اماندا مشت خطوتين لي قدام عاوزة تشوف د شنو الحاجة الكبيرة المغطية دي مشت خطوتين لي قدام زحت الملاية لقت ساوندات السماعات الكبيرة ديكي غطتا و بقت حايمة بتهبش فجأة وقعتت مستندات كانت مربوطة بي طريقة عجبت اماندا شديد ملفوفة بي ورق الكرتون البني داك مربوط بي شريط ابيض كان مكتوب بي برة الطاهر ١٩٩٠
اماندا شالتو و طلعت بي هدوء عشان الطاهر م يطلع ليها فجأة قفلت باب البيت و طلعت لي حازم برة العربية و قال ليها:اتأخرتي د كلوو بتسوي في شنو؟انشاءلله بعد د كلو تكوني لقيتي حاجة
اماندا:م لقيت شي غير د ....طلعت ليه المستندات و قالت ليه:ام مهند اسمها فرحة!!و كمان هو متأثر بي موتا شديد و هو بكتب كمان يعني عادي ممكن يكون كتب القصة دي!لكن اللسا انا م فاهماهو ليه عمل كدا حيستفيد شنو من انو يخليني مجهجهة و مشوشة !؟م فاهمة بجد م فاهمة
حازم:روقي
اماندا:اها بعد م اروق حيحصل شنو
حازم:اعصابك اعباصبك
اماندا :ياخ بجد م ممكن
حازم و هو بعلي صوتو:اماندا
اماندا سكتت مرة و حدة و قالت ليه:اها عاوز شنو انت التاني؟؟
حازم قرب عليهة حبة و قليها:بحبك
اماندا عاينت ليه ضحكت و هي مكشرة و قالت:د شي معروف
حازم:حفضل مستني كدا لمتين؟
اماندا:اكأنو يعني استنيت خمسة سنين م كلها يوم و نص انت كمان
حازم:عايني خلينا نتفق
اماندا:خلينا نتفق
حازم:اول م تديني جوابك حجي اتقدم ليك و اظن يعني مافي حاجة بتمنعك العرس و م محناجين نتعرف نحن ولا شنو؟
اماندا بقت تضحك و حازم بعاين ليها بي كل جدية قليها:على فكرة انا م قاعد اهظر عشان تضحكي
اماندا سكتت و كتمت الضحكة و قليها:عايني لي
عاينت ليه و فكت الضحكة قليها:لي في المواضيع دي بتعملي رايحة و غبية لكن بس يقولو ليك ايسر و فرح بتكوني جادة
اماندا:م هو ي حازم م تقولي عرس و م عرس و انا لسا م انتهيت من الجامعة
حازم ختا يدو ورا كرسيها و قرب عليه و قليها:في ذمتك دي
اماندا:احكي
حازم:منو البسمع ليك لمن يكون عندك امتحانات
اماندا:انت
حازم:منو البنبهك انك تقري و بحفظك و ببسط ليك القراية؟
اماندا:برضو انت
حازم:طيب وريني كدا منو البتضربي تتبكي ليه في عز القراية و تقولي ليه القراية غالباني و بدور العرس؟
اماندا:م دايرة ليها اتنين تلاتة
حازم:طيب اتخيلي كدا حياتك الجامعية و نحن تحت سقف واحد زي م بقولو
اماندا:م حيحصل شي غير حتوفر لي رصيدي البتبكى بيه🦦
حازم:لكن م على كيفك يا اماندا حتعرسيني و القرار م في يدك
اماندا:د شنو القرصنة دي 😀
حازم:لانك بتحبيني
اماندا:زي ثقتك دي انا م شفت طير من هنا
حازم:م هو م ممكن يا اماندا وشك يحمر كدا مبجرد اني بتكلم معاك طب لو..
