"لا تغريك البدايات..جميعهم راحلون في النهاية"
طلعو من بيت ايسر بعد حكى ليها القصة الغيرت حياتو وبقو ماشين في الشارع وهي ساكتة ..بعدها لقت بقالة في وشها دخلت تشتري.
فرح(فجاة بدون مقدمات):قبلت كدا عادي؟؟؟..من قبيل انا ساكتة عشان اهدا وما اهيج لكن م قدرت لانو اهلك غازوني شديد مع احترامي ليهم يعني بس ليه يعملو كدا؟؟؟ وبعدين انت قبلت يقولو عنك مجنون ومريض نفسي وانت م كدا؟؟؟ كيف تقبل تضيع سنينك وجامعتك وحتى طموحك غيروهو ليك.. انا عارفة انك طيب بس م للدرجة دي ي ايسر م كان تخلي حقك عشان كلام فارغ..وبعدين اهلك وين امك اخواتك ليه ماف زول وقف معاك؟ هم مشكلتهم شنو؟؟ م عارفة ليه اتضايقت كدا بس بالجد يع.
ايسر:رضيت في الاخر ح اسوي شنو يعني؟؟؟ صاح في الاول كنت زعلان شديد بس قلت يمكن هم شايفين حاجة انا م شايفها ويمكن انا فعلا كنت مريض.. بقولو المريض م بعرف نفسو يمكن هم عرفو وبعدين يعني استفدت اني في الفترة دي عرفت نفسي اكتر وبقيت بقرا كتب وزي م هسي شايفين الفلسفة دي كلها من القعدة الخمسة سنين دي يعني الموضوع م خطير😂.
فرح(وهي بتشيلو الاكياس):يااا الله نرفزتني ي ايسر بالبرود دا بالجد م ممكن يعني حتى ولو...
ايسر(قاطعها وهو بحاول ينرفزها زيادة):تقيلة الاكياس على فكرة!..اك اسف م تهيجي😂 عارفك ح تنقي لحدي الصباح في الموضوع دا عشان كدا احسن نتكلم في موضوع مفيد واللي هو حتحكي لي الحاجة الغيرت حياتك! (بقت تعاين ليهو احساس كلمتك رجع كمل كلامو) قايلاني غبي؟ واضح انو في شي غير حياتك غير موضوع انتقالك من بورتسودان ل هنا+ من وشك كان واضح انو دي م قصتك نسيتي اني كنت بقرا علم نفس؟😉
فرح(اتنهدت وسكتت مسااافة حتى قالت):....
حازم:كملي ليه سكتي؟
اماندا:كالعادة الورقة مقطوعة يعني🙂.
حازم:يا الله..
اماندا:تعبت منو والمشكلة م بقدر اخليهو لكن برضو يعني حماس كدا😼.
حازم(وهو بضحك):اماندا انتي غبية والله..اها وين اللغز في الموضوع؟!
اماندا:شايف القلة ادب؟؟ بقت الالغاز الاخيرة كلها كدا م واضحة😭.
حازم:وحتعملي شنو؟
اماندا:قصدك حنعمل شنو.
حازم:المهم م فرقت انا وانتي واحد ولا كيف؟😉
اماندا:لا انت وبسمة واحد☺️.
حازم:بحبك وانتي بتغيري.
اماندا:اغير؟؟ اغير من دي؟؟ اي شي حازم حازم زي المخلوعة يع اخر زول اغير منو.
حازم:اي اي واضح.
اماندا:قصدك شنو ي كلب يلا اطلع برا😭.
حازم:اصلا طالع يلا نومي.
اماندا:سمح.
حازم بعد م طلع جا راجع تاني:م تحلمي بي زابط؟😉
اماندا وهي بترمي فيهو المخدة:ميتينك ي حازم😭.
حازم قفل الباب قبل م المخدة تصلو ..وبعدها نامت وهي مبسوطة.
——
-الصباح
اماندا (بالتلفون):ي بت عليك الله ياخ.
متاب:اماندا عارفاني الحديقة دي م بقرب عليها (:
اماندا:بعمل ليك اي شي عايزاهو بجيب ليك معاي حاجات كتيرة بس لازم لازم ي متاب ي حلوة يعسل ي سديغة طفولتي.
متاب:شافعة انا ترشيني؟
اماندا:متاب..
متاب:لكن اغريتيني واصلا كاتبة لستة بتاعة حاجات عايزاك تجيبيها لي.
امندا:متاب انا م برا السودان☺️.
متاب:اي عشان كدا بالزات.. عايزة حاجات من بورتسودان.
