مفستورما

٢

اماندا:انا حساعدك
الطاهر:كيف؟
اماندا:حجي انضف معاك الحديقة و حجيب معاي اصحابي و نرجع الحديقة زي م كانت! ابوي كان بحكي لي انو كانت حلوة شديد و كدا
الطاهر ضحك و ختا رجل فوق رجل و قال:والله ي بتي ما عندي شي اقولو غير شكرا لي اهتمامك دا !لكن اصلا ماف زول بقا مهتمي بأمور الحدايق دي !نسبة لي انو المطاعم كترت و البرامج بقت كتيرة،منو في الزمن دا بمشي حدايق؟
اماندا و هي بتأشر وراها:انت م شفت الحديقة القدامنا..
الطاهر قاطعا و قال ليها:بجوها كم؟ عشرة انفار م تامين !هو زاتو ما بي الحيل و عاوز يقفلا..
اماندا:لكن ي عمو م ممكن تخليها كدا!انت عندك كنز بين ايديك و م شغال بيه! انت عارف الحديقة دي لو لحقت اتظبطت حتكون حاجة كدا خرافية !و انا دي بس نفسي بعمل ليها ترويج في جامعتنا
الطاهر :انا تعبت وقفت في الحديقة دي سنين لحدي م شيبت قضيت نص عمري و انا بحاول ارجع زبايني لكن مافي فايدة!
اماندا:الطاهر اديني موافقتك اني اخت ايدي على الحديقة دي  و بعديها خلي الباقي علي
الطاهر و هو متوتر :امشي بيتكم قبل المغرب يجي
عاينت ليه  بي خوف و مسكت في يد الكرسي شديد حتن اتكلمت و هي مترددة:ل..ليه؟
الطاهر:شفتي؟ اذا انتي حد زاتك العايزة تساعدي و جيتي شفتي الحديقة و م لقيتي فيها اي شي و قلت ليكي كدا و خفتي منتظرة من الناس الما هوُّ بناحيتا يجو؟
اماندا ختت يدها فقلبها و قالت:واي قطعت قلبي ..لكن ي عمو انت عامل لي متوتر و منطط لي عيونك و منتظرني م اخاف؟
ضحك و قليها:طلعتي لي من وين انتي؟
اماندا:اقول ليك و اكلمك من حسا! انا لايووووقة و ماف زول بقدر علي ولو ختيت شي في راسي م بمرقو الا الله💅🏻
الطاهر:الشواطين الهنا م بحبو العناد اتكلي على الله يبتي و امشي شوفي ليكي قراية تنفعك
اماندا:هي ي عمو م تعمل لي فيها لئيم لانو ظاهر انك زول طيب
اماندا تلفونا ضرب كنسلتو و عاينت لي الطاهر بي توسل و هو عاين ليها بعدم مبالا رجعت عاينت ليه و قالت ليه :اها؟
الطاهر و هو قايم ردي علتلفونك و نشوف البحصل شنو
اماندا:نعتبرا موافقة؟
الطاهر من بعيد:ردي على التلفون
اماندا بي زهج:في شنو بتضرب لي خمستماشر مرة
حازم:خلي قلة ادبك دي و وطي صوتك و انتي بتتكلمي معاي .
اماندا:حازم داير شنو خلي الكلام الكتير
حازم و هو بضحك:اطلعي انا تحت بيتكم
اماندا:بتعمل شنو تحت بيتنا انشاءالله؟
حازم:انزلي و حتفهمي خلي النضمي دا
ضحكت في نص زهجتا و قالت ليه:انا في حديقة الطاهر
حازم بي عدم تصديق:يا زولة؟😂
اماندا:جادة انا علفكرة
حازم:خلاص اعملي حسابك م يركبك جن ما ناقصة انتي
اماندا بي زعل:قصدك شنو ي حيوان
حازم:قصدي اطلعي برة عشان انا مشتاق ليك:)
اماندا و هي بتقفل التلفون و بتركب العربية:انا مش قلت ليك لو تاني حتجيني م تجي ايدك فاضية ولا م قلت ليك؟
حازم و هو مقبل عليها و خاتي يدو ورا الكرسي حقها:منو قليك جاي ايدي فاضية؟😁
اماندا بي زعل و نهير:وينا شكولاطاتي غالبا كانت بتكون قاعدة هنا
حازم:خلاص هي م تجوطي م ناقص وجع راس
اماندا مدت ليه يدها و قالت ليه:اطلع بي الي عندك  متصدعناش
ضحك و قليها:طيب خمني انا جايب شنو يعني م م ممكن بعد التعب د كلو اديكي الهدية ساي!!
