اماندا وهي بتضحك على كلامو الفجاة:انا اكتر😔.
بقى بعاين ليها مساافة.
اماندا:هيي مالك؟
حازم:انا جادي علفكرة!
اماندا:انا زاتي جادة انت قايل شنو يعني بالجد انت لو م ظهرت في حياتي كانت حتكون بايخة شديد..حقول ليك حاجة بس م تعمل فتن ها؟
حازم:شنو؟
اماندا:انا بحبك اكتر من ايمن😼.
حازم سكت مساافة وبعدها قال ليها:انتي بتقارنيني ب ايمن؟؟ بتقارنيني ب اخوك ي اماندا؟؟؟
اماندا:اجي..والله يعني في حاجات كتيرة عني انت بتعرفها ايمن م بعرفها يعني انت اخوي اكتر منو!
حازم:ياخ بطلو حركاتكم دي البت اول م يعترفو ليها تقعد تقول اخوي وزفت!! (وفك يدها ومشى قعد في الطاولة بتاعة الاكل).
اماندا بقت محتارة من زهجتو..بعد مساافة حتى استوعبت اصلا هي معروفة غبية يعني..مشت عليهو وقعدت في الكرسي المقابل ليهو وبقت ساكتة.
اماندا وهي مخلوعة:حازم انت جادي!!!
حازم:وانا كنت برطن هسي؟!!! قلت ليك انا جادي في الموضوع دا وكم مرة لمحت ليك وشفتي غيرتي عليك وعارفة اني بحبك م عارف لزوم الحركات دي شنو! وكمان عارف انك بتحبيني حتعملي زي صحبتك وتقعدي تكابري؟؟ (سكت شوية وقال) شايفك زهجانة الليلة وعملت دا كلو عشان افرحك شوية وقلت دا اكتر وقت مناسب عشان اعترف بس انا ليه مستغرب؟؟؟..م اصلك بتحبي تخربي المفاجات!!!
اماندا:حازم بسمالله مالك هايج؟؟ الموضوع م انو بحب اخرب المفاجات او مكابرة وغيرو..بس الكلام جا فجاة ونهائي م متوقعاهو!
حازم:اسف طيب على الانفعال المهم بدون م نتكلم كتير قرارك شنو؟؟
اماندا:م عارفة ياخ ملخبطة شديد انا.. وانت عارف راسي مشوش وفيهو مليون شي م قادرة افكر بالجد! لكن ح تديني وقت صاح؟ عشان افكر واستخير واخد القرار الصح.
حازم:اوك.
اماندا وهي بتمسك يدو:وممكن في الفترة دي لحدي م اقول ليك قراري تتعامل معاي عادي؟ ونرجع ابو الزوز وامندا الطبيعيين؟؟
حازم وهو بضحك:مش بقت ابو النسب؟
اماندا:كلو واحد بس اهم شي انرفزك🤩.
حازم وهو بجر شعرها وبفك الكعكة:احسن تخلي قلة ادبك دي عاملة لي شعرك الطويل دا.
اماندا:تانيييي ي حازم تانيييي؟؟؟؟؟😭
——
-الصباح
في جانب روى نزلت من البيت بسرعة بعد مكالمتو ليها وشافتو واقف جنب العربية..بقت تفكر يارب يكون بفكر ب اللي هي بتفكر فيهو؟؟ يكون عايز يعترف وحس بنفس الشعور الهي حاساهو؟؟؟ بقت تتكلم مع نفسها:اهدي ياخ وم تعملي حركاتك دي قدامو حتعرفي جا لشنو لمن تقابليهو!!
رؤى بتوتر:قلت عايز تتكلم معاي!
زين وهو بضحك:طيب اركبي العربية!
رؤى:اوك.
ركبت العربية وبقى لافي شوية.
رؤى:ممكن افهم انت بتعمل في شنو؟
زين وقف العربية:م عارف انا زاتي😭.
رؤى بابتسامة:خش في الموضوع طوالي.
زين:انا مسافر!
رؤى:شنو؟؟؟
زين:على اساس انو حقعد فترة هنا بس لازم ارجع هسي!
رؤى:حصل شنو؟
زين:اصلا انا في كندا بقرا وبشتغل في نفس الوقت عشان حابي اعتمد على نفسي اكتر وانجز اسرع بس هسي ناس الشغل ضربو لي وقالو اجي ضروري..صراحة هم كلموني ليهم يومين بس انا م كلمت زول عشان م بحب مواضيع الوداع والكلام دا حكلمهم كلهم لمن اجي طالع!
