قعدت مسافة بعدين ربطت الاخداث مع بعض في بداية القصة كان مكتوب كلام بيوحي انو البت دي ماتت !تاني الورقة كانت مختوتة في مقبرة!و المقبرة بي اسم فرح الزين و هنا في الورقة المقطوعة مكتوب فرح اذا؟
قالت مع نفسها :اذاً اي شي واضح!
شالت التلفون و ضربت لي حازم كذا مرة و م رد تاني ضربت ليه ختن ردا:انا بضرب ليك مية مرة م بترد مالك؟
قليها بي ضيق:معليش يا اماندا م كنت مركز مع التلفون
اماندا:و مركز وين انشاءالله ؟
حازم و هو بشيل نفس :في شنو يا اماندا عاوزة شنو؟
اماندا :م بتحكي في التلفون
حازم:اماندا عاوزاني حسا اجيكي ولا كيف ؟
اماندا:لو مهتمي بتجي لكن حضرت سيادتك م شغال بي
قليها و هو بضحك:لو كنت م شغال بيك كان مشيت معاك مقابر الله اعلم فيها شنو؟
اماندا:يزول برضو م شغال بي:(
حازم شال نفس و طلعو اخد ليه تنهيدة بلع ريقو و سكت مسافة حتن قليها بي صوت مبحوح :يا بت
اماندا:اها عاوز شنو
حازم:انا المفروض اسألك
اماندا:مش قلت ليك م بتحكي في التلفون؟
حازم:طيب طيب روقي حسا بجيكي
اماندا سمتت مسافة وقالت ليه:حازم انت كويس؟
حازم:اي ليه؟
اماندا:ياخ قولي بجد انت كويس؟في شي مضايقك؟
حازم:كويس يبت مالك
اماندا:صوتك م عاجبني اما مش حسا خليتك كويس؟عملت شنو تعبك كدا؟
حازم:عاملة فيها بتخافي علي و كدا😁
اماندا:جادة معاك يا زولي
حازم:يبتنا والله كويس
اماندا:طيب طيب خلاس سكت منك
حازم:طيب انا جاي عليك
اماندا:لا لا هي خلاص لي بكرة
حازم:طيب انا بكرة عندي اجتماع مري علي في المكتب
اماندا:خلاص طيب و اسمعني
حازم:اها قولي
اماندا:شربت سجاير صح؟ شربت سجاير و نفسك ضاق انا مش قلت ليك خليها ؟
حازم ضحك و بقا ساكت قامت قالت ليه :بتكلم معاك انا ..فضل ساكت مسافة قامت قالت ليه:حقفل في وشك
حازم بي صوت مبحوح:م تمشي ..خليكي
اماندا بعدت التلفون من اضانا و ختت يدها في قلبها من كترت م بقا يدق قالت بي صوت خافت وبعليااو رجعت التلفون و قالت ليه :كويس
شالت الصينية الفيها الاكل و وجعتا المطبخ رتبت سريرا و غيرت هدما و رقدت و ختت التلفون في اضانا و نامت ..اقصد نامو 🙈
————————
صحت الصباح بي تلفون من متاب ردت عليها و هي بتتكلم براحة:اي في سنو
متاب:انا جاياكي
امندا:لا لا ي متاب انا طالعة ماشين حديقة الطاهر
متاب:يا اماندا ياخ الليلة اوف و م مصدقة انا و فرحانة و نفسي امرق معاك و تقولي لي حديقة الطاهر؟
اماندا:لو عاوزة تعالي معانا
متاب:ياخ قفلي خلاص حمرق مع ناس لمى
اناندا:انا م بحب البنات ديل
متاب:بي جازك انا قاعدة زهجانة
اماندا :الساعة كم
متاب: داخلة على وحدة
اماندا:طيب معسلامة عشان مفروض امشي لي حازم
متاب:مشش يا اماندا الاهي تتحرقو انتي و حازم حققك دا
امندا:خلي ناس لمى ينفعوك حبيبة
قفلت التلفون و دخلت الحمام اخدت ليها دش و طلعت فتحت الدولاب لقت السلسل قداما دخلتو في علبة بي عدم اهتمام و طلعت ليها فستان و قفلت الدولاب لبست و طلعت لقت اخوها بتكلم في التلفون
ايمن:خلاص ي بيبي برجع لك
قفلت و اتلفت عليها عاين ليها بي خلعة و قليها:واقفة هنا من متين؟
خت التلفون و حاكتو و قالت :خلاص ي بيبي برجع ليكي☺️
ايمن رما فيها المسند وقليها :حمارة
عاينت ليه بطرف عينا:هي هي احترم روحك حبيبي انا
ايمن:مس لمن تحترمي روحك اول و تبطلي تتنصتي على الناس يا عديمة الزووق
اماندا :و دي ياها فتاة الليل حقتك ديك؟
ضحك و قليها :لا دي وحدة تانية
امندا ختت يدها في قلبها وقًالت ليه:بسمالله ماين لحقتو تقولو يا بيبي و ي هناي
ايمن:انا بحب انجز سريع 🤩
اماندا:غايتو ي ايمن عمايلك د كلها حتقع فوق راسي انا😤
ايمن:هي حازم م بعمل كدا
امندا:و منو قليك انا ممكن احب الانسان دا
اسمن:اصلا مخلوع كيف السنين دي كلها طالعين و داخلين مع بعض و م حبيتو بعض؟اكيد في زول منكم كاتما في حنانو 🤭
اماندا:رد على تلفونك البيب بتضرب ليك☺️
قام من محلو و هي مشت على المطبخ كلعاااادةةة لقت امها قاعدة بتنضف في الخدار مشت باستا في راسا و قالت ليه:معقول اليد دي تنضف خدار و انا قاعدة؟🥺
نازك:مفتاح العربية مع ايمن م تعملي لي الحركات دي خلاص حفظتها
باستا و قالت ليها بحبك و انتي بتفهميني😂😘
نازك وقفتا قبل م تطلع :و انتي شايلة العربية ماشة وين لو حديقة الطاهر م بتمشي بيها شبر
قالت ليها و بتشيل تفاحة و تحشرا فخشمها:لو حديقة الطاهر البخليني امشي بي العربية شنو؟بمشي بي كرعيني ديل ،ماشة لي حازم في المكتب
نازك:سلمي لي عليهو و مية مرة قلت ليكي ي زفت اعزميه
