حازم مشى على البيت ودخل بعصبية واماندا وراهو.
هاجر:في شنو ي ولد؟؟
حازم:وين الزفتة دي؟؟؟
هاجر:الزفتة منو؟
حازم:رؤى يعني حيكون منو هو في زفت ولا زول فاضحنا غيرها؟؟؟
هاجر:فضحتنا في شنو وبعدين من متين انت بتتكلم مع اختك كدا؟؟
حازم:من الليلة ي امي..ظاهر انو الدلع بخليها تحوم على على حل شعرها وتنزل راسنا في الارض مرة يجيها لحدي البيت ومرة تمشي ليهو لحدي عندو
هاجر:مشت لمنو في بيتهم؟..اختك عملت شنو ي حازم اتكلم!
اماندا:اا لا ولا شي بس هناي الوقت اتاخر وحازم عايز يعرف وينها.
هاجر:هي م كلمتك يعني؟؟ دقايق! هي قالت لي ماشة ل اماندا.
اماندا:جاياني انا؟؟؟
هاجر:وانتي قاعدة هنا! يعني مشت وين؟؟؟
حازم وهو بضرب التربيزة بيدو:حتكون مشت للزفت بتاعها دا.
هاجر:زفت شنو قالت اماندا طلبت مساعدتها في حاجة.
اماند:انا؟؟؟..اا صاح انا كيف نسيت ..انا كلمتكم ننضف الحديقة حتكون مشت هناك ي حازم بس انت عايز منها شنو؟
حازم طلع بدون م يرد ليها واماندا طلعت وراهو اتحركو على حديقة الطاهر.
لقاهم كلهم قاعدين..ورؤى بتهظر مع زين وتضحك.
جا جاري ليها من بعيد بس اماندا مسكتو:انت م متعود تتعامل بالطريقة دي ماف شي بتحل كدا خليك زي ايسر.
حازم وهو بكورك:ايسر شنو في اللحظة دي ي اماندا؟!!
اماندا:المهم قصدي اتصرف ب وعي عشان م تندم بعدين واسمعها عايزة تقول شنو.
حازم فك يدها ومشى ليها وقف قدامها.
رؤى:بسم الله حازم في شنو😭.
حازم وهو بطلع التلفون ويوريها الفيديو:فهميني دا شنو؟؟؟؟
رؤى وهي بتشوف الفيديو:ود الحرام!!!
زين:رؤى انتبهي ل الفاظك.
رؤى:زين شايف عمل شنو؟؟؟ داير يعمل لي مشاكل مع اخوي!!
حازم:بعد الشفتو دا انا م اخوك!!! (وهو بضرب الحيطة الجنبها)..كلمتك طلال دا شنو والبمشو معاهو بكونو ياتو نوع من البنات!! م على اساس متشاكلين وما حتتكلمي معاهو تاني وهناي كيف تركبي عربيتو وكمان مشيتو بيت براكم!! (قال بصوت واطي وهو بقرب منها بغضب)..رؤى! انتي لسة بت؟؟!!
زين وهو بلز حازم:انت بتقول في شنو ي زول!!! كيف يعني تسالها سوال زي دا م واثق فيها ولا شنو؟؟؟!!!
حازم:بعد الفيديو دا م واثق فيها!!! وصدقيني انا هسي ماسك نفسي منك بالعافية عشان اماندا بس!!!
رؤى:حازم حشرح ليك!
حازم:م تشرحي لي ولا شي (وهو بسوقها من يدها)
من الليلة مافي طلعة من البيت ولا تلفون زاتو حشيلو منك ووريني حتتواصلي معاهو كيف.
حازم نفسو قام و بقا م قادر يقيف على حيلو فكا يدها و اماندا طوالي سندتو جابو ليه كرسي قعد فيه اماندا قعدت قدامو في الارض و بي سرعة فتحت ليه اوائل زراير القميص و طلعت ليه البخاح اخدو و بقا يرجع نفسو حبة حبة اماندا كانت بتهبب ليه و بتقول ليه اهدا اهدا ،مسحت ليه العرق الفي جبهتو و رشت فيه موية و نشفتا بي طرحتا
حازم :زحي لي منها الما مربية دي خليني انا اربيها من اول و جديد،بقا يكورك و يقول د اخر م اتوصلتي ليه تمشي معاه...
