٢٠

417 14 0
                                    


  بقت تفكر في كلام بسمة مسااافة..وانو مستحيل بسمة تقول الكلام دا ساي اكيد حازم قال ليها..فرحت شديد بس كانت حاسة بتناقض ما بين هو بحبها وهو الخطفها!
   نزلت تحت لقتهم كلهم قاعدين نفس القعدة بس المرة دي معاهم عمر وحازم..عاينت لحازم مساافة حتى قبلت على صبا.
اماندا:صبا الورقة.
صبا:اي صاح دقايق اجيبها ليك.
   طلعت صبا الاوضة سرييععع جابتها وجات..اماندا شالتها وطلعت غرفتها وبدت تقرا..

——
-
ايسر:حصل شنو؟؟؟؟
فرح:دا..دا..
ايسر:فرح مالك خايفة انتي؟؟ دا منو؟؟؟
فرح:قاسم!
ايسر:قاسم منو؟؟؟!
   فرح سكتت.
ايسر:ي بت اتكلمي وترتيني.
فرح:قاسم طليقي!!!
   لمن قالت طليقي بقيت بعاين ليهو مسااافة..اول شي شكلو م زي م اتوقعتو ابدا!..على حسب كلام فرح انو اخوها جدعها! كنت مفتكر حيكون راجل عجوز فضل ليهو عطسة بس ويموت بس م طلع زي الفي بالي ابدا..كان ثلاثيني يعني م كبير شديد على فرح اللي عمرها 22..عاينت ل وشو م باين عليهو انو وش زول كعب او عمل الحركات دي كلها بس واضح انو المظاهر خداعة نزلت ليهو وقلت:عايز شنو؟
-عايز فرح!
ايسر:نعم؟؟؟ عايز بيها شنو؟؟؟
فرح:ايسر امشي بعد دا.
ايسر :فرح! كيف يعني امشي؟؟؟ عايزاني اخليك معاهو؟؟؟ مش دا نفسو الكان بضربك وبعذبك وبياخد منك العايزو بالغصب؟؟؟
فرح:اي بس م حيعمل شي.
ايسر:طيب مش على اساس خايفة منو؟؟ فرح م تجنيني.
-(وهو بضحك):الظاهر انو حكت ليك عني!!
ايسر:اي اكيد ح تحكي لي.
-(وهو بعاين لفرح):للدرجة دي م قادرة تنسيني؟؟!
ايسر(وهو بمسكو من قميصو):تنساك شنو انت بتقول في شنو؟؟؟؟
-لاحووولل انا عملت شنو؟ شكلها م حكت ليك القصة كاملة!
ايسر:قصة شنو؟؟
فرح وهي بتعاين ليهو:م جادي انت!
ايسر:فرح خلصيني قصة شنو؟
فرح:...
  هنا انتهت الورقة وفي نفس الوقت دخل حازم.
قليها:بما انو اخر يوم لينا هنا ارح انزلي عايزين نشوف حاجة نسويها.
اماندا:سمح
م عارفة ليه قلبي دقا و يزيني عرقت و حسيت روحي مهبطة اول م شفت الزفت الاسمو حازم يعني بعد  م شفتو اول م عرفت انو بحبني حسيت بيه كأنو م هو  و كأنو دي اول مرة نتكلم فيها و كأني اول مرة اشوفو مع انو بس قلي كلمتين و طلع ،طيب اذا جا و قلي بحبك ممكن اعرف حيحصل فيني شنو؟
   لبست جاكيت ونزلت ليهم.
اماندا:ح تعملو شنو؟
حسن:انا شايف نحضر فيلم.
بسمة:م تخليك بايخ ياخ😭.
صبا:حسن ياخ دايما بنحضر فيلم ارح نسوي شي جديد.
عمر:وانا شايف تنومو وتخلو الفارغة.
حازم(وهو بضحك):عان جدو دا.
   كنت بعاين ليهم وهم مبسوطين حسيت ب انو العملوهو بسمة وعمر وانو م طلع عندهم اي حقد اتجاهنا خلاني خفيفة شديد..زي م في الدفتر لمن موقف المحاضرة واجوبة الناس وجواب ايسر خلا فرح تنتبه انو تفكر اكتر قبل م تقول اي شي وتاخذ اي قرار.. كمان الحصل الليلة دا خلاني انتبه انو لازم افكر قبل م احكم على اي زول..يمكن بسمة كانت بتعمل الحركات ديك وخلتها او انو غيرتي على حازم خلتني اشوف بسمة عدوة لي!..المهم لمن شفتهم سعيدين كدا بغض النظر عن موضوع الخطف والدفتر والتفكير الكتير والحاجات الحاصلة لي كلها في وقت واحد قررت اتحمس معاهم وم اخرب ليهم اليوم.
