اماندا عاينت للمكتوب في الورقة ولقتو عبارة عن خواطر قالت بصوت واطي:الخط!..الخط نفسو!!
الطاهر:في شنو مالك واقفة ي بت؟؟
اماندا وهي بتوريهو الورقة:دا الكتبو منو؟؟؟؟؟؟
الطاهر:دا مهند قبيل كان بقرا هنا بتكون تبع حاجاتو ليه بتسالي منها؟؟
اماندا(وهي لسة محتارة):اا هناي الكلام المكتوب عجبني بس.
وطلعت الحديقة برا وكدا دا الدليل التاني بكشف ليها انو الكاتب مهند!!!
قعدت في الارض وهي بتحاول تفهم وين اللغز؟ طيب م في كلام باليوناني بس في الغنية الفي البداية حعمل بيها شنو؟!
——
-في جانب حازم
وصل المطار وبقى بعاين منتظرها..مالا هي الحاصل شنو؟؟؟ ليه فجاة ضربت ليهو وقالت تعال المطار؟؟ اختفت التساؤلات دي بجيتها وهي جارة شنطتها.
حازم:بسمة؟؟ في شنو ماشة وين انتي؟؟؟
بسمة:مسافرة!
حازم:نعم؟؟؟
بسمة:والله العظيم.
حازم:متين قررتي فجاة كدا وماشة وين وليه؟؟؟
بسمة:استنى حفهمك.
حازم:طيب احكي.
بسمة:ماشة الامارات مع اخوي للعلاج ويمكن استقر هناك!
حازم وهو مستغرب:ليه ماشة انتي بالزات؟؟ وكيف تستقري هناك وليه م كلمتيني من بدري؟؟
بسمة:اهدا انت بس😭..الحصل كالاتي انا استمعت لنصيحتك انو اوديهو المصحة والفترة دي كلها كنت بقنع فيهو وهسي بدون مقدمات قال موافق وانا لو اتماطلت في الموضوع دا واخرتو عارفة انو ممكن عادي يغير رايو ف عشان كدا طوالي حجزت وزي م انت عارف العلاج في السودان م على قدر كدا ف قررت اوديهو دبي نشوف هناك ممكن احسن.
حازم:طيب يعني حتخلي الشغل معاي كدا فجاة؟؟؟ وكيف حتستقري هناك طيب؟؟
بسمة:انا م عارفة العلاج ممكن ياخد مننا زمن قدر كيف ف قررت اني حشوف شغل هناك الفترة دي عشان م اقعد ساي ولو عجبني ممكن اكمل فيهو +طبعا ما حيغلبك تجيب سكرتيرة غيري اصلا الكانو متقدمين معاي للوظيفة دي كتار اكيد حتلقى وحتكون احسن مني ان شاء الله.
حازم:ي الله..م عارف اقول ليك شنو اكيد م في طريقة امنعك بيها لانو واضح ماخدة القرار بجدية ..ما حقول غير تصلي بالسلامة وخلي بينا تواصل ما تقطعي ها؟
بسمة بابتسامة:ان شاء الله وسلم لي على الشباب واعتزر ليهم اني م قدرت اكلم واحد واحد بس اول زول جا في راسي انت وجبتك هنا (جرت شنطتها وجات ماشة..تاني رجعت) وهيي بالمناسبة..اهتم باماندا عارفاك بتحبها..م تزعلها ابدا البت عسل شديد وبالجد بتحبك + م تنسى بعدين تعزموني عرسكم ح اجي مخصوص عشانكم😉.
حازم:زابط😂..سفرك حيفرق معانا والله حنشتاق ليك.
بسمة:انا كمان والله🥺.
——
-في جانب اماندا
قاعدة في مكاني لسة بفكر وعاملة فيها زكية وبربط في الاحداث..بالجد كان في تناقض كبير ما بين انو حازم او مهند!..لو قلت حازم برضو في شكوك تجاه مهند..ولو قلت مهند في شكوك تجاه حازم..بالجد احترت وم عرفت اسوي شنو بقيت قاعدة وسرحانة.
