مفستورما

٧

رؤى:حازم....
حازم:رؤى انا م عايز اكورك فيك عشان كدا احسن تخشي..(وهو بعاين ل طلال) وانت م اشوفك هنا امشي سريع من قدامي.
   ساق رؤى من يدها ودخل بيها اوضتو..رؤى كانت خايفة شديد..بقى ماشي وجاي في الاوضة بتوتر.
رؤى:حازم!
حازم(وهو بصرخ):رؤى اسكتي.
ولسة كان ساكت.
رؤى:انا م عارفاك انت زعلان ليه..يعني انت عارف اني مربطة وكدا..
حازم:بس م عارفو بجيك لحدي البيت وم عارفو هو طلال!
رؤى:وانت عادي قاعد تمشي ل اماندا وين المشكلة؟
حازم:انا واماندا بنختلف عنكم!
رؤى:بتختلفو في شنو؟ عايز تقنعني انك م بتحبها؟
حازم(وهو هايج):دا م موضوعنا!
رؤى:اها موضوعنا شنو؟
حازم:الجابو البيت شنو؟
رؤى:انت قلت لي احسسو انو م شغالة بيهو وكدا وم دايمة ليهو وهو طلب يشوفني يعني عايز يعرف انا بعمل كدا ليه.
حازم:يعني حبيبك هو طلال؟
رؤى:ايوة يعني ح اكون واقفة معاهو ساي؟ +انت بتعرفو؟
حازم:الولد دا مشهور في جامعة ناس اماندا بتاع بنات.
رؤى:وانا قلت ليك غير كدا؟ كلمتك من الاول انو عينو زايغة وكدا بس متاكدة بحبني.
حازم:طيب عارفة انو حاول يربط مع اماندا بس هي م ادتو فرصة؟
رؤى:دا المزعلك يعني!
حازم:كيف؟
رؤى:عشان بتغير على اماندا ح تحرمني منو؟
حازم:منو القال عايز احرمك منو؟ انا عايز اوصل ليك حاجة وحدة انو هو حاول مع اماندا وكم مرة انا ضربتو ف حاسي انو بوهمك انو بحبك عشان ينتقم مني فيك.
رؤى:لا ياخ م للدرجة دي.
حازم:انتي اختي الصغيرة الموضوع م موضوع انو عشان غيرتي على اماندا بس انا خايف عليك منو وما ح امنعك منو لا استمري في البتعملي فيهو بس م تتعلقي شديد وانتي عارفة نفسك عايزة شنو وعارفاهو اكتر مني يمكن يكون زول كويس بس انا مواقفي معاهو كعبة ف اعملي البريحك وخليك عارفة انك لو غلطتي في اختيارك انتي الحتتحملي المسؤولية م زول غيرك.
————
-اليوم البعدو
في جانب اماندا
متاب:معقولة جايبانا للمحل دا عشان حلاوة قطن؟؟
اماندا:فتشت الاماكن القريبة بس م لقيت فيها ف عشان كدا.
متاب:طيب انتي عارفة المكان دا؟ يعني ما حنضيع؟
اماندا:ي بت خلي خوفك دا الوقت لسة صباح وبعدين المحل دا جيناهو انا وحازم قبل كدا..شفتي الدبدوب حقي الكبير داك؟ اشتريتو من هنا.
متاب:م عارفة لكن غايتو..
اماندا:دقايق عاينييي!!
متاب:شنو؟؟؟
اماندا:عايني الولد داك..مش دا حسن؟؟
متاب:اي شكلو.
اماندا:الجابو المقابر دي شنو؟؟
   سكتتت مسافة.
اماندا:يارب ما يكون الفي بالي بس.
متاب:شنو هو؟
اماندا(براحة مع نفسها):ياربي يكون هو الكاتب الدفتر دا؟؟؟ والله احتماال كبيير لانو انا متاكدة انو عندو قصة وبعدين نحنا ساكنين جنب حديقة الطاهر وهو طلع ساكن جنبنا..تكون القصة الفي الدفتر دي قصتو؟؟!..طيب انا طلبت منو يحكي لي ليه يحكي لي بالطريقة دي ويخلي بالي مشغول كدا؟!..(اتنهدت مسااافة)..ي الله راسي ح يطرشق.
