حازم لسة كان مستمر بمشي ويجي ويخت يدو في راسو وينزلها بتوتر.
بسمة:حازم اهدا انشاءالله حنلقاها.
حازم(وهو بصرخ فيها):شنو شغالة لي حنلقاها حنلقاها..حنلقاها وين ي بسمة؟؟ ااا؟؟؟؟ انا م عارف نفسي ليه ل هسي واقف في مكاني وم اتحركت!!!
طلع وبقى جاري في الشارع بسرعة..ناس عمر وديل كانو راجعين البيت لقوهو ف الطريق.
صبا(وهي بتبكي):دا حازم صاح؟؟؟
حسن:اي والله هو.
حسن نزل وناداهو.
حازم جرا ليهو بلهفة:لقيتوها؟؟؟ هي كيف؟؟؟؟؟
حسن:كدي هسي اركب انت.
حازم وهو بعلي بصوتو:كيف يعني اركب اركب وين؟؟؟ لقيتوها ولالا؟؟؟؟
حسن:استهدى بالله ي حازم واركب.
حازم:صبرك ي ربيييي.(وركب العربية لحدي م وصلو البيت ونزلو).
حازم:ممكن افهم نحنا بنعمل في شنو هنا؟؟؟؟؟؟ كيف ترجعو البيت وانتو م لقيتوها؟؟؟؟؟؟ وبعدين انا حزرتكم وقلت ليكم المحل دا خطير م تمشو بس كانو برطن!!! هسي وروني اماندا وين!!!!!
عمر:حازم الموضوع م حيتحل كدا.
حازم(وهو بمسك عمر من قميصو):انت دا مش كنت معاها؟؟؟؟؟ كيف خطفوها من جنبكم؟؟؟؟ حصل شنو احكو!!!
صبا(وهي لسة بتبكي):ياهو كنا بنفتش في الورقة وانا حليت اللغز ولقيت الورقة ولمن قبلت عشان اوريهم شفت اماندا شايلنها اتنين ودخلوها عربية ومشو..م تقول م عملنا شي نحنا حاولنا نلحقهم بالعربية بس ضاعو مننا!
حازم:كيف ضاعت منكم؟؟؟؟؟ وبعدين ليه خليتوها تكون ماشة براها؟؟؟
حسن:ي حازم كلنا كنا متوزعين اي زول براهو عشان نفتش الورقة!!
حازم(وهو برمي التربيزة):ميتين الورقة وميتين الدفتر وميتينكم!!!!
بقى قاعد وخاتي يدو في راسو مسااافة حتى قال:ممكن تفهموني نحنا ليه لهسي قاعدين؟؟؟؟
عمر:عاين ي حازم م انت بس البتخاف عليها تمام؟؟؟ بس نحنا هسي م في يدنا نعمل شي! لو قلت لي نمشي مركز شرطة حيقولو انتو عارفين المحل دا كدا البوديكم ليهو شنو؟ عشان كدا احسن نقعد ونهدا ونفكر في اي خطوة ونعرف نحنا حنعمل شنو!!
حازم:كيف دايرني اهدا وهي هناك براها؟؟؟؟؟ هسي البضمني انهم م عملو ليها شي شنو؟؟؟؟ يمكن بضربوها؟؟ بعزبوها؟؟؟ حيكونو اغتصبوها!!! انا مستحيل اقعد كدا ساي واستنى لمن ترجع براها!!!!
طلع على العربية.
صبا:انا كمان ما حقعد كدا! (وطلعت معاهو).
حسن:عمر قوم نفتش..بسمة ماشة؟؟؟
بسمة:اي طبعا يعني حتخلوني براي؟؟
طلعو كلهم وركبو العربية ومشو نفس الشارع.
حازم ل صبا:شفتيهم مشو بياتو طريق؟؟
صبا:مشو في الطريق دا بعدها ضاعو مننا.
عمر:حازم نحنا مشينا الطريق دا قبل شوية وصدقني ما حتلقى شي.