اماندا:ي زفت عارفني م بحب حراق الروح دا!!!!
حازم:اي بتحبيني انا بس عارفك🤪❤️
اماندا:ابو الزوز جيب المعاك من سكات
حازم:انا كم مرة قلت ليك م نقولي لي ابو الزوز لانها بتنرفزني؟
اماندا قالت ليه :حازم حازم!
قاليها و هو بضحك:بسيوني بسيوني
اماندا:م تخليني اكورك و الم الناس علينا طلع لي هديتي
حازم:طيب غمضي عيونك
عاينت ليه بنفاذ صبر قليها و هو بضحك:عليك الله غمضي !م هو م ممكن اتعب فيها و اديها ليك عادي كدا
غمضت و قالت ليه:حازم منصور لو الهدية طلعت م بتستاهل حراق  الروح دا كلو  السودان م بشيلنا والله الا اقطعك حتا حتا و ارميك لكلاب الشوارع
ضحك و قبل بي ورا و قليها :ها افتحي عيونك
قالت ليه و هي مخلوعة:م بصدق!!!!لا بجد م قادرة اصدق!لقيتو وين؟
حازم:من زمان لقيتو بس م لقيت فرصة اديهو ليكي اول م جيت الخرطوم حصلت حاجة و خلتني م اديه ليك اصلا كنت كاسر الحنك لحدي م يجي الوقت المناسب و عارفك غبية و نسيتي او بي الأصح م مهتمية الليلة نحن بنعرف بعض تقريباً تمنية سنين
مسحت الدموع قبل م تنزل و قالت ليه:لقيتو كيف؟و وين؟
قال ليها و هو بديها المناديل:حسا لزومو شنو البكا؟
قالت ليه و هي بتضحك في نص بكيتا:انت عارفني بكاية موش يلا اسكت مني و احكي لي لقيتو كيف؟
حازم:زماننن..
<فلاش باك>
قبل عشرة سنين!كنت بلعب في الكورة كعادتي برة و الكورة اتشاتت بعيد و طبعا انا مهمتي امشي افتشا و القاها و اجيبا راجعة!مشيت على اتجاه الكورة و لقيتك قاعدة في الارض و بتبكي انتي عارفاني م بحب اتدخل في امور الناس لكن ما عارف الخلاني اسألك شنو!
جيتك متسحب و سألتك بي تردد:مالك؟
عاينتي لي بي كل برائة و عيونك كانو مورمين من البكا:م لقيتو😭
انا وقتها اتخلعت قلت اكيد مضيعا ابوها ولا اخوها او اي زول من قرايبها فسألتك:مضيعة ابوكي؟
لقيتك قايمة من محلك و فايرة:ابوي شنوووو سلسلي،سلسلي وقع هنا و قدر م فتشت م لقيتو😭
ضحكت و قلت ليكي:حسا الدموع دي كلها عشان سلسل ؟ تعالي بشتري ليك نفسو ها
عاينتي لي بي استحقار و عيونك ديل كانو محمرين شديد!انا قلت شوية و تقوم تاكلني رغم صغر حجمك و ظاهر انك شافعة بس الطريقة الكنتي بتعايني لي بيها خلتني افتش معاك السلسل من سكات😂بعدين لقيتك بتحكي لي قصة حياتك!:السلسل دا بيعني لي شديد..اعليك الله فتشو معاي ..د اخر شي فضل لي بعد مماتو
لقيت نفسي بفتشو لانو ظاهر بعد البكا د كلو انو بيعني ليك:اهدي طيب..و بتلقي السلسل م تخافي
قلتي لي بصوت طفولي مبحوح:نحن حنمشي حسا راجعين الخرطوم.