رؤى:واي دا شنو ليه فجاة كدا؟؟؟
زين:قلت ليك شغل! المهم انتي اول زول اكلمو لانو من جيت الفترة دي كلها كنت معاكي انتي اكتر شي واهم زول اكلمو وبعدها حشوف حازم واماندا..العايز اقولو ليك انتبهي لنفسك شديد طيب؟؟؟ واعقلي شوية وخلي الحركات ديك م تثقي في اي زول م تمشي مع اي زول عارف انو نيتك كانت صافية بس م الناس كلها زيك!
رؤى م عرفت تقول شنو بقت ساكتة مسافة حتى قالت:حتجي السودان تاني متين؟
زين:م عارف بس م قريب!
رؤى:يعني ممكن سنين؟
زين:ممكن.
رؤى:طيب انا ما ح اخلي الكلام دا في قلبي واكتمو حقول ليك على حاجة.
زين:قولي.
رؤى:انا بحبك!
زين:ي رؤى..
رؤى(قاطعتو):عارفة انا صغيرة وحتقول لي دي مشاعر عشان انت جيت كانك بطل وانقزتني وكدا وانو طلعت من علاقة وسخة وحصل دا كلو..بس انا لنفسي م عارفة دا شنو وعارفة نفسي صغيرة وحقولها ليك انو انا بالجد الفترة دي ما عايزة اخش في علاقة وحركز على حاجات تانية..زي دراستي ووقتي المضيعاهو في حاجات دي م وقتها اصلا..والمشاعر الهسي دي انا عارفة انها عابرة ومع مرور الوقت حتنتهي وحنساها بس انا حبيت اكلمك عشان يمكن م نتلاقى قريب ويمكن م نتلاقى ابدا!!!! م عايزة نهايتنا الاصلا م بدت تكون كعبة!!..زي انو م اقدر اتعامل معاك عشان مشاعري دي وانت م تقدر تتعامل معاي عشان انت عارف بمشاعري! بتمنى ليك التوفيق في حياتك وكل خير وتصل للعايزو وتعمل كل النفسك فيهو حتى لو ما حقدر اشوف التفاصيل كلها !..وخلي بالك من نفسك وفي اي وقت احتجت لي انا قاعدة..المهم بالمناسبة ما حخليك وحزهجك تلفونات ولو في مشكلة ما بقدر احكيها لحازم اتاكد اني حجيك انت اول واحد!😼
زين:م عارف اقول ليك شنو دا شنو الخطاب الببكي دا ها؟؟ بالجد كدا انتي بقيتي فاهمة وعاقلة شديد وانا ما حكون خايف عليك وانا هناك لاني عارفك حتعملي الصاح دايما..كانت صدفة حلوة شديد انو الاقيك اليوم داك وان شاء الله م نقطع من بعض واتزكري اني موجود في الخدمة في اي وقت😉.
رؤى:زابط..مسافر متين؟
زين:الليلة بالليل.
رؤى:نمشي شارع النيل..اك اسف😭.
زين:تافهة😭.
رؤى:هيي بالمناسبة انت قليل ادب عارف؟ خالتو ام اماندا قالت انك جيت بدون م تكلم زول وحتى راجع من غير م تكلمهم؟؟؟
زين:لا حكلمهم بس وانا طالع😉.
رؤى عاينت ليهو مسافة وبقت تمسح في دموعها:ما عارفة ليه ببكي دا شنو التخلف دا بس حشتاق ليك..شديد.
زين:وانا كمان.
وصلها بيتهم وهي بتنزل قالت ليهو:ما تبكي بعد م انا امشي عارفة م بتقدر تعيش بدوني😼.
زين:لا م تخافي حبكي شوية بس!
——
-في جانب اماندا
شالت تلفونها وضربت لحازم:حازم عليك الله تعال لي ضروررررييييييي.
حازم:في شنو؟
اماندا:ما شي بخوف بس عايزاك في موضوع؟
حازم:بالسرعة دي لحقتي قررتي؟
اماندا وهي بتضحك:لا م ليهو علاقة بالموضوع داك.. خليني اخلص من مواضيعي عشان افضى لمواضيعك😉.
حازم:مواضيعنا لو سمحتي.
اماندا:المهم م فرقت.
حازم:طيب دقايق و اكون عندك.
بعد قفلت من حازم قامت من السرير ودخلت الحمام استحمت ولبست وبقت جاهزة خلاص عشان حازم م يلقى عزر ويلغي الموضوع..بعد نص ساعة كدا حازم جا وطوالي ركبت العربية.