حازم:ميتين برودك ي عمر مش على اساس بتحبها؟؟؟؟؟
عمر:بحبها واي شي بس لو الاتنين اتصرفنا بعصبية معناها ما حنلقاها ابدا!! لازم واحد فينا على الاقل يكون هادي عشان يقدر يفكر .
صبا:اماندا زكية اكيد ما حتمشي كدا ساي..حازم ارح الشارع الفيهو الورقة يمكن خلت وراها حاجة ولا رمت حلق ولا اسورة ولا اي شي.
حسن:صبا خلي كلام الافلام دا اماندا اغبى زول في الدنيا.
صبا:حسن م عندي شي افكر فيهو حاليا غير كدا ارح معاي بدون كلام!
حازم مشى على الشارع وبقى بفتش.
صبا:انا كنت واقفة هنا واماندا هنا..والعربية وقفت هنا (وبقت تمشي وتتبع الخطوات الهم مشوها لحدي م مشت بعيد شوية).
حسن:صبا ماشة وين؟؟
صبا:ما عارفة دا الطريق المشو بيهو حشوف لو في شي.
حسن:طيب.
مشت مسااافة ووصلت بعيد شديد وم لقت شي بوضح ليها اماندا في ياتو مكان رجعت ليهم تاني.
عمر:يجماعة مافي اثر ليها في كل الشوارع القريبة!
صبا:طيب حنعمل شنو؟
عمر:حنرجع البيت! م عندنا حل غير نستنى!
——
-في جانب اماندا
اماندا:تعال هنا ي كلب! مش عامل فيها راجل وبتخطفني تعال وريني وشك ي قليل ادب😗.
-ي بت اسكتي ما تخليني اعمل فيك حاجة ما حتعجبك!
اماندا:لو انت راجل بالجد تعال فكني ونتضارب راجل لراجل😗.
قعد يضحك وطلع.
اماندا:اجي! دا مالو بضحك؟ ديل شنو الخاطفين الما شادين حيلهم ديل؟!
اماندا(بقت تتكلم مع نفسها):اماندا انتظري حيجي حازم وينقزك زي في الافلام اصبري بس وخلي الشفقة..هسي ياربي حازم بكون بعمل في شنو؟😼 حيكون خايف علي وم شغال ب بسمة ولا استغل فرصة انو انا ماف في البيت وبقو يقلو ادبهم؟؟ يالله اماندا انتي مخطوفة المفروض يفكر في التاني منو؟؟؟ وبعدين ديل عايزين مني شنو؟؟
جا داخل الخاطف تاني وبقى ياكلها.
اماندا:راجلي انت عشان تاكلني دي شنو القلة ادب دي؟؟
-ي بت اكلي من سكات.
اماندا:عاين ممكن طلب؟
-اها.
اماندا:قبل م تقتلوني كلموني عشان استشهد يعني م تقتلوني فجاة.
-اتطمني ما حنقتلك.
اماندا(شهقت):ما تكون داير تعمل الفي بالي؟؟؟ هوي ي ولد عاين انت في الاخر يعني عندك اخوات اعتبرني اختك الصغيرة يعني انت عارف البتعملو دا حرام يعني بعدين حتكون انت في النار بتتشوشو وانا حكون بعاين ليك وبضحك عايزني اضحك فيك؟؟ يلا م تعمل كدا😭.
تاني ضحك وطلع.
اماندا:كل شوية بضحك دا شنو دا..هيهي اماندا اقعدي هادئة هسي حتكون دي مفاجئة من حازم ولا عمر وعايزين يخوفوني شوية..احسن انوم عشان بعدين اعمل فيها متفاجئة واكون صاحية.
ونامت الغبية.
——
-في الجانب التاني
كلهم م نامو وحازم كان حايم بالعربية لحدي الصباح حتى رجع البيت.
الصباح جات الشرطة:حصل شنو؟؟؟
حازم:قلت ليك البت اتتخطفت!!!