قاطعو زين و قليه:استنى ي حازم! م تكبر الموضوع م حصل شي اليوم داك! وبعدين اختك كانت ضحية م تنسى! هو كان حيعمل فيها شي يعني م بارادتها! نحنا اولاد وعارفين كيف ممكن يحنكو واختك صغيرة ما حتكون ختت فيهو نية كعبة والمهم هسي عرفت غلطها وعلى ضمانتي ما حتكررو..اليوم داك الحمدلله اتصرفت كويس ورسلت لي وانا جيت سقتها..وعاين ياخ الحصل اكيد مؤثر عليها نفسيا ف بلاي م تزيد عليها..ولو عايز دا تلفونها فتشو لو عندها رقمو ولا شي ..لو اتكلمت معاهو تاني صدقني انا الحضربها م انت!..وبخصوص الطلعة من البيت م تخاف م قاعدة تمشي مكان غير من الجامعة للبيت ومن البيت للجامعة وانا بوصلها وحوصلها لحدي م ارجع كندا..في شي تاني؟؟؟
حازم رجع قعد في كرسي وخت يدو في راسو واخد تنهيدة راحة كدا..اماندا قعدت جنبو وقالت ليهو:شفت؟؟؟ لو م كنت سمعت كنت حتظلمها ساي اختك كانت ضحية!
قام من محلو ومشى على رؤى البتبكي وحضنها:الحمدلله م حصل شي خلاص م تبكي.
رؤى(وهي بتمسح دموعها):طيب بس تاني ما تفهم غلط وطوالي تهاجم تعال لي اول واسالني الحصل شنو دي م طريقتك في التفاهم!
حازم:عارف والله بس انتي اختي الصغيرة والوحيدة لما شفت الشي دا م قدرت امسك نفسي..اسف.
رؤى:م مشكلة.
مشى على زين وشكرو مسااافة وبعدها قال:يلا ننضف الحديقة!
بسمة بحماس:ارححح😼.
لبسو الهدوم وشالو الكواريك والمقصات واشتغلو..الطاهر سمع صوت الجوطة طلع من بيتو وجاهم:ي الله..متين حتخلوني في حالي انتو؟!!
اماندا:كلمتك انا لايوقة وما حخليك في حالك الا اعمل الفي راسي😼.
اتنهد بزهج كدا ودخل.
عمر:دا مالو؟
اماندا:بري م بعرفو.
ايمن:م اول مرة يعمل كدا عادي اتعودنا🦦.
صبا:خليكم منو ..ارح ي بسمة ازبطي الشجرة دي قصي اوراقها من الجهة دي وانا حعمل بالجهة التانية.
بسمة:دي؟؟
صبا:ايوا هنا بالزبط.
قعدو ينضفو مسااافة وبقو ساكتين حازم حب يكسر الصمت دا مشى ل اماندا وهو بخت ليها الطين في وشها:م عرفتك الليلة وانتي فاهمة ي تافهة.
اماندا:من يومي فاهمة وبعدين اتكلم معاي باحترام م علموك احترام الكبير؟
حازم:كبير اجلنعم.
اماندا:كبيرة عقليا😗.
حازم:عان عشان لاول مرة اتصرفت بطريقة فاهمة قال كبيرة عقليا ي بت طيري من وشي قبل م اديك كف.
اماندا:اقتنع بالحقيقة ي بيبي وبعدين ميتينك ي حازم دا شنو العملتو لي في وشي دا؟؟؟
حازم:ولا شي حبيت اسوي ليك ماسك بس😽.
اماندا:ماسك بالطين؟؟
بسمة:ايوا في ماسك طين م بتعرفيهو؟
اماندا:عان الكضب لاحوولل😭.
