زين(وهو بصرخ):انتي كيف ماشة مع ولد كدا؟؟
رؤى:م عارفة.
زين(وهو بعلي في صوتو زيادة):كيف يعني م عارفة؟؟؟
رؤى:قصة طويلة..وبعدين انت منو عشان تكورك فيني كدا؟
زين:دا بدل شكرا؟
رؤى(اخدت تنهيدة):انا اسفة بس زهجانة شوية +شكرا شديد على موقفك دا م عارفة بدونك كان عمل لي شنو شكرا شديد.
زين:ما حصل شي بس المهم انتبهي من نوع الاولاد ديل.
رؤى:انشاءالله.
زين:ارجعي بيتك يلا.
رؤى:طيب.
رؤى مشت على بيتها وزين مشى على حازم واتخلع لمن لقاها داخلة معاهو نفس البيت.
زين:اا انتي ماشة ل منو؟
رؤى:كيف يعني ماشة ل منو..دا بيتنا!!
زين:بالجد؟؟؟ انتي اخت حازم؟؟
رؤى:بتعرف حازم من وين انت؟
زين:حازم صحبي وكنت ماشي ليهو هسي..انا ود خالة صحبتو.
رؤى:صحبتو منو؟؟؟ م بعرف صحبات حازم الا اماندا بس لانها صحبتي انا كمان.
زين:بسسس انا ود خالة اماندا.
رؤى:اللههه واي صدفة حلوة ياخ.
زين:اي😉..المهم م اشغلك بس نادي لي حازم.
رؤى:حازم مافي البيت.
زين:اوك بجيكم يوم تاني + تاني بقول ليك انتبهي من الولد داك.
رؤى:طيب انشاءالله.
———
-اليوم البعدو
في جانب حسن
صبا:انت اتغيرت ي حسن!
حسن:ماف زول بتغير بدون سبب!
صبا(وهي بتبكي):طيب انا عملت ليك شنو؟؟؟
حسن:ما عملتي شي بس اللقيتو من ابوك م شوية.
صبا:بس انا بحبك.
حسن:صبا! عايني..م تخليني انا محور حياتك! م ممكن تكوني م عندك زول غيري م الوقت كلو تفكري فيني! شوفي ليك اصحاب شوفي حاجة اعمليها م تركزي معاي كتير ياخ!
صبا:يعني خوفي عليك فهمتو اني فارضة نفسي عليك صاح؟!
حسن:م كدا..
جات تمشي مسكها من يدها.
حسن:والله م قصدي كدا يمكن كلامي قلتو بطريقة غلط بس والله لمصلحتك.
صبا:لالا العايز تقولو وصل وتاني لو شفت وشي يبقى م اسمي صبا! (ودخلت غرفتها).
حسن(وهو بمسح على وشو):ي الله!!
جا داخل مجدي.
مجدي:شفتك واقف معاها.
حسن:دا الناقص كمان!..عاين ي عمي والله الفيني مكفيني م عايز معاك كلام كتير.
مجدي(وهو بحاول يضربو):كمان طلع ليك لسان.. م كنت عامل زي الكديسة الضارباها مطرة الجد شنو؟؟؟
حسن:الجد انو تاني ما ح اسمح ليك تضربني!..انا المفروض اضربك عارف؟ اضربك شنو مفروض اقتلك زي م قتلتهم!! ولو عايز اليوم دا يخلص على خير ابعد مني احسنليك.
مجدي:م عايزو يخلص على خير وريني ح تقدر تعمل شنو..عايز تضربني؟؟ جرب حظك بس.
حسن:ما حضربك بس عشان غلاوة صبا على قلبي لو م كدا كان اولادك هسي بقرو عليك الفاتحة! ف انا شايف احسن تمسك يدك دي عليك عشان هسي دي ممكن انادي صبا وصالح واوريهم اي شي!!
مجدي(وهو بضربو):بقيت تهددني كمان! الرباك منو انت؟؟؟ ااا؟؟؟ هسي كان تكون مرمي في الشوارع تفتش على لقمة تاكلها..قاعد تاكل وتشرب بقروش منو؟؟ الدخلك الجامعة منو؟؟؟ جابت ليها حركات قلة ادب وصعلقة جديدة انا بربيك ي ولد الكلب.. ****انت و*** ابوك زاتو.
حسن:(وهو بمسكو من قميصو):م تجيب سيرة ابوي.. م كفاك قتلتو كمان م عايز ترحمو في قبرو؟؟؟ قروشك وبيتك الفرحان بيهم ديل طالع ليك منهم بس موضوعنا م انتهى هنا وشوف ح اعمل شنو!
مجدي:اطلع ايي وامشي نوم في الشارع زي كل مرة بطردك فيها..ولا امشي اشحد في الشوارع م اصلو شبهك!
حسن:اشحد ولا اشيل قرش منك!
دخل على اوضتو لمة هدومو كلها وشال تلفونو وطلع.
———
-في جانب اماندا
ختت الخريطة قدامها وبقت تعاين ليها..لقت مكتوب الخرطوم بخط كبير وتاني لقت المقابر المشوها والشارع اللقو فيهو الخريطة..ديل كلهم فهمتهم بس ليه مكتوب بورتسودان بخط كبير؟؟؟.. قررت تقرا من بعد الورقة المقطوعة وتحاول تفهم يمكن تلقى ليها حاجة...
