشان م يتصرف تصرف من عندو و يورطنا كلنا
حازم قبل اي شي سأل اماندا و قليها:انتي كويسة ؟
اماندا بي صوت مخطوف:اي
الخاطف قال:خت القروش في الارض و بعديها بنديك ليها
حازم :لا سلم انت الاول
الخاطف الكريه عشق المسدس و ختاه في راس اماندا و قال :نفذ عشان م انفذ انا
حازم بقا يكورك و قال:اوععك تفكر تعملا يا حيوان
قليه و هو بأشر عل الأرض بي المسدس:خت القروش و بنديك ليها كلام واضح
حسن:خت القروش يا حازم
عمر قليه ب ينفاذ صبر:ختتت القروش يا حازم
حازم كان بعاين لي الخاطف في عيونو و بحدر ليه رما القروش في الارض جمب الخاطفين و هو لسا بعاين ليهم بي غضب،بعد م رما القروش ...لزا اماندا على ناحية حازم و حازم بعدها تلقائيا رفع رجلو و طير المسدس من يد الراجل و بي كل قوتو اداهو بنية لخدي م وقع و بقا يكب دم
الخاطف المسكين داك الكلن بدافع عن اماندا قال لي حارم:روق نحن اتفه من مذا بي كتير سوقا و امشو وقفتنا هنا زاتو بتجسب لينا الهوا
قوم صحبو الكان غرقان في الزم و دخلو العربية رجع شال القروش و قليه:منا مزنوقين قي قريشات معليش
حازم كان ماشي عليه عاوز يضربو عمر مسكو حازم اتلفت على عمر و زحا منو و قليه :اوعك تهبشني
امنتك على اماندا و شفت الحصل شنو؟
اماندا كانت بتبكي و واقفة بتعاين ليهم
عمر لزا حازم من كتفو و قاليه:كان غالبك تمشي انت؟و لا م صدقت البيت فضا ليك انت بسمة يا باطل
حازم اداهو بنية اقوا من الاداها لي الخاطف قبل شوية و قليه:البطالة دي لمن وزعوها انت شلتها كلها
اماندا مشت على عمر قعدت جمبو في الارض و مسكت ليه وشو و قالت ليه و هي بتبكي :انت كويس؟
عمر هزا ليها راسا بمعنى اي قالت ليه :واجعاك ؟نمشي المستشفى؟
عمر مسكا من يدينا و قاليها انا كويس انتي فيك حاجة عملو ليك شي؟
حازم كان بتمالك في اعصابو و بنظم في نفسو طلع البخاخ و بقا يبخ يبخ لحدي م رخا شوية قوم اماندا بي لهفة و قليها :انتي كويس ؟عملو ليكي حاجة وريني
اماندا زحت منو بي زهج و قالت ليه:بهمك شديد يعني؟
حازم بعدم استيعاب:اماندا،كيف م بهمني ..مسكا تاني و زحت منو بي زهج و اكتر قليها:مالك ؟
اماندا و هي بتكتف يدينا و الدموع جارية:م ختيت في بالك انو ديل ممكن يقلبو ضدك؟انت كيف قلبك يسمح ليك تعمل كدا؟
حازم:اماندا انتي بتقولي في شنو؟
اماندا:يعني م فاهم
حازم بي كواريك :اي م فاهم
اماندا:بطل استغباء يا حازم ،دبرت ناس يخطفوني عشان اشيل الدفتر من راسي ص،،
قاطعا و قليها:انتي جنيتي ؟؟ياخي انا بخاف عليك من نفسي تقولي لي ادبر ناس اخطفوكم انتي بتفكري كيف؟
اماندا ضحكت بي استهتار و رفعت متفها و قالت:م طبعا بتخاف علي من نفسك بي أمارة اليوم داك..
ختا يدو قداما و قليها :اقيفي اقيفي
اماندا زحت وشها منو و قاليها:اليوم داك لو بتتزكري قلت ليكي زحي يا اماندا قلت ليك م قادر....حسن اشر لي عمر و دخلو العربية :وطا صوتو و تما كلامو و قال ليها:قلتي ليكي م قادرازح و انتي زاتك قلتي م قادرة اها؟
اماندا جسمها كشا و حست بي الاشمئزاز اتجاه نفسها قالت ليه :حازم د م موضوعنا حسا ،اعترف و ريححني انك انت الكتبت الكتاب
حازم سكت مسافة و قال:ك..كتاب شنو ،انا بتكلم في شنو و انتي بتتكلمي في سنو !بي كل قواك العقلية بتتهميني اني انا الخطفتك
اماندا:النبي م تزوغ من الموضوع ،انت الكتبت الكتاب ولا لا
حازم مسك كتفها و هزاها و قليها:فوقي يا اماندا فوقي ،بجد زهجت
اماندا قالت ليه و هي خاتة يدها في راسة:يعني انت كيف بس م كنت خاتي حساب انو منكن يعملو لي حاجة
حسن دقا بوري حازم عاين ليه و رجع قال لي اماندا:بطلي السذاجه الانتي فيها دي و انا لو كنت عاوز اطلع فكرة الدفتر من راسك بطلعا ،م بطلعا بي الخطف ..