اماندا:يا امي م تضربي ليه و تخلصيني زهجت انا والله😭
نازك:خلاص فوتي قبل م اهيج فيكي اصلا براي زهجانة
امندا :رفعت حواجبينا و قالت ليها:مشتاكلة مع حبيب الألب ولا شنو؟🤨
نازك ضحكت و قالت ليها:بري بس زهجانة
رجعت بايتا وقالت ليها اها م حتأخر حرجع بدري و لو م قادرة تعملي الاكل د بس نضفيه لي و انا بجي بشدو
ايمن جا داخل و قليها:اماندا لو ختت ايدا في الاكل دا انا بحردو
امندا:قلت ليك ي مصعب
ايمن:اها
اماندا:ايدك على مفتيح العربية ياض
ايمن:طلعا و اداها ليها و قال :م تتأخري عندي طلعة بعدين
عاينت ليه و قالت ليه مع البيبي صاح😣
مرقت قبل م يرمي فيها الملعقة
———————
حازم:بكرة زي المواعيد دي حيكون في اجتماع تاني و يريت تجو ابدر لانو كل زول هنا عندو التزامات ...قال الكلام د و هو بعاين لي الولد القدامو بي غيظ
سكرتيرتو رفعت ليه حواجبينو نظام خلاص عدي اليوم
الولد قام و متت في وشو ابتسامات قاصدة تغيظ خازم صلح بدلتو و مدا ليه يدو و قليه :تمام لي بكرة انشاءالله
حازم عاين ليه مسافة حتن ختا يدو في ايدو و ابتسم ليه و هزا راسو
مرق من هنا اماندا دخلت بي هنا و اتلاقو :عمرر كيف
عمر:اماندا شخصياً؟يزولة وين انتي مشتاقين
اماندا:والله قاعدة بقيت مفتري ي زول م بتسأل مالك ؟
عمر:والله تقولي شنو بس الشغل لي راسي
امندا عاينت ناحية غرفة الاجتماعات و كانت قزاز لقت سكرتيرة حازم بتصلح ليه في البدلة و بنسوي حركات بوشها م زريفة قالت لي عمر:كنت مع حازم ولا شنو
عمر ضحك و قليها :اي والله كنا في اجتماع
في جهة حازم بسمة كانت بترتب ليه في البدلة و بتهيده :يا حازم لكن م كدا !اعرف انو مصلحة الشركة دي كلها في يد عمر م حاول حاول بي قدر الامكان تصلح علاقتك معاه حتا لو بتكرهو و م بتطيقو تعال على نفسك عشان الشركة بس م اكتر
حازم:ياخ م شفتيه رافع نخرتو كيف ؟؟؟!!و بعدين ..عاين بي اتجاه امندا و عمر و لقاه بحضن فيها و قال :و بعدين حمشي اكسر راسو دا جاي طالع كدا بسمة و قفتو عانت لي امندا و عمر و قالت ليه:البت دي هي المضيعاك يا حازم ،بعدين ممكن توريني حتمشي تضربو بصفتك منو؟ ياخي قول لو خطيبا معليش بس انت حيالله صاحبا بيتسفرندز م غير ...وقفت قدامو و مسكت اكتافو و قالت ليه:عاين لي علين لي هنا
عاين ليها و هو زهجان و حواجبينو دي داخلك في بعض ..قالت ليه:اهدا اي خطوة حتتخذا حسا م حتكون لي صالحنا و انت عارف عمر بس عاوز فرصة و يلغي العقد دا!
حازم:مش العقد دا !م عايزو و انشاءالله الشكرة تمشي في ستين دهية بس ..
قاطعتو و قالت ليه:بس هنا في موظفين محتاجين لي الوظيفة و القروش دي اكتر منك يا اما تبقا قدر المسؤولية يا تعمل ستوب من حسا و م عشم الناس ..اول م امندا دخلت غيرت الكلام و قالت ليه:اها استأذنك
طلعت و عاينت لي اماندا و ابتسمت ليها و اماندا بقت تعاين ليها و هي لاوية بوزة قالت لي حازم و هي بتخت شنطتا في الطربيزة:لابسة معب عالي قايلة نفسها جاية وين دي انا في الاعراس م بلبس
حازم كان بعاين ليها بي ززهج و ضيق كانو عفاريت الدنيا بتتنطط قدامو قالت ليه و هي بتقعد و بتلعب بي القلم:بسمة لي أي زول ..مززة لكن شعرا عجبني
حازم اتقدم اتجاه اماندا خطوات و بقا واقف فوق راسا لمن حست بي حاجة ورها قبلت بي الكرسي كان فيه عجلات قالت ليه:سجمي مالك
ختا يدو في الطربيزة و يدو التانية في ضهر الكرسي حقها و قرب عليها و بي نفس حار قليها:ممكن اعرف الحيوان دا كان بقول ليك شنو؟
امندا كتا بنتكلم عادي مالك؟
هزا راسو بي غيظ وقاليها :اهاااااا يعني عادي اي شي عادي الحضن دا كان عادي صح؟
دققت في وشو لقتو زهجان زهج م طبيهي عيونو كان منططا لمن عاوزة تتقلع من مكانا ضحكت في وشو وقالت ليه:بتغير
زحا منها و مسح التفاف الجا في وشو و اداها ضهرو و بدا يضغط في ايدو عشان يروق قالت ليه بي كل برود:ايوا عادي ،زي م عادي السكرتيرة تتعدا حدودا و تلبسك الجاكيت و تتلصق و تتعابط فيك و انت واقف ليها عادي
شال نفس و بقا موطي صوتو و بضغط على كلامو:عمر دا تاني لو شفتو معاكي م حيحصل خير فاهمة ولا لا
بدت تهز راسا مع كلامو احساس طيب و هي بتضحك طلع الكرفتة و بدا ينظم في نفسو ماندا عاينت ليه مسافة و قالت ليه :حازم انت كويس؟
حازم كان بهز في راسو و بشرب في الموية القدامو و بقح
اماندا جرت عليه و رشت في وشو موسة و قالت ليه:جبت معاك البخاخ؟جبتو ؟
حازم كان بشرب في المرية و م قادر يتكلم و هي بتسألو لسا:وينو وين قاعدد؟؟؟!