*فاهم ياخ م تكورك قصدي زول يحكي الحصل بالتفصيل.
صبا:واي حعيد تاني..المهم كنا بنفتش في حاجة هناك وانا لقيتها ولمن التفت عشان اوريهم لقيت رجال بسوقو اماندا.
*كم راجل؟
صبا:اتنين.
*وانتو كنتو راجلين وبت م قدرتو تمنعوهم؟؟؟
حازم:بالضبط دا الانا م فاهمو!!! عمر مش على اساس ماشي معاها وتساعدها وتحميها؟؟؟ ليه اتباطلت؟؟؟؟
صبا:م دخلو عمر..عمر وحسن كانو لسة بفتشو في الورقة وانا بس الشفتهم ولمن نبهت عمر وحسن اصلا كانو ساقو اماندا بس حاولنا نلحقهم بالعربية وم قدرنا!!
*م متزكرة رقم العربية؟
صبا:لا والله م ركزت وحتى لو ركزت مستحيل اتزكرو.
*المخطوفة م شايلة تلفون ولا حاجة نحاول نصل ليها بيها؟
عمر:لا طلعت بدون تلفون.
*طيب بتقدري توصفي لي الرجال؟
صبا:كانو مغطين وشهم بس جسمهم عادي يعني ضعاف م زي صورة الخاطفين الخاتاها في خيالي انو يكون معضل وضخم وحركات الافلام دي.
*انتو اصلا الوداكم الشارع داك شنو؟
عمر:كنت متوقع السوال دا!
*اصلا لازم تتوقع لانو المحل دا مشبوه وبتاع حاجات زي دي مفروض تكونو عارفين مصيركم يكون شنو كويس انها جات على خطف بس!
حازم:عاينو مستهونين بالموضوع كيف!!!
حسن:روق!
*المهم انا ماشي ونحنا ح نعمل البنقدر عليهو وانشاءالله نلقاها (وطلع).
حازم قعد في الكرسي و بقا ماسك راسو و بهز جسمو و بقول:م كان مفروض اخليها تمشي م كان ،كلو مني
بسمة جات قربت عليهو زحاها بي كل قوتو لحدي م وقعت في الارض و قليها:م طايق زول انا
عمر قوم بسمة وقليها:ادخلي الاوضة
بسمة مسحت دموعا وطلعت فوق و فضلو هم قاعدين تحت
حازم مسك عمر من قميصو و قليه و هو بضغط على كلامو:اماندا لو حصل ليها حاجة م حخليك
فكاهو و شال مفاتيح عربيتو و طلع
حسن:حازم انت جنيت؟عاوز تمشي هناك في الوقت د؟
حازم م اشتغل بي كلامو و طلع حسن لحقو و ركب معاه العربية
حازم:يا حسن اماندا خوافة انا عارفها هي عاملة فيها قلبها قوي لكن صدقني من جوة ريشة.
———
اماندا كانت قاعدة في كرسي و رجلينا و ايدينا مربطين و معاها راجلين و شافعة صغيرة بتلعب ليها في شعرا
قالت ليهم:يخواني عزبوني اخير من الشافعة دي تسرح لي شعري جاني صداع والله ،عاينت ليها و قالت:امشي امشي من هنا خلاص قلنا.
اماندا عاينت لي الخاطفنها و قالت:يعني جايبني في بيت حلو و مأكليني و مشربني و فاتحين لي التكيف!الخطف لو كدا تعالو اخطفوني كل يوم.
واحد منهم تلفونو ضرب وطلع عشان يرد.
اماندا:عاين قبل م تطلع فك لي يديني ورجولي.
بقى بعاين ليها احساس بلاي.
اماندا:بطل زكاء اصلا الغرفة ما فيها شباك وشايف شعري مفكوك يعني ما عندي بينسة عشان احاول افتح الباب زي الافلام زابط؟ وانتو اقفلوني من برا بس فكو لي الحاجات دي لانها بتوجعني.