بعد كلامك دا اهلك نادوكي:اماندا ي بت تعالي اركبي العربية الوقت حيضايقنا
مشيتي و انتي بتبكي و ركبتي العربية و كنتي مقبلة بي ورا و بتعايني لي و انا واقف م بيدي حيلة مشيت جبت الكورة و لقيت جمبها حاجة بتلمع شلتها و قلت بي صوت خافت:اماندا!
نادوني الاولاد دخلت السلسل في جيبي و جريت ليهم!
اماندا و هي بتبكي :طيب ليه م جبتو لي اول م لقيتني و عرفت انو السلسل حقي؟
حازم:لمن جيت الخرطوم بعد سنتين..
<فلاش باك>
العيشة ضاقت بينا هنا في بورتسودان نسبة لي الامراض الكانت دايما تجي و بعد مرات الحاجات كانت م متوفرة الا ابوي بجيب معاه لمن يجي اخر الشهر من الخرطوم فقرر انو نعيش في الخرطوم و كدا حيكون ابوي قريب من شغلو و منها العيشة حتكون ساهلة بنسبة لينا طبعا انا كنت معاند شديد!و راكب راس و م نفسي امشي من بورتسودان كنت بحبها شديد و طبعا م بيدي شي ابوي جابنا هنا الخرطوم و كان بتكلم مع راجل ظبط ليه امور البيت و كدا اول م دخلنا الخرطوم كان اي شي متغير الجو و الشوارع و العمارات اي شي كان غريب و انا من لحظتها دخلت في حالة نفسية كدا لا بتكلم مع زول لا زول بتكلم معاي و في يوم ابوي كان بتكلم مع ابوكي و انا كنت واقف جمبهم و فهمت انو بتو داخلة في حالة نفسية من رجعة بورتسودان و بعد دققت في وشو عرفت انو قاصدك انتي اماندا!و عرفت برضو انو د كلو حيكون من السلسل جيت خاشي البيت بي لهفة سألت امي و قلت ليها:الشنط الصغيرة اللميت فيها كتبي وين؟
هاجر:بسمالله في شنو ي ولدي؟
عدت ليها نفس السؤال و بي استعجال:وينا ي امي
هاجر:م شفت شنطة زي دي انا امشي شوفا في الاوض اذا في امكن خليناها مع باقي الشنط الهناك
جريت على الاوضة و فتحت الشنطة و لقيت السلسل و انا طالع لقيت ابوي بتكلم مع امي:بت عبذالله  داخلة في حالة نفسية
هاجر:سجمي مجنونة يعني؟
عبدالله:مجنونة شنو ي هاجر بس داخلة في حالة نفسية قالي من م رجعو من بورتسودان هي في الحالة دي تخيلي سنتين كاملين ي هاجر!
هاجر:و مالا من شنو جاتا الحالة دي؟يعني بتعادي م اخلي بتي تقعد معاها؟
ضحك و قليها:لا لا م بتعادي ي هاجر،قالي كان عندها سلسل و ضاع منها هناك و هي بتحبو شديد و لمن ضاع جاتا الحالة دي قلي نحن من زمان كنا بنحاول نضيع منها السلسل عشان طالما هو معاها حتكون متزكرة الماضي و كدا و قال حتبقى كويسة بعد مرور الزمن!
انا قلت انو لو م رجعتو وب ولو رجعتو ووبين اي ممكن ارجعو و ترجع حالتك الطبيعية بس برضو ممكن بعد م ارجعو يضيع و  ترجعي لي الحالة النفسية الانتي كنتي داخلة فيها!فقررت اني احتفظ بيه لحدي الوقت المناسب !