حازم طلع الكلام بي العافية و قليها:م تخافي انا كويس
اماندا و هي هايجة:كويس كيف يعني؟شوية و كنت تموت بعدين انت اهبل ولا شنو انا م فاهماك الزفت البخاخ لازم يكون في جيبك فاهم؟؟؟ولا انا بتكلم مع منو بتدخل كلامي من هنا و تطلعو بي هنا
قليها بي حيل مهدود:خلصتي خلاص؟اتكلم؟
اماندا عاينت ليه بطرف عينا بعدين قلبها:البخاخ انتها اولاً شي تاني شي قبل م تنقي لي و تقولي لي انت زول مهمل و م مسؤول وووو.. وصيت اجيبو لي تالت شي ...سكت مسافة بعدين قال: بحبك و انتي خايفة علي
اماندا قالت ليه:رايع شي فعلا انت م مسؤول و كمان مهمل و كمان جاهل تمام و عاوز تقتل روحك و تقعد
قليها و هو بعاين في عيونا:ماف زول حيقتلني غيرك
عاينت ليه و قعدت في الكرسي المقابلو بي زهج و قالت ليه:الستي هانم عاوزاك
عاين بي اتجاه الباب قامت بسمة دخلت مدت ليه التلفون وقالت ليه:تلفونك من قبيل بضرب ،معليش قاطعتكم
اماندا:لا ولا يهمك ما مان في شي مهم اصلا
ضحكت ليها و طلعت قام حازم شاف تلفونو لقا تلفونات من عمر كان عاوز يقفل التلفون عمر رسل ليه شاف الرسالة و قفل التلفون و بقا بحاول يتمالك اعصابو قليها :حتفضلي ساكتة يعني؟
اماندا قبلت وشها منو قال ليها:هوي ي شافعة بتكلم معاك
حازم قال و هو بضحك:معنى كدا م عاوزة الشكلاطات يعني
عاينت ليه و قالت:لا عاوزاها
حازم:طيب وريني الموضوع المهم الانتي عاوزاني فيه بعدين نشوف اذا حديك الشكلاطات ولا لا
اماندا قربت الكرسي عليه و قالت و هي بتطلع الدفتر :اصلا كدا كدا حتديني ليهم حتا لو م ورينك الشي المهم
حازم:تاااني تاني الدفتر يا اماندا!!!!!
اماندا:دقيقة عاوزة اوريك ياخ
حازم:اها
اماندا:بداية الكتاب كانت بحكي عن مرتو و قال كلام بوحي لي انو هي ماتت م فهمت كدا الا لمن مشينا المقابر و كدا شكوكي زادت بس اتأكدت انو هي بجد ماتت لمن لقيت اسمها فرح و فرح
تما كلاما و قليها:دي الي المقبرة بأسمها
اماندا :بظظبط
عاين ليها و هو بحاول افهمها نزل راسو و رفع حواجبينو و قليها:م تقولي لي انك عاوزة ..
اماندا:اي
حازم :يلا يا شاطرة يلا من هنا
اماندا:يا حازم ياخ انا جادة معاك انا بجد عاوزة اعرف منو الكتب القصة دي و ليه خاتي الغاز؟!
حازم:ي شافعة هوي غوري من وشي
اماندا :ي حازم عليك اللله ياااخ😩
حازم:لا يعني نطلع البت من قبرها و نقول ليها حببتي انتي كتبتي الكتاب دا؟
اماندا:م تعمل لي غبي و م فاهم شي😚
حازم :اماندا وحيات ديني لو م اختفيتي من وشي شفتي اني و دفترك د بجدعكم من الشباك اكون ارتحت من مواضيعك دي
اماندا و هي بتدخل في الدفتر و بتشيل شنطتا قالت ليه بجدية:تمام ماف مشكلة
حازم:ماشة وين
لبست الشنطة و صلحت شعرها و قالت ليه:ماشة محل م ماشة
حازم:اماندا انتي جنيتي موش ؟؟اصلا حتلقي اهلها كيف؟!
اماندا :ما ليك دعوة بي
حازم سكت مسافة و قليها :سايقة انتي؟
اماندا:اي ليه
حازم:جيبي المفتاح
اماندا :عاوز بيه شنو؟!
حازم:جيبي المفتاح و انتي ساكتا
مدا ليها يدو و ختت المفتاح و قم طلع من الحتا و عي جات لاحقاهو :يزول ماشي بمفتاح العربية وين
حازم:داير اقرشا
ضحكت و قالت ليه :حتمشي معاي يعني
حازم بي كواريك:اي حتزفت امشي معاك
اماندا :ايهيهيهيههيهي بحبك
———————-
متاب:انا م عاوزة زول يعرف بي موضوع الدفتر د فاهمة ي امي.؟انا عارفة لسانك خفيف و حتقولي لي اماندا
سحر:يبتي قولي ليها و ريحي نفسك
متاب:لا خليها حتعرف براها
سحر:كيف يعني حتعرف براها
متاب:بتعرف بي طريقتا ي امي م تشغليها لي
سحر:اتكلمي معاي بي احترام م تقلي ادبك فاهمة ولا لا ؟!
متاب:معليش،طلعي لي قروش ختيها لي في الصالة
سحر:ماشة وين
متاب:مارقة مع ناس لمى
سحر:كلمي ابوك انا م معاي قروش
متاب:امي عارفة لو قلت لي ابوي م حيخليني امشي
سحر :خلاص بي طريقتك
متاب:عندي قروش م عاوزة منكم شي
سحر:سمح من الاول بتقولي عاوزة ليه؟!
