اماندا بعد اتخذت القرار د كانت متحمسة شديد حتا نوم م قدرت تنومو قعدت تفكر و لقت انو مشيتا شبه مستحيلة :حقول لي اهلي شنو؟ماشة افتش على ورقة مقطوعة؟و هل حازم حيوافق اصلا؟هو شايف الانا بعمل فيه د م صح و خايف علي من الموضوع شديد جابت ليها سفرة لي بورتسودان؟مستحيل يوافق !و الجامعة؟
مسحت وشها بي زهج و غطت وشها بي البطانية و قالت:حازم لو وافق اي شي ببقا ساهل.
عاينت لي الساعة لقتا داخلة على ستة ظبطت منبها و نامت
——————
حازم دخل مكتبو و طلع الجكت ختاهو ورا الكرسي و جرا الكرسي و قعد فتح اللابتوب و بدا يشتغل عاين بناحية مكتب بسمة لقاها لسا م جات تما شغلو بعد اقل من ربع ساعة عاين بناحية مكتب بسمة تاني و لقاها يدوب دخلت و ظاهر عليها متضايقة او بتبكي م كان قادر يحدد مالا بظبط عمل رايح منها و كمل شغلو لمن حسا نفسو تعب قفل اللابتوب و طلع برة و جا قعد جمبها و قليها:مالك؟
بسمة مسحت دموعا و قالت ليه:مافي شي
حازم:اممم ظاهر
بسمة:حتلاقي الفايلات قاعدة في تاني درج ..
حازم قاطعا و قليها:منو قليك جاي اسأل عن الفايلات؟
بسمة عاينت ليه و ابتسمت قام قليها:جاي اقول ليك جيبي لينا قهوة مصدع
بسمة جات قايمة قام قليها:اقعدي بهظر
بسمة:طيب انجز عاوز شنو
حازم:استهدي بالله كدي جاي اشوفك مالك من صباح الرحمن كدا
بسمة:انت عارف المشاكل الفي بيتنا م بتخلص (بدت تبكي ) تمت كلاما و قالت:اخوي كل مرة بسرق قروش ابوي كلها و بختفي ما عارفنو بمشي وين بس المتأكدين منو انو هو بتعاطى ماف زول شغال بي الموضوع ماف زول بقول ليه بتمشي وين و بتجي من وين ابوي م هاميه و بقول لي القروش بتمشي و بتجي غيرا هو ما فاهم اني خايفة على اخوي
حازم طلع مناديل من جيبو و مداها ليها و قليها:اي شي حيتحلا
قالت ليه بأنفعال:خلاص يا حازم بقيت م طايقة اقعد في البيت دقيقة م نفسي ارجع البيت م نفسي زهجت خلاص يا حازم ياخي دمهم بارد و ماخدين الموضوع عادي
بدت تبكي زيادة و حازم م عرف يعمل شنو مسك يدها بعد تردد و قليها:البكا م حينفعك في شي يا بسمة
دخل عمر و وراهو اماندا و اماندا قعدت تعاين ليها و تعاين لي ايدو الماسكة يد بسمة بطنها فارت قامت قالت:احم عمر كيفك
عمر ضحك و عاين ليها وقال:تمام الحمدالله
اماندا:حدخل في الموضوع طوالي
حازم:مرضوع شنو؟
اماندا طلعت الدفتر و طلعت الخريطة و ختتا قداما و بدت تتكلم:امبارح بعد م رجعت البيت بديت اقرا من الدفتر عسى ولعل القا شي يفهمني الخريطة د شنو و مفروض انا اعمل بيها شنو لمن قريت اكتشفت.. هو م اكتشفت يعني هي قالت قبل كدا انو البطلة قاعدة في بورتسودان بس انا م ركزت لمن خلصت من القراية لقيت الورقة مقطوعة! و و اللغز كان مكتوب بي اللغة اليوناينة حنحلو و نمشي نجيب الورقة المقطوعة و نرجع ،قلت اكيد بورتسودان المكتوبة بي خط عريض في الخريطة د م ساي و فرح الي هي البطلة عايشة هناك د معناهو شنو؟زمعناهو هنا ماف ورقة مقطوعة هنا ماف التكملة، حتكون هناك في بورتسودان ..اخدت نفس و قعدت في الكرسي
حازم قليها:و انتي عاوزة تمشي بورتسودان!
اماندا:اي
حازم:امممم لا الظاهر انو انتي جنيتي و راسك جرا منك
اماندا:يا حازم ياخ عليك الله عليك النبييي كلها يومين م موضوع
حازم:اماندا د م دايرة ليها نقاش تمام؟ ماف مشي يعني ماف مشي كلام انتهى!
عمر قال لي اماندا:اذا الموضوع بهمك لي الدرجة دي ممكن اوديكي انا! اصلا كلها يومين زي م قلتي
اماندا عاينت لي حازم و قالت لي عمر:طيب م عندي مشكلة
حازم قليها:خلاص يا اماندا انا بوديك ماف داعي نتعب عمر معانا
اماندا:لا خلاص بعد شنو حمشي مع عمر اقعد انت هنا في مكتبك د..و عاينت لي بسمة
حازم و هو بضغط على كلامو:اماندا م تعصبيني قلت ليك ماف داعي نتعب الولد
اماندا:حتا لو حتوديني عمر حيمشي معانا
عمر:اوك م عندي مشكلة !
حازم:تمام يا اماندا و بسمة زاتا حتمشي معانا
اماندا سكتت مسافة و قالت بي غيظ :طيب م عندي مشكلة، تمشي معانا الفي شنو و ماف شنو؟
حازم و هو بهز راسو:تمام اوك
اماندا و هي خاتا يدها في خصرها:تمام
و هم واقفين و بحمرو لي بعض قام عمر قال:اماندا اوصلك في طريقي؟
اماندا و هي لسا بتعاين لي حازم:يا ريت ...مدت لسانا لي حازم و قبلت لي عمر و قالت ليه :يلا؟
حازم:استني يلا وين؟ الجامعة يا استازة
اماندا:حشيل اجازة حقول ليهم عندي كرونا و مفروض اتحجر م دايرة ليها اتنين تلاتة!
حازم:و اهلك
اماندا:طالعين رحلة مع ناس الجامعة في تاني حاجة يا استاز؟؟؟؟
حازم:في لكن م بتقال هنا! بعدين حجي اغشاك
اماندا:م عندي وقت معليش
حازم:امشي حسا و بنتفاهم بعدين
اماندا:يلا ي عمر
نزلو تحت و ركبو العربية و فضلو ساكتين
عمر:ممكن تفهميني موضوع الدفتر د شنو؟
اماندا حكت ليه قام قليها:انتي لسة م خليتي حركاتك دي
اماندا ضحكت و قالت ليه:لسا
عمر:طيب يا اماندا م شايفة كلام حازم صح؟غير انو الجامعة و اهلك و كدا الموضوع في حد زاتو بخوف يعني انا لو كنت فمكان حازم كنت حصِر على انو ماف سفر! بس انا قلت اوديك عشان عارف حازم حيغير رأيو و حيوافق نسبة لي انو بكرهني؟ م عارف المهم
اماندا:عمر انت عارفني م بقدرررر الفضول حيقتلني +اي الموضوع ممكن يكون مخيف بس اوهو لحدي حسا م حصل لي شي !
عمر:م علينا المهم امشو واحكي لي البحصل معاكم شنو😂
اماندا :لا انت حتمشي معانا
عمر:انا قلت كدا بس عشان ..
اماندا:عارفاك بس برضو تعال معانا لينا زمن م مرقنا احنا التلاتة
عمر:اماندا حازم بقا م طايقني ،احسن اكسري الحنك
اماندا:عمر م عاوزة معاك كلام كتير حتمشي و رجلك فوق رقبتك ها😀
عمر:طيب يا ستي البتشوفيه انتي😂
اماندا:بسسسس اقيف هنا
عمر:رحلتو من البيت؟
اماندا:لا لا صحبتي هنا ماشة ليها
عمر:طيب ..
نزلت و اشرت لي عمر نظام امشي خلاص ياهو مشا و فضلت تعاين لي بيت ناس صبا و عملت زي م حسن قليها عاينت بي باب القراش و اتاكدت انو عربية مجدي ماف حتن ضربت الجرس
فتحت ليها ام صبا:اتفضلي
اماندا:صبا في؟
تسنيم:اقول ليها منو؟
اماندا:اماندا،هي م بتعرفني بس عندي كلام عاوزة اقولو ليها
تسنيم عاينت ليها مسافة و قالت :سمح اتفضلي
اماندا دخلت و قعدت في صالة الضيوف و بقت منتظرة قراب لي العشرة دقايق حتن صبا جات وشها كان وش زول ببكي و عيونا منفخة كانت بتعاين ليها و بتحاول تعرف دي منو قعدت جمبها و سلمت عليها و قالت :انتي منو؟
اماندا:انا اماندا صحبة حسن
صبا عاينت ليها بي استغراب و قالت:حسن م هنا
اماندا:اي عارفة حسن وصاني اقول ليك انو هو كويس م تخافي عليه و انو م كان قاصد اي شي من الكلام القالو كان خايف عليك م اكتر
صبا بدت تبكي و بتسالني بي لهفة:قاعد ويين عليك الله وريني؟😭هو كويس؟
اماندا مسكت يدها و قالت:كويس يا صبا والله كويس اهدي م تخافي و هو قاعد مع واحد من قرايبيني
صبا مسحت دموعا و قالت ليها:انتي منو؟حسن م حكا لي انو عندو اصحاب او صحبات قبل كدا!
اماندا:قصة طويلة و م بتتحكي هنا انتي عاوزة تشوفيه؟
صبا هزت ليها راسا بمعنى اي قالت ليها اديني رقمك
صبا ملت الرقم سريع سريع و اماندا قالت ليها:الساعة تمنية حجي اغشاكي تمام؟
صبا:طيب بس اقول لي اهلي شنو؟
امامدا:اتصرفي قولي ليهم اي شي
صبا قالت ليها بي لهفة:حاضر
اماندا سمعت صوت عربية بتتقفل و اتزكرت حسن قليها اذا سمعتي صوت عريبة قريب لي البيت معناتا د مجدي قالت لي صبا بي خوف:صبا د ابوكي؟
صبا :اي
اماندا :الباب الورا فاتح صح؟
صبا:اي بس انتي كيف عارفة د كلو و ليه خايفة
اماندا:تعالي وريني وين بي سرعة قبل م ابوكي يدخل
صبا قامت و قالت ليها تعالي وراي مشو لحدي م وصلو الباب البي ورا و اماندا قالت ليها:م تنسي حاضر حضرب ليكي
صبا :هزت راسا و قالت ليها يلا امشي سريع
اماندا طلعت و صبا قفلت الباب و قشت دموعا.
اماندا كانت ماشة على بيتوم و جاتا رسالة من متاب عاينت ليها و اتزكرت يوم مشت لي حديقة الطاهر و اتزكرت لمن كانو في العربية و جابت ليها سيرة الدفتر و اتوترت وقفت في مكانا مسافة و بقت تربط الاحداث مع بعض كانت شاكة انو متاب هي الكتبت الدفتر اتجهت على بيت متاب م كان بعيد على بعد خطوات بس من بيتوم فتحت ليها اخت متاب الصغيرة دخلت البيت و لمن جاية تدخل اوضة متاب سمعت متاب بتكورك:يا امي كيف يعني اوريها بي موضوع الدفتر بس وريني
اماندا دخلت طوالي و قالت ليها:في البداية كنت شاكة بس حسا سمعت عديل قلتيها بعضمة لسانك متاب متاب انا م مصدقة لحدي الان طيب ليه التعب د كلو ماشة داسة الورق و خالاني اتجرجر كدا؟؟ و لا الغرض من كدا شنو م فهمت ؟؟
متاب:ورق شنو يبت ؟
اماندا بي زهج:م تعملي غبية انا عرفت خلاص! الورق القاطعاهو من الدفتر حبيبة
متاب:انتي بتتكلمي على ياتو دفتر؟
اماندا طلعت الدفتر و جدعتو في السرير و قالت:د
متاب:يبت د شنو
اماندا:انا سامعاك و انتي بتقولي لي خالتو م عاوزة اوري اماندا بموضوع الدفتر ها
متاب سكتت مسافة بعدين قالت:م قاصدة الدفتر د
اماندا:دفتر شنو سمح و شنو الما عاوزة توريني ليه؟
متاب:م بقدر ي اماندا بالجد م بقدر.
اماندا:بتكتبي في قصة تانية ولا شنو؟؟؟ عايزة تخلي زول غيري يكون مشوش والوقت كلو بفكر ويفتش على الكاتب؟؟
متاب:اماندا كاتب شنو قلت ليك والله م ليهو علاقة بدفترك اللقيتيهو!
اماندا:طيب ها يعني م عايزة توريني دفترك وعايزاني م اشك فيك؟؟؟
متاب:طيب هسي انتي مالك هايجة؟؟؟
اماندا:م عارفة ياخ عايزة اعرف ب اي طريقة الفضول حيقتلني😭+ م تنسيني الموضوع.
متاب:م بنسيك دقايق اجيب ليك عصير.
اماندا:انا ضيفة؟؟؟ لو عايزة بمشي براي م تنسيني ي شافعة ووريني دفتر شنو عشان م اشك فيك تاني☺️.
متاب:ياخ والله م في شي.
اماندا شافت دفتر على مكتبة متاب مشت براحة وشالتو في يدها.
اماندا(وهي بتضحك):م تكوني بتكتبي مزكرات😆.
متاب:لالا مزكرات شنو انتي عويرة؟
اماندا:انتي العويرة والله لو قايلاني ح اصدقك واضح انو دفتر مزكرات او بتكوني بتكتبي فيهو قصص (:
متاب:قصص في عينك ي اماندا دا الدفتر البقرا بيهو.
اماندا:بعرف دفاتر القراية بتكون كيف ودا م بتاع قراية.
متاب:انا زولة مختلفة م الا اعمل زي الناس💅🏻.
اماندا:جيبي طيب عايزة اقرا😗.
متاب:لالا هوي تقري شنو ماف امتحانات.
اماندا:بالضبط! الدفتر اول مرة اشوفو معناها جديد ونحنا م عندنا امتحانات هسي.
متاب:ياخ ي زولة خلي التحقيق حقك دا وشوفي شغلة غيري.
اماندا:عارفاني بحبك وم عندي شغلة غيرك😗.
متاب:طيب زحي مني.
اماندا:بدور اشوف😗.(وشالت الدفتر).
متاب(بجدية):اماندا!خلي لي شوية خصوصية م ممكن!
اماندا:خصوصية شنو؟ انا حصل دسيت منك شي؟
متاب:حصل!
اماندا:متين؟
متاب:م بعرف بس..
اماندا:م بتعرفي! انا م دسيت منك شي..المهم عادي يعني توريني وانا بوريك دفتر مزكراتي وانا طفلة.
متاب:وانتي طفلة!
اماندا:اي لانو م عندي وانا كبيرة ف بديك حقي.
متاب:بس كدا بختلف! قصصنا ونحنا شفع م زي نحنا كبار!
اماندا:ياخ بقيتي غريبة وبتتكلمي بطريقة غريبة وبصراحة اصرارك انك م توريني خلاني اتشوق اكتر عشان اشوف الدفتر فيهو شنو!
شالتو وجرت ومتاب م قدرت تلحقها ف بقت خايفة وقاعدة في السرير.
-عند اماندا
وصلت الحوش..
اماندا:بتكتب في دفتر..والدفتر دا يا فيهو مزكراتها او قصص بتكتبها!..وان شاء الله يطلع الاحتمال الاول بس!
فتحت الصفحات الاولى وحست دي حاجات عادية شديد يعني بتحكي حاجات مميزة حصلت في يومها او لمن تكون مكتئبة يعني بتكتب اي شي بحصل معاها بس كلها حاجات عادية م غريبة..لحدي م فتحت صفحة وقرت..