متاب:في شنو انتي بتتكلمي مع نفسك؟
اماندا:ماف شي..ما ح تقدري تفهميني المهم ماشة ل حسن.
متاب:لالا ي بت.
اماندا:حاجة ضرورية.
متاب:ليه في شنو؟
اماندا:لقيت دفتر وعايزة اسالو منو.
متاب(بارتباك):دفتر؟؟ دفتر شنو ولقيتيهو وين؟؟
اماندا:م حكيت ليك انا؟؟ دفتر كدا لقيتو في حديقة الطاهر وفيهو قصة.
متاب:اها يعني؟!
اماندا:القصة دي فيها الغاز يعني م بخليني اعرف اي حاجة بالساهل كدا الا احل لي شي حتى افهم..
متاب:طيب حسن علاقتو شنو؟؟
اماندا:شايفة المقابر الواقف فيها حسن دي؟؟ هنا مدفونة البت الفي القصة وحسن انا متاكدة عندو قصة ف حاسة انو القصة الفي الدفتر دي قصتو هو+هو ساكن جنب حديقة الطاهر يعني عادي يخت الدفتر هناك..
متاب:اماندا يااخخ..
   اماندا مشت ل حسن ووقفت قدامو بدون مقدمات.
اماندا:عايزة اتكلم معاك.
حسن:انا كمان عايز اتكلم معاك.
اماندا(حستو ح يوريها ب موضوع الدفتر):ارح انا سايقة اركب معاي.
حسن:طيب يلا.
   متاب رجعت ورا واماندا ساقت لحدي حديقة الطاهر ووقفت قدامها عشان تشوف ردة فعل حسن وتوريهو انها عرفتو هو الكاتب القصة.
اماندا:انزل..و يا متاب خليك هنا بنرجع بعد دقايق.
متاب:اوك م تتاخرو.
   نزلو وبقو ماشين في الشارع.
اماندا:ها تبدا انت ولا انا؟
حسن:مش عايزة تعرفي قصتي؟؟ انا بوريك ليها..اكيد استغربتي اني احكي ليك فجاة بس انا ح احكي ليك و م منتظر منك تساعديني ولا تشوفي حلول ولا اي شي بس حسيت عايز افضفض.
اماندا:احكي.
حسن(اخد تنهيدة كدا حتى بدا):من صغير وانا لقيت نفسي وسط العائلة دي..اتولدت وانا م عندي ام واب وكنت عايش مع عمي..ما ح اقدر اكذب عليك واقول ليك عوضوني عن اهلي لا ابدا..عمي كان بضربني لاقل الاسباب وحتى مرات من غير سبب بحسو لمن يشوفني بكون قرفان مني وبنتقم مني ب الضرب..قلت دي حاجة طبيعية وكفاية انو ربوني ومفروض اشكر ربي انو م رموني في الشارع..رغم التعنيف الشديد وفرزو الواضح بس م كنت بتكلم..اتكلم ب اي حق؟؟..المهم رغم الضرب دا بس صبا هي الكانت بتعوضني..حسيتها ملجاي اصلا م كان عندي زول غيرها امشي ليهو لمن اكون زعلان..وانا صغير كل م يضربني بمشي ببكي في حضنها هي..صاح كانت صغيرة بس عوضتني عن حنان الام..كانت ام واخت واي شي ناقصني حبيتها شديدد وكنت بستحمل اي شي عشانها..ابوها بضربني م بسالو احتراما ليها هي..لو م قدرت تواسيني بتبكي معاي وصراحة حضنها كان البواسيني💙!..المهم في يوم كنت داخل من المدرسة وسمعت حوار بين عمي ومرتو وكان بقول انو هو القتل امي وابوي! اتخيليييي!! وعشان شنو؟؟ عشان كان بحب امي وامي م حبتو وعرست ابوي اللي هو اخوهو!..اتخيلي يتمني عشان موضوع زي داا!! لا وم ندم استمر يضربني عشان لمن يشوفني بتزكر امي والحصل!!..م عارفو قتلهم كيف وصراحة م عايز اعرف!..م عايز ادخل نفسي في جو حزن تاني لاني صراحة م ناقص!..الليلة مشيت قبرهم وبقيت ببكي اصلا ماف شي بقدر اعملو غير كدا!!..م عارف اسوي شنو حاسي يديني مربطة وم قادر اسوي شي!..حتى صبا ابوها ما ح يوافق نعرس م عارف هل ح نكون ل بعض ولالا!!