وقفتو قبل م يكمل :حازم سوق سواقتك
ضحك و قليها:طيب طيب لكن حعرسك حعرسك اصبري اديني الشهر و لو م بقيتي في ذمتي ابقا م راجل
اماندا:زط زط نشوف منتظرة انا
حازم:د اصلا حيحصل قبل شهر لاني مجهز اي شي و انتي بعرف اقنعك غير انو اكيد اكيد ابوك و امك م حيكونو عندهم مانع عارفهم بحبوني كيف😀
اماندا:تمام يلا اكلني عشان انا جعانة
حازم :انا بقول في سنو و دي بتقول في شنو يرب صبرني على البلوة دي
اماندا:اذا انت حسي م مستحملني بعدينن لمن نكون في بيت برانا و اربعة و عشرين ساعة قدام بعض حيحصل شنو ها
حازم:حيصبروني اولادنا انتي بس م شغلتك بعرف اتصرف معاك و أدبك كيف بعدين😼
اماندا:كلام كلام😃بكرة تزهج و تجيب لي ضرة لكن بأدبا
حازم:لا لا انا البأدبك انتي بس استني كلمة عقدو دي و شوفي بعديها بحصل فيك شنو
اماندا:على فكرة انت كلامك د بخوف و بديني دوافع كتيرة اني ارفضك فألعب لي صالحك و اشتري لي لقمتين انا حموت
حازم :طيب طيب ماشي احسن تاكليني
اماندا:مشكلتك انو دمك خفيف😄
————
حسن دقا باب بيت صبا و فتح ليه مجدي بدون م يتكلم دخل جوة و بقا بسأل عن صبا ماف زول كان برد ليه الا صالح قليه في اوضتا دخل الاوضا و هي بدون م تشوفو بقت تكورك و هي بتبكي:انا مش قلت ليكم ماف زول اخش الاوضة دي اطلعو
حسن:حتا لو انا ؟
صبا قامت مخلوعة و قامت على حيلا و مشت حضنتو شديد و بقت تبكي في حضنو حسن كان ضاميها عليه و بمسح في ضهرها قليها بي حنية شديدة:صبا مالك
صبا:واجهت ابوي
حسن قعدا في السرير و زحاها منو و قليها :و الحصل
حكت ليه بي التفصيل بعدين قالت:لكن م وريتو انك انت الوريتني م عاوزة اعمل مشاكل اكتر من كدا
حسن:و هو وافق انو نحن نعرس؟
صبا:اي م عندو حل ،حسن انا م حقدر اقعد اكتر من كدا في البيت د ارح نعرس و انا برضا بي اي شي
حسن:صبا انا م عندي بيت زاتو اقعدك فيه
صبا:انت ناسي بيت ابوك الحدادي مدادي؟طيب ناسي ورثتك؟ناسي المصانع و الورش و المكاتب حقت ابوك؟؟انا شايفة انو تقعد مع ابوي و تتفقوو تشيل ورثتك و تشغل مكاتب ابوك و الورش تأجروم و بطلع ليك منهم قروش تكفينا نحن الاتنين حق جامعتنا ،انا قعدة اكتر في البيت د م بقعد
حسن ضماها عليهو و قليها:طيب انا بشوف لي حل انتي م تشليل هم اوعدك اول م اتلكم مع ابوك بخصوص الحاجات دي حطلبك منو و نمشي نقعد في بيت ابوي بس انتي م تشيلي الهم و اصبري شوية عشان تفرج
صبا:صابرة ي حسن صابرة
زحو من بعض اول م سمعو صوت الباب بفتح طلعت تسنيم ام صبا نادت حسن و قالت ليه :عمك بناديك برة
حسن قعد في الكنبة و مجدي في الكنبة التانية قليه:انا كنت عامل حسابي لي اليوم د ،انا اذا اديتك بتي م اديتا ليك خوفاً منك ولا خوف اني امشي السجن انا حديها ليك عشان م قادر اعاين في وشها لاني بقيت قدر السمسمة قداما،و انا محترم شديد نقطة انو انت طول السنين دي م حكيت ليها ولا كلمتها ،عارفة انت لسا في اخر سنة جامعة و قدامك طويل و م حتقدر تشيل مسؤلية و تفتح بيت ، عشان كدا ...ختا ورقة قدامو و جمبها قلم:وقع هنا و بعديها املاك ابوك و رثتك كلها حتكون ملكك
طلع مفتاح من جيبو و قليه:و د مفناح بيت ابوك
اقعدو فيه انت و صبا
حسن قليه:حنعرس متين
اانا كلمت امام مسجدنا هنا حيجي يعقد عليكم بكرة انشاءلله
حسن:بكرة كيف انا م مجهز بيت ابوي
مجدي:كلو جاهز يا حسن تمشو تقعدو هناك و شوفو انتو لو عايزين تعملو عرس و كدا بس خليها بعد صبا تنتهي من سنتا دي
صبا طلعت من الاوضة و قالت:م عايزة اي عرس بس عقد و و خلاص
حسن:لا ي صبا بعمل ليكي عرس زي باقي البنات الناقصك شنو انتي
صبا:م عاوزة قلنا يا حسن قفل على الموضوع خلاص
حسن:تمام بتفاهم معاك بعدين
اليوم البعدو حسن كلم حازم و متاب و الشباب ديل و عزم كم صحبة بتعرفوم صبا بعد م الرجال عقدو حسن عمل حفلة بسيطة كدا لي صبا عشان يفرحا و يجبر بي خاطرها بعدد م الحفلة خلصت و فضل بس اماندا و الشباب صبا ساقت حسن على جمبة و قالت ليه:حسن م كان في داعي تتعب نفسك بعدين انت كيف لحقت تعمل د كلو؟
حسن:د شي بسيط يا صبا بس عشان تفرحي و تحسي بأحساس انك عروس جدجد
صبا:افرح اكتر من كدا كيف؟كفاي بقيت مرتك بدور بي العرس شنو؟
حسن حضنا و قليها:كنت شاايف اللحظة دي بعييددةة
صبا:د احلا شي حصل لي في حياتي بعد م ابوي جابك البيت د و انت صغير .