دخلت صبا وقعدت بزهج كدا بعدها جا حسن وبرضو كان زهجان وشال الادوات وبقى بشتغل بس بدون م يتكلم!
اماندا:هيي انتو الاتنين في شنو؟
صبا:ماف شي.
حسن:لا في شي..اماندا باركي لصحبتك لانو عرسها قرب!
اماندا:احلفو!!! قدرتو تقنعو ابو صبا؟؟؟ واي انا من قبيل زهجانة اخيرا جات حاجة وفرحتني!!
صبا بقت ساكتة.
حسن:ليه ساكتة؟؟؟ ما حتوريها انو ابوك جبرك تعرسي ولد خالتك ولا ولد عمك م بعرف المهم..ما ح توريها انو كنتي حتعرسي عادي وانا م كنت حعرف الا يوم عرسك؟؟؟ اتكلمي ليه ساكتة؟!!!
صبا وهي بتبكي:حسن بالجد خلاص م تزيد علي!!!
اماندا:حصل شنو؟؟؟
حسن:الاستازة حتعرس ولد خالتها وم كانت ناوية تكلمني الا لمن لاقيت ابوها وبقى بطاعني بالكلام! وكمان ابوها حدد العرس وخلاص بعد كم يوم حتبقى مرتو!
صبا:انا م عارفة بموضوع انو حدد العرس م تظلمني ساي انت!!
اماندا:انتو جادين؟؟؟ فاضل للعرس كم حسب الحددو ابوك؟؟
صبا:م عارفة يادوب عرفت من حسن انا!
اماندا:طيب الواضح انو قرب وبدل م تفكرو حتسوو شنو جادين انكم بتتشاكلو وتضيعو في الزمن؟؟؟
صبا:اساليهو هو م انا!
اماندا:ميتينكم غزتوني امشو شوفو حل لمشكلتكم وخلو الفارغة لانو لو قعدتو تلومو في بعض كدا المشكلة م حتتحل براها!!
صبا:حنسوي شنو يعني؟؟
اماندا:حسن.
حسن:اي.
اماندا:خت الشي دا من يدك!
حسن:الشي دا شنو؟
اماندا:المقص ولا الحاجة الشغال بيها دي.
حسن وهو برميها:ها ختيتها اسوي شنو؟
اماندا:اتكلمو وشوفو حل لمشكلتكم!
حسن:ماف شي اقولو ليها غير مبروك مقدما!
اماندا:حسن ينعل وشك ح تستسلم بالسهولة دي؟؟؟ انت اهبل؟؟؟ م على اساس هي الشي الوحيد العايش عشانو وكنت متحمل السنين دي كلها عشانها حتضيعها بالسهولة دي؟؟؟
اماندا وهي بتقوم:يع م اتعودت عليكم كدا م بحب الناس الضعيفين طيرو من خلقتي وتاني م توروني بمشاكلكم البنشغل بيها اكتر من اسيادها زاتهم!
حسن:اماندا استهدي بالله هسي الحصل شنو؟
اماندا:بالجد يعني انا اكون محروقة وعايزة احل معاكم المشكلة وانتو تتجاوبو معاي بالبرود دا كانو مستسلمين!! طيب انا اتعب نفسي معاكم ليه لو انتو م دايرين تحلو مشاكلكم؟؟
حسن مشى عليها وقال:لا استني عايزين نحلها بس صدقيني هسي م قادر افكر في شي..انتي دايما بتساعديني وتشوفي لي حلول وريني اعمل شنو هسي؟؟
اماندا:زي م قلت ليك انت عندك سلاح في يدك وجا الوقت التستخدمو!
حسن:اهددو تاني يعني ولا شنو؟ لانو م نفع.
اماندا:المرة دي نفز!
حسن:كيف؟
اماندا:كلم صبا!