الشايل التلفون عاين للتاني بمعنى فكها وجا داك فكاني وطلعو الاتنين وقفلوني من برا.
اماندا:خطافين ظريفين بحبهم😼.
بقت لافة في الاوضة مسااافة.
اماندا:يعني بالجد حماس انو اتخطف وكدا😼 بس ليه خطفوني؟؟؟ السبب شنو هل عندي اعداء وانا م عارفاهم؟؟؟ وطيب البخطف دا اكيد بكون عايز شي كيف م عملو لي شي لحدي الان؟؟؟ في ان في الموضوع انا متاكدة!..(سكتت مسااافة)..م عارفة ليه بس حاسة حازم هو العمل الحركات دي كلها عشان اكسر حنك الدفتر!!
اثناء لفها سمعت اصوات جنب الباب..وقفت تتصنت سمعت واحد من الخاطفين بقول:اي قاعدة سليمة معانا في الحفظ والصون.
ماف رد للطرف التاني عرفت انو بتكلم بالتلفون.
-لالا م تخافو م بجيها شي البيت امان ونحنا مستحيل نهبشها ياخ ما ح نعمل ليها شي..اي اي اكلناها وهسي حنخليها تنوم..خلاص تمام.
~(الخاطف التاني):قال شنو؟
-اتطمن عليها وكدا.
اماندا(مع نفسها):متاكدة دا حازم لانو من متين الخاطف بتطمن على المخطوف؟؟؟!!!..(وهي بتفكر) دقايق!!!! قال م تخافو! معقول يكونو كلهم متفقين علي؟؟؟
قعدت في الكرسي الجنبها وقالت:انا كيف م فكرت فيها؟؟؟ ليه خطفوني انا بالزات؟؟؟ ليه م عمر ولا حسن؟؟؟ ..طيب نقول انو عايزين بت ليه م صبا؟؟؟ اشمعنى انا؟؟؟؟!!!! شكلهم بالجد متفقين كلهم علي!! بس السؤال البطرح نفسو ليه يعملو كدا؟؟؟؟
تاني قامت على حيلها وبقت تتصنت.
~عاين.
-اها.
~انا شايف بما انو البت دي في يدنا نستفيد منها!
-تستفيد منها كيف؟؟؟ م تكون مفكر تعمل ليها شي كعب!! ما ح اسمح ليك تهبشها!!
~ياخ م تفكر شمال!..عاين انت عارف اننا مزنوقين لقروش صاح؟؟؟
-اي اها.
~اكيد اهلها بفتشو عليها..نضرب ليهم بس ونطلب قروش مقابل البت.
-انت جنيت؟؟؟ البت امانة عندنا مستحيل استغل الحاجة دي!
~تحب تخش السجن؟؟؟ الناس مطالبننا بقروش لو قعدنا حياتنا كلها نشتغل ما حنجيبها ولاحظ انهم مستعجلين عشان القروش دي تصلهم دي فرصة لينا واصلا م عندنا حل غيرها.
-لالا ياخ.
~فكر كويس البت في كل الاحوال نحنا خاطفنها واصلا حنخليها معانا لمتين؟؟؟ وقالو نرجعها طوالي حنرجعا كدا ساي بدون م نستفيد منها؟؟ نحن نطلب القروش ونديهم البت ونعمل رايحين.
-(فكر مساافة):اممم اها طيب اضرب لمنو؟
~امشي اشيل منها رقم واحد من قرايبها؟
-لا..عرفت حضرب لمنو!
شال تلفونو وبقى بتكلم.
-الو..حازم؟
حازم:ايوا؟
-بديك البت مقابل .... الف.
حازم:شنو؟؟؟ انت منو؟؟؟؟ وبت شنو؟؟؟ (حازم وهو بستوعب) اماندا وين؟؟؟؟؟؟!!