اماندا سكتت مسافة.
اماندا:صراحة ما عارفة اقول شنو..
حسن:انتي قلتي عايزة تتكلمي معاي في موضوع شنو هو؟؟
اماندا:اا بس كنت عايزاك تحكي لي قصتك وهسي بعد سمعتها غلبني الكلام ما عارفة اقول شنو..
حسن:بالجد زي م قلت ليك م مستني منك شي بس انتي كان عندك فضول تعرفي الحصل لي وانا وريتك وانا فضفضت وخلاص انتهى الموضوع.
اماندا:لا م انتهى..زي م انت عارف اني فضولية بس كمان الم عارفو انو طبعا فضولي دا بعمل لي مشاكل ويخليني افكر كتير ف ما ح ارتاح الا نشوف حل للموضوع دا.
حسن:اماندا ح تعملي شنو؟؟ ماف شي يتعمل لانو لو بيدي كنت سويت.
اماندا:ب يدك بس انت البتفكر فيهو صبا بس عشان كدا م قادر تتصرف..انا ح اتصرف.
حسن:اماندا..
اماندا:الضربات الفي جسمك دا هو يعني؟؟ كنت متاكدة انو م اشتباكات لانو ظاهر عليك م بتاع مشاكل.
حسن:اي دا عمي هو الضاربني.
    مع الجملة دي عم حسن كان واقف وسمعو..مشى عليهو وبقى بضربو.
مجدي (وهو بضرب فيهو):كمان بتشكيني للغرباء؟؟؟ الليلة انا بربيك!
اماندا(وهي بتحاول تفك حسن منو):ما شكى لي..
م قال شي!!
  مجدي لزاها في الارض وساق حسن وهو بضربو.
    اماندا بقت تفكر انو هي شكّت في حسن وطلع م هو الكاتب الدفتر..لمن جو جنب حديقة الطاهر م استغرب ولا كان في رد فعل في وشو وحتى المقابر طلع مشى عشان اهلو يعني دا م حسن!!..م عرفت دا منو الكتب الدفتر وكمان ظهرت ليها مشكلة جديدة انها وعدتو انو تساعدو!!..قامت على حيلها ونفضت التراب من هدومها وركبت في العربية.
متاب:ها ارتحتي؟؟؟ شفتي الحصل ليهو شنو؟؟؟ عرفتي مشكلتو وارضيتي فضولك واتضرب هو!..(وهي بتفتح باب العربية)..انا نازلة م بحب اشغل بالي بحاجات زي دي كفاية علي الحاصل في حياتي وتاني ح ارجع اقول ليك بطلي تتحشري في حياة الناس ي اماندا ..الولد كان حيموت بسببك م كفاية اخوك المات بسبب تطفلك دا؟!!! (وقفلت باب العربية ومشت).
بعد جملتها دي بقيت بعاين ليها وهي نازلة بس والعبرة خانقاني..مشيت على بيتنا وقرشت العربية..دخلت البيت وامي بقت تناديني بس م كنت شغالة بيها طوالي دخلت الاوضة وقفلت الباب علي وبقيت ببكي وبتزكر في الحصل معاي..
‏-flash back
  كنت قاعدة في غرفتي بكتب في واجب المدرسة..كنت صغيرة الوقت داك عمري ١٠ سنين تقريبا م بتزكر كويس..سمعت اصوات اولاد في الشارع والناس بدت تتلم عاينت بالشباك م كنت شايفة كويس..نزلت تحت ومشيت الشارع حاولت اشوف الحاصل شنو بس برضو م كنت شايفة كويس..حاولت اخش بين الناس بس م قدرت ف كسرت الحنك وبقيت بحاول اطلع من بينهم..بعد صعوبة حتى طلعت وبقيت ماشة ل ورا وم شايفة وراي..م لاحظت اني قربت على الظلط..بعدها م حسيت الا ب زول بزحني من الشارع وبرميني..قبلت اشوف وراي حصل شنو..لقيت احمد واقع في الارض وغارق في دمو!!.. عرفت انو الحصل في الوقت داك انو حاول ينقذني من العربية وم لحق انقذ نفسو!..مات بسببي انا!..انا القتلتو!..لو كنت مشيت زي الناس وعاينت حواليني وانتبهت للطريق م كان احمد هسي ميت!!..لو م كنت طلعت من البيت اصلا عشان اشوف الشكلة م كان احمد مات!..لو م فضولي كان احمد هسي قاعد بينا!.. م قادرة اسامح نفسي ابدا!..انا الاتسببت في موتو والاحساس بالذنب ح يقتلني!..ليه هو حاول انو ينقذني؟ ياريت لو مت في وقتها بدل م اموت من تانيب الضمير!..عارفة فضولي دا بأذيني وبأذي الحواليني بس م عارفة حاسة بنفسي اني بقدر اساعد الناس كلها..م قدرت انقذ احمد في وقتها بس هسي يمكن انقذ زول تاني..بس دا م بنفي انو الفضول م بأذي الحولي لانو هسي وضح في حسن..كلام متاب كان جارح حتى لو م قالتو قاصدة بس م قالت شي غلط!! بالجد فضولي دا سبب مشاكلي كلهاا م عارفة اتخلص منو كيف !!