اماندا و هي بتبكي :م تتخيل انا في وقتها كنت هايفة كيف
حازم جاي احضنا زحت خطوة لي ورا و قالت ليه:لكن طبعا انت م حيكون هاميك المهم الملعب يفضا ليك انت و بسمك
حازم مسما من يدها زحتو رجعت خطوة تاني و بقت تبكي شديد عاينت ليه و دخلت العربية ..
حازم م كان فاهم اماندا مالا و لا بتعمل كذا ليه الموضوع زعلو شديد حتا بقا فاقد المنطق
اماندا كانت ورا و حسن و عمر قدام حازم فتح الباب بتاع حسن و قليه :انزل انا حسوق
حسن ركب مع اماندا ورا و حازم كان سايق و واضح عليه ملامح الغضب كان بطقطق صباعو مع الدركسيون و د دليل انو قافلة معاه من اماندا شديد
اماندا عيونا م جفت من البكا و كل الطريق كان بتبكي و تتنهد حسن كان بعاين ليها و قرب يبكي معاها م كان عارف يهديها كيف ولا يعمل ليها شنو
حازم وقف العربية جمب البيت و قالو ليهم :انزلو
عمر فضل قاعد في العربية و اماندا و حسن نزلو
حازم قليه :عاوز تتدق تاني ؟؟!
عمر:عاوز اتكلم معاك في موضوع
حازم عاين ليه و رفع حواجبينو احساس مالك
————-
اماندا دخلت جوة و لقت بسمة و صبا منتظرينهم و صبا اول م شافتا مشت حضنتا قالت ليها:اماندا انتي كويسة
اماندا هزت راسا بمعنى:اي
صبا عاينت لي حسن احساس خصل شنو اماندا طلعت اوضتا فوق و حسن قال لي اماندا:حازم مسك في عمر و ختاه كفتة و اماندا قالت لي حازم انو هو الكان خاطفا
صبا:اجي حازم هو الخطفا؟؟؟
حسن:يبت الناس حازم شنو الاخطف اماندا ؟؟دي صحيتك هفت ليها في راسا انو حازم العمل كدا
بسمة كانت سامعاهم و ظاهر انها زعلانة مشت على اوضة اماندا لقتا راقدة في السرير على بطنها و بتبكي قعدت جمبها في السرير عاينت ليها بي شفقة و قالت ليها بعد تردد:اماندا؟
اماندا قامت و عيونا كانو حمر عاينت ليها بي كل استحقاو و قالت ليها:جاية تعملي شنو هنا
بسمة:اماندا اهدي انا عاوزة اقول ليكي حاجة
————-
حازم:كيف بتحبني يعني؟
عمر:يا حازم ظاهر انها بتحبك +هي قالت لي بعضمة لسانا ،و انا قلت ليك اني بحبها بس عشان انت تتسرع و تقول ليها و تخلصونا من العلاقة الما مفهومة الانتو فيها دي
حازم عاين ليه بي لهفة:بجد هي قالت ليك انو هي بتحبني؟
عمر:اي يا حازم ،فأنجز لانو روحنا طلعت:)
حازم:و انا اعرف كيف انك م بتكزب
عمر شال تلفونو من الطبلون و ختاه في جيبو و قليه:انا عملت العلي و جيت قلت ليك تصدق م تصدق بعدا دا شي برجع ليك انت ،سلام
نزل من العربية و خلا حازم محتار
————
اماندا:انجزي عاوزة شنو
بسمة:مبدئيا كدا حازم بحبك
اماندا سكتت و بقت تعاين ليها احساس دي مالا
بسمة:و انتي عارفة كدا و م تعملي م فاهمة ،واضح انكم بتحبو بعض عشان كدا خلصونا و اعترفو لي بعض
اماندا صلحت قعدتا و قالت ليها:هو قال ليك كدا؟
بسمة:اي ،و انتي عارفة م تعملي عبيطة
اماندا:و علاقتنا ؟
بسمة:علاقتكم؟
اماندا:يعني حتتخرب
بسمة:عايني يا اماندا انتي ليه خاتة الحاجة دي في راسك انو بمجرد م انكم تخشو في علاقة ممكن صداقتكم تتخرب ؟انتو اصحاب من بدري و علاقتكم قوية شديد يعني الشافكم اتشاكلتو المرة الفاتت م بقول بترجعو عادي زي زمان انتي ختي الحاجة السمحة و اتوكلي
اماندا:و انتي .
بسمة ضحكت و قالت ليها:انا شنو
اماندا :مش بتحبيه؟
بسمة:حازم صديق مقرب لا غير ساعدني ووقف معاي في حاجات كتيرة و منها علاقتنا بقت قوية..على العموم انا عملت العلي و جيت كلمتك ،باقي انتو تتصرفو مع بعض
#يتبع