حازم:ها في شنو؟
اماندا:سوق.
حازم وهو بحرك العربية:على وين؟
اماندا:سوق بس انت!
حازم:م هو م ممكن حمشي ساي كدا يعني؟ ماشين وين نحنا؟
اماندا:حديقة الطاهر!
حازم وهو بوقف العربية:اماندا!
اماندا:حازم عليكالله امشي بدون كلام.
حازم:مش على اساس انتهينا من الموضوع دا؟؟
اماندا:عاين انا بوريك! انا ما حقدر اخلي الموضوع دا كدا ساي زابط؟ انا شاكة في زول شديد وحاسة قربت! بس عايزة اعرفو واعرف هو ليه عمل كدا؟! والحاجات دي كلها ما حقدر اعرف جوابها الا امشي حديقة الطاهر! وانت عارف صبا وحسن خافو كيف ما حيمشو معاي تاني ولا ايمن ومتاب واكيد ما حقدر اجبرهم بس انت م زيهم..انت لازم تمشي معاي!
حازم:اوك فهمت بس انتي شاكة في منو؟
اماندا:مهند!
حازم:مهند ولد الطاهر؟؟؟ جادة انتي؟؟؟؟
اماندا:ايي..حوريك ليه!
حازم وهو بقعد باهتمام:وريني ي المحقق كونان!
اماندا:اول شي مهند بقرا في نفس جامعة ايسر وفرح وتاني شي ساهل يخت الدفتر هناك في الحديقة وتالت شي انا سالت الطاهر وهو قال لي شاف زول طالع من الحديقة ووصف لي شكلو من ورا وعلى حسب الوصف الزول دا ي انت ي مهند! المهم مع الايام عرفت دا م انت والشكوك بقت حول مهند اكتر!..دقايق م عندك نضارة هنا؟
حازم:ليه؟
اماندا:عايزة اعمل حركة الازكياء وانزل النضارة وبتاع.
حازم:ي الله من التفاهة.
اماندا:انجز ي ولد عندك ولالا؟
حازم:شمسية ينفع؟
اماندا:اوك بتمشي الحال.
طلع النضارة من درج العربية واداها ليها لبستها.
نزلت النضارة بالحركة ديك (ان شاء الله فهمتوني🤩):ويلا الشكوك هي شنو؟ انو اليوم داك مهند كان عندو اجازة وقال ماشي الجامعة! وبعدين منو البقدر يخش الجامعة ويخت الورقة هناك غيرو؟ وثانيا انا مشيت بيت الطاهر ولقيت ورقة مكتوب فيها خواطر بنفس طريقة الخواطر البلقاها في الالغاز حقت الدفتر وكمان نفس الخط ولمن سالت الطاهر قال ديل حاجات مهند! وبرضو حسب الوصف القلتو لي بتاع الزول الجاب الورقة وجرا بدل برضو على دا انت ولا مهند..وانت وقتها كنت وين؟ كنت واقف جنبي!!
حازم:قصتك تحير!..دقايق دقايق ي اماندا!
اماندا:شنو؟
حازم:انتي كنتي شاكة فيني؟!!!!!!
اماندا:شكيت في اي زول بعرفو م انت براك😽.
حازم:كيف يعني؟؟؟
اماندا:اول م قريت الدفتر الشكوك كانت حول حسن تاني بقت متاب تاني انت هسي خلاص الموضوع بقى واضح..دا مهند! انا قربت من الحقيقة بس فضل لي خطوة وحدة وانت لازم تقيف معاي!
حازم وهو بتزكر في شي:وعشان كدا قلتي لي اليوم داك انو انا خاطفك وبتاع وانا زي الاهبل م عارف شي!
اماندا:حوريك ليه شكيت فيك ..حوريك ليه شكيت في اي واحد منكم ..بس م هسي بليز يعني.
حازم:طيب طيب!
اماندا:يلا اتحرك.
حازم:طيب بالنسبة للاصوات الامبارح والدم!!
اماندا:انا متاكدة في شي ورا الموضوع دا!
حازم:ولو طلعت بالجد مسكونة!
اماندا:م مسكونة! انا متاكدة!
حازم:امرك غريب..انا لمتين حاجري ورا حاجاتك الفارغة دي؟!
اماندا:لو نحنا حنعرس لازم تتعود من هسي لاني ما حوديك الا الاماكن الغريبة وادخلك في مشاكل!