قالت ليه و هي بتبكي:مشتاقة ليه ي حازم
كان بعاين ليها و قلبو بتقطع مع كل دمعة بتنزلها و تنهيدة بتتنهدها م عارف يعمل شنو!يحتويها ،يطبطب عليها م عارف اسوي شنو لانو عارف عقلانية اماندا كيف قاليها و هو مهموم:م تخليني اندم اني جبتو راجع انا بعد م اتأكدت انك بقيتي قوية و ممكن تصنددي اديتو ليك ...
لقاها بتحضنو و بتبكي بحيث انو قميصو بقا ملان دموع فضلت كدا قراب الربع ساعة مسح بي يدو على شعرها و قاليها:اهدي حبيبي هو اكيد في مكان احسن م تخليني احس بي الذنب!
زحت منو و هي بتمسح في دموعا :معليش
حازم:على؟
عاينت ليه ماسفة و هو فهما بعدين حاول يحسسها انو مافي حاجة و م تحس بي الاحراج:ااا قصدك القميص الاتملا بدموعك؟بنشف م قصة ي شافعة😅
ضحكت و قالت ليه:م ناسية الشكلاتات انا😒
حازم:عليك الله تعالي اكليني بعيونك الكبار ديل
قالت ليه و هي بتمد يدها:يلا ها طلع العندك😌
حازم طلع كيس مليان شكولاتات و كلها بتحبها اماندا :الله يخلي لي حازم الما حارمني من شي 😩
حازم:م تتعودي هي لازم تنزلي الكرشة دي!ضعيفة و مهلهلة من فوق و قايمة ليك كرشة م بتخجلي ؟
اماندا:حازم م تخليني اوريك العين التانية :)
حازم:خلاص سكت سكت م تعايني لي كدا
اماندا:الون جرت و م حكيت ليك بقصة الحديقة
حازم:اسمعي امشي اقري قران م يكون ركبك شي
عاينت ليه مسافة بعدين قال:جادي معاك انا🌚الشوطين بحبو البنات الضعاف القصار الشعروم طويل بعرسوك طوالي 🌝
اماندا:على فكرة انا ما قاعدة اخاف د اول شي تاني شي
حازم عاين بجهة الشباك و بدا يكورك و اماندا زحت مشت على الكرسي بتاعو بقا بضحك و قليها:اها تاني شي شنو م سمعتك🤣
اماندا:تاني شي انا بكرهك شديد و انت انسان تافه و معاق و قاعد لي في حياتي زيادة عدد بس🙂
حازم:خلاص ارجعي مقعدك ي استازة ولا خايفة برضو؟🤣
اماندا ضربتو في كتفو و قالت ليه:اتحرك ي قليل الادب
ساق العربية و وصلا لبيتوم :بس و عاوزاك تساعدني انو ننظم الحديقة و هيك
حازم:بس كدا؟
اماندا:اهئ،اي
حازم:تأمري و انا انفز
اماندا:هي م تعاين لي كدا انا بخجل🙈
حازم:انزلي يبتكم راجع من الشغل تعبان و م فاضي ليك
اماندا:الله حنزل بدون م تقولي لي شي؟
حازم:آشافعة انزلي م فاضي ليك
اماندا:بكرهك  ي ابو الزوز🙈
حازم:اصلا عارف ي شافعة يلا انزلي عشان امشي اخير قميصي المليان دموع دا 😒
اماندا:نزلت و قفلت الباب و قالت ليه:غور حبيبي انا
حازم:اصلا غاير حبيبتي انا
اماندا:بكرهك قوي قوي🙈
حازم:بحبك قوي قوي🙈
دخلت البيت و هي مبسوطة بس بين بسطتها دي حست بي غمة كدا و قلبها كان ماسكة ختت كيس الشكلاطات و طلعت السلسل اخدت تنهيدا ورقدت السرير و رجعت بزاكرتا كم سنة لي ورا
<فلاش باك>
كنت قافلة علي الاوضة و ضامة رجولي بي يدي و بتزكر اخوي و ببدا ابكي زيادة كنت صغيرة يدوب داخلة تانية ثانوي بس وقفت مدرسة من م كنت في تامن بي الاصح من رجعة بورتسودان،كان الشعور الجواي كبير شديد و لي وهلة كنت حاسة انو ممكن تأنيب الضمير و الاحساس بي الذنب دا يقتلني!