اماندا:اي خلاص زابط بعمل ليك العايزاهو.
متاب:اها موضوعك شنو؟
اماندا:انو تمشي ل الطاهر وتقولي ليهو اني اسفة وانشغلت وهيك ونسيت موضوع الحديقة..او م نسيتو بس انشغلت وم قدرت اجي وم يشيل هم لاني حرسل زول يتم باقي الشغل وكدا واعتزري ليهو تاني شديد شديد لانو حركتي بايخة.
متاب:سمح..اها الناس الحترسليهم منو؟
اماندا:خطة ي بتي استني بس😉.
متاب:اجي..
اماندا قفلت الخط.
———
-في جانب رؤى
كانت راكبة في عربيتو وبتلعن في نفسها وتتكلم براحة: غبية غبية ي رؤى..حازم حزرك مية مرة والولد اللاقيتيهو المرة الفاتت برضو حزرك بس معقول تسمعي الكلام؟ طلال يقتل حيلو ويقول ليك ي رؤى طوالي زي الهبلة تسمعي كلامو بدون نقاش هسي اسوي شنو؟؟؟
رؤى:طلال نحنا ماشين وين؟؟
طلال:قلت ليك مطعم زابط كدا عازمك فيهو عشان نحل مشاكلنا بهدوء.
رؤى:وهو المطعم دا ليه بعيد كدا واسمو شنو يعني انا م بعرفو؟؟؟
طلال:قلت ليك المطعم جديد ي رؤى عشان كدا ما حتعرفيهو وبعدين حسوي ليك شنو يعني؟؟ ليه خايفة مني كدا داير اغتصبك انا ولا شنو؟؟ (وبقى بضحك).
مع الكلام دا رؤى خافت زيادة..اول مرة يتكلم معاها كدا..بقت تفكر يعني هو في الاخر ولد وم معروف الاولاد ديل بفكرو في شنو وممكن القالو دا عادي يعملو !..عايزة تضرب ل حازم بس اتزكرت انو سافر وما ح يقدر ينقذها منو..بقت تفكر لقت انو م عندها زول بعدها اتزكرت كلام حازم قبل م يسافر..
-flash back
حازم:رؤى انتي عارفاني مسافر وما حقدر اعرف انتي بتعملي في شنو..الولد داك لسة بتتكلمو مع بعض؟
رؤى:لا.
حازم:م تكزبي!
رؤى:والله العظيم اتشاكلنا ومن وقتها بقينا م بنتكلم.
حازم:طيب اوعى تطلعي معاهو براك ولو قال ليك او عمل حركة او اي شي م تمام طوالي كلميني.
وجا طالع..بعدها رجع تاني.
حازم:اتزكرت انو حكون مافي وماحقدر اعمل شي..ما حسافر م بضمنك!!
رؤى:حازم..
حازم:طيب طيب اشوف زول اخليهو ينتبه ليك..
رؤى:حازم بالجد ماف داعي يعني حيحصل لي شنو؟؟؟
حازم كان ساكت وبفكر.
حازم:المشكلة م عندي زول قريب لي اضمنك معاهو..
تاني سكت.
حازم:ايوااا صااح.. زين ود خالة اماندا!!..ولد كويس والله وبضمنك معاهو ومتاكد حيحميك..هاك اكتبي رقمو لو حصل اي شي..لو طلال ضرب ليك بس كلميهو طوالي.
رؤى:طيب.
بقت تفكر تتكلم معاهو كيف لو قالت اي شي طلال حينتبه..قررت ترسل ليهو واتساب.
-هاي ي زين عاين بدون كلام كتير لانو م عندي وقت بس عايزة اقول ليك انا طلعت مع طلال وقال حيوديني مطعم وانا حاسة مشينا بعيد وبقى بتكلم كلام م ياهو وحاساهو حيعمل شي وم عندي زول غيرك حازم قال لي لو حصل شي اكلمك انت.
كان اونلاين اصلا واول م شاف الرسالة طوالي رد.
زين:مطعم شنو وطلال منو وانتي زاتك منو؟؟؟
رؤى:انا رؤى اخت حازم اتقابلنا قبل كدا المهم م قادرة احكي ليك بشرح ليك يوم تاني اقرا كلامي الفوق دا تاني وحتفهم.
زين:انتي وين؟؟؟ رسلي لي اللوكيشن حقك سريع!!!
رؤى:م عارفة انا وين!
زين:اساليهو بطريقة غير مباشرة ولا سوي اي شي!