حازم:يعني نحنا حنعرس؟🥺
اماندا:قلت لو..م تتامل على الفاضي يقلبي😽.
حازم بقى بعاين ليها مسافة.
اماندا:م تعاين لي كدا حنتناقش في الموضوع دا وقت تاني!
وبقى سايق لحدي م وصلو الحديقة.
اماندا:انت لف وشوف لو في حاجة.. انا حخش بيتهم.
حازم:حتعملي شنو؟؟؟ م تقولي لي حتخشي بالشباك وتفتشي!!
اماندا:انا البحضر افلام برضو؟🤩..حمشي للطاهر عديل بالباب واشوف لي موضوع واحاول اعرف!
دقت الباب فتح ليها بعد مساافة.
الطاهر:انتي؟ عايزة شنو تاني؟؟
اماندا:عايزة اتكلم معاك في موضوع.
الطاهر:مش صدقتي انو الحديقة مسكونة؟؟؟ جاية تاني ليه؟؟؟
اماندا:اصحابي صدقو بس انا لا!
اماندا:انا عرفت منو العمل موضوع الاصوات!
الطاهر:منو؟
دخلت البيت وقعدت.
اماندا:بتاع الحديقة القدامنا!
الطاهر:م بستبعد ابدا من زمان هو م عايز الحديقة دي تكون شغالة..مش عايزها تتقفل انا ح احقق ليهو امنيتو!
اماندا:لالالا م تقول لي حتقفلها!!!!
الطاهر:في كل الاحوال م مستفيد منها..اخوك جاب ناس يشتغلو ..الناس طلعو! انتو جيتو اشتغلتو وشفتو الحصل ليكم! يعني طول م انا فاتح الحديقة دي وبحاول فيها حيحصل نفسي الشي وما في فايدة! انا خلاص يأست ي بتي!!
اماندا:يعني دا سبب رفضك لينا؟؟؟
الطاهر:ايوا طبعا! لانو عارف النتيجة وحدة! انتي قايلة انا ما حاولت؟ عملت كل البقدر عليهو بس ماف نتيجة وهسي انتو مصيركم زي القبلكم! وهدا حصل..خفتو وطلعتو!
اماندا:كلمتك انا م خايفة!!
الطاهر:ومنو الحقيف معاك؟ حتنضفيها براك يعني ولا شنو؟ ي بتي طلعي الموضوع من راسك خلاص!
اماندا:حتناقش معاك واقنعك استنى بس😼..
الطاهر سكت و بقا بعاين ليها حاول تكسر الصمت الحاصل بعدين حكت ليه بي موضوع الدفتر
الطاهر:و انتي ليه اشتغلتي بي الموضع د شديد كدا؟و بعدين يعني الموضوع م شايفاهو خطر شوية؟
اماندا:القصة حلوة شديد و ملفتة و خلتني اركز على حاجات انا م كنت واخدة بالي منها يمكن د المخليني استحمل امور الالغاز دي
الطاهر:برضو اعملي حسابك يا بتي الموضوع غريب شديد
اماندا:اي لكن كل م اقرا كل م بتحمس اني اعرف منو الكاتب و اذا دي قصتو ولا لا ..ااي عمو عايزة استخدم الحمام ممكن تدلني عليهو؟
الطاهر:اخر الممر دا شمالك.
اماندا:اوك شكرا.
مشت في الممر وبقت تعاين ليهو اذا بعاين ليها ولالا كانت عايزة تعرف غرفة مهند وين عشان تفتش على دليل تاني..بس اثناء م بتعاين كدا لفت انتباها غرفة بابها بني زي القديم كدا لانو فيهو تراب وكدا المهم كان شكلو غريب..عاينت حواليها وفتحت الباب..اول م دخلت كان في زي ممر طوييلللل كدا منحدر يعني زي كانها نازلة في سلم (نظام القبو فهمتو؟) مشت لحدي اخرو ولقت باب تاني..فتحتو..وبقت تعاين باستغراب وتشوف الحاجات الفيهو.
لفت فيهو مسااافة بعدها جاها صوتو من وراها:بتعملي في شنو؟
اماندا نطت من الخوف:واي ي عمو خوفتني😭.
الطاهر:الجابك هنا شنو؟
اماندا:شكلي ضعت! انت قلت لي امشي اخر الممر على يمينك!
الطاهر:قلت شمالك!
اماندا:بالجد؟؟؟!! شكلي م انتبهت😭.
بقت تعاين للغرفة كدا باستغراب.
