قامت من النوم قريب للعصر لانو كان يوم الجمعة وهي شايلة هم كيف ح تقنع اهلها وحيصدقوها ولالا؟ ولو لقو متاب بالصدفة ح يعرفو انها بتكذب!..دخلت الحمام استحمت ونزلت ليهم.
اماندا:ابوي وايمن مشو الصلاة؟
نازك:اجي مشو وجو امشي شوفي الساعة كم ي بت.
اماندا:اا خلاص م مشكلة.
لقت امها بتجهز في الغدا بقت تعمل معاها.
نازك:حاسة ب شنو ي اماندا؟
اماندا:يعني الزول م يساعد امو؟😙
نازك:اطلبي العايزاهو سريع حركاتك دي م علي انا☺️.
اماندا:ااا...
نازك:كدي هسي شيلي معاي الصحانة وختيها في الصفرة.
اماندا:حاضر انتي تامري امر🤩.
شالت الصحانة ونادت ابوها وايمن وامل وقعدو..قبل م يبدو ياكلو جرس الباب دق مشت فتحت امل لقتو حازم.
حازم(وهو بشيلها ويبوسها):امولتي مشتاق ليك شديد يصحبتي.
امل:حتى انا بس انت بقيت م بتجينا.
حازم(وهو بنزلها):الليلة جيت اتغدا معاكم.
وطوالي قعد في الصفرة.
حازم:كنتو حتاكلو بدوني ي خاينين؟
نازك:والله ي ولدي كل يوم اقول ل اماندا تعزمك م عارفاها مالا شكلها بتنسى.
حازم:تنسى شنو تلقيها عملتها غتااتة لكن م تخافي انا م محتاج عزومة ولا م كدا ي امولة؟
امل:اي طبعا.
اماندا:اي بعملها غتاتة ي ولد م ممكن اليوم كلو في خلقتي حتى يوم اجازتي م حتخليني في حالي؟
حازم:بحبك قايلة شنو🤩.
اماندا:يحبك قرد احوص.
حازم:قصدك انتي القرد ولا شنو؟
اماندا:حازم اسكت مني😭.
بدو ياكلو.
ايمن:اها احوال الشغل كيف؟
حازم:والله تمام التمام.
اماندا:م شفت ي ايمن عمر داك صاحبنا الزمان تتزكرو؟
ايمن:اي مالو.
اماندا:بقى يشتغل مع حازم بقو شركاء في الشركة مبسوطة ياخ🤩..انت عارف لي فترة م شفتو لو شفتو بعد كبر بقى سمح كيف واي بس.
نازك:اماندا!
عبدالله:بتك بقت قليلة ادب.
اماندا:شنو ي عبدالله انت م حصل اتكسرت في بت غير امي؟🤣
عبدالله:م حصل ولا حيحصل.
اماندا:كذاب ي امي المرة الفاتت في المحل عجبتو وحدة.
نازك:واثقة فيهو ما ح تقدري تخربي العلاقات😏.
حازم:لا خليك من عمر ي ايمن لو شفت جبت لي سكرتيرة سمحة سماحة وبتلبس لبس عجيب تقول لي محمد ولد القاعد جنبي دا.
اماندا:ي زول انا اصلا م بت عشان كدا اختاني.
ايمن:هسي ايمن زنبو شنو في مطاعناتكم؟🤩
اماندا:اسكت انت.
حازم:اها رايكم شنو في موضوع السفر؟
عبدالله:سفر شنو؟
حازم:سفر اماندا!
نازك:اماندا مسافرة؟؟!!
اماندا بقت تغمز ل حازم احساس لسة م كلمتهم.
اماندا:ي امي كنت عايزة اكلمك هسي في المطبخ انو...
حازم:عندهم رحلة تبع الجامعة ل بورتسودان ومهمة شديد يعني وبتزيد ليهم خبرات ل قدام.
نازك:ح يعملو شنو يعني؟
حازم:ح يشتغلو في عيادات او كدا لفترة بسيطة هناك وحيرجعو انا مشيت جامعتهم واستفسرت عن الموضوع وشايف انها فرصة كويسة شديد ولازم اماندا م تضيعها.