حازم:انتي م تتكلمي ي اماندا دي حاجات بعرفوها البنات بس وبسمة قالت في ماسك طين معناها في ماسك طين.
اماندا:قصدك انت تبع البنات؟ لانك بتعرفو يعني م قصدي اهانة انت قايل شنو😽.
حازم وهو بشيل الخرطوش في يدو ويرشها بالموية:ميتينك ي بت😭.
اماندا:استسلم لانو بقصف احسن منك😼.
حازم:استسلمت😭.
صبا:بالمناسبة ي حسن عملت شنو في موضوع الداخلية؟
حازم:م تفتحي ليهو الموضوع ياخ😭.
حسن:مبدئيا كدا حشوف شغل عشان ادفع قروش الداخلية!
حازم:اتحلت!
حسن:شنو هو؟
حازم:انت بتفهم في الحسابات صاح؟
حسن:ايي ليه؟
حازم:حشغلك معانا في الشركة.
حسن:حازم شكرا شديد انك استضفتني في بيتك بس كفاية كدا موضوع الشغل ححلو براي!
حازم:حسن! عاين اصلا ما حديك منصب كبير نسبة لانو لسة م خلصت الجامعة يعني عشان م تحس اني اتوسطت ليك ولا كدا..وبعدين نحنا محتاجين محاسب في اسرع وقت مش كدا ي عمر؟
عمر:ايي والله حتى انا من جيت من بورتسودان بفتش..لو انت بتفهم في الحاجات دي ليه لا؟؟
حسن:م تضغطو علي ياخ..
حازم:صدقني نحنا محتاجين ليك اكتر من ما انت محتاج لينا..بسمة وريهو المشاريع الاتوقفت بسبب عدم وجود محاسب.
بسمة:اا اول شي عندنا مشروع..
حسن:خلاص خلاص اوكي وافقت حشتغل معاكم..بس عندي شرط.
حازم:قول.
حسن:م تعاملوني معاملة خاصة ولا مرتب زيادة ولا اي شي.
عمر:بس كدا؟؟ يبقى خلاص اتفقنا.
ايمن:بمناسبة التجمع دا.
صبا:احكي.
ايمن:ممكن تقنعو لي البت دي انو تثق فيني وتحبني لانو خلاص انا وقلبي تعبنا منها ومن مكابرتها.
زين:ياتو بت؟ قصدك رؤى؟
ايمن:لالا (وهو بأشر على متاب):دي😭.
اماندا وهي بتخت يدها في خشمها بعدم تصديق:وايييي ما تقول لي بتحب متاب😭😭😭.
ايمن:للاسف يعني😔.
حازم:والله لكن تطورات.
اماندا:وبعلي يعني نفذتو لي الفي راسي بدون تعب😭.
حازم:حتى دا مخططة ليهو ي اماندا؟🤩
اماندا:اكيد يقلبي😽.
ايمن وهو بقعد في الكرسي:اتصرفو معاها يعني..المشكلة انا عارفها بتحبني بتكابر على شنو؟ م عارف.
متاب:م بحبك م تتوهم ي شافع☺️.
اماندا:م بتحبيهو؟؟؟ والنظرات؟؟؟ دفتر المزكرات؟؟ وشخص قريب لي ولقلبي؟؟؟ "لمن يجي يقول عايزني اختار ليهو حاجة ل حبيبتو بختار ليهو الحاجات البحبها انا" ..وم تتكلمي معاهو ي اماندا لانو ايمن مستحيل يعتبرني غير اختو الصغيرة؟؟ دا قالتو حبوبتي ولا شنو؟؟؟🤣
متاب وهي بتضغط على كلامها:اماندا! شفتي ليه م بحكي ليك؟؟؟
اماندا:اسف اسف والله قلتها بعفوية😭.
ايمن:اوبااا شكلو في حاجات حاصلة من وراي😉.
صبا:متاب هو بحبك وانتي بتحبيهو..ظاهر يعني م ترفضيهو!
