حازم دخل البيت وقعد في الكنبة بزهج.
حازم:انا م عارف كيف بقيت اطاوع اماندا في اشي بتقولو!!
اماندا بقت تعاين كدا🥺.
حازم:اصلا من انها ساكة موضوع دفتر كان مفروض احسمها!!
اماندا:ي حازم..
حازم(وهو بضرب يدو بالطربيزة):عايزة تصلي ل وين انتي؟؟؟؟ قولي حليتي كل الالغاز وعرفتي قصة الولد دا اها بعداك؟؟؟ حيحصل شنو؟؟؟؟ وريني حتصلي ل وين ي اماندا؟؟؟
حسن:روق ي حازم.
حازم:م بروق!..خليت شغلي وكل شي عشان م تمشي براها ضيعت جامعتها وكذبت على اهلها ودا كلو عشان شنو؟؟؟ ولا شي!!! ما حتلقي شي في الدفتر دا غير حيتعبك ما حيعمل شي وبعدين م تجيني راجعة!!
اماندا:انت اول مرة تعرف فضولي ولا شنو؟؟؟ اول مرة تعرفني انت؟؟؟ م تقلل من قيمة الحاجات لانو حاجة انت شايفها تافهة انا شايفاها مهمة شديد! ولو عايز دي عربيتك ودي شنطك طير طوالي وم تقعد والعايز يمشي معاهو يمشي بحل اللغز براي وبقعد براي اصلا م واقفة عليك!
عمر:ي شباب روقو الموضوع ما حيتحل كدا..هسي امشو جهزو الغرف عشان ننوم من تعب السفر..وبعدين ي حازم لو م عشان الدفتر اقعد اجازة ل نفسك وكلنا جماعة مع بعض حنستمتع وموضوع الدفتر انساهو انا بحل معاها انت اقعد اجازتك بس ونرجع.
حازم:خلاص داير تسوي فيها البطل؟؟؟؟
عمر:هسي انا قلت شنو؟؟!!
اماندا عاينت ليه مسافة و قالت ليه :م حجيك راجعة
حازم و هو بكورك:يبقا احسن
اماندا دخلت تشوف البيت ومن الزعل بقت تنضف بس..البيت كان كبير وغرفو كتيرة بدت تنضف وحدة وحدة لحدي م جا الليل وهي لسة بتنضف خلصت وطوالي نامت م كانت عايزة تتلاقى مع حازم ولا عايزة تفتح الورقة ولا الدفتر الخلاها تتشاكل مع صحبها!
صحت الصباح نزلت ليهم لقتهم كلهم صاحيين.
اماندا:اها برنامجكم شنو؟
عمر:برنامج شنو انا حموت من الجوع.
اماندا:نطلب يعني ولا نمشي نفطر برا ولا نسوي شنو؟
حازم:طبعا م عندنا وحدة مسؤولة هنا بتعرف تطبخ عشان كدا ارح البسو واتخارجو.
بسمة:تلبسو شنو؟ طبعا ما حخليكم من الصباح تاكلو اكل المطاعم دا ..حمشي اشوف اي بقالة نشتري حاجات للبيت واعمل ليكم اكل.
اماندا:تشتري حاجات للبيت شنو؟ نحنا اصلا راجعين الليلة ف الوجبة دي اكلوها من اي مطعم وخلاص م دايرين نوسخ البيت ساي.
بسمة:لا حازم قال م راجعين.
اماندا(بصوت واطي):ماشاءالله كل يوم بقرار.
حازم:بما انو جينا لحدي هنا حنقعد كم يوم نتفسح فيهو ونرجع عشان اكيد رحلة الجامعة م يومين بس.
عمر:طيب من امبارح نحنا بنقول في شنو؟
حازم حمر ليهو وسكت.
بسمة:المهم ارح ي اماندا وصبا نشتري الحاجات.
صبا:طيب.
اماندا وصبا مشو يلبسو عباياتهم وطبعا بسمة طبيعي جاهزة.
صبا:انا م حبيت البت دي..عاملة فيها مسؤولة وبتاع وحازم قال وحازم فعل.
اماندا:حتى انا م بحبها وكلمت حازم بس اصر اسوي ليهو شنو؟
صبا:طيب يلا ارح نشوفها ح تعمل شنو في الفطور.