   طلعت من سرحتها بصوت تلفونها قفلت الخط في وش الزول الضارب ليها بدون م تعرفو هو منو بس رجع اتصل تاني ردت ب زهج.
اماندا:ايوا عايز شنو؟
جاها صوت حازم:مالك ي بت؟
اماندا:مالي؟
حازم:م عارف انتي قولي!
اماندا:ماف شي.
حازم:اماندا انا بعرفك لي كم؟
اماندا:حازم ياخ..
حازم:لينا كم ي اماندا؟
اماندا:تمنية سنين.
حازم:لسة متوقعة اني م بعرف صوتك لمن تكون بتبكي؟
اماندا:اها اي ببكي يلا عايز شنو؟
حازم:بتبكي من شنو؟
اماندا:ياخ موضوع اهبل.
حازم:بحب المواضيع الهبلة يلا وريني.
اماندا:بالي مشغول بحاجات كتيرة وبعد دا كلو اتزكرت احمد والحصل ليهو بسببي.
حازم:عايني عندك نص ساعة بس والقاك نزلتي لي تحت.
اماندا:م قادرة ي حازم م نفسي.
حازم:م بعرف كلمتك نص ساعة بس م نزلتي لي بخش البيت.
اماندا:حازم..
حازم:كلمتك انا.
وقفل الخط.
   قامت ب كسل دخلت الحمام استحمت وطلعت على الدولاب اقرب فستان لقتو في وشها شالتو ولفت شعرها كعكة ل فوق وطلعت لقتو واقف..ركبت العربية.
حازم:ايه الحلاوة دي؟🤩
اماندا:حازم م تضحكني حلاوة شنو م شايف وشي عامل كيف من البكا؟ وطالعة بدون ميكب واول فستان لقيتو قدامي لبستو وميتينك ي حازم.
حازم:هسي مالي انا؟
اماندا:قلت ليك م عايزة امرق شوف بهدلتني كيف انت م عارف انو البنات اقل شي بحتاجو ل تلاتة ساعات؟
حازم:هو بلاي انتي بت؟
اماندا:سوق سواقتك ي ولدي براي زهجانة😗.
   ساق ومشى بيها ل مطعم حلو شدييددد وكان حاجز قعدة بعيدة هادئة.
اماندا:اللهه المكان حلو شديد اول مرة تجيبني ليهو.
حازم:اي يادوب اكتشفتو حلو زيك كدا.
اماندا:يع م تقول لي الكلام دا.
حازم:انا اتاكدت انك م بت مش المفروض تخجلي وبتاع؟
اماندا:اتخيل اخجل منك😭.
حازم:هاك شوفي جبت ليك شنو.
اماندا:واي شوكلاطاتي حازم بحبك.
حازم:اي عارف اصلا.
اماندا:قد وسخ دا لاقي زول يقول ليك بحبك؟😗.
حازم:كتار لكن البحبها وحدة كدا متخلفة.
اماندا:واي منو تعيسة الحظ دي؟
حازم:انتي😘.
اماندا:اخخخ لو عرستني حظك بس.
حازم:قدي ي بت البعرسك دا الله يعينو بس.
اماندا(ختت يدينا في التربيزة):عاين ي شافع.
حازم(وهو بجر ليها في شعرها):عاينته ي كبيرة.