الطاهر:دا المخزن!
اماندا:اا عشان كدا..
الطاهر:وسخان وجايط!
اماندا لقت تربيزة قدامها مشت عليها وبقت تهبش في الحاجات.
الطاهر:حلو صاح؟
اماندا:شنو هو؟
الطاهر:القناع!
اماندا:اي حلو شديد هسي كنت عايزة اسالك منو!
الطاهر:دي ماسكات بعملها مهند..ممكن تقولي زي هواية كدا..بصنعها وم بيستفيد منها وبجدعها لي هنا..زي م شايفة الوسخ دا كلو بسبب ادواتو وحاجاتو!
اماندا:الماسكات دي حلوة شديد!!! ممكن لو صنع منها اشكال غريبة وحلوة حتتباع ليهو ويستخدم هوايتو في مجال صاح!
الطاهر:حتكلم معاهو في الفكرة،متأثر بي موت امو شديد و من وقتها بقا بصنع الماسكات دي ،قال بستوحيها من الكوابيس البتجيه في منامو
اماندا:امو اسمها منو
الطاهر:فرحة
اماندا سكتت مرة وحدة بعدين قالت ليه:فرحة ولا فرح؟
الطاهر:اجي يعني م حكون متاأكد من اسم زوجتي؟فرحة اي م فرح
هنا اماندا بقت متأكدة مية في المية انو مهند كتب الدفتر قالت ليه:اها طيب انا ماشة
الطاهر:والحمام؟
اماندا:لا خلاص م عايزة.
طلعت من البيت ومشت الحديقة طوالي لقت حازم مستنيها:اتاخرتي!
اماندا:قعدت افتح في مواضيع.
حازم:ها ولقيتي حاجة؟
اماندا:م قدرت اوصل لغرفة مهند! ..كنت بتعمل في شنو انت الوقت دا كلو؟
حازم:الدم دا غايزني يعني لو في زول خش من يشوف الدم طوالي حيطلع عشان كدا كنت بحاول امسحو.
مشى على مكان الدم وبقى بحرك رجلو وبحاول يمسح في الدم بجزمتو.
اماندا:عان الغباء..يعني كدا حيتمسح؟
حازم وهو بضرب مكان الدم برجلو وبضحك:انا عارف؟
سكتو الاتنين مسافة.
اماندا:سمعت الصوت؟؟؟؟؟!!!
حازم:صوت شنو؟
اماندا:اضرب برجلك تاني في المكان دا!
حازم:مكان الدم؟!
اماندا:ايوا نفس المكان الكنت بتمسحو!!!
حازم ضرب برجلو تاني وسمع صوت.
حازم:دا صوت شنو؟
اماندا وهي بتفكر:الحديقة دي على اساس انو التحتها حيكون طين..كيف يطلع صوت؟؟؟
حازم:م عا...
اماندا:كأنو ارضية الحديقة خشب! والمكان دا بالزات!
حازم:بتفكري في شنو؟
اماندا:م عارفة دقايق.
سكتت وقت طوييييللل وهي بتفكر حتى قالت:في حاجة في راسي بفكر فيها!..انا عرفت المكان التحت الحديقة دا وين!!!..عاين انا حمشي مكان ولمن اضرب ليك تعمل لي نفس حركة رجلك الهسي دي!
حازم:طيب بس ماشة وين؟
اماندا:دقايق بس خليك هنا!
مشت تاني رجعت على بيت الطاهر..وبقت واقفة جنب الباب مساافة احساس حتقول ليهو شنو؟ وليه رجعت تاني؟؟ المهم قررت حتالف اي شي وتدخل..ختت يدها في الباب عشان تدقو بس لقتو مفتوح!
فرحت شديد ودخلت م لقت زول في الصالة طوالي دخلت على الغرفة الغريبة القبيل! ومشت في نفس الممر المنحدر وفتحت الباب ودخلت..
اول م دخلت شالت تلفونها وضربت لحازم:حازم يلا.
حازم عمل الحركة برجلو وهي سمعتها من الغرفة دي!!!
بقت مستغربة وبتفكر وما عارفة تعمل شنو.
اماندا:طيب فهمت انو الغرفة دي تحت الحديقة بس انا حستفيد شنو؟ واي انا من فضولك ي اماندا وعاملة فيها الايام دي محققة كمان..اتخارجي سريع قبل م الطاهر يطلع ميتينك!
جات طالعة من الغرفة..بس قبل م تطلع لفت انتباهها شي...
*#يتبع*