بسمة:بليز وافقي!
متاب:انتو بتقولو في شنو كأنو جا يخطبني اجي!
ايمن:لو عايزة هسي بخطبك.
وبقى حايم في الحديقة.
اماندا:انت بتعمل في شنو؟
ايمن:بفتش في حاجة..اا خلاص لقيتها.
شال بتاعة البيبسي وجا نزل برجلو:اها خطوبة ولا في الاحلام.
متاب:بالنسبة ل الخاتم ولا الحديدة الشايلها في يدك دي!
ايمن:خاتم حلو صاح؟ بشبهك!
متاب:عان الكلب ابيت م بوافق.
ايمن:قلتها بالغلط انتي قايلة شنو..وعلى فكرة انتي سمعتيني غلط.
متاب:بلاي.
ايمن:انا قلت الالماس بس البشبهك بس انتي بتحبي دايما تظلميني😔.
متاب:دراما كوين قوم من وشي.
زين:انتو قصتكم شنو مع كوين دي؟؟ الطول والعضلات ديل م عاجبنكم ولا شنو؟😭..نحنا رجال مالين مركزنا💪🏽.
اماندا:الدراما كوين التاني بدا يتكلم.
زين:ميتينك ي اماندا😭.
بقو يشتغلو مسااافة ويقعدو تاني يقومو يشتغلو.
رؤى وهي بتقعد:انا جعت.
بسمة:حتى انا.
اماندا:الساعة كم؟؟
صبا:٨.
حسن:لاحوول الوقت جرا شديد.
ايمن وهو بمسك متاب من كتفها:انتي عارفة في الوقت دا بحصل شنو؟
متاب:اول شي زح يدك بعدين اتكلم.
ايمن:على كيفك..كنت عايز اقول انو شياطين حديقة الطاهر بقومو.
متاب وهي بتمسك ايمن من يدو بخوف:بالجد؟؟
ايمن:انا بكذب؟؟😔
اماندا:عان الكذاب دا والحومارة طوالي بتصدقو.. شياطين شنو البتخوفنا نحنا كمان؟😼
حازم:متاكدة انتي؟؟ لانو حسب زاكرتي خفتي المرة الفاتت لمن..
اماندا:اسكت اسكت خلاص انت مالك داير تطلعني صغيرة قدام الناس؟🦦
حازم:عشان م تسوي فيها الشجاعة وهناي.
صبا:ممكن نتحرك لانو الجوع بدور يقتلني.
عمر:نمشي مطعم ولا حنرجع اي زول بيتو ولا حنسوي شنو؟
حازم جاتو مكالمة ومشى بعيد وجا.
اماندا:م عارفة والله ممكن نمشي مطعم عشان نكون كلنا كدا وهناي.
حازم بعد اتكلم رجع.
حازم:شباب.
حسن:احكي.
حازم:انتو جعانين صاح؟
رؤى:شديد شديد.
حازم:ارح معاي.
اماندا:هيي ماشين وين؟
حازم:الليلة عرس ريما بت دلال صحبة امي.
رؤى:ريما منو؟؟؟ دي نفسها ال ماما بتقول ليك عرسها؟؟؟
حازم:ايي..واضحة الخطة صاح؟؟
اماندا:واضحة شدييددد😭.. تعالو وراي.
كلهم مشو ورا اماندا ل بيتهم وهم م فاهمين شي.. البنات دخلو مع اماندا والاولاد مع ايمن.
اماندا وهي بتفتح الدولاب:تعالو ي بنات اختارو فساتين.
بسمة:ماشين وين؟؟؟
اماندا:حتعرفي هسي😼.
كلهم طلعو فساتين ولبسو.
اماندا كلمت صبا بالخطة عشان عارفاها هي الوحيدة المجرمة وحتوافق طوالي اما بسمة ومتاب ورؤى ح يقعدو ينقو.
صبا:المشكلة شعري ياخ.. م ح الحق اكويهو.