-م تضرب لي تاني الا لمن يكون معاك المبلغ! و اياك تحاول تضرب لي الشرطة و لو بس شميت خبر انك عملت كدا اعتبرا ميتة (وقفل الخط).
دخل عليها الولد وقعدها في الكرسي وربطها تاني بعنف كدا وطلع..اماندا بقت خايفة شديد احساس هسي كان بضحك معاها وفجاة قلب وبقى يتعامل معاها تعامل الخاطفين بالجد!
اماندا:كيف ضربو لحازم؟؟؟ مش على اساس حيشيلو الرقم مني؟؟؟..او يمكن بعرفوهو من قبل؟!!!!..سكتت مساااافة حتى قالت)..اي شي بقى واضح! الحصل دا م بعني الا شي واحد!..حازم الخطفني وهو كمان الكتب الدفتر!!!!!!
———-
حازم ضرب ليه تاني و قال:حديكم اي مبلغ انتو عايزنو بس م تهبشوها
-انا قلت ليك م تضرب تاني صح؟
حازم:معليش ،ادوني اتكلم معاها بس اسمع صوتا
-م حتتلكم معاها ولا حتسمع صوتا تسلمني القروش اسلمك الامانة
حازم:و انا اعرف كيف هي لسا عايشة ولا م عملتو ليها شي؟
قفل الخط منو و رسل ليهو صورة بعدين كتب :ي ريت م تتأخر
حاازم وقف العربية على جنب مسح وشو و قال:م كان مفروض اعمل كدا ..
حسن و هو بهدي فيه:خلاص يا حازم ،قضاء و قدر حنديهم القروش و حيرجعو اماندا
حازم و هو بهيج اكتر:الضمني شنو انو م حيعملو ليها شي؟
حسن:الناس م شكلهم ناس خطف يا حازم ،و شوف اماندا م فيها شي عاين ليها وشها كويس م في اثار ضرب عان الحتا زاتا كويس
حازم شال التلفون و ضرب لي ابوهو :اهلا يا حازم كيفك
حازم:تمام التمام يا ابوي
منصور:اخبار بورتسودان شنو
حازم:زي م هي ،يا ابوي
منصور:اي يا حازم
حازم:عاوزك ترسل لي (...)الف ضروري و تصلني الليلة لو في طريقة
منصور:داير بي القروش دي كلها شنو؟
حازم:زمان لمن كنت داير افتح الشركة شلتها دين من زول ،و حسا هو مزنوق في قروش و مفروض اصرفو
منصور:و انت لي م اديتا ليه من زمان ؟
حازم:نسيت
منصور:تنسا مبلغ زي د؟و هو الاتدينت منو زاتو ليه م فتح خشمو من زمان ؟
حازم:ابوي انا قلت ليك اديني ايها من قروشي انا،انت م حتدفع حاجة من جيبك
منصور و هو هايج:انا م عندي مشكلة اني ادفع ،لكن الموضوع غريب شوية،انت حاصل معاك شي ؟
حازم:لا يا ابوي
منصور:على العموم في بيتنا القديم محل م بخت قروشي زمان ،في الخزنة في قروش شيل الانت عاوزو و لمن ترجع الخرطوم حتفهمني في شنو لاني متأكد في حاجة ،مفتاح الخزنة معاك؟
حازم:ايوة معاي
منصور:شلت مفتاح الخزنة معاك يعني انت مماشي بورتسودان عارف نفسك حتعمل شنو
حازم:ابوي شلت المفتاح بتاع بيت جدو اسعد و مفتاح الخزنة كان مع المفتاح ،بفهمك لمن ارجع
منصور:حترجع متين انت
حازم:بكرة يا بعد بكرة ،م معروف .
منصور:تمام منتظرنك
حازم قفل التلفون و مشا على بيتوم القديم
————-
اماندا :وروني منو القال ليكم اخطفوني ؟انا بتكلم معاكم .
-اسكتي م تجنينا .