رؤى:هو اصلا عارفني خايفة منو وحيفهم المهم بشوف لو في اي لافتة او مطعم جنبي او اي شي برسلها ليك.
زين:اي اسرعي!
عاينت حوالينها وهو اصلا وقف العربية وقال ليها انزلي.
رؤى:وقف العربية! بس م شايفة اي مطعم!! المهم م عارفة حيعمل شنو بس واقفين قصاد مستشفى {...} طوالي!!!
طلال شال منها التلفون وقفلو.
رؤى:جيبو!!! ليه شلتو مني؟!؟!
طلال:م عايز التلفون يشغلنا في يوم زي دا😉.
رؤى:طلال عايزة امشي البيت!!
طلال:ماف طريقة!..قصدي انو يعني حنخش ننادي صحبي وحبيبتو عشان طالعين معانا وكدا وماشين على المطعم طوالي.
رؤى بخوف:ناديهم براك.
طلال وهو بجرها:لا لازم تمشي معاي!
———
-في جانب اماندا
جات صبا على غرفتها:ارح البسي طالعين.
اماندا:طيب.
لبست سريع وشالت تلفونها.
اماندا:ايمن حبيبي.
ايمن:من الاخر عايزة شنو؟
اماندا:بحبك طبعا يلا هناي عايزة منك طلب ووالله بعمل ليك العايزو.
ايمن:طلب شنو دا؟
اماندا:عاين انا انشغلت شديد وحركتي تافهة يعني وعدت الطاهر انو ح انضف الحديقة واجيب زباين وبتاع بس لمن لقيت الدفتر نسيت موضوع الطاهر المهم انا وحازم بدينا نضافة الحديقة بس عايزاك تتمو وتعمل ليها اعلانات وكدا عشان الناس تجي.
ايمن:الناس عارفين انو الحديقة مسكونة!
اماندا:ايمن الحديقة م مسكونة انا مشيت مية مرة ومتاب برضو مشت +ماف دليل اصلا انها مسكونة وبتقدر تشوف بنفسك +قول ليهم اهل المفقودين م بلغو الشرطة ودا دليل انو اصلا ماف مفقودين!
ايمن:طيب حسوي الاعلانات كيف؟
اماندا:نزل في الفيسبوك والانستقرام واعمل ليها دعايات في الجامعة +اول شي اعمل حفلة انت واعزم اكبر عدد والطاهر حيخليها مجان بدون ايجار يعني وكدا اصحابك حيشوفوها ولو عندهم مناسبة حيفكرو يعملوها فيها اهم شي الحفلة لازم تكون زابطة شديد عشان تجزب الناس.
ايمن:موضوع الحفلة دا خليهو علي😉.
اماندا:اي عارفاك بتحب المواضيع دي وفي الاخر يعني طلعت مستفيد + بكرا متاب حتمشي للطاهر تعتزر ليهو بدلي اتكلم معاها وشوفها ماشة متين وامشي معاها وخططو مع بعض وانت عارف متاب مسؤولة يعني حتساعدك شديد.
ايمن:خلاص زابط.
قفلت منو وهي مبسوطة انها اتخلصت من هم الحديقة وفي نفس الوقت عملت الحركة دي عشان تقرب ايمن ومتاب من بعض.
دخلت صبا تاني.
صبا:اماندا نحنا مستنينك انتي بس اتخارجي يلا.
اماندا:سمح جيت.
———
-في جانب رؤى
قعدها في الكنبة وجا قعد جنبها.
رؤى:انت مش قلت صحبك قاعد هنا؟
طلال:اي شكلو نزل يجيب حاجة.
رؤى:طيب نستناهو في العربية.
طلال:لا هو قال ننتظرو هنا.
رؤى:ي الله..هو مش كان مفروض نحل مشاكلنا انا وانت؟ الدخل صحبك شنو؟
طلال:انتي الليلة ليه بتسالي اسالة كتيرة؟
رؤى:ماف شي بس هناي...
طلال:ارح افرجك على البيت.
رؤى:ماف داعي يعني دا بيت صحبك ولمن يجي يلقانا حايمين؟
طلال:عادي ي بت.
رؤى:لا م عادي.
طلال وهو بجرها من يدها:م تخليك معقدة ارح اوريك.
مشت معاهو وهي مستسلمة..كانت عارفة لو عملت اي حركة كدا ولا كدا ما حيخليها بس كانت معتمدة على زين بشكل كلي وعارفاهو حينقذها زي م عمل المرة الفاتت! كانت بتدعي م يخيب ظنها وانشاءالله يقدر يصل ليها.