متاب:امي اقفلي الباب وراك
سحر:لا و على شنو حبيبتي بطلع بي كرامتي
—————————
حسن كان قاعد و بكتب في حاجة فجأة اتزكر اماندا خت القلم و مسح وشو و رسل لي متاب :انتي صحبة اماندا؟
متاب رسلت ليه:ايوة انت منو
قليها:انا حسن ممكن تبعتي لي رقما؟
متاب شافت الرسالة و م ردت قام رسليها تاني :عارفك قاعدة تحزريها مني بس م تخافي انا م ححكي ليها شي عن حياتي ولا حخليها تتدخل انا عاوزة اسالا من ورق كدا م اكتر
رسلت ليه الرقم بدون م تقول اي شي بعدين سجل الرقم و بقا متردد اضرب ليها ولا لا؟كان حاسي بي ضيق م طبيعي و حسا بي روحو عاوز افضفض عاوز احكي قصتو امكن الضيق المتربع في صدرو د يزح مسح العرق الفي جبينو و بدا يهز رجولو بي توتر اتخلع لمن لقا صبا واقفة في الباب و بتعاين لي جسمو الهزيل و الكدمات الفيها بي شفقة قالت ليه بي صوت مبحوح :ممكن ادخل؟
غطا الورقة القدامو يي الكتاب و قليها :صبا امشي من هنا بي سرعة قبل م ابوكي
صبا قالت ليه:بابا جاتو سفرية في بورتسودان
حسن:امك حتقول ليه
صبا :ماما عند ناس خالتي
حسن:عاوزة شنو ي صبا؟انتي عارفة ابوكي م عندو مواعيد ممكن يجي داخل في اي ليحظة انا خايف عليكي اكتر من ما خايف على روحي انا اتعودت على الضرب انتي حتقدري عليه؟فأحسن تبعدي مني
صبا قعدت تبكي دخلت قربت عليه قعدت في الارض جمب الكرسي القاعد فيه و اتحسسم الكدمات الفي يدو:واجعاك؟
حسن مسح دموع و قليها: لا
صبا اتحسست الضربات الفي و شو و قالت ليه:انت كويس؟
حسن:اي ي صبا ممكن م تبكي؟
صبا:ما ابكي كيف و انا كل يوم شايفاك بتضرب؟و بي سببي؟؟
حسن:م بي سببك
صبا:ابوي كل م يشوفني معاك بنزل فيك ضرب ابقا د كلو بي سببي
حسن:م تختي الذنب عليك في حاجات كتيرة انتي م عارفاها
صبا قالت ليه :زي شنو
حسن و هو بمشي يدو في شعرا:لمن يجي وقتو حتعرفي
حضنتو و قالت ليه:ممكن نفضل كدا و م نزح من بعض خالص؟
قليها و هو بضمها اكتر عليه:لو كان بيدي م كنت خليتك تبعدي لحظة
صبا بكت زيادة و قالت ليه:انا كل يوم بموت لمن اشوف ابوي بضربك ،انت ليه م بتدافع عن نفسك يا حسن؟
حسن:صدقيني لو دافعت يا صبا حايتمك و حرمل امك فأحسن خليني كدا
صبا سكتت مسافة و قالت ليه :انا وصلت لي مرحلة بدعي كل يوم انو ابوي يموت
حسن:ام عاوزك تكرهي ابوك عشاني انا!صدقيني كل م ابوكي بشوفني عايش و بتنفس بحس بي تأنيب الضمير فبش غلو فيني
صبا حضنتو و قالت:طيب انسانا من ابوي ،ممكن تفضل حاضني و م تفكني ابداً؟انا لي زمن م حسيت بشعور الامان الانا حاساه حسا دا!
حس مشا يدو على راسا و قليها:من العين دي قبل العين دي
صبا لفت ايدا حولين رقبتو اكتر و شالت نفس و رجعتو حسن كان حاسي بي انفاسا الحارة في رقبتو احتواها بي يدينو اكتر و اخد نفس عميق شما ريحة عطرها عمل الحركة دي كذا مرة حاول يشبع منها بس م قدر مع كل نفس كان بياخدو كان احساس الشوق بزيد اكتر ،حسا بي اريحية م حسا بيها قبل كدا حتا الام الكان مع كل حركة بزيد مشا منو ،كان قاعدة فيه و حاضناهو زي الطفلة رغم تعبو و عدم مقدرتو بي انو يحرك عضلة وحدة من جسمو قدر يحتويها احتواها بي كل حيل فيه كان محتاج الحضن دا و هي كانت محتاجاهو اكتر .
———————-
حازم:اها وصلنا المقابر حيحصل شنو؟
اماندا :حنمشي نسألك البواب حقها
حازم :ي بتنا هو حيعرف كيف اهلها؟كلريوم ناس بتموت عاوزاه اعرف ليك اهلها؟... ضحك و قليها:لا م كدا و بس كمان الحتا العايشين فيها اهلها
اماندا:طيب اديني فرصة اشرح ليك على الاقل ..نحن نجرب حظنا بس و لو م عارف شي عن اهلها حمسر الحنك بس
حازم:طيب خليكي هنا انا حنزل
اماندا:لا حنزل معاك
حازم :انزلي يا اماندا انزلي
نزلو و دخلو المقبرة و قريب لي المقابر كدا لقو اوضة صغيرة مشو خبتو الباب فتح ليهم راجل كبير :اهلا وسهلا اتفضلو
حازم:كيفك يابوي
-نحمدو و نشكرو تمام مافيني عوجة،خير انتو عاوزني في حاجة؟
حازم :لا لا بس كنا عاوزين نسألك
-اتفضل يا ولدي
حازم:اول م تخش المقبرة في ققبر بي اسم المرحومة فرح الزين عاوزين نعمر اي عنوان لي وناس بقربو ليها
-اممم عاوزنو ليه؟
حازم:صدقني الموضوع م بتحكي و نحن واقفين بس عليك الله ادينا اي شي يوصلنا لي اهلها
-لي حسن حظكم اني لسا متزكر قصتا الناس ديل عايشين في بري تمام بري دي محل م تقبل بتلقا اهلها امشي هناك بس و اسأل عن فرح الزين و بوروك الدرب
اماندا قالت ليه بي استغراب :م فهمت قصدك شنو بي قصتا
-لو مان بتحكي على الواقف كنت بحكي لكن والله الموضوع طويل و انا صايم و م قادر اقيف على حيلي
حازم:اها يا ابوي م اتعبك اكتر من كدا شكرا ليك
مشو خطوات كدا بعديها قال ليهم:اعملو حسابكم م تحاولو تتعمقو في تفاصيل القصة كتير م اي صالحكم
عاينو ليه و كملو طريقوم لي العربية ركبو العربية و حازم قليها:كلام الراجل د م طمني نهائي