امي كانت واقفة في الباب و بتحنسني افتحو عشان تدخل لي اكل :يبتي الله يرضا عليك م تعملي في روحك كدا قومي اكلي ليك يومين م ماكلة شي م تخلي قلبي يتقطع كدا
كنت بسمع كلاما و ببكي زيادة اي شي في امي بزكرني بي اخوي طريقة كلاما و تصرفاتا كانت بتزكرني بيه شديد يمكن انا عايشة لحدي  حسا بس عشان امي بتزكرني باخوي كنت مرات كتيرة بفتش لي في اي آلة حادة او حبوب اموت بيها نفسي قبل م احساسي بلذنب تجاه اخوي الخشا تحت التراب يقتلني!
كنت بطلع من الاوضة بس في حالة اني ماشة للدكتور و م كنت بكسر كلمة بابا نسبة لاني بخاف منو
طلعت و لقيت الولد داك نفس الولد الكان بفتش معاي السلسل في بورت سودان !اول م شفتو بكيت و جيت جارية عليه و بقيت ماسكة فطرف قميصو و بسألو :لقيت السلسل؟؟
ابوي عاين ليه بي زهج و مسكني من يدي و دخلني العربية و اتحرك
مشيت الدكتور و الطبيب بدا الجلسة و انا بقيت ساكتة و بعاين لي الارض حاول معاي بس م قدر يطلع مني كلمة بعد الجلسة انتهت كلم ابوي و بابا عصبي فكورك فيني و انا لي اول مرة م اخاف بابا كان بستعمل حسو العالي بي انو يخليني احسن و انا م كنت بزعل بي كواريكو دي لانو هي كانت الوحيدة القادرة تقومني على حيلي بس المرة دي م جابت اي فايدة عاينت ليه و هو بكورك و مشيت حضنتو نزلنا تحت و رجعنا البيت و حالتي بقت متدهورة شديد و في يوم كنا ماشين الدكتور بابا نسا مفتاحو و خلاني في الشارع و عيني وقعت على الولد داك جاني و قلي:السلسل معاي عاينت ليه و انا مخلوعة م قدرت افتح خشمي قلي:احدي م اتأكد انك بقيتي كويسةو بتتعالجي و نزلتي المدرسة حديكي ليه
كان ماسكني من يدي البتوجعني كملت علاج و نزلت مدرسة تاني و بقيت مركزة مع قرايتي شديد اتعرفت على صحبتي متاب و بقت مالية لي وقتي شديد و مكنت فاضية حتا اركز مع السلسل قررت اشيلو و اختو في علبة و ابدا حياة جديدة و انسا الماضي بلفعل مشيت ليه و بكل ثقة قلت ليه:عاوزة السلسل اظن بعدا ممكن اشيلو؟
قلي و هو متردد:انا بعد م سمعت الحالة الانتي كنتي مارة بيها بسبب السلسل دا و عرفت انك موقفة حياتك كلها عشانو قلت اقول ليك هو معاي عشان حياتك م تضيع على الفاضي!انتي عايشة عيشة الف زول بتمناها امك و ابوك جمبك عاوزة شنو تاني؟انا م عارف قصتو شنو لكن صعبتي علي شديد و امك البتجي تبكي عند امي هنا و تتشاكا ليها قطعت قلبي قلت كدا بس عشان انقذك من البقعة السودا الانتي قاعدة فيها دي عشان في حياة لازم تتعاش و  الخيار بين اديك ي ترمي الفات ورا ضهرك يا تعيشي نفس الفات و تضيعي حياتك و تخلي مستقبلك مجهول و تقتلي امك من الزعل
عاينت ليه و دخلت بيتنا و دخلت اوضتي و انا ببكي و كلامو بتردد عاى مسامعي لمن قال تموتي امك من الزعل م مستعدة اعيش نفس تأنيب الضمير دا تاني و اعيش اخوي ايمن و ابوي نفس العيشتو ليهم في موت اخوي احمد و قررت اقلب الصفحة و اعيش حياة جديدة ..