حسن:لالا مستحيل! مهما كان ابوها كعب وتعاملو معاي زي الزفت بس مستحيل اشوه صورتو قدامها! وبعدين هسي ما ح تصدقني!
اماندا:وفكرك يعني انو صورتو كويسة في راسها؟ اكيد هسي حاسة انو عامل حاجة وغير تعاملو معاك الم ليهو مبرر! حتصدقك اكيد! انت كلمها والباقي عليها هي! جرها لصفك ي حسن!
حسن:متاكدة؟؟؟ انا خايف اخطي الخطوة دي واخسر صبا!
اماندا:ما حتخسرها على ضمانتي!
حسن:اوك.
صبا:هيي انتو بتتكلمو في شنو ؟؟
حسن:صبا تعالي عايز اتكلم معاك!
———
-في جانب زين
بعد ركبت العربية قالت ليهو:ليه جيتني هسي؟ الليلة اجازة يعني انت م ملزم توصلني وترجعني.
زين:في كل الاحوال انا م ملزم بس م عايزك تطلعي براك.
رؤى:بما انو ماشين حديقة الطاهر كنت ممكن امشي مع حازم.
زين:حازم وين هسي؟؟
رؤى:اممم صاح.
عاينت لي بغيظ وبقت ساكتة وتاني م اتكلمت..
دايما كانت بتحاول تفتح معاي مواضيع وتتونس وانا عارف نفسي سخيف معاها حتى في الردود بس ماف طريقة غير دي عشان ابعد الفكرة الخاتاها في راسها دي!
يمكن رؤى بدت تعجب بي عارف الحاجة دي م كعبة بس كمان م كويسة لانو انا ما حديها الهي بتستاهلو وكدا حتخش في تجربة عاطفية فاشلة تاني..م عشان انا زي طلال! لا! بس انا حاليا ما جاهز ابدا للحاجات دي..يادوب بقرا وم انجزت شي في حياتي وهي عايشة في بلد وانا في بلد وكمان م حاسي اني مثلا بقدر افتح بيت او اخش في مسؤولية زي دي واكيد يعني ما حلعب بيها..ومن جانب تاني انا شايف انو الاعجاب الحاصل ليها دي نتيجة انو طلعت من علاقة فاشلة وعايزة حاجة تنسيها بيها وظهرت انا الانقذتها منو واهتميت بيها لفترة ف طبيعي المشاعر دي تتولد عندها..بس الباقي علي انو م اتجاوب معاها ابدا لحدي م تتطلع الفكرة من راسها وبعد فترة لمن تنسى طلال وتنجاوزو حتفهم انو دي كانت مشاعر عابرة ساي!
وصلو الحديقة.
رؤى:ها بديتو؟
اماندا:لا لسة حازم دا مشى مكان وعمر وبسمة م جو وصبا وحسن بتكلمو في موضوع..اقعدو اتونسو ولا شوفو حاجة اعملوها ولو عايزين تبدو من هسي ابدو.
رؤى وهي بتعاين لزين وخاتة في راسها انها ما حتتونس معاهو:انا حبدا اشتغل طوالي م عندي موضوع اصلا.
اماندا:طيب.
اماندا م عرفت تعمل شنو..شالت الدفتر وبقت تعاين ليهو..اثناء م بتتصفح فيهو الخريطة وقعت منو..شالتها وبقت تعاين ليها وانتبهت انها عملت كروس في وحدة من المحلات المشوها..لقت م عندها موضوع طلعت قلم من شنطتها وبقت تعمل علامة ❌ على اي مكان مشوهو!
بعد مسااافة حازم جا.
اماندا:كنت وين انت؟؟؟
حازم:مشيت اودع بسمة.
اماندا:تودعها كيف يعني ماشة وين هي؟
حازم:الامارات.