اماندا:انا لو م عرفت منو الجابني هنا م حسكت فوريني احسن
-ياخ وريها و خلصنا هي كدا كدا بايظة
~انت اسكت خالص كفاية اني غدرت بيه خليني اعمل حاجة صح لي النهاية
اماندا بقت متاأكدة انو د حازم و قوتها زعلت شديد في البداية كان الموضوع عادي بس حسا بعد معملتهم ليها اختلتق و بقا الموضوع جادي بقت خايفة و زعلت احساس هو ليه يختني في الموقف دا!ليه م فكر انو ممكن يقلبو ضدو ،كانت في حاجة بتقول ليها لا انو د م هو بس كل شي بدل على انو د حازم و الله اعلم لو كلهم كانو متفقين ولا لا
اماندا :اسمو حازم القال ليكم اخطفوني صح؟
سكتو م قالو شي
اماندا:عمر؟،حسن ،بسمة منوو وروني
~اسمعي ي بت الناس انا النقة الكتيرة م بتنفع معاي ،كلمة وحدة تانية و شوفي بعمل فيك شنو
اماندا:ياخ بس وريني منو ال..
قبل م تتم كلاما لصق فيها كف خلا اماندا تشوفو عشرة
الراجل التاني مسكو و طلعو برة و قليه:جنيت؟عارف ديل لو بلغو علينا الشرطة ممكن نحن نروح في دهية؟
الراجل داك زحا منو و طلع و التاني جا داخل و قليها:انتي السبب في الكف د فأحسن تسكتي خالص
اماندا كانت بتدمع و بتعاين ليه بي استحقار و كل ما تتزكر انو حازم الخطافا كل ما بتزعل اكتر
———-
حازم وقف العربية قدام بيتوم القديم و نزل هو و حسن دخل البيت و دخل اوضة امو و ابوهو فتح باب بودي لي تحت الارض نزلو و دخلو لي جوة لقو الاوضة الفيها القروش فتح الباب و دخل حتن فتح دولاب فضلو هو و حسن يطلعو في القروش و لمن خلاص شالو المطلوب طلعو برة البيت و و ركبو العربية و ضربو لي الخاطفين اماندا:جهزت القروش؟
حازم :جهزتها
-لاقوني في نفس الشارع الساعة اتناشر بليل
حازم بي كواريك :ليه اتناشر ؟ليه م حسا
حسن شال منو التلفون و اتكلم معاه:ايوة
-زي م قلت ليك الساعة اتناشر نتلاقى في الشارع داك
حسن:تمام على الساعك اتناشر بنكون هناك
————
كنت براي في الاوضة و مربطني في الكرسي و ضهري خلاص وجعني دخلت علي الشافعة ديك و معاها المشط الماعطاني بيه في الاول زهجت انها جات لةن قلت هي املي الوحيد اني اطلع من هنا
اماندا:واي تسريحتك حلوة شديددددد
-انا العملتها
اماندا:واي رهيبة شديد
-حسا بعمل ليكي زيهاااا
اماندا:لكن كدا م حتقدري تعمليها لي
-ليه؟
اماندا:شوفيني مربطة كيف م حتقدري تسرحيني
البت عاينت ليها مسافة وقًالت ليها:لكن لو فكيتي ابوي حيشاكلني
اماندا: م حيشاكلك انا استأذنت منو
-لكن م بعرف افك الحبل د انا
اماندا:بساعدك انا بساعدك بس انتي تعالي جمبي هنا و اعملي البقولو ليك
حصل زي م خططت بلظبط فكت لي الحبل رفعت شعري و شلت شنطتي و قلت ليها:باي😚
جريت فتحت الباب و لقيت قدامي الراجلين انا هلاص رجولي نملو و اتوترت و عرقت بقيت بعاين ليهم و هم بعاينو لي
رجعت خطوتين لي ورا حتا الراجل المريه داك مسكني من يدي و طلعني معاهو ركبوني العربية و انا لحظتا جدجد خفت
#يتبع