حسن:نمشي بيتنا؟
صبا :حلوة بيتنا دي 😂
حسن:م قادر اصدق اني ححقعد حمبك بدون م اكون خايف تاني الم السنين الفاتت و سهر الليالي و ضرب ابوكي لي د كلو نسيتو
صبا:خلاص ي حسن م تزكرني
حسن:انتي بس ابقي عافية و شدي حيلك معاي ورانا مشوار طويل م معروف حيحصل فيه شنو ...بس اوعدك اني م ححوجك لي اي حاجة و كل طلابات اوامر انتي بسزاشري و قولي يا حسن
صبا بي حنية:ي حسن
حسن بي نفس نبرة الصوت :اي حبيبي
لفت يدينا حولين رقبتو و قالت ليه:بحبك
اماندا طلعت ليهم من وين الله اعلم قالت ليه:هي انتو الحبكانيات دي خلوها لمن ترجعو بيتكم تعالو ارقصو معانا حازم فتح الاغاني تاني
صبا:والله يا اماندا حيلي اتهد
اماندا:هي هي اسكتي م كفا عاملنو فجأة كدا لا محضرة هدوم لا محضرة نفسي غايتو منكو لله
حسن ساق صبا و اماندا طلعو برة و هم برقصو رقصو لحدي م تعبو و خلاص صبا كانت شوية و تدوخ و حسن المديدة حارقاهو متين يفضا ليه الوقت هو و مرتو بعد نص ساعة ايمن ساق متاب و طلعو و عمر وصل حسن و صبا بيتوم و رؤى و اماندا و حازم طلعو وراهم طوالي
ركبو العربية بعدين حازم قال:شفتي يا رؤى الحيوانة القدامك دي قاعدة تتعزز لي ظابط معاك انا قايل ليها بحبك لي يومين و هي مخلياني معلق كذا لا عافر نفس في السما لا في الارض حسا الحصل جوا د كان مفروض يحصل معانة بس الست هانم بتتعزز
رؤى:انت قلت لي اماندا انك بتحبها؟🥺
حازم:اي و م تسوي لي وشك د كدا وريني اعمل ليها شنو ام راس دي؟؟
رؤى:اعمل زي م بيعملو ورود و حركات و تاخدا في ديت
حازم ضحك و قليها:والله يا روى انتي م عارفة شي ساي بعدا الا اتقلب ليها قورد اخير اسكت انا البت دي كل م اعمل ليها مفاجاة بتخربا و تعكنني و تخليني االعن اليوم العرفتو فيها
اماندا:حازم و روى م تتكلمو لي يراسي وصلوني البيت في قصص اهم منكم مستنياني
حازم:يعني حسا بقو ايسر و فرح اهم مننا؟
اماندا:اي اصلا
حازم:لا لا زط يا اماندا بوريك انا بعمل فيك شنو اصبري بس
وقف العربية جمب بيت اماندا و اماندا نزلت و قفلت الباب و قالت ليه:استنا نهاية فرح و ايسر عشان تسمع جوابي ،و نهايتوم م فاضل ليها شي
حازم: استنيت السنين الفاتت دي كلها م بغلبني استنى تاني
اماندا:من متين بتحبني؟
حازم و هو بدور العربية:من م ضيعتي سلسلك
اماندا:كنت شافعة لكن
حازم:المهم اني حبيتك ..خشي يلا
اماندا:دخلت جوة و هي بتضحكك و بسوطة و قليها ناوي يطيير يطير من الفرحة غيرت هدوما و لبست بجامة فضفاضة و ختت الدفتر قداما و المستندات كذلك مع العقد و كدا نستوم فتحت الدفتر و لقت انها اخر ورقة و بعديها في ورقة مشروطة يعني اخر لغز!اتأثرت شديد بي انو خلاص روايتا الكانت مالية ليها حياتا الفاضية حتنتهي!!!
فتحت الصفحة الاخيرة قرت بي تمعن
————
"ما أبشع النهاية التي تعيدك الى البداية."