اماندا:عادي نحن بس حنمشي نسألوم عن الدفتر م اكتر
حازم:طيب يا اماندا لكن خلينا نعمل اتفاق
اماندا:اها
حازم:لو الكتاب د حيئزيكي بي اي شكل من الاشكال حتديني ليه و انا حرجعو محل م لقيتيه
اماندا سكتت مسافة و قالت ليه :سمح
حازم قبل عليها و عاين ليه بي كل جدية:انا جادي م قاعد اهظر
اماندا:خلاس خلاس قلنا ليك طيب م تكورك في راسي
مشو لحدي بري و الطريق كان زحمة شديد دخلو كم حلة كدا سألو عن اسم البت م عرفوها اماندا قالت ليه بي زهج:عطشانة
حازم نزل اشترا ليها موية و اتأخر شوية حتن جا
اماندا:مشيت تجيب مرية من البحر انت؟
حازم:اشربي و انتي ساكتة بالله
اماندا:لا بجد اتأخرت قدر دا ليه
حازم:كلها خمسة دقايق ابردي خليني اخش في المهم
اماندا و هي بتفتح في الباغة:احكي
حازم:سالت بتاع الدكان عن اهل البت
اماندا بحماس:اهههاا؟
حازم:وراني بيتوم لكن
اماندا:لكن شنو؟
حازم:البت دي ماتت مقتولة دي اولاً شي تاني شي اهلها بفتشو الزول الكتلا و م كدا و بس لو شاكين شك ساي في زول بقتلوهو و هم ناس فاكة منهم يعني once احنا مشينا هناك و سألنا عن فلان القاعد في الشنطة د طلقة وحدة بس بتسفرنا (يعني بتموتنا) و اصلاً ما زول بعد ممات بتهم بهوي بي الجهة حقتوم ديك
اماندا:الللههههههه حححممماسسس اقسم بالله زي الافلام بس
حازم بقا بعاين ليها و هي بتعاين ليه قالت ليه و هي بتضحك:يلا عشان نكسب زمن
حازم ختا يدو ورا الكرسي حقها و قرب عليها و قليها بي زهج:لو عاوزة تموتي امشي براك انا م مستعد اخسر حياتي عشان كتاب تافه
م تغركم شخصيتا القوية دي المتقمساها قدام الناس ،وحاتكم لو زول اتنفس جمبها بي زهج ممكن تبكي
اماندا صنت كدا بعدين قالت ليه و هي ماخدة وضعية الزعل :لو كانت بسمة كنت فرري مشيت لكن انا ؟انا يا عيني علي كنت قايلاك انت بس الحتقدر تستحملني لي النهاية طلعت زيهم واحد
حازم:هي م تكرفسي لي وشك كدا
اماندا عاينت ليه بي كل برائة قامت قالت ليه:مش قلت اي شي حنعملو سوا؟حتا الموت دا حنموتو سوا؟خلاص فرصة ارح
حازم:اماندا حبيبي ركزي الكلام دا فيه قتل وفيه موت جدجد ،يعني انتي عاوزة تموتي؟طيب و الكتاب حتخليه لي منو
اماندا:محاولاتك على اقناعي بائت بي الفشل ارح و بيحصل لينا شي
حازم ساق و اخلاقو جات السما و بقا ساكتتت يعدسن و قال:د لمن تصاحب ليك شفع
امندا:نعم ياخويا؟
حازم:عاين ليه ورفع يدو نحياتا و قال:م عاوز اسمع صوتك فاهمة ولا لا
اماندا ضحكت و قالت:ها طيب كتمت +تاني م ترفع ايدك دي كدا عشان انا م بخاف
حازم اداها نظرة كدا و كمل سواقتو و لمن وصلو قالت ليه:الحتا ليه صانة كدا
حازم:امشي و انتي ساكتة يا اماندا
اماندا:خلاص يا م تقعد تزلني مدا لو خايف قدر دا ارجع هي
حازم سكت و مسك يدها و ومشو ناحية الراجل الكان واقف جمب عامود الكهربة:يا حبيبنا
بعد سلام طويل و كلام فارغ حازم دخل في الموضوع و سألو عن بيت البت وصفرليه بضبت وين و اتحركو على البيت
حازم قكا يد اماندا و بقا بمسح العرق الفي يدو
اماندا مسكت يدو تاني و قالت ليه:م عاوزة اقول اني خايفة عشان م نكون احنا الاتنين خايفين لانو لازم لمن يرفعو علينا السلاح زول يقيف في وشوم
حازم:اي و بعدا تتبكبكي و تقولي ليهم عليكم الله م تقتلوني
اماندا:هي عرفت كيف
حازم:تقريباً دا البيت
اماندا:اها ندق الباب ولا كيف
حازك:لا ننتظر هنا لحدي م يفتحو براهم
اماندا:م ظرريف على فكرة!و بطل سغالة كترتها والله بعدا بنشتبك وانت عارف اشتباكي كعب كيف بي ضربة بس بنهيك
ضحك ضحكة خبيثة و قرب علي و ختا يدو في وسطو و قال ليها:اي عارفو
اماندا:يا الله انت حتطلع من راسي متين؟
حازم:لحدي م انسا الموقف
اماندا:و حتنساهو متين؟🙄
و هو بدق الباب:تقريباً حسا؟عشان حنطلع جثث حبيبة
اماندا :تف من خشمك ي زول
بعد اقل من خمسة دقايق فتح ليهم راجل كبير و الغريب انو رحب بيهم و دخوم جوة اماندا كانت مستغربة قالت لي حازم في اضانو:ليه م شايل سلاح
حازم و هي بقرب على اصانا:امكن يومنا لسا م جا
اماندا:الحمدالله لاني م صليت العصر
حازم:ولا انا
الراجل قليهم :شرفتونا
حازم:تسلم ي حاج
قليهم و هن بقلع الطاقية:انا بعرفكم؟معليش والله اخر فترة بقيت بنسا و مركز مع زول
حازم:لا لا م بتعرفنا ولا نحن بنعرفك بس في صدقة غريبة جابتنا لي هنا
-الي هي؟
حازم عاين لي اماندا بعدين قال:في دقتر لقيتو في حديقة الجمب بيتنا ما عارف ليه لكن شلتو و لمن فتحتو لقيت مكتوب فيه قصة بخط الايد و عجبتني و لمن قريتا لقيت في ورقة مقطوعة و خاتين لينا لغز عشان نلقا الورقة المقطوعة دي و قعلا لقيناها لكن الغريب اننا لقيناها في مقبرة
الراجل اتخلع حازم سكت شوية و بعدين كمل كلامو:و الغريب اكتر لقيناها في مقبرة فرح الزين