اماندا:رايكم شنو نمشي البحر؟!
عمر:اماندا الساعة داخلة على اتنين والجو بارد شديد يعني مستحيل!
اماندا:ياخ شيلو بطاطينكم وجاكيتاتكم ونعمل قهوة واي شي..الليلة اخر يوم لينا في بورتسودان خلونا نخليهو مميز..يلا نحضر الشروق في البحر.
بسمة:انا موافقة غايتو ماشة اسوي ليكم القهوة.
صبا:وانا ح اساعد بسمة واعمل فشار.
عمر:وانا ح اجيب البطاطين.
حازم:انا ح اجيب الفرشة من العربية.
حسن:وانا حعاين ليكم🦦.
اماندا:م بتقصر تب ي حسن معاي في الحلوة والمرة🦦.
حسن:عداك العيب ي اختي🦦.
بسمة:بموت شدخل عايز تتكلم بس😭.
حسن:اعملي رايحة😭.
صبا:دقايق! الفرشة بتعمل شنو في عربيتك ي حازم؟
حازم بقى بعاين لي ويتبسم وانا اتزكرت يوم عمل لي المفاجاة الخربتها ابتسمت ليهو وقعدت.
——
-في جانب بسمة
في المطبخ تلفونها ضرب ردت عليهو.
_ها عملتي شنو؟؟ اكيد حازم بقى ليك صاح؟؟
بسمة:انتي جادة ضاربة لي في الوقت دا؟؟
_اي قلت اليوم كلو حتكوني مشغولة طلعات مع حازم وبتاع ودا الوقت الوحيد البتكوني فيهو فاضية.
بسمة:اها عايزة شنو؟
_عايني جاتني افكار حلوة مثلا الصباح اعملي فطور رومانسي كدا يكون بدري شديد قبل البقرة ديك تصحى هي بتصحى متاخر صاح؟
بسمة:عايني..انا م عايزة نصايح منك بعرف اعمل شنو باي.
صبا:مالك؟ شكلك متضايقة؟
بسمة:لالا م شي مهم..
صبا:اها اوكي.
بسمة وهي حست نفسها م قادرة تسكت:عايني.. انا عندي صحبة لي كانت بتوسوس لي وكدا انو اخرب علاقة حازم واماندا واخلي حازم يحبني وبتاع بس العرفتو انو حازم مستحيل يحب وحدة غير اماندا واماندا كمان واضح انها بتحبو وهناي حاولت اصلح بيناتهم..ممكن م تكلمي اماندا بالكنا بنعملو انا وصحبتي؟ لانها ما ح تصدق كلامي القلتو ليها امبارح وحتقول خطة مني بس والله الكلام دا من جوا قلبي وانا م عايزة اخرب علاقتهم..صدقيني انا م زولة كعبة.
صبا:طيب مشاعرك تجاه حازم؟؟
بسمة:اصلا م كان عندي مشاعر اتجاهو ولا حيكون حازم مديري وممكن تقولي صحبي بس والله م اكتر من كدا..وحتساليني طيب ليه كنتي عايزة تخربي بينهم؟ يلا انا كنت بسمع كلام صحبتي دي شديد وكانت بتقول لي حازم فرصة كويسة وبتاع واماندا عندها عمر يعني م محتاجة ليهو وانا كنت بنفذ كلامها بس ومصدقة اني بحبو بس العرفتو انو اصلا ولا حتى معجبك بيهو ودي كلها اوهام دخلتها لي البت في راسي!
صبا:اممم تمام لو انتي اتغيرتي بالجد انا شايفة ماف داعي اكلم اماندا بس لو عملتي حركة كدا ولا كدا صدقيني ما حتمر على خير.
بسمة:والله ما حيحصل شي.
صبا:طيب القهوة خلصت؟؟؟
بسمة:ايي.
صبا:الفشار كمان خلص ارح يلا.
بسمة بفرح:يلا.
    طلعنا كلنا واصلا البحر كان قريب مننا ختينا الفرشة والحاجات وبقينا نتونس.
حسن:اماندا احكي لينا مغامراتك وانتي مخطوفة.
اماندا وقفت وبقت تشرح بيدينها:يلا اول شي صحيت ولقيت نفسي مربطة في غرفة حلوة شديد وجنبي راجلين.
بسمة:اها.