قامت مخلوعة من السرير لمن سمعت امها بتكورك فيها:انتي ي زفتة
اماندا:بسمالله يا امي ي مالك في شنو؟
نازك:انا مش بناديك مالك م جيتي ؟خلاص انطرشتي؟
اماندا و هي ماسكة قلبها:لا حول ولا قوة الا بالله ،اي ي امي م سمعتك عاوزة شنو
نازك:المسلسل بدا اطلعي احضريه معاي🌝
اماندا:حاضر ي امي جاية امشي عشان تحكي لي حصل شنو مع البطلة ،اغير و اجيك
نازك:سمح م تتأخري عارفاني م بعرف احكي
ضحكت و قالت ليها:طيب جاية
اخدت ليها تنهيدة حتن قامت فتحت الدولاب و ختت السلسل و غيرت هدوما و بقت مارقة.
———-
دخل البيت و مع كل خطوة خوفو الجواهو بزيد و كل ما يقرب من الاوضة حقتو نفسو بكتم و بحاول م يطلع صوت طلع الجزمة حقتو وبقا متسحب وقف في محلو لمن سمع عمو بكورك:حسن
قبل عليه و بدا التوتر و الخوف يتملكو عاين ليه بدون م يتكلم:اي يعمي
مجدي و هو بجدع مفتاح العربية ناحيتو:امشي دخل العربية دي الجراش
حسن مشا من سكات و لمن جا بناحيتو مسك فكو بي أيدو بحيث انو كانت ضوافرينو غارزة في خدود حسن ،و هو موطي صوتو و بظغط على الكلام:تاني م اشوفك واقف مع صبا فاهم ولا لا و الا حجدعك برة البيت دا و تبيت في الشوارع..حسن فضل ساكت عمو قليه و هو بضغط اكتر على فكو:فاااهم ولا لا؟
هزا راسو و بعديها لزاهو بناحية الباب حسن طلع و ركب العربية و مسح الدم الكان في وشو و بدا ينظم في نفسو زي كل مرة لمن عمو يتعرض ليه ،شهق لمن صبا بتعمو ضربت ليه شباك العربية،عاين ليها مسافة و نزل الشباك قالت ليه:مالك قاعد هنا؟
حسن بي صوت مخطوف:عمي قلي اطلع اقرش العربية،انتي كنت وين؟
صبا عاينت ليه بشفقة:كان عندي حصة ،ابوي عمل ليك حاجة؟
حسن:ل..لا
صبا نفسها قام و قالت ليه:طيب د شنو الدم الفي وشك دا؟ يعني م عاوز تتكلم صح؟ تمام .