الراجل سكت شوية اخد ليه تنهيدة و قال:اها و المطلوب مني انا شنو؟
حازم بي تردد:انت راجلا؟
الراجل بين ضيقو دا ضحك ضحكة خفيفة و قليه:دي بتي
حازم:الله يرحما
الراجل هزَ ليه راسو و حازم كمل كلامو:انا جاي اسألك اذا الكتاب دا (مدا ليهم الكتاب) بتاع بتك
الراجل مسك الكتاب مسافة و بقا بعاين ليه بعدين اماندا قالت:المرحومة كانت متزوجة؟
الراجل مدا ليه الكتاب و طلع نفس بعدين قال ليهم:بتي ما بتعرف تكتب ولا تقرا كانت عميانة و لا م كانت متزوجة ماتت عمرها خمستاشر سنة
الراجل من نبرة صوتو كان زعلان و متضايق اماندا بي اندفاع قالت ليه:طيب لي كل م نسأل زول بقولو لينا اعملو حسابكم من اهلها؟ظاهرعليكًراجل طيب و م بتاع اسلحة
حازم عاين لي اماندا مخلوع و بقا بحمر ليها احساس قفلي خشمك قبل م يرصصنا ،اماندا ادتو نطرة في شنو مالك؟ عاين ليها و هو رافع حواجبو و مقلع عيونو احساس لو طلعنا عايشين حموتك انا
الراجل قليهم:في شنو ي جماعة؟
حازم قام و قال:اها ي حاج تسلم ضيعنا ليك وقتك بي حتجة فارغة و معليش اننا اتدخلنا في حاجة م بتخصنا ،يلا يا اماندا
اماندا:انا م ناشة الا اسمع القصة
الراجل ضحك بعدين قليه:طبعا اكيد قالو ليك عني كلام كتير اني مجرم و سفاح و بتاع
حازم قعد في الكرسي تاني و بقا بسمع في الراجل:والله انا زاتي كنت مستغرب كيف انتو تدخلو البيت و تتكملو معاي كدا كانو م حاصل شي لانو متاكد انتو حتكونو سالتو و حزروكم ،اخش ليكم في القصة طوالي بتي زي م قلت ليكم عميانة و زولة في حالا شديد لا بتدخل لا بتمرق بس بجوها بنات عماتا و بعد مرات بنات خالاتا الا في يوم بنت عمها قالت ليها الا تجي البيت معاي تفرقي و تغيري جو انا خليتا تمشي عشان نفسياتا تتصلح و كدا و. اتو تغير جو المهم مرقو و بتي دي اول م طلعت من البيت انا قلبي كان مقبوض و خاسي بي شي حيحصل اتجاهلت الموضوع مشت البيت هناك و اتأخرت شديد و البيت م بعيد الشارع الجاي دا بيت اخوي لمن خلاص فاض بي شلت نفسي و مشيت لي بيت اخوي بدق كذا مرة ماف زول فتح للا بعد شوية فتحت لي بتعمها القدرا و بقت تبكي انا وقتها عرفت انو بتي حاصل ليها شي عارف لو دخلت م حيقولو لي الحقيقة و قلت احسن اشوف كلام البت اول بقيت بسألا قامت قالت لي انو اخوي اغتصبا و قاومتو و قام كتلا انا كنت واقف بعاين لي البت مسافة م تتصورو كمية الالم الكان جوة قلبي يعني كانو زول شال سكينة و غرزا لي جوة قلبي قلت ليها اذا هو كان سكران ولا لا قالت لي اي دخلت جوة لقيت بتي راقدة في الارض و غرقانة في دمها ...سكت مسافة اخد ليه تنهيدة مسح دموعو اخد نفس قام حازم قاليه:لو م قادر تتم م مشكلة
هزا ليه راسو بمعنى قادر و تما كلامو:ما عارف اوصف ليكم شعوري وقتها كان عامل كيف انا كل تفكيري كان اني ميف حقدر اتم باقي حياتي بدونا؟شلتها حتا بدون م ابدي اي ردة فعل تجاه ود عمها طلعت بيها من سكات و رجعتها البيت ،امها شافتا و بدت تكورك و نسوان الحلة اتلمو
اماندا قاطعتو و قالت ليه:طيب بيه م كلمت الناس انو د ود اخوك العمل كدا؟
-تفتكري حيصدقو؟قايلاني م اتلكمت و م قلت؟بس كلهم قالو علي مجنون بعديها الطلع اشاعة اني انا الكتلتها و القال انو بقتل اي زول اشك فيه و القال انا الاغتصبتها !ربنا عالم و عارف انا مريت بي شنو و بتي مرت بي شنو عارف منو المذنب و انا خليتو على الله لو قدر يفلت من الحساب حسا بعدين حيمشي من ربنا وين؟؟؟
اماندا مسحت دموعا و قالت ليه:ربنا حياخد ليك حقك و حق بتك يا عمي ربنا م بينسا زول
حازم مسح ضهر اماندا و قليها:نمشي بعدا؟
عاينت ليه و هزت راسا الراجل قدموم بعدا حازم قليه:ياها حال الدنيا يا حاج بس عليك بي الدعاء ربنا يصبركم .
ركبو العربية و اماندا كانت في حالة بتاعة صدمة دور العربية بعدين قالت ليه:معقول في ناس كدا؟
حازم:في اكعب من كدا
قالت ليه و هي بتتكل راسا في الشباك :عارفة احساسو حيكون كيف احساس انك تفقد زول كان بالنسبة ليك حياتك كلها حاجة صعبة
بدت تبكي وقًالت ليه:انا عارفاهو حيكون حاسي بي شنو حيكون حاسي انو هو الكان سبب موتا ،لو ما كان خلاها تمشي م كان حيحصل كدا ،لو م كنت نزلت الشارع اليوم داك احمد كان حيكون لسا عايش بيناتنا
حازم وقف العربية و ضماها على صدرو و بدا يهدي فيها و قاليها:نحن مش قلنا ننسا الفات و نبدا بداية جديدة؟
اماندا :و انت قايل دي حاجة ساهلة تتنسي؟مافي زول حيفهمني مافي
حازم هو بمشي ايدو على شعرها:اماندا اخوكي يومو تما في الساعة ديكي يعني حتا لو م نزلتي الشراع كان حيموت بي اي طريقة تانية ،و انتي كبرتي و مفروض تفهمي انك م ليك علاقة بي موت اخوكي