لمن جو طالعين حازم وقف اماندا و قليها:اماندا
اماندا :حازم حسا م نفسي اتكلم معاك نهائي
جات ماشة مسك يدها و قليها:انا مش بتكلم معاك؟
اماندا و هي بتزح يدها منو و بتلزو لي ورا :زح مني ياخ
انا عمري م قلت لي اماندا لا في حاجة و حتا لمن اقول لا بتصر و انا بلقا نفسي موافق عمري م قلت ليها انو البتعملي فيه د غلط و سيبيه بلقاها اقنعتني و بلقا نفسي بعمل في الغلط زي م بتعمل سفرة بورتسودان كانت غلط و غيرتي على اماندا هي الخلتني اوافق اماندا بتأثر علي شديد من كل النواحي ،طبعها بتزعل سريع و بتتراضة برضو سريع عارفة حتكون زعلت من الكلام القلتو بس انا طبعي كدا بعصب وبلخبط الدنيا بي لساني ،انا و اماندا دايما بنكون في الدوامة دي مشاكلنا م بتخلص نهائي و ماف يوم بعدي الا و يكون فيه شكلة:)حلي الوحيد اني ارضا بي موضوع الكتاب د و نشوف نهايتو شنو عشان الستي هانم ما اكتر
طلعو ومشو معاها بقت حايمة في البقالة.
بسمة:حشيل جبنة مضفرة حازم بحبها.
صبا بقت تعاين ل اماندا وتضحك.
اماندا:شيلي العايزاهو انا ماشة اشيل شوكلاطات.
صبا:حتى انا.
مشو منها وخلوها تشتري براها.
اماندا:الليلة تعمل اي شي براها مش عاملة فيها هناي لو بالغت بقطع معاها السلطة ارح شيلي شيبس وحاجات.
صبا:كويس😂.
شالو معاها الاكياس ورجعو البيت ختو ليها الحاجات في المطبخ وطلعو.
حازم:ماحتساعدوها ولا شنو؟
اماندا:طبعا يجماعة زي م انتو عارفين انا امبارح نضفت البيت كلو وتعبانة شديد عايزة انوم.
صبا بقت واقفة لانها م عملت شي وهم متفقين م يساعدو بسمة.
اماندا:وصبا ساعدتني ف تعبانين شديد والله لمن يجيبو الاكل نادونا.
حسن:طيب.
وطلعو على غرفة صبا.
صبا(وهي بتضحك):مالك معاها انتي؟
اماندا:ياخ غيازة البت بتحاول تدخل بيني انا وحازم.
صبا:وانتي بتحبيهو؟
اماندا:لا م كدا بس هي عايزة تخرب صداقتنا.
صبا:طيب لو حازم بقى بحب حتعملي شنو مع البت؟
اماندا:انا م عندي مشكلة يحب بس البت م تحاول تدخل في صداقتنا وبسمة واضح من حركاتها عايزة تعمل كدا (:
صبا:عايزة اسالك سوال.
اماندا:اسالي.
صبا:ليه بتساعدي حسن؟
اماندا:كنت بشوفو زعلان دايما في الجامعة.
صبا:يعني كنتي بتراقبيهو؟🦦
اماندا:لا م الفي بالك وبالمناسبة حسن اصغر مني!
صبا:ي بت انا بسال ساي م قصدي انو يعني الفهمتيهو😭.
اماندا:اا واي خفت تقلبي علي وتبقي زي بسمة😭.
صبا:لا مستحيل طبعا😭..انا مبسوطة انو بتساعدي حسن شديد وبدونك هسي كان ممكن يكون في الشارع ف عايزة اشكرك بس.
اماندا:ي بت م تشكريني ياخ..وبعدين زي م عارفة انو انا وحدة فضولية وشفتي فضولي عمل لي المشكلة الامبارح دي مع حازم وقبل كدا عمل لي مشاكل كتيرة (سكتت وهي بتتزكر في احمد تاني رجعت تكمل)..بس م قدرت اتخلص من الفضول دا عشان كدا قررت اساعد الناس وصراحة حسن كان محيرني يعني كان زول حزين وم عندو اصحاب وم بعمل اي شي غير بكون سرحان ف قلت لازم اساعدو.
صبا(وهي بتحضنها):على فكرة فضولك دا حاجة حلوة شديد م تشتغلي ب زول لانك بتساعدي ناس بدونك ما كانو حيقدرو يعملو اي شي انتي زولة قدر المسؤولية م تسمعي كلامهم.
حسن جا داخل ولقاهم بالشكل دا:خلاص من هسي بديتو تتفقو علينا؟
صبا عاينت ليه و سكتت.
حسن:ارح انزلو الفطور جهز.
اماندا:اخيرا💃🏽..نشوف بتاعة حازم دي عملت شنو.
نزلو ولقو الصفرة مليانة اكل اشكال والوان.
اماندا:لاحووللل..تسلم يدك ي بسمة☺️.
وقعدت تاكل.
حازم:شوفو الناس المسؤولين.
بسمة بقت تتبسم واماندا تحدر ليهو.
بعد خلصو اكل اماندا مشت عشان تشوف الدفتر واي زول مشى يشوف شي يعملو🦦.
——
-عند حسن وصبا
حسن دخل على صبا الاوضة و لقاها فاتحة الكتاب و بتقرا و هي مركزة قعد جمبها و سحب منها الكتاب قليها:مشتاق ليك علفكرة
صبا عاينت ليه وقالت :علفكرة انا لسا زعلانة منك 🙂
حسن قليهاو هو بسحب المخدة من ورا ضهرها و بتكل عليها:اعمل شنو لو انتي راسك صغير و بتزعلي سريع و م بتديني فرصة اشرح
صبا:تجري وراي لحدي م ارضا ها😔
حسن:و بعدين عاى فكرة انا الزعلان منك
صبا:صحي صحي ضربني و بكا سبقني و اشتكا
حسن مدا يدو و طلع النضارة من عيون صبا و قليها:خلاص كفا قراية عيونك ديل بتقددو
صبا:ما عندي موضوع يا حسن اعمل شنو؟بعدين الامتحانات قربت و موضوع جية بورتسودان د شوية موترني
حسن جراها من يدها و ضماها عليه و قليها:و كدا متوترة؟
صبا و هي بتلف يدها حولينو:اكيد لا
حسن قليها و هو بمسح يدو في شعرها:عاوزك تعرفي حاجة وحدة بس انو البعمل فيه د كلو لي مصلحتك م تسأليني في شنو و مصلحة شنو لانو منتطر الوقت المناسب يجي حتن اقول ليك و اعرفي اني بحبك شديد مهمها الحصل بيناتنا و مهما اللقيتو من ابوكي ،بس لو لقيتي مني اي شي زعلك اعرفي اني بكون مضغوط و في بالي الف شي لو يوم لقيتيي بكورك فيكي او هايج و مزعلك تعالي احضنيني صدقيني حضنك بهديني شديد لو زعلانة و متضايقة تعالي لي انا بعرف اراضيكي كيف بس انتي م تشيلي في قلبك و م تفهميني غلط
صبا كانت بتبكي قامت قالت ليه:معليش
حسن:لا لا لا حبيبي م تقولي معليش انا بس حبيت اوضح ليكي عشان لي قدام م تحصل مشاكل تاني +انا زاتي غلطان و انصرفت غلط شديد بس اوهو خلاص حلينا اي شي
صبا حضنتو اكتر و قالت ليه:طيب ممكن نقفل على الموضوع و نفضل كدا؟😔
حسن:ولو زول دخل علينا
صبا:مش ودعمي 🥺خلاص م عندي شغلة بي زول
ضحك و باسا في راسا و قليها:لا احسن امشي قعدتنا كدا غلط
قام منها و بقت تعاين ليه كدا:🥺
قليها:م تعايني لي كدا يا صبا
صبا:خلاص يا حسن اسكت مني😔
حسن:امشي اقعدي مع اماندا عشان م تزهجي
صبا:لا لا عندي كم شيت عاوزة اقراهو
حسن:خلاص طيب لكن م تتعبي روحك شديد فاهمة
صبا:فاهمة
(جفاف و تصحر م عادي 🤩)
——————-
اماندا كانت راقدة في السرير و متغطية وماسكة الورقة الملفوفة و بتلعب بيها و هي سرحانة قطع سرحتا صوت اذان المغرب الوقت عدا سريع و هي م كانت حاسة بيه كان بالا مشغول مع حازم مشت اتوضت و صلت و بعديها حست بنفسها جعانة شديد عادة هي اربعة و عشرين ساعة بتكون بتاكل نزلت المطبخ تحت فتحت التلاجة لقت ماف شي ياكلوهو غير بيضة و باقي فول و كم عيشة قفلت التلاجة و ختت يدها في بطنها و قالت بي زهج:ااففففف
مشت سوت ليها قهوة و طلعت برة النجيلة و قعدت في الارض و لافا حولينا بطانية كان الجو بارد و في شوية هوا بجي من وقت لي التاني كانت بتفرك يدها مع بعض و بتشرب القهوة و مع كل شرفة بتشيل نفس طويل و بترجعو يادوب مزاجا ظبط لي الكتاب فتحت الورقة المقطوعة و بدت تقرا فيها:
قلت ليها و انا ببعد نظري عنها:م عارف ابدا من وين
قالت لي :قول و انا سامعاك اتكلم لحدي النهاية و انا حسمع