دخلو وحدة من الغرف وطلال قفل الباب!!!!
———
-في جانب زين
كان سايق العربية وبفتش بتوتر ومستغرب من الشارع المهجور دا!..وقف جنب المستشفى القالتها رؤى وعاين قصادها لقى اصلا في بيت واحد وجنبو دكاكين بس يعني وصفها كان واضح!
لحسن حظو لقى باب البيت فاتح! دخل وبقى بفتح في الغرف وحدة وحدة لحدي م سمع صوت من غرفة بعيدة شوية..حاول يفتح الباب لقاهو مقفول بجوة بقى بصرخ.
زين:رؤى..رؤى انتي هنا؟؟؟؟
كان سامع صوت همهمة بس.
زين:ابعد منها..زح منها ي حيوان ي باطل..والله تعمل حاجة ما اخليك!!!
وبقى بحاول يفتح الباب..في الاوضة جوة كان طلال مستمر يقل ادبو ويتحرش بيها! بس رؤى لمن سمعت صوت زين استقوت وضربتو في المنطقة ما بين الساقين! وحاولت تجري لحدي م وصلت الباب وفتحتو..من لقت زين طوالي حضنتو وبقت تبكي!!!
زين بعد فكاها مشى على طلال وبقى بضربو.
رؤى:لا خليهو!..حتقتلو ي زين!!
زين لسة كان مستمر..ساقتو من يدو وطلعو على العربية.
بقى سايق وهو ساكت بس بدون م يقول شي.
رؤى(بعد مسااافة):المرة دي شكرا شديد!
زين(وقف العربية وضرب الدريسكون بيدو):رؤى انا من قبيل ساكت..ما ح الوم طلال ابدا لانك انتي الغلطانة!
رؤى وهي بتبكي:يعني هسي انا البقيت غلطانة؟!..اصلا لازم تقولو كدا! المجتمع السوداني دا كدا! تحصل قصة تحرش ولا اغتصاب طوالي تلومو البت!! هاا ح تقول لي لابسة كعب واغريتو؟ ولا الولد م بقدر يتحكم في نفسو وانا مفروض انتبه؟ ها يلا قول كلامكم الواحد دا!!!
زين:رؤى م تجيبي كلام من راسك انا م قلت كدا.
رؤى:قلت انا غلطانة يعني شنو طيب؟!
زين:حازم قبل م يسافر وصاني عليك وقال هو حزرك م تمشي مع الولد دا وانا ولد وبعرف الاولاد ومن شفتو عرفت نوعو وحزرتك ي رؤى م تمشي مع الولد دا بس انتي عملتي شنو؟ دخلتي كلامنا ب هنا وطلعتيهو ب هنا!..وبعدين قلتي اتكلم معاك ب طريقة م ياها صاح؟ ليه م وقفتيهو عن حدو؟! ليه م قلتي ليهو نزلني؟! كيف اصلا رضيتي تخشي معاهو بيت براكم؟! انا م بلومك عشان هو باطل..بلومك عشان م بتسمعي الكلام ولا بتنتبهي لنفسك!!
رؤى بقت تبكي.
زين:انا م قلت كدا عشان تبكي.
رؤى:كلامك صاح انا غلطانة اصلا ليه اديتو فرصة وانا عارفاهو هو شنو؟ بس قلت ليهو رجعني البيت ابا وبقيت اسالو ماشين وين؟ بس برضو مش احسن اني اتصرفت ورسلت ليك؟
زين:اي دي اكتر حاجة كويسة عملتيها الحمدلله كلمتيني هسي كان م معروف يكون عمل فيك شنو!.. المهم هسي حنمشي نبلغ فيهو طوالي ونخليهو يتسجن.
رؤى:لا.
زين:ي رؤى انتي لسة بتفكري فيهو؟
رؤى:م عشانو هو ياخ بس عاين انا بخجل اقول حاجة زي دي اول شي..تاني شي انا م عايزة اهلي يعرفو لانك انت م عارف ممكن يعملو فيني شنو +لو عملت كدا هسي حازم يرجع من بورتسودان واخرب عليهو اجازتو..ف خليهو وانا ح انتبه على نفسي اكتر.
زين:ي الله..طيب في اي وقت طالعة انا الحسوقك وارجعك تمام؟
رؤى:ماف داعي ياخ..
زين:حازم وصاني عليك! +لو ضمنت انتي م تمشي مع ولد زي دا م بضمن الاولاد عشان كدا انا الحوصلك اي مكان.
رؤى:طيب.
———
-في جانب اماندا
طلعو كلهم على مطعم قريب من البيت وطلبو اكل وبدو ياكلو.