كانت ماسكة في قميصو بي يدها كل م تتزكر تفاصيل اليوم داك بتقبض يدها شديد و بتبكي زيادة كان محتويها بي يدينو الاتنين رغم انو عارف الوضعية الهم فيها دي م صح و اننو ممكن اماندا تجوط فيه بعد م توعا بس هو م كان عاوز يفكها ابداً كان بحاول يمنع نفسو بس م قدر لانو عارف قدُر شنو هي محتاجة لي الحضن دا
قالت ليه بي صوت مبحوح:حازم انا ماف زول بفهمني غيرك حتا اهلي حتا متاب عليك الله م تمشي و تخليني ،والله انا م بقدر من غيرك امبارح لمن سمعت صوتك و حسيت بي انك متضايق قلبي كان مقبوض شديد و فكرة انو ممكن اخسرك وقتها كانت قاعدة لي في راسي و ابت تطلع و اللية لمن نفسك قام برضو كنت قايلة نفسي حأخسرك عاينت ليه و عيونا مورما من البكا و قالت ليه:اهتم بي روحك عشاني
مسح دموعا و قاليها:م كنت قايلك بتحبيني كدا🤣
عاينت ليه و دموعا خلاص عارز تجري:حازم منصور انا جادة معاك
حازم :خلاص م تبكي عيونك الصغار ديل بصغرو زيادة:)
اماندا:نفسي يرم اتكلم معاك و تكون جادي معاي كدا لي النهاية
حازم:طيب زحي مني شوية عشان اقدر ادرر العربية ي بقرة
اماندا و هي بتخت صباعا في جبهتو :حسا ببكي تاني و اقلب العربية بيت بما و المرعلينا الناس و اقول ليهم خاطفني
حازم:عرفتي كبف اني خاطفك🤭
اماندا عاينت ليه بطرف عينا:موديني وين؟
حازم:امممم خمني 😆
اماندا:حتخلي حركات الشفع دي متين
حازم اتلفت عليها و هو سايق:ااننناا حسا البقت حركاتي حركات شفع؟
اماندا:عاين قدامك احسن نعمل خادث و نموت
حازم:شوف شوف عاملة فيها خايفك و انتي مشيتي لي الموت بي رجليك
اماندا:وطلع ماف شي يلا م تشغلا لي
حازم:عاوزك تقري لي الليلة القصة المجنناااك دي و مهتمية بيها اكتر مني
اماندا:ابيييت م بقرا
خازم:حتقري غصباً عنك يبيبي
اماندا ضحكت و قالت ليه بي صوت طفولي :ابو الزوز اماندا جعانةةةة😩
حازم:خلي كتابك يأكلك كان بقدر
اماندا مسكت يدو و عضتو قليها و هو بضحك:متين حتكبري و حتعقلي ما عارف
اماندا:موديني وين اهم شي يكون في اكل ؟عشان انا حموت شاي م شربتو
حازم:خلاس خلاس قربنا نصل م تصرعيني
اماندا:عارف ي حازم متحمسة لي شنو؟م تضحك فيني لكن😭
حازم ضحك و قليها:اها 😂
قالت بيه:انت من حسا بتضحك؟
حازم:ياخ اعمل شنو وشك بضحكني لمن تكرفسيه كدا
قالت ليه و هي بتضربو في راسو:عاين هي م عاوزة معاك قلة ادب اسمعني و انت ساكت
حازم:اها اها😂
اماندا:متحمسة لمن اعرس و اولد و اولادي يكبرو احكي ليهم بي الكتاب د احكي ليهم بي سداغتنا الجميلة دي حماس ياخ
حازم:و ححكي ليهم انك كنتي بكايية و شافعة و قليلة ادب و م بتسمع الكلام
اماندا:لا انت اصلا حتكون مت 😊
حازم:خلب العريس يجي اول
اماندا:قااااعد
حازم رفع حواجبينو و قال:منو؟
اماندا ضحكت بي اعلل صوت و قالت ليه :عمر🤣
حازم:لو بقا اخر راجل ما بتعرسيه
——————-
طلال:انزلي لي انا تحت بيتكم
رؤى:طلال انت جنيت؟؟عارف لو اخوي او اي زول من اهلي شافك تحت ممكن يخصل شنو؟
طلال:يا رؤى ماف زول حيشوفك انا عاوز اتكلم معاك بس عشرة دقايق و خلاص
رؤى:انت قايلني زي باقي البنات البتطلع و تنزل معاهم ولا شنو؟
طلال:رؤى انا عاوز اقول ليك شي بعدا القرار في يدك عاوزة تمشي ولا تفضلي معاي
روى سكتت مسافة بعدين قالت ليه:خمسة دقايق بس م اكتر ي طلال
طلال:ايوة والله بس عشرة دقايق
———————
فتحو الكتاب و اماندا بدت تقرا بصوت عالي
-
"اختبئُ بين احرُفي،فقرأها مَرَتين حتى تجِدُني"
-
كنت ماشي في الجامعة حالي حال نفسي ماسك الشيت في يدي و لابس النضارة و بفتش في اقرب تربيزة في الكفتريا اقعد فيها و اراجع العلي نسبة لي انو ما عندي اصحاب و م محتك بي الناس شديد و انا قاعد لاحظت لي بت بتبكي و لمن ركزت فيها لقيتا فرح ما عارف ليه قلبي رفا لمن شفتها بي الحالة دي اتوترت م عارف ليه لقيت رجولي سايقاني لحدي عندها قعدت جمبها و هي م حست لمن رفعت راسا و مسحت دموعا قالت لي بي صوت مبحوح:ايسر؟ ،قلت ليها و انا ببتسم:ايوة ايسر مالك مخلوعة كدا ،قالت ليه و هي بتمسح في وشها:لا بس فجأة لقيتك قدامي ،قلت ليها و بعاين لي الساعة اللابسا في يدي:م حنمشي؟
فرح:نمشي وين؟،قلت ليها و انا بربع يديني و بختهم في التربيزة:امم شكلك نسيتي!
فرح:اهااا اتزكرت،ايسر معليش ما عندي مزاج حسا
رفعت حواجبيني و قلت :اممم عشان كدا مفروض تمشي عاينت لي بي استغراب قلت ليها و انا بوضح في كلامي اكتر:مزاجك كعب فا ليه م نمشي نغيرو سوا؟جبنة مع حبة تسالي و الجو حلو!اكيد حيخلي مزاجك احسن
عاينت لي و هزت راسا بمعنى طيب ،جا واحد مرا بي جمبنا و عاين لينا بي طريقة كعبة شديد حتا انا كنت مستغرب د مالو؟نحن م بنعمل في شي غلط عشان بعاين لينا كدا ،اتمالكت اعصابي و اتحركنا على شارع ... كان قريب من الجامعة فمشيتا بي رجولنا اول م وصلنا اشتريت تسالي و كبايتين قهوة و قلت ليها:اها احكي و انا سامعك
عاينت لي بي استغراب بعدين قالت:احكي شنو؟امممم دقيقة انت المفروض تحكي !
قلت لها و انا بخت القهوة في التربيزة البلاستيك :احكي و انتي بالك مشغول في حتا تانية؟كدا حضطر اعيد الكلام مرتين
فرح:والله مافيني شي احكي و انا سامعاك
قلت ليها:بعد الدموع دي كلها ماف شي؟م اظن!
سكتت مسافة بعدين سألتها: طيب الزول الصاح الممكن نفضفض ليهو صفاتو شنو؟
قالت ليه:اتلكمتا في الموضوع د قبل كدا
قلت ليها:انتي شايفاني ياتو واحد ؟
قالت لي:الشخصل المطلوب
رفعت يدي و اشرت على نفسي و قلت:انا قدامك احكي و حسمعك للنهاية.
فرح:مبدئياً كدا انا بحب السودان شديد و بحب بيتي شديد و بحب اهلي و بحب الجامعة و حياتي شديد اينعم ياهو ياهو الروتين بس كل يوم بقضيه هنا بعملني حاجات كتيرة ،و بتحصل حاجات او مواقف بستفيد منها شديد ،طيب عاين د م موضوعنا خسا بي اختصار انا بحب البلد دي امي و ابوي اعاوزين يطلعو منها و سبحان اللهزالامور مسهلة ليهم انا م مستعدة اخلي حياتي هنا و اعيش حياة جديدة مرعارفك الراجيني فيها شنو
سكتت و انا بقيت بشرب في القهوة و مركز فيها شديد في القهوة مافي فرح *قلت ليها :عايني انا م حقول ليك البلد هنا م كويسة و احسن تمشي هناك و الكلام دا حقول ليك سيبيها على ربنا اسكتي و اتفرجي في البحصل و م تفكري كتير عشان م توجعي قلبك ساي عارفة ليه؟اولا شي انتي شايفة حياتك هنا حلوة عشان اهلك معاك قولي مثلا مشو و خلوك هنا براك فكرك حتستحملي العيشة؟ثانياً م بيدك تعملي شي و القرار بقا واحد !تتعايشي مع الواقع في النهاية د ربنا الكاتب يحصل كدا و اميد هر عارف مصلحتك وين و زي م بقولو ربنا م بعمل شي الا لي خير ثالثاً و د الانا كنت حعملو تسكتي و تتفرجي و تتعاملينعزالموضوع بي برود ،يعني! انتي حسا قاعدة وين؟
فرح:في السودان
كملت كلامي و قلت:يبقا تركزي على جامعتك و حياتك كأنو م حاصل شي ،
فرح سكتت مسافة حتن قالت:و انت
عاينت ليها:انا يا ستي كائن بيتوتي جدا بقعد في البيت لدرجة امي بتقول انت يوم حتجن تمام ما بحب احتك بي الناس نهائي و خصيصاً الجنس الاخر
فرح:ليه!؟
قلت ليها :عشان يا ستي انا متربي وسط بنات اكيد حتقولي طيب مفروض تكون عرفت تتعامل معاهم كيف لكن لا،انا مصاحب اخواتي شديد و اخراتي اكيد حبو في يوم و طبعا بجو بحكو لي انا و انا بسمع في مشاكلوم و بسمع في الكلام القالو الطرف التاني او التصرفات العملا الطرف التاني ،بلقا نفسي اني لو كنت في محلو كنت حعمل نفس العملو !انتو ،انتو البنات يعني بحس بيكم زي البيضة اقل شي ممكن يكسركم و انا من زمان كل م اشيل بيضة بلقا نفسي لا شعورياً كسرتها بي يدي ،وانا عارف اخواتي بتأذو قدر شنو و بتأثرو قدر شنو و بدخلو في حالات نفسية كيف فا انا م مستعد اخلي بنات الناس يمرو بي نفس الانا شفتو د عارفك حتحسي بي اني انسان غريب بس فعلا انا مدا و صعب انك تفهميني و تفهمي طريقة تفكيري
اماندا قلبت الصفحة و المفاجأة انها لقتا مشروطة حازم عاين ليها و قال:لا و مخلوعة يعني ؟اصلا حسيت و دي م المرة الاخيرة كمان متاكد حتكون في ورق مقطوع كتير!
اماندا:المشكةل انو الكلام انتها الورقة المقطوعة فيها شنو؟
حازم:الحل الوحيد اننا نفتش الورقة
اماندا:المشلكة الاكبر
حازم:اها؟
اماندا:ماف لغز ماف كلمات مفروض نعرف معناها شنو!
حازم تلفونو ضرب :اي يا امي ،كيف بعني ،طيب جاي عليك،عاوزين حاجة؟،خلاص تمام
اماندا:خير؟
حازم:خير خير بس امي قالت الامبوبة خلصت فا مفروض امشي املاها
اماندا:لا م بتمشي قبل م تحل معاي اللغز
حازم:اماندا بكرة تعالي لي المكتب و حنحل اي شي انتي عاوزاهو تمام بس حسا امي بتكورك و جايطة و انا صراحة تعبان
يكتت مسافة بعدين قالت ليه:ما حاسي ايسر بشبهك شوية حبتين؟
قليها:من ناحية؟
جاية تتكلم تلفونو ضرب تاني و كانت امو قالت ليه:ارح ارح شكلو الاكل كان في النار و الغاز قطع ليها الحركة سخيفة
عاين ليها مسافة بعدين قال ليها:مش مفروض اجوطي و تقولي لي انت بقيت م شغال بي و الامبوبة اهم مني و كدا؟
اماندا:اصبر انت م تسبق الاحداث حسا كنت حشاكلك في العربية🤭
——————-
طلال:رؤى مش انتي كنتي دايما بتقولي لي انو انا الحغيرك و انا و انا و انا
رؤى:اي
طلال:اها من اول شكلة استسلمتي و كسرتي حنكي و قفلتي تلفوناتك؟
رؤى:المشكلة انت بتكزب علي و عينك قوية و بتنكر يا طلال ،فيها شنو لو انت قلت الحقيقة يعني انا م حخليك تمرق مع اصحابك و حقول ليك بس تكون معاي ؟
طلال:ي رؤى بطلي تطلعيني مضاب لانو الحاجة دي بتخليني ازهج بي سرعة ،م تلوميني على حاجة انا م عندي ذنب فيها
رؤى:خلصت كلامك؟ممكن اطلع لانو دي المواعيد البجي فيها اخوي؟
جاية تطلع كدا مسكا من بدها و قربها عليه:رؤى افهمي انا بحبك
من وين م بعرف حازم طلع ليهم و قال لي رؤى :انزلي ادخلي البيت
#يتبع