قلت ليها:من م كنت صغير عمري خمستاشر سبعتاسر كدا اهل ابوي كانو بتعاملو معاي بي طريقة كعبة و غريبة شديد و دايما بقولو علي مجنون في حين انو انا بكون م عملت اي شي يتدعي الجنون ،كنت دايما هادئ و بعيد من الناس و م بتكلم كتير زي م انتي عارفة بس برضو بلقا كم زول بجي و بقول لي انت مجنون انت مريض نفسي انت و انت و انت ..م كنت فاهم ليه بعملو كدا بقا الموضوع يضايققني شديد بقيت كل م زول يقرب علي بعصب و بكورك و ممكن عادي اقتل القدامي اذا اتعرض لي بي كلمة او تعنيف او إسائة ،اهل ابوي ضغطو على ابوي شديد انو يدخلوني مصحة او يودوني لي طبيب نفسي و لمن رفض عمي وداني غصباً عني قعدت سنين طويلة هناك ضيعت خمسة سنين من عمري هناك بيني و بينك سلوكي اتجاه الناس اتغير و بقيت هادي زي الاول يعني تعاملي رجع زي زمان كنت حاسي نفسي اني جاهز اقابل العالم تاني لكن مافي زول كان عاوز يطلعني من المستشفى كانو مصرين اني اقعد تاني بس خلاص اتخنقت من القعدة شديد و حالتي بدت تتدهور تاني و شافو انسب حل اني م ارجع لي نقطة الصفر انو اطلع من المصحة و طلعت و طبعا حالتي رجعت زي زمان تدريجيا ،و بديت اشتغل على نفسي و على خراب السنين الفاتوني و انا في المصحة اتأخرت في تعليمي فقدت ثقتي في الناس بقيت م بعرف اتعامل مع زول فبحبس روحي في اوضتي بقيت منعزل اكتر من الاول بس د كان احسن من اني اتعصب و من انو يحبسوني في المصحى ،اخواتي كانو بقضو معاي الوقت كلو و د خلا حالتي شوية ترخي و ابقا منفتح حبا كانو بحكو لي اي شي و بستعينو بي في مشاكلوم و علاقاتوم و كدا و انا كنت بتجاوب معاهم و يدوب بقا في تفاعل في شخصيتي يعني بتفاعل معاهم بضحك بحزن بتأثر كدا بقيت انسان طبيعي +و انا بي دوري انو كنت في المصحى و بقابل اطباء نفسيين و كدا اكتسبت خبرة كبيرة منهم و بقيت بتكلم زيهم بظبط بديت اقرا علم نفس بس بعد طلعت من المصحا اجبروني اقرا طب اسنان
اماندا كانت بتقرا بي اندماج شديد و مع كلمة فلسفة دي الورقة انتهت و هي سرحانة شربت القهوة و شربت معاه الحترب كلو تفتو و قالت :حتا القهوة بقيتي م مركزة انها انتهت شابو 👏🏻ماشة كويس
لاحظت انو معظم تفاصيل الرواية بتشبه حاجات فعلياُ في حياتا قصة فرح بتاعة بورتسودان بتشبه قصة حازم كلام ايسر و تصرفاتو نفسي كلام حازم ايسر كان عندو مشاكل نفسية و اماندا برضو عندها حست انو الزول الكاتب الرواية دي زول قريب منها شديد او بعرفا كويس طلعت غير انو لقت الورقة جمب بيت حازم يعني اتاكدت انو الكات القصة دي زول قريب منها طلعت من سرحتا و شالت كباية القهوة و البطانية و دخلت جوة لقت حازم و بسمة قاعدين يتكلمو الغيرة اكلت بطنها قالت الا تسمعوم بقولو في شنو
حازم:ي بسمة خلاص ياخي م تبكي اي شي بتحلا
بسمة:حازم انا عاوزة ارجع بكرة دي م حقدر اقعد برا البيت اكتر من كدا
حازم:ترجعي براكي كيف يعني؟
بسمة:اخوي قاعد يضيع مني عاوزني اقعد هنا و اتفرج عليه و هو بموت اصلا جيتي هنا ما كانت ليها اي لازمة لولا انت اصريت انا م كنت حجي
اماندا المضوع اكل معاها جمبتين م جمبة واحدة و قالت بينا و بين نفسها:يصرصروك في جهنم يا حازم ي ود منصور
حازم:هو كدا كدا م حترجعي بس عاوز اقول ليك انتي رجعتي و انتي بعيدة منو م حيفرق شي و حالتو حتستمر كدا الحل الوحيد انو توديه المصحى
اماندا حست الكتاب د غريب احساس هي كانت بتقرا في الورقة و ليها علاقة بي الامراض النفسية و المصحى و بتاع و بعدها بي كم دقيقة نجي تسمع نفس شي لكن بي قصة مختلفة !