مشت بناحية باب البيت و طلع من العربية و وقفا قال ليها:ابوكي هايج حسا م تساليه م معروف ردة فعلو تكون كيف و انا خايف عليكي منو ..و انا اتعودت ي صبا بقت م فارقة معاي منتظر اليوم الاكون فيها عصبي شديد و يجي يقتلني مرة وحدة اريحني من العيشة دي
عاينت ليهوو هي بتبكي:حسن
حسن:صبا ادخلي جوا قبل م يشوفنا مع بعض
دخلت و هي بتبكي و ركب العربية و هو مهموم
——————
صحت الصباح جهزت نفسها لي الجامعة و خشت صحبتها و ركبو ترحال وصلو الجامعة:و عاوزاك تجي تنضفي معانا و هيك
متاب:اماندا انا م مضطرة اخرب حياتي بي أيدي عشان نفسيات الطاهر انا مالي و مال حديقتو
اماندا و هي بتعاين ليها بي غيظ:قولي لي لي متين حتكوني خوافة كدا؟بعدين ي استازة ي اسمك متاب حتلاقي كل انواع المجانين و المريضين نفسياً حتتعاملي معاهم كيف بي خوفك دا؟
متاب:طالما حاجة بعيدة عن الشواطين بعرف اتعامل معاهم انتي بس اطلعي من راسي ☺️
اماندا:خليتك ياخ غياظة دي
متاب من بعيد:ماشة وين ؟
اماندا:لي حسن
متاب :حشرية
اماندا قبلت وقالت ليها:عارفة😙
مشت لي الحتا البقعد فيها حسن دايما لقتو ضامي رجولو و تاكل راسو فيهم اول م جات قعدت جمبو رفع راسو و بقا يقول ليها:انتي حكايتك شنو؟
اماندا و هي بتحك راسا:نفس السؤال الجاية اسألو😃
حسن:ممكن تخليني براي؟انا حالياً م نفسي اتكلم  مع زول
اماندا و هي بتقرب منو:ولا انا ؟
حسن:ايوة انتي تحديدا
اماندا بجدية:حسن انا جاية اساعدك بس م اكتر
قاطعا و قليها بأنفعال:لو عايزة تساعديني ابعدي مني قدر م تقدري و سيبيني في حالي و م تدخلي في حاجات م بتخصك
مشا قامت وقفتو و قالت ليه:حخليك حسا لكن انت بذات نفسك حتجيني و حتحكي لي
عاين ليها و هو بضغط يدو:مافي شي يتحكي
مشا و بقت تحاكيه:مافي شي يتحكي 🙄
متاب:تاني عشان تدخلي في حاجات م بتخصك حمدالله اداك فجبهتك دي
اماندا:متاب زحي من وشي سريع عشان عفاريت الدنيا كلها بتتنطط قدامي
متاب:عفريت اليركبك ي بت عبدالله ارح قدامي م عاوزة كلام مع مستر محمد براي م طايقاهو
————-
قاعدين في الصفرة بيفطرو امو بتتكلم و قاصدة تجيبا ليه بي فوق:والله يا منصور خلاص انا زهجت نفسي في شفع يملو علي البيت دا و اسمعم بقولو لي حبوبة
رؤى:الكلام ليك ي منطط عينيك🤣
حازم و هو بعاين لي ابوهو:والله الا تكون قاصدة منصور
هاجر:ها د يعرس لشنو بعدا
منصور:كفا وجع الراس الهنا دا🌝
حازم و هو بيضحك:اسمعني ي مان اعمل حسابك احسن تاكلك بعيونا 😂
رؤى:م مشكلة ي امي بعرس ليكم انا انتو جيبو لي عريس و انا بخلي القراية و اعرسو اصلا ضاقت بي
حازم:انتي عشرين م تميتيها عرس شنو
منصور:والله دام اخوها م عاوز اعرس ويملا لينا البيت شفع مالو حبابو العرس
هاجر:اسمع مني ي حازم قلت ليك دلال صحبتي بتها م بتتفوت
حازم و هو بقوم من الصفرة و بمشي يبوس امو:انا عاوز مرة تكون زيك بس ..و انتي ماف زيك اتنين
ضحكت و قالت ليه:مستهبل 🙈
منصور:ي زول م تبوس مرتي
حازم:ي زول انت اطلع منها 🤩
رؤى بغيظ:وديني  النادي يلا ياخخخخ فضل لي التمرين اقل من نص ساعة و الكوتش كلااما كتير ي
حازم:اتكلمي معاي بي أدب بعدين بوديك🤩