متاب:تكويهو ليه انتي ماشة وين؟؟
صبا:لا ولا مكان بس ما زابط ياخ.
اماندا:اقعدي ح اسويهو ليك كيرلي.
بعد خلصو لبس وميكب طلعو كلهم واتقسمو في عربات عمر وحازم وايمن.
بسمة:ممكن تفهموني ماشين وين؟
رؤى:دا شنو لابسين كدا ومسرحين كأنو ماشين عرس.
اماندا:يمكن😼.
بسمة:هيي دقايق!
حازم:بالزبط الفي راسك ماشين عرس بت دلال😼.
رؤى:ي جماعة بصفتنا منو؟😭
حازم:انا بصفتي المفروض اكون العريس وانتو معاي😔.
اماندا:اي اي مفروض تكون العريس صاح.
مشو كلهم ووصلو العرس ودخلو قعدو مسافة وكانو العرسان دخلو والناس بدت ترقص.
زين:لي كم م حضرت عرس سوداني.
اماندا:شفتو؟؟ اماندا وحازم دايما م حارمنكم من شي.
حازم:عان دي هيي م تشاركي الفكرة حقت منو؟؟؟
اماندا:الموضوع م الفكرة بس النفذ منو؟؟؟
حازم:اوك خلاص اماندا وحازم😔..عان بلاي اسماءنا حلوة كيف مع بعض.
اماندا:اجي😭.
صبا:رجلي بتاكلني شوفو بتتحرك براها كيف.
اماندا وهي بتمسك صبا من يدها وتقومها:حتى انا..اررحح😼.
مشو صبا واماندا وقفو في نص المكان ورقصو كأنو اخوات العريس😭.
رؤى:تعبت منهم😭.
بسمة:الوحيدين الفاهمين الحياة صاح انا ماشة ليهم.
رقصو التلاتة وعمر الجادي مشى عليهم هو وحازم ورقصو معاهم.
بعد مسااافة تعبو ورجعو مكانهم.
حازم:قلتو جعانين صاح؟ شفتو كمان عشا مجاني الله يخلي ليكم حازم بس.
رؤى وهي بتفتح الصحن وبتاكل:م بقدر مافي اوتكيت انا جعانة م تركزو معاي زابط؟
صبا:ي بت اديني صحني اكل عان دي.
كلهم بدو ياكلو وشربو بيبسي وخلاص عايزين يقومو.
حازم.نسيت شي..م معقول اجي وم ابارك ل مرتي الضاعت مني😔.
اماندا:حازم م وقتك عان الصالة فاضية كيف م فضل الا نوصلهم الفندق😭.
حازم:لالا يزولة ماشي.
مشى للعروس وسلم عليها وعامل فيها متاثر.
بسمة:عاينو عامل فيها حزين😂.
رؤى:واي قال للعروس شنو في اضانها خلاها حزينة كدا؟😭
بعد شوية جا راجع.
حازم:بلاي عانو ليها سمحة كيف.
صبا:اي شديد امك ليها حق تكون عايزاها ليك.
متاب:واي م بقدر عايزة اعرس😭.
ايمن:انتي بس قولي اي واعمل ليك احلى عرس.
متاب:عان الدرامي دا😭.
ايمن:اخر الزمن انا اجري ورا متاب وهي تتغلى والله لكن😏.
متاب:عان الكلب هيي.
ايمن:اسف اسف كلو عشانك يهون❤️.
متاب:هو شنو هو؟
ايمن:انا عارف؟ جملة جات في راسي وقلتها بس😭.
متاب:انا شايفة تسكت احسن😭.
اماندا:حازم.
حازم:ايوا.
اماندا:قلت للبت شنو خليت وشها يقلب؟
حازم:قلت ليها كان تكوني هسي مرتي انا💔.
بسمة:م جادي واي😭.
اماندا:بالجد قلت ليها كدا؟😭
حازم:اي والله..اخليها اول يوم ليها في عرسها م تتهنى وتحلم بي🤣.
صبا:حقار.
رؤى:حازم دا تافه شديد😭.