م اتمسكت بي الموضوع شديد و اتجالهت اي شي سمعتو م كانت قادرة تفكر كتير طلعت من ورا الباب و اتفاجئت بي انو حازم حاضن بسمة و بسمة كانت لافة يدها حولين رقبتو حازم لمن شافا ختا صباعو في شفايفو كدا 🤫وقليها:هس ،
اماندا قبضت كف يدها شديد و نفسا قام و بقت تعاين ليهم و خلاص الدموع عاوز تجري طوالي طلعت اوضتا عمر وقفا و قليها:اماندا في شي؟
اماندا رفعت راسا و غطت عيونا بي ايدا و قالت ليه :مافي شي
عمر زحا يدها و قليها:اماندا مالك م تقلقيني
اماندا :يا عمر ياخي مافي شي زح مني
فكا يدها و مسح ليها دموعا و قليها بي صوت مبحوح:نتكلم بعدين؟
اماندا هزت ليه راسا و دخلت الاوضة حازم كان شايف د كلو و تعالو شوفو وشو د بقا كيف حات امي بقا يطلع الوان وقف قدام عمر و قليه:لحدي هنا و كفاية تاني لو قربت من اماندا الا اكسر ليك راسك و يدينك ديل
عمر:بتحبها يعني
حازم:عمر انا م عاوز ادخل معاك في كلام كتير لكن المس شعرة بس منها و شوف انا حسوي فيك شنو
عمر:لو م عاوز تنجز انا حنجز قبليك
حازم رجع خطوطين و قليه و هو بعصب:شنو؟
عمر:زي م عارف انا بحب اماندا و حخليها تحبني انت وريني شطارتك وريني حتخليها تحبك كيف
حازم:اماندا م بتحبك يا عمر
عمر:حازم م ننسى انو اماندا زمان كانت بتحبني و انت فرقتنا عن بعض
حازم بي كلللل ثقة :قايل اماندا بعد السنين دي كلها لسا بتحبك؟طيب عندك فكرة هي طلعت بتبكي ليه؟عشان كنت قاعد مع بسمة ،وريني شطارتك انت و نشوف حتخليها تحبك كيف بقا
مشا خطوطين و رجع تاني وقليه:هوي بس من ناحيتا و شوف حعمل فيك شنو
حازم فتح الباب و لقا اماندا قاعدة في السرير و بتبكي زحا منها المخدة و قليها:مالك بتبكي يا شافعة
اماندا قامت فوق السرير و بقت تحاول تشيل منو المخدة قليها بي برود:م بتقدري تشيليها
اماندا:حازم زح من هنا م عاوزة اسمع صوتك ولا اشوف وشك اديني المخدة دي
حازم:اديني بوسة و بديك المخدة
اماندا و هي واقفة فوق السرير و خاتا يدينها في خصرها و هو كان خاتي المخدة تحت ضهرو و بعاين ليها و بضحك:حازم قوم انت و المخدة اطلعو برة
حازم:قلت ليك ماف طلعة بدون بوسة
قالت ليه و هي بتقعد في السرير و بتربع رجلينا و بتمسح وشها:خلي بسمة تبوسك
حازم :لا انا عاوزة منك انتي
سكتت و بقت تعاين لي الشباك قليها بي صوت واطي و جادي:زعلانة عشان شفتينا بي الوضعية ديك؟
اماندا قالت ليه:انت و منو قصدك بسمة؟😂يود لا لا انت فاهم غلط شديد اتزكرت اخوي ..