نازك:بس يعني ح اخلي بتي تسافر براها؟؟
حازم:هم بسافرو مجموعة وم تخافي عليها امان شديد+ في نفس الوقت انا طلعت لي سفرة تبع الشغل والسفرة وين؟ بورتسودان..يعني م تخافو عليها نهائي انا حكون معاها الوقت كلو وح اوصي عليها.
عبدالله:والله كان انت معاها م عندنا مشكلة نهائي متاكدين م بحصل ل اماندا شي وهي معاك.
حازم:خلاص كدا اتفقنا..يلا ي اماندا امشي جهزي شنطتك.
اماندا:زابط.
نازك:مسافرين متين؟
حازم:بكرا.
نازك:بكرا طواليي؟؟؟
اماندا:اي انا اصلا م كنت قايلاكم ح توافقو لي عشان كدا م كلمتكم بس السفرة بكرا.
عبدالله:خلاص امشي اجهزي.
اماندا:طيب.
ايمن:بالمناسبة زين وين؟؟؟
اماندا:زين جااااا؟؟؟؟؟؟
حازم:زين الواحد دا؟؟؟
نازك:اي جا من اول امبارح بس انتي فاضية لي من الحوامة عشان تعرفي جا ولالا..هسي قال ماشي على اصحابو ح يتغدا برا م ننتظرو.
حازم:لاحووللل لي كم منو الولد دا!
نازك:اي والله اول م جا سال منك وقال ماشي ليك في البيت م جاك؟؟
حازم:لالا م شفتو تقريبا كنت برا البيت انا لكن لازم اقابلو قبل السفر.
نازك:بجي بعد شوية واصلا الليلة انت م حتمرق مننا الا بالليل.
حازم:ي خالتي..
نازك:ماف طريقة ي ولد انا لي كم بقول ليك تعال؟؟ ولمن تجي اخليك تمرق بالسهولة دي؟؟
حازم:خلاص عشانك بس.
اماندا:عشاني انا عارفة🤩.
حازم:ي بت اتخارجي من راسي🤩.
اماندا:كلب دا لاقيني وين انت..المهم بمشي بجهز ايمن وحازم وراي يلا.
حازم:عايزاني استف ليك الشنطة ولا شنو يحلوة؟☺️
اماندا:عان دا..ايي تستف لي الشنطة مالك عندك شنو؟
حازم:اماندا قومي من وشي عشان م افنك بالصحن دا.
اماندا:لا بالجد لو خلصتو اكل تعالو وراي عايزاكم في موضوع.
ضربت ل متاب وفي دقيقتين بس جات..كلهم بقو مجتمعين في غرفة اماندا.
اماندا:حازم جيب حسن وحضرب ل زين وعمر🦦.
حازم:طيب ي اماندا نشوف نهاية العوارة دي شنو.
جو كلهم ب زين وطبعا الدراما الحصلت والسلام وهيك وطلعو الصالون.ام اماندا وابوها مشو غرفتهم وخلو الشباب براهم..
ايمن:اماندا ميتينك في شنو؟؟
اماندا:امممم..ماف شي بس اشتقت ليكم كلكم كدا.
متاب:م جادة ي اماندا!!
اماندا:والله جادة🤩.
كلهم سكتو وحازم بقى بضرب فيها بالمخدة.
حازم:انا قلت البت عايزة تموت وجات تودعنا ميتينك تاني ي اماندا غبية دي.
اماندا:يعني الزول م يشتاق ليكم؟😔
متاب:انا البت دي بقيت م بستحملها راجعة بيتنا انا (:
اماندا:ياخ استني..هناي ح نتناقش في موضوع السفر وكدا ول الناس الم عارفين حوريهم الخطة بس.
حسن:بحب هبالتها😭.
اماندا:شفتو خليكم زي حسن ولدي دا يعني انا عشان بحبكم وكدا حبيت نجتمع ديل شنو الوسخين ديل.
حسن:حعمل رايح في كلمة ولدي دي🦦.
حازم:هسي بدل نحنا نزعل حتسوي نفسها هي الزعلانة عشان يراضوها حافظك ي اماندا اعملي حاجات جديدة بلاي🤩.
اماندا:انت قفل بلاي..المهم ي ايمن وزين انا م مسافرة تبع الجامعة ولا شي.
زين:سفر شنو؟
اماندا:واي دا م كان حاضر الموضوع😭..المهم نحنا كذبنا على امي وابوي انو مسافرة رحلة تبع الجامعة بس انا مسافرة عشان شي تاني.
وحكت ليهم موضوع الدفتر.
ايمن:جادين؟؟ خليك من اماندا اصلا عارفها غبية انت ي حازم مؤيدها في موضوع زي دا كيف؟؟؟ اماندا دي تافهة وحاجاتها تافهة زيها دفتر شنو بلاي كيف تقيف معاها في موضوع زي دا؟؟
اماندا:حسكت عن الاهانة الحاصلة دي🦦.
حازم:عارف اختك لو م مشيناها حسب عقلها عادي تسافر براها بدون م تكلمنا😙.
اماندا:صحيح..هازا الجاري يفهم🦦.
حازم:جاري في عينك ي اماندا☺️.
زين:لا خليكم من دا انا جاي من هناك ي اماندا وحازم عشان انتو تسافرو؟؟؟ حركتكم بااايخة😀.
اماندا:والله انا م كنت عارفة انك جيت وهسي ارح معانا.
زين:لالا يزولة بس خلاص فهمتكم🦦.
اماندا:زين ينعل وشك زاتو.
زين:ي بت طيري م فارق اصلا كونت لي صداقات جديدة لانو عارف الطعنة بتجيك من اقرب الناس ليك.
اماندا:دراما كوين🤩.
زين:كوين لكن🦦.
اماندا:اسكت م عندك شغلة😭.
متاب:هسي انا مهمتي شنو؟🤩
اماندا:انو م تظهري ل اهلي ابدا عشان حيكونو قايلنك معاي في الرحلة.
ايمن:اها وانا؟🦦
اماندا:كلمتك عشان لو لاقيت متاب ما تكلم ناس البيت😙.
ايمن:ماشاءالله🦦.
متاب:طيب الماشين منو؟
اماندا:انا وحازم وعمر وبسمة وصبا وحسن.
متاب:صبا منو؟
اماندا:حبيبة حسن🤩..المهم كدا خلاص اتفقنا؟
ايمن:نفسي اشوف الدفتر المهم البعملو ليهو التخطيط دا كلو.
اماندا:انت لو قريتو ما ح تشوفو مهم بس بالنسبة لي مهم شديد حتى انا م عارفة ليه.
حازم:انا لسة م اقنعت بسمة.
اماندا:اصلا ماف داعي تمشي معانا (:
حازم:وكمان ماف داعي فلان يمشي معانا.
اماندا:عاين..امشي اقنع بسمة حقتك دي وخلينا ننتهي من الموضوع دا.
حازم:زابط😏.
ضرب ليها تلفون.
حازم:انتي وين؟
بسمة:مشيت ناس حبوبتي وهسي راجعة البيت.
حازم:ناس حبوبتك وين؟
بسمة:في {...}.
حازم:لا خليك في مكانك انا جاييك هناك.
بسمة:طيب.
حازم:اماندا انا طالع وجاي زابط؟
اماندا:كويس.
طلع ومشى ل بسمة في مكان قريب ل بيت حبوبتها وساقها على كافيه وبقى يتكلم معاها.
حازم:اممم عايزك تسافري معانا.
بسمة:اسافر؟؟ وين؟؟
حازم:اكيد سمعتي كلام اماندا امبارح.
بسمة:اي بس قالت ماشة هي وعمر بس!
حازم:م بخليها مع الكلب دا براها!
بسمة:اممم طيب انا الدخلني شنو؟!
حازم:م بعرف بس عايزك تمشي معانا.
بسمة(ابتسمت كدا بعدها قالت):ما حقدر!
حازم:ليه؟؟؟!
بسمة:ناس البيت ما حيخلوني وغير كدا..
حازم:حتى لو قلتي ليهم ماشة معاي انا؟!
بسمة:هم بثقو فيك واي شي بس..
حازم:مشاكلكم الفي البيت واخوك وكدا صاح؟
بسمة:ايي.
حازم:ي بت دي فرصة ليك تغيري جو من العايشاهو في البيت وبعدين هي كلها يومين ما ح نعيش هناك! واهلك بثقو فيني ولو قلتي ليهم معاي مستحيل يرفضو يعني مافي عزر!
بسمة:خخخ..مجهز كلامك كلو!😂
حازم:ها خلاص اتفقنا؟
بسمة:اوك.
حازم رجع ل بيت اماندا وبقو بخططو ح يعملو شنو ويسافرو بشنو.
اماندا:انا شايفة بص احلى يعني حيكون كدا حنستمتع اكتر.
حازم:نحنا بنعمل في دا كلو عشانك عشان كدا مفروض تسكتي خالص(: ..المهم انا شايف انو نمشي بعربيتي عشان هناك حنحتاج ليها في الحركة وكدا وغير كدا هي كبيرة يعني ما حنتضايق.
حسن:انا كمان رايي زيك.
اماندا:وسخين بس م اكتر قايلين ح اقول ليكم شنو🦦.
وتمو باقي اليوم افلام واغاني وونسة لحدي بالليل حتى اتخارجو.
————
-في جانب بسمة
بسمة:ي بت عزمني في كافيه وبقى بحنسني وبتاع حسيتو عايزني امشي شديد!
_شفتي كلمتك اتلحلحي ي بت واضح انك عاجباهو والا م كان عمل الحركات دي..المهم الرحلة دي فرصة كويسة شديد تقربي منو.
بسمة:م عارفة بس حاسة انو زي م اماندا ساقت عمر هو عايز يسوقني عشان يغيظها!
_مستحيل يسوقك للسبب دا بس وحتى لو ساقك عشان كدا تستغلي الفرصة عشان تبعدي منو البت ديك.
بسمة:طيب اعمل شنو يعني؟؟؟
_من هسي تنسي لي الاسكرتات والاقمصة وتسريحتك عبدالواحد البتعمليها ل الشغل دي ح نختار حاجات تانية خالص..السفر بكرا؟؟
بسمة:ايي.
_طيب ح ابيت الليلة معاك عشان نختار ملابسك مع بعض.
بسمة:طيب يلا.
_وريني هي بتلبس شنو؟
بسمة:اماندا؟
_ايي.
بسمة: م بعرف استايلها عادي يعني بناطلين وتشيرتات زيها زي الاولاد واحد.
_طيب خليك منها ح اخت ليك كم فستان وطبعا البناطلين ح تحتاجي ليها وتاني شنوو؟؟
بسمة:ي بت هي كلها يومين.
_اي بس حتتطلعو كتير وكدا وكم مرة في اليوم يعني بس المهم ح تشيلي معاك كتير للاحتياط.
بسمة:خخخ طيب.
———
-صباح السفر💃🏽
اماندا من الصباح طلعت الدكان وجابت شيبس وحاجات.
حازم:اماندا لا اله الا الله.
اماندا:محمد رسول الله مالك يعني الزول م ياكل؟
حازم:دا كلو جايباهو ل منو؟
اماندا(وهي بتدخل شيبس في خشمها):اذا م عايزين باكلو براي اصلو م تخافو.
حازم:اركبي اركبي يركب فيك جني.
اماندا:جمعا يارب🤩.
كانو متفقين يتلاقو كلهم في الشركة ومنها يسافرو طوالي..ركبو كلهم العربية وبقو منتظرين بسمة..بعد شوية جات وهي لابسة الفستان والميكب والهاي هيلز.
اماندا:الليلة..البت دي ماشة وين؟؟
صبا:دي هي بسمة؟؟
اماندا:ايي..والله خجلت من نفسي عان اقرب تيشيرت وبنطلون لقيتهم قدامي لبستهم وشي زاتو م غسلتو زي الناس متين حتبقي بت ي اماندا؟😭
صبا:لالا البت اوفر اخير انتي.
جات دخلت.
حازم:ها كدا كلكم تامين صاح؟
بسمة:ايي.
واتحركو..كانت رحلة طويلة وكل مرة يتبدلو في السواقة حازم وعمر وحسن..مشووو مسااافة طويييللةةة.
حازم:اماندا بما انو حسن السايق ارح طلعي الدفتر احل معاك.
اماندا:لا ماف داعي☺️.
حازم:شنو هو الماف داعي نحنا ماشين عشان شنو؟
اماندا:م قصدي انو ماف داعي يعني هناي انت عارف لسة في وقت عشان نحل وهيك.
حازم:اماندا في شنو؟؟
اماندا:ماف شي بوريك لمن نصل هسي انا عايزة انوم وم فاضية ليك (واتثائبت ورقدت في كتف صبا وعملت نفسها نايمة لحدي م نامت بالجد).
لمن قربو يصلو حتى صحت.
اماندا:هي صاح م قلت لي حنمشي ياتو فندق؟
حازم:م ماشين فندق.
اماندا:اجي حنقعد وين يعني؟..حازم م تقول لي حتعاقبني وحتخلينا نبيت في الشارع واي..ي قدير ساعدنييي.
حازم:سكتوها الشافعة دي بلاي حتفضحنا.
اماندا:اوك خلصت دراما بالجد ح ننزل وين؟
حازم:بيت جدي.
اماندا:اللههه حماااصصص بحب بيوت الاجداد..انتو عارفين؟
حسن:اها.
اماندا:حتكون رحلة جميلة..
بسمة:اي انشاءالله.
اماندا:عشان انا فيها☺️.
عمر:اماندا اسكتي بلاي لو سمحتي😙.
حازم جراها من شعرها.
اماندا:اخخخ خلاص اسفة يعني بس ناس م مقدرين النعمة الفي حياتكم ديل شنو ديل وانت ي زفت حازم لو جريت شعري تاني بقتلك ي حاقد.
حازم:جربي يحلوة😙.
المهم وصلو على البيت وبقو بعاينو ليهو مسااافة.
اماندا:الللههههه نفس الشكل الخاتاهو في راسي حلو ياخ وكبير بحب جدك.
حازم:رايك شنو تحبيني انا برضو؟😉
هنا بسمة بقت تعاين.
اماندا:احبك انت؟ يع اتخيل🦦.
حازم:غبية دي طيري قدامي لاقياني وين انتي.
اماندا:حازم حبيبي🥺.
حازم(بقى بعاين ليهم):دي مالا فجاة؟
اماندا:عايزة اقول ليك حاجة لكن م حتشاكلني صاح🥺؟
حازم:قولي.
اماندا:انت اصلا صحبي واخوي وحبيبي واي شي ياخ انت اصلا ماف زيك عسل دا🥺.
حازم:امندا اخلصي.
اماندا:مافي لغز وانا كذبت عليكم (قالتها سريع وجرت على الشارع).
حازم:دقايق دقايق اقيفي كيف يعني؟؟؟؟
اماندا:اسفة والله ي اسدغائي🥺.
حازم:امانداااا!!!!
وقفت وقبلت عليهو:اها مالك؟ قايلني خايفة منك م خايفة يلا قول مالك اصلا انت منو عشان اخاف منك كلب دا😭.
حازم(وهو جادي):كيف يعني ماف لغز؟؟؟
اماندا:تعال بشرح ليك اي شي.
حازم:اتكلمي هنا م ناقصك بلاي!!
اماندا:يعني الفهمتو انو باقي الالغاز في بورتسودان بس يعني مافي حاجة احلها عشان اصل ل الورقة المقطوعة.
حازم:جادة انتي؟؟؟؟
اماندا:اي والله🥺.
حازم:اها وحتفتشي وين يعني؟؟ بورتسودان مدينة كبيرة حتفتشي مكان مكان يعني ولا الفهم شنو؟؟؟ م غلطانة انتي ابداااا غلطان انا الباريت تفاهتك!!
اماندا:حازم🥺..
حازم:ولا كلمة يا اماندا..ارح شيلو شنطكم وطوالي ح نرجع!
اماندا:نرجع شنو استنى نفتش.
حازم:اها يعني حنفتش وين؟؟؟؟؟
اماندا:ممكن احاول اقرا القصة تاني واشوف لو زكرو مكان بالغلط او..
حازم:او شنو؟؟
اماندا(وهي بتشيل ورقة من الارض):او يمكن ما حنفتش اصلا!!!
*#يتبع*