روى:ممكن لو سمحت يا أخ حازم توديني النادي ،علشان حتأخخخخخاااااااررررر
حازم:وين البوسة حقتي☺️
مشت عليه ووقف على امشاطا نزل عليها شويةو ادتو بوسة و بقت تلزو على ناحية الباب:يلا ي كريه
حازم:خلاص ماشي ي كريهة
ركبو العربية و بدت تنقنق:ازول وينا اماندا ليها خشرمية سنة م جاتنا
حازم و هو بتبسم :الاسبوع الفات كانت عندكم يبت
عاينت ليه بخبث و قالت:مالك بتضحك ازولي🌝
حازم:اتزكرت حاجة يعني حيكون مالي
عاينت ليه وقًالت:انزكرت حبيبة القلب🙈
حازم:منو قصدك امندا؟
رؤى:يخ م تقول ليها امندا خربت ام اسمها
حازم:م كفا انتو خاربين لي اسمي بي ابو الزوز دي؟😒
رؤى:علفكرة حلو🙈
حازم:انطمي م عاوزة اسمع صوتك حبيبة
رؤى:من العين دي قبل العين دي ...ركبت سماعاتا و بقت تدندن مع الاغنية
—————
طلعو برة و كانو منتظرين حازم و اول م جا متاب ركبت و اماندا بقت مركزة مع العربية الركبا حسن كانت مركزة جو العربية كانو في زول بضرب في حسن!شتت انتباها حازم مع دقة البوري و قليها:امشي اركبي معاهم بعدا
ركبت العربية و قالت:د حسن الاتكلمت ليك عنو ي حازم
حازم:اها؟اماندا اعملي حسابك منو الزول د شكلو م كويس او وراه في حاجات كتيرة م معروفة و مشاكل و ظاهر اهلو بتاعين مشاكل
اماندا:انا م حرتاح الا اعرف الزول د قصتو شنو!
متاب:ايهي صحبتك ي حازم راكبة راس و كل م اقول ليها م تدخلي بتقعد تنقنق لي في راسي ..وعيها لانو زهجت منها الصراحة☺️
حازم و هو بعاين لي اماندا بلهفة:اها على وين
اماندا و هي بتعاين لي متاب :حديقة الطاهر
حازم:متاب م كنت قايلة حوافة والله😭😂
متاب:اسمع لا اله الا الله! تنزلوني قبل م تمشو لي الحديقة دي م ناقصة جوطة في حياتي اكتر من م هي جايطة:)
حازم:طيب ابردي حنزلك😭😂
نزلو متاب و رجعو لي حديقة الطاهر و وقفو قدام الحديقة و دخلو لقو الطاهر و اولادو قاعدين ينضفو في الحديقة عاين ليها و قال ليها:مصرة يعني؟
اماندا:ايون😁
اشر ليهم على مقص الشجر و الكوريك و هدوم كدا بلبسوها عشان م يتوسخو مشت بي حماس و شالت الحاجات و قالت لي حازم:واااي انا مبسوووطةةة
حازم:و انا مبسوط عشان انتي مبسوطة... و قفو مسافة بعاينو لي بعض بعدين اماندا نطط و ضربت حازم في راسو و قالت ليه :يلا اسرع البس فلانة دي عشان نظبط المكان
ضحك و قليها:الحركة دي بتنرفزني م تعمليها لي تاني
اماندا:اعمل ليك شنو و انت طويل كدا بتغريني والله😔
حازم:اني قصيرة شديد انا طولي عادي
الطاهر:صدق 😂
اماندا:حتا انت ي يعمو الطاهر؟🥺
الطاهر:يلا ي شباب عشان م نتأخر
اثناء م بنضفو في الحديقة كان حازم بعاين ليها و بضحك
عاينت ليه و هي مستغربة:ماللك بتضحك ي زول
مشا بناحيتها و طلع منديل من جيبو و بدا يمسح في الطين الفي وشها:ما شايفة وشك عامل كيف 😂
اماندا:هي اول مرة اعرف عيونك حلوة
حازم:من زمان بس انتي م مركزة معاي🌝
عاينت ليه و قالت :هي يلا امشي نضف عشات الزمن م يضايقنا
ضحك عشان عارفها خجلت بعدين مشا و هي فضلت تنضف و بتدنددن في غنية “home “ سكتت مسافة لمن شافت دفتر بني مغطى بي الطين عاينت حولينها حتن مسكت الدفتر كان مكتوب عليه "مفستورما" نفضت منو التراب و فتحتو...
#يتبع
انستقرامي للمتابعة:
_.zeezyy