قاطعا وقال ليها:م تخلي اخوك شماعة ااا كل مرة و التانية تتحججي بيه
اماندا:حازم اغير انا بصفتي منو؟م تحضنا انا الدخلني شنو انشاءالله تولعو بي جاز م لي دخل بيكم انا
حازم و هو بخت المخدة تحت راسو و قليها:طيب م تكوركي
اماندا و هي بترفسو بي رجلها:م قاعدة اكورك
حازم:طيب م تضربيني عملت ليك شنو حسا
اماندا بقت تلعب بأصابعينا و بتزح عينا منو قليها :بسمة بتمر بي وقت صعب و مفروض اقيف معاها ،و هي حصنتني و انا م قدرت اقول ليها شي د كل الموضوع +مش عمر عمل نفس الحركة دي مرتين و انتي م عرفتي تتصرفي كيف؟بس د انا حالياً
اماندا:لكن..
حازم:لكن شنو مش قلتي انك م زعلانة و م شغالة بينا؟
اماندا:قامت و شدت ليه شعرو و قالت:تاني الكلام القلتو امبارح د م عاوز اسمعو فاهم؟
حازم :فكي شعري عشان انا لو لحقت و قبلت عليك عضامك دي بتتكسر
اماندا طلعت فوق السرير و كفكفت اكمام بجامتا و قالت ليه:قوم و نشوف منو البكسر عضام التاني
حازم قليها :و البموت اول هو الخاسر؟
اماندا بظبط😼
حازم نزلا من السرير بحركة سريعة و لفاها و مسك يدينا و ختاهم ورا ضهرها و بقا يضغط عليهم
اماندا:ي حيوان قايلني قدرك انا فكني الله يقتلك
حازم مش عاملة فيها عاوز تكسري عضامي؟وريني حتعمليها كيف
اماندا و هي بتضحك :يا حازم فكني علك الله😭😂
حازم:حتديني بوسة ولا لا؟
اماندا: ي قليل الادب اطلع من راسي
شدا على ايدا زيادة و قليها و كدا حتديني ولا لا؟
بقت تضحك و تتوجع في نفس الوقت و قالت ليه:لا فكني 😭
حازم فكاها و قبلا عليه شعرها كلو كان جاي في وشها و كانت بتضغط على يدها و بتقول ليه:ميتينك يا حازم هظارك د م بنفع معاي
قليها و هو بزح شعرها من وشها :بديتيه قلت اتمو ليك .
شالت المخدة و ضربتو في وشو و قالت ليه:د انتقام بسيط على العملتو لي حسا بعدين بشوف حسوي ليك شنو
حازم بقا بضحك و بعاين ليها
مشت جابت الدفتر و طلعت شبس من الدولاب قعدت في السرير و قالت ليه: اطلع و اقفل الباب بي وراك عاوزة اقرا بي مزاج
حازم:انا جعان من قبيل و انتي داسة شبس في دولابك يا حقيرة؟؟؟؟
اماندا خلي بسمة تعمل ليك شي تطفحو
حازم:م حتدي ابو الزوز معاك🥺؟
اماندا:ابو الزوز عاوز شبس؟
حازم:جعان والله 😭
اماندا طلعت كورة من دولابا و دفقت فيه الشيبس و قالت ليه :تعال طيب
حازم:نفسي اعرف الكورية بتعمل شنو في دولابك يا سوسة انتي؟؟
قالت ليه و هي بتحشر ليه شبس في خشمو :اولاً شي اسمها كورة لي المرة المليون!تاني شي بعد مرات مزاجي بقول لي دفقي الشبس في الكورة 🤩
حازم:مزاجك د الله يكفينا شرو
اماندا قفلت الكتاب و قالت ليه تعال اقعد
حازم ختا راسو في رجلينا و ختا الكورة في بطنو قليها:لا انا عاوز اكل و اسمع الدفتر الجايب لينا مشاكل د
عاينت ليه بي خجل و قالت ليه :حازم
حازم قليها و هو رافع حواجبينو :مالك؟
بقت تعاين ليه مسافة و بتضحك حازم قليها و هو بشد شعرا:مالك بتضحكي يا شافعة
اماندا وشها قلب احمر و قالت ليه:عاوز تقرا معاي الدفتر؟
حازم:اي عاوز فيها مانع كمان؟
اماندا ابتسمت بي خجل و هزت راسا بمعنى لا و فتحت الدفتر و بقت تقرا
#يتبع