اماندا:اجي مالا فجاة؟؟
حازم:عارفة مشكلة اخوها داك؟ حكيت ليك عنها قبل كدا؟؟؟
اماندا:لا م حكيت بس اليوم داك سمعتكم بتتكلمو عن الموضوع دا.
حازم:المهم هسي قررت توديهو المصحة يتعالج وشافت انو احسن تسافر وقالت احتمال تمشي بشكل نهائي.
اماندا:كيف يعني مالا البت دي؟؟؟
حازم:هي اكتر وحدة في عايلتها مهتمة بموضوع اخوها دا وبما انو هي الاقنعتو انو يمشي المصحة يبقى لازم تمشي معاهو هي المهم احسن ليها والله لو شايفة نفسها هناك ممكن تشتغل احسن وتعيش بشكل كويس يبقى كويس انها اخدت القرار دا.
اماندا:واي.
حازم:وبالمناسبة هي بتعتزر ليكم وكدا انها مشت فجاة ووصتني عليك وقالت م ازعلك وهيك.
اماندا:وبعلي يحليلا بحبهاا🥺.
حازم:م كنتو بتكرهو بعض!😂
اماندا:يزول اتصاحبنا مالك انت؟؟
حازم:المهم صبا وين وعملتو في موضوع الدفتر شنو؟؟
اماندا:صبا وحسن عندهم مشكال مشو يحلوها.
حازم:مشاكل شنو؟
اماندا:بحكيها ليك بعدين..المهم شوف..عاين لمن عملت كروس في الخريطة على اي مكان مشيناهو طلع لي خط مستقيم! يعني شنو؟!
——
-في جانب حسن
صبا:م قادرة اصدق!!!! كيف حصل دا كلو!!!!!!!
حسن:والله زي م حكيت ليك.
صبا:حسن انت متاكد من كلامك دا؟؟؟؟
حسن:ايي والله سمعتهم باضاني وواجهت ابوك بالحقيقة م نفى الكلام ابدا لا استمر في تعاملو!!! صبا انا م عايز اخرب ليك علاقتك بابوك بس جا الوقت المفروض تعرفي فيهو واظن انتي كبيرة وبتقدري تحكمي على الامور..(قال بحنية ومعاها شك في نفس الوقت) انتي مصدقاني صاح؟
صبا وهي بتخت يدها في راسها:مصدقاك بس لسة م قادرة استوعب!!!
م قال ليها شي.
صبا:وانت سكتت كل السنين دي؟؟؟ طيب م حاولت تعرف كيف اهلك ماتو؟؟؟ (وهي بتحضنو وبتبكي) واي.
حسن وهو بضمها عليهو:م حاولت اعرف! لو عرفت حستفيد شنو غير ح اتعزب اكتر! وصدقيني انا الوقت دا كلو سكات عشانك انتي!
صبا:لا هو غلط في حقك زمان ولسة بضربك!! دا انسان؟؟؟
حسن:دا ابوك في الاخر وانا ما حعمل شي عشانك انتي وصالح!
صبا:لو في يدك تعمل شي اعمل ولا تتردد!
حسن:صبا م تخلي حبك لي ينسيك واجبك تجاه ابوك.
صبا:بس ماف اب كدا ي حسن!
حسن:هسي انا م بفكر انتقم ولا بفكر ااذيهو وعارف انو حقي وحق اهلي بجيبو لي ربنا هسي بس العايزو من الحياة دي انتي ي صبا!! حنعمل القالتو اماندا بالضبط..حتقيفي معاي؟؟
صبا وهي بتمسك يدو:اكييددد.
حسن:نحنا حنهددو انو نكلم الشرطة بس ما حنكلم! وهو لمن يشوفنا جادين ويشوفك انتي واقفة ضدو حيضطر يعمل لينا اي شي عايزنو بدون م يتكلم وطبعا انا طلبي واضح!
صبا وهي بتبتسم:بحبك.
حسن:وانا بحبك اكتر..الفترة دي ح اهددو لحدي م يمنع موضوع عرسك دا وبعدها حبدا اشتغل مع حازم وادفع ل الداخلية وح الم شوية قروش لحدي م اخلص الجامعة ويكون عندي مبلغ كويس واشتغل بعدها بشهادتي عديل واكون كونت نفسي واجي اتقدم ليك واعرسك رسمي وبرضو دا كلو حيتم بالتهديد.
صبا:م شايف الوقت دا كتير؟؟ م نفسك نهددو مرة وحدة ونعرس وخلاص؟
حسن:نفسي والله بس لازم نحنا نفكر في اي شي وانو العرس دا مسؤولية ونحنا لازم ندخل عليهو ونحنا جاهزين عشان كدا تخلصي قرايتك وانا اخلص واشتغل واعرسك.
صبا:لوقتها ما ح تعاين ل بت تانية صاح؟
حسن:هو العندو وحدة زيك بقدر يعاين برا؟😔
صبا بابتسامة:يبقى كدا خلاص اتفقنا.
——
-في جانب اماندا
حازم:م فهمت الخط دا معناهو شنو.
اماندا:ولا انا.
حازم:خلينا منو هسي وارح نحل اللغز وننتهي ودا بنرجع ليهو بعدين.
اماندا:زابط.
فتحت الدفتر وسكتت مسافة.
اماندا:هناي بالمناسبة.
حازم:احكي.
اماندا:مافي لغز..في خاطرة هي م خاطرة يعني غنية ل وردي.
حازم:شكلهم عايزين يصعبوها ..اقريها كدي.
اماندا:طيب.. "بعيد منك يموت صوتي و يغيب فرح الزمن يكمل 🖤"
حازم:م فهمت حاجة.
اماندا وهي بتضحك:حتى انا.
حازم سكت.
اماندا:لا دقايق فهمت كيف م فهمت..هناي الغنية ليها علاقة بالجزء..يعني كان بتكلم عن انها بعدت واختفت وكدا لدرجة حتى انو اتخيل انها ماتت.
حازم:عشان كدا في البداية قال في الورقة المقطوعة "ايوا مرتي ماتت"؟؟؟
اماندا:شكلو..خلينا نشوف لقدام يمكن تموت بالجد😼.
حازم:م تعملي فيها هناي بكرا تموت وتجي تتبكي لي كانك بتعرفيها.
اماندا:اسكت😭.
حازم:المهم انا هسي م فهمت وين اللغز؟
اماندا:م عارفة والله.
حازم:صعبة ياخ ما حقدر احلها امشي شوفي صبا الزكية وين؟
اماندا:استنى ياخ خليهم بتكلمو م ممكن اقاطعهم فكر معاي انت.
اثناء م بتكلمو تلفونها ضرب م ردت تاني رجع ضرب برضو م ردت.
حازم:م تردي مالك؟؟
اماندا:ياخ رقم غريب وانت عارف الارقام الغريبة م برد عليها!
حازم:عايني! دي المرة الرابعة يضرب ردي يمكن في شي ضروري!
شالت التلفون وردت بزهج:ايوا في شنو؟
-اطلعي برا وبتعرفي! وقفل الخط.
اماندا نزلت التلفون باستغراب.
حازم:دا منو وعايز شنو؟
اماندا:م بعرف بس قال لي اطلعي برا وبتعرفي!
حازم:وحتعملي شنو؟
اماندا:اكيد ح اطلع اشوف في شنو؟
حازم:م تطلعي انتي خليكي حمشي اشوف انا.
اماندا:لا ماشة معاك.
حازم:ي الله..عارفك حتتلايقي ارح طيب.
وطلعو مع بعض ..في بوابة الحديقة كدا لقت ورقة في الارض..نزلت عشان ترفعها.. لمن قامت انتبهت ل زول جاري بسرعة.
اماندا:حازم!! دا الخلا الورقة هنا!..حازم دا الكاتب امشي الحقو!!!!
*#يتبع*