اماندا:طبعا ما خفت يعني كلهم راجلين بس😼 نبزتهم نبز سمعتهم وسخ اضانهم انتو قايلين شنو؟
صبا:ما حاولتي تحنسيهم؟
اماندا وهي بتتزكر لمن قالت ليهو انت عندك اخوات وحتخش النار😭:لا ابدا ما حاولت اهم شي الكرامة اتخيلو احنسهم يعني هم قايلين نفسهم شنو كان م شوية راجلين😏.
حازم:عيني في عينك.
اماندا:ميتينك😭..اي حنستهم .
عمر:طيب م تقولي كدا من الاول شنو عاملة فيها بطلة وهناي.
اماندا:انت ي غبي استنو انا جاياك في الكلام.
عمر:اها احكي.
اماندا:التحنيس كان جزء من الخطة.
حسن:وهو في خطة كمان؟
اماندا:اي اصبر..كنت بتكلم معاهم وابكي واحنسهم عشان يزهجو مني ويطلعو من الغرفة..وانا حسوي شنو ي شاطرين؟؟؟
بسمة:ح تسوي شنو؟؟؟
اماندا:كنت داسة مشبك حديدي في راسي كنت حطلعو وافك بيهو الحاجات الرابطني بيها.
صبا:وح تطلعي من الاوضة كيف؟؟
اماندا:برضو كنت داسة بينسة في شعري كنت حفتح بيها الباب خليكم بتفكرو💅🏻.
حازم:شعر هو ولا شنطة؟
اماندا:م مضحك😗.
عمر:اماندا قدي اصلا خوافة وجبانة وكنتي حتموتي من الخوف اسكتي.
اماندا:تقيفو للزول في حلقو م تخلوهو يعيش الدور ديل شنو ديل🦦.
  رجعو تاني يتونسو كلهم.
اماندا:حلاتكم تعالو اصوركم.
حازم:شكلك بتحبينا😼.
اماندا:بكون.
بسمة:ي زولة تحبينا غصب.
اماندا:احبكم شنو عايزة اصوركم عشان اوري امي صور الرحلة.
حازم:وانا محشور في نصكم حتعرفنا كضابين😭.
اماندا:انت اتخارج اصلا ماف داعي ليك.
حازم:ااا قلتي لي عايزة تصوري بكاميرا منو؟؟
اماندا:حازم قلبي البحلي الصور لو انت مافي البتصور منو يعني معقول🥺.
حازم:واصلي واصلي🦦.
صبا:صوري سريع عشان انا عايزة انوم.
بسمة:تنومي وين؟
صبا:في حضن زوجي..اك اسف😗.
حسن:غايتو انا م عندي مشكلة🤣.
اماندا:الاتنين قليلين ادب طيرو من وشي😭.
   قعدنا لحدي م حضرنا الشروق حتى يادوب طلعنا نستف شنطتنا😭 وبعدها طوالي مشينا على الخرطوم.
  في الطريق نفس الحصل في الجية اللي هو انو حسن وحازم وعمر اتبادلو في السواقة بس التغيير الحصل انو بدون م يكون زول شامي التاني ولا في زول حاقد على زول بس دا م بيعني انو شكوكي اتجاه حازم انتهت..لا م انتهت لانو للان حازم م اداني اجابة واضحة اذا دا هو او لا!
   المهم الوقت كلو كنا نايمين بس لمن صحيت لقيتهم كلهم صحو.
صبا:حتعملي شنو؟
اماندا:في شنو؟
صبا:في موضوع الدفتر؟ بالنسبة ل انو م خلصنا الالغاز كلها وحازم قال نرجع.
اماندا:م عارفة والله..يمكن اجي سفرة تانية.
صبا:م جادة طبعا!
اماندا:م عندي فكرة غير كدا..بعد فترة حشوف حجة اجي بيها.
صبا:بس لوقتها ما ح تلقي الالغاز!
اماندا:كيف؟
صبا:يعني عايني مثلا اليوم داك في الفندق كان لقيتو الورقة في مكان واضح صاح اي زول ممكن يصل ليهو؟
اماندا:ايي.
صبا:لو انتو م مشيتو في الوقت المناسب كان ممكن وحدة من الهاوس كيبينق تكون رمتها في الزبالة او يشيلها اي زول فهمتي؟؟ الموضوع دا مدروس واي شي عاملنو على فترة معينة! لو اتاخرتي عن الفترة دي تاني ما ح تلقي الاوراق!
اماندا:صاح والله..ي الله م عارفة اسوي شنو.
  بقت قااعدة تفكر مسااافة في الاخر قررت تقرا الدفتر بما انها خلصت الورقة المقطوعة.