اماندا وهي بتطلع الدفتر وبتعاين ليهو وبتاكل:يعني انا تعبت والله هسي اللغز دا وين ياربي؟
بسمة:اماندا ممكن تنسي موضوع الدفتر شوية وتخلينا ننبسط بالاجازة دي؟
اماندا:نحنا جايين عشان شنو ي حلوة؟ انتي م تركزي معانا بس😍.
بسمة:م قصة كدا بس انتي حتكوني عايزة حازم يحل معاك وهو اصلا زهجان من الموضوع دا خليهو يرتاح شوية.
اماندا:هو اشتكى ليك؟🤩
بسمة:لا بس..
اماندا:لا مش؟ خلاص اسكتي بس.
حازم:اماندا وبسمة مالكم؟
اماندا:اسال صحبتك يقلبي🥰.
حازم:بسمة شكرا على اهتمامك بس انا م تعبان..ارح ي اماندا وريني حتحلي البتاع دا كيف.
اماندا:انا زاتي م عارفة انت الحتحل على فكرة.
حازم:في خاطرة في الاول صاح؟
اماندا:ايي.
حازم:والمرة الفاتت الخاطرة هي كانت المفتاح المرة دي حيكون نفس الشي ارح اقريها.
اماندا: "لا تغريك البدايات..جميعهم راحلون في النهاية".
حازم:يا الله.
عمر:اممم في علاقة بين اتنين؟
اماندا:ايي ايسر وفرح.
عمر:شوفي بداية علاقتهم وين ونهايتها وين.
اماندا:اممم..بدايتها وقت المحاضرة لكن م فيها شي.
فتحت صفحة اول لقاء بينهم وم لقت فيهو شي مهم.
عمر:طيب نهاية علاقتهم؟
اماندا:ماف نهاية!..اصلا علاقتهم لحدي الان صداقة بس يعني م حب ف ماف نهاية لحدي الان.
حازم بقى بفكر زيادة عشان اتغاز من عمر.
حازم(بعد مسااافة من التفكير):يمكن م قصدهم بداية علاقة ونهايتها!
اماندا:كيف؟
حازم:عايني هو لغز! والالغاز مرات م بتجي بالمعنى حقها.
اماندا:حازم م فهمت شي يعسل😍.
حازم:يعني هسي الجملة دي بتوضح انو بدايتهم كانت كويسة وحلوة واي شي ونهايتهم م بالطريقة العايزنها صاح؟
اماندا:ااييي.
حازم:طيب الفهمتو انو م قاصدين بداية ونهاية كدا ..قاصدين بيها بداية ونهاية حاجة عديل ملموسة.
اماندا:منتظرني افهم؟🦦
حازم:ياخ ما عارف اوصل ليكم فهمي..انو م بداية ونهاية علاقة او صحبة او كدا..
اماندا:اها.
حازم:بداية ونهاية حاجة في الكتاب..يعني مثلا شوفي اول صفحة من الكتاب و اخر صفحة.
اماندا شافت البداية لقتها بداية القصة العارفنها وفتحت اخر صفحة م لقت فيها شي.
اماندا:اها مفروض اعمل شنو؟
حازم:فكري معاي ياخ.
عمر:طيب شوفي اول الصفحة الفيها الخاطرة واخرها.
برضو قرتها ما لقت فيها شي.
اماندا:او...
حازم:او بداية الجمل ونهايتها!
——
-في جانب متاب
ايمن ضرب ليها.
متاب:واي الليلة دا اتزكرني من وين اكيد عندو مشكلة مع وحدة من حبيباتو😭.
ردت على التلفون.
ايمن:عزاب مشتاقين ي بت.
متاب:كم مرة قلت ليك م تقول لي عزاب؟😭
ايمن:يزولة بحب اسمك كدا.
قعدت تتخجل زي الهبلة.
ايمن:المهم يشافعة اماندا قالت انتي ماشة بكرا للطاهر عشان تعتزري بدلها ف وريني ماشة متين ونمشي مع بعض.
متاب:مع بعض؟ مع بعض كيف يعني؟
ايمن:عان دي م حبا فيك يبتي بس عندي مع الطاهر مواضيع وماشي اتفق معاهو في موضوع الاعلانات والحفلة وكدا.
متاب:انت الحتساعدو يعني؟
ايمن:ايي.
متاب:خلاص بكرا بعد الفطور بضرب ليك.
ايمن:زابط (وقفلت الخط).
متاب:اماندا دي وسخة خلاص فهمت قصدها