اماندا:حااااززمممم شعريييييي..الله يلعنك ياخ تعبت وانا بلمو هسي بتلفو لي حبوبتك؟😭
حازم:تعالي بلمو ليك شعرك الطويل دا.
اماندا(وهي بتلفو):اي اسحرو بلاي هسي يجي واقع كلو.
حازم:م حصل شفتك وما قلت ماشاءالله😍.
اماندا:حازم حبيبي انت كويس؟🤩
حازم:بعد شفتك بقيت كويس😍..يع دا شنو البقول فيهو دا.
اماندا:انا زاتي استغربت😭.
حازم:هسي المربطين بقولو الكلام دا كيف؟ وانا بقول فيهو هسي حسيت عايز استفرغ في وشك.
اماندا:اي تم الناقصة بلاي عشان لقيتني مبهدلة الليلة🦦.
حازم:المهم خلي الكلام الكتير ووريني كنتي عايزة تقولي شنو؟
اماندا(وهي رجعت تخت يدها بنفس الوضعية):ح نسوي عرسنا مع بعض انا وانت.
حازم:لا بتجيبي لي النحس.
اماندا:شوف م هو م على كيفك.
حازم:خلاص زابط اها متين ح تعرسي لاني مستعجل.
اماندا:العريس جاهز🙈.
حازم:منو؟
اماندا:عمر🙈.
حازم:ماشاءالله🦦.
اماندا:مالك؟
حازم:يعني معقول الاتنين نعرس من الشركة؟
اماندا:اها انت داير تعرس منو انشاءالله؟
حازم:بسمة يعني ح يكون منو غيرها؟ شفتيها بتلبس كيف وبتهتم بي وبتاع🙈.
اماندا:البتلبس هاي هيلز في الشغل؟ لاحوووللل زوقك زي وشك ي حازم.
حازم:وعمر السمح يعني؟
اماندا:هناي يعني م بطال.
حازم:المهم خلينا منهم..احكي ليه زعلانة؟
اماندا:حازم يقلبي انت لو بتفهم ب نخرتك وريني😘.
حازم:مالي هسي اا زولة؟
اماندا:كلمتك عندي حاجات كتيرة شاغلة بالي +اتزكرت احمد.
حازم:اوك اول شي..عايني انا عايزك م تحسي بالذنب ابدا لانو دا شي مافي يدك..احمد يومو انتهى لو م كان مات وهو بنقذك كان مات ب شي تاني يعني في كل الاحوال م كنتي ح تقدري تعملي او تغيري شي.. بدل الاحساس بالذنب والبكى لو عملتي حاجة نفعتيهو بيها م احسن؟ تعملي كولر موية وتقري قران وتدعي ليهو سوي البتقدري عليهو والبنفعو لانو تانيب الضمير ما ح يغير من الحصل غير ح ياذيك انتي نفسيا..وم تلومي الفضول ايوا انا م بحب فضولك دا لانو بدخلك في مشاكل..انتي زولة فضولية ودي حاجة ما ح نقدر نغيرها فيك بس انتي استخدميها في حاجة كويسة م تكوني متطفلة بس عشان تعرفي لانو في ناس م بحبو التدخل في حياتهم..لو حاسة انك لو عرفتي مشكلة الزولة دا بتقدري تحليها م مشكلة اتدخلي يعني ك دكتورة نفسية بس لو في يدك ماف شي ف لا م تتدخلي في حياة الناس...وتاني برجع اقول ليك انتي م السبب في موت احمد.
اماندا:بحبك ياخ انت ونصايحك😭..رؤى محظوظة بيك شديد على فكرة.
حازم:وانتي زاتك اختي نسيتي ولا شنو؟
اماندا:اي اكيد لو م اختك اختك بالغصب😗.
حازم:ها قفلنا الموضوع دا صاح وما ح نرجع ننفسن بسببو؟
اماندا:انشاءالله.
حازم:يلا شنو الشاغل بالك تاني؟
اماندا:حسن حكى لي بقصتو وتاني موضوع الدفتر.
حازم:انا عارف انك ح تقدري تحليها فكري كويس قبل م تاخدي اي قرار وارجعي لي وانا بساعدك في اي وقت.
اماندا:اوك💕.
حازم:موضوع الدفتر مالو طيب؟
اماندا:خليهم يجيبو الاكل وبحكي ليك لاني ما ح اتكلم لو م مليت كرشتي😗.
حازم:طيب ي بقرة.
  طلب اكل وبقو منتظرين..بعد مسافة جا بقو ياكلو ويتونسو.
اماندا:يلا..طبعا زي م عارفين في ورقة مشروطة بس قبل الورقة دي الكلام انتهى يعني مافي حاجة تخليني اكون عايزة اعرف الحيحصل شنو في الصفحة البعدها ودي حاجة بتحير..وماف لغز وماف كلمات ب اي لغة باختصار ماف شي مفروض افتشو.
حازم:اها طيب مالك؟ مش مافي شي يفتشوهو ليه شاغلة بالك؟
اماندا:دا هو الموضوع! انو ماف شي دا في حد زاتو لغز! ليه قاطع الورقة طيب؟!
حازم:اماندا حبيبتي انتي بتحبي تشغلي بالك بس عارفة؟😘
اماندا:حازم ياخخ..
حازم:خلاص خلاص طيب لمن نصل البيت نشوف الدفتر ممكن نطلع منو حاجة.
اماندا:هناي م وريتك🦦.
حازم:شنو؟
اماندا:جبت الدفتر معاي🥰.
حازم:م جادة طبعا.
اماندا:ليه م جادة؟😗
حازم:مش عاملة فيها بتبكي وبتاع متين لحقتي تشيليهو؟
اماندا:م انا اصلا كنت قايلاك عايزني في موضوع الدفتر عشان كدا جبتو معاي.
حازم:حسكت طبعا☺️.
اماندا:عاين اصلا م عندنا موضوع ارح نحل اللغز دا.
حازم:طيب طلعيهو.
   طلعتو من شنطتها وبقت تعاين وهو يعاين مسااافة.
حازم:مالك بتعايني؟
اماندا:مستنياك توريني اعمل شنو.
حازم:وانا من قبيل بعاين برضو مستنيك توريني.
اماندا:دا شنو انا لو كنت عارفة نفسي ح اعمل شنو بكلمك؟ حازم بطل غباء بلاي😍.
حازم:خلاص اوك ابدي اقري من اخر جزء.
اماندا:الحكيتو ليك في العربية؟
حازم:ايي.
اماندا:طيب..
   "اختبئُ بين احرُفي،فقرأها مَرَتين حتى تجِدُني"
-
كنت ماشي في الجامعة حالي حال نفسي...
حازم:دقايق دقايق اسكتي.
اماندا:في شنو؟
حازم:اقري الجملة الاولى دي تاني.
اماندا:ياتا؟
حازم:الاولى ي اماندا خلي الغباء☺️.
اماندا:"اختبئُ بين احرُفي،فقرأها مَرَتين حتى تجِدُني"..دي؟؟
حازم:ايي.
اماندا:مالا فيها شنو؟
حازم(بقى بفكر مسااافة):اللغز هنا!!
اماندا:كيف م فهمت؟
حازم:لو قرينا الجزء دا تاني ممكن نفهم شي يعني اللغز دا محشور في الكلام دا.
اماندا:طيب ح اقراهو تاني.
حازم:يلا.
اماندا:...
       بدت تقرا تاني لحدي م وصلت...
جا واحد مرا بي جمبنا و عاين لينا بي طريقة كعبة شديد حتا انا كنت مستغرب د مالو؟نحن م  بنعمل في شي غلط عشان بعاين لينا كدا ،اتمالكت اعصابي و اتحركنا على شارع ... كان قريب من الجامعة
حازم:اقيفي اقيفي هنا!
اماندا:في شنو تاني؟
حازم(سكت مسافة حتى قال):عرفت مفروض نمشي وين!!
————
-في جانب تاني
*طيب انتي بتحبيهو ليه م عايزة تتحركي؟!!
_اي بحبو واي شي بس هو بحبها انا متاكدة!
*مرتبطين؟!
_لا بس...
*م مرتبطين طوالي تخليهو يحبك..وحتى لو مرتبطين تشلبيهو الفي شنو والماف شنو.
_مستحيل اعمل كدا ياخ.
*انتي متين ح تبطلي هبل متين وريني؟ لحدي م يضيع من يدك؟ عايزاهو يضيع؟
_لا لكن..
*لو م عايزاهو يضيع من يدك اسمعي البقولو ليك ونفذيهو بالحرف! 
#يتبع