——
-
فرح:ايسر ممكن اشرح ليك بكرا في الجامعة؟؟؟
ايسر:فرح ما حخليك معاهو.
فرح:ما حكون معاهو حدخل البيت وما بخليهو يدخل وم تخاف ابوي قاعد في البيت يعني م بحصل شي.
ايسر:طيب الكلام القالو دا؟؟
فرح:بكرا بفهمك.
ايسر اخد تنهيدة حتى قال:طيب.
   دخلت البيت وقاسم م عمل شي بس هي كانت حاسة انو ما حيخليها في حالها وانا كمان كان عندي نفس الاحساس..الليل كلو م نمت خوف عليها منو وفي نفس الوقت بفكر شنو ممكن تكون فرح داساهو مني؟!
   في الجامعة الصباح اول م جات ولا اتفاهمت معاها طوالي قلت ليها:فرح احكي!
فرح:طيب قول لي السلام عليكم ومشتاقين وبتاع.
ايسر:فرح انا م نايم من امبارح بسبب الموضوع دا..احكي ي بت.
فرح:ي الله..ايسر استهدى بالله اصلا المووضوع م خطير وبعد تسمع حتضحك بس هو براهو عايز يعمل بينا مشاكل.
ايسر:طيب احكي.
فرح:لمن كنت صغيرة..ركز انو دا قبل م اعرسو يعني كان عمري اقل من اتناشر سنة!..هو كان صاحب اخوي شديد يعني م بتفارقو ابدا والوقت كلو معانا! في الوقت داك ابوي م كان في وبس امي وطبعا اخوي هو المتحكم..كان بضربني بسبب ولا بدون سبب م بعرف ليه بفرغ غضبو فيني بس اوقات كتيرة قاسم بكون معانا في البيت وبمنعو م كنت متوقعة في يوم يبقى زيو!..المهم ك زولة كنت طفلة مفروض احس بشنو؟؟ كنت بكون فرحانة شديد وبحسو بحميني وكدا وفي لحظة طفولة وبراءة قلت ليهو بحبك وهم م طلع الكلام من راسو ومفتكر انو لسة عندي مشاعر تجاهو..
ايسر:طيب ليه م حكيتي لي؟؟؟
فرح:لانو انا م معتبرة دا موضوع واصلا م كنت متزكراهو! انت مستوعب كلمة انو كنت طفلة؟! ما حاسباها اصلا موضوع وم بعرفو هو مريض نفسي ولا شنو.
ايسر:طيب هو هسي عايز شنو؟
فرح:عايزارجعني،لكن م تخاف م حيقدر يعمل حاجك يا ايسر و ابوي قاعد لو عمل لي اي شي حيقتلو و يشرب من دمو
ايسر:فرح انتي بتقولي شنو؟؟؟ رجعة شنو وكلام فارغ شنو؟؟ م تمشي بعيد عشان م اديك كف!
فرح(وهو بتضحك):خلاص خلاص اسفة..المحاضرة بدت نمشي مكانا؟؟
ايسر:اييي.
   دخلنا القاعة ومشينا اخر صف جنب الشباك وقعدنا هناك..المكان البنقعد فيهو دايما!
اماندا بفرح:اللغز..اللغز هنا في الخرطوم!
صبا:كيف عرفتي؟
اماندا:م عارفة من وين جاتني الشطارة دي بس اثناء م بقرا كدا استنتجت انو اللغز في جامعتهم..لانو ماف خاطرة ولا كلام باليوناني ولا اي شي بس زكر جامعتهم وبيت فرح..وطبعا بيت فرح مستحيل اعرفو بس الجامعة لو فكرت شوية بقدر اصل ليها.
حازم:يلا فكري شوية واصلي ليها!😗
اماندا:ح اصل م عندك شغلة.
صبا:طيب جيبي اقرا عشان اقدر اساعدك.
اماندا:اي بلاي بحبك.
   وقت هي بتقرا انا كنت باكل🦦.
اماندا:ها خلصتي يشاطرة؟
صبا:اممم ايي.
اماندا:اها؟
صبا:م عارفة والله.
اماندا:هناي مستواك اتدهور🦦.
صبا:حعرف كيف م قال شي واضح هسي😭.
اماندا:دقايق دقايق عرفت!
  وهي بتفتح صفحة كدا.
صبا:وين؟
اماندا(وهي بتاشر ليها):الشارع المشيناهو قال انو جنب الجامعة حقتهم!
صبا:وحتعملي شنو؟
اماندا:م عارفة.
عمر:عندي فكرة!

*#يتبع*

مفستورماحيث تعيش القصص. اكتشف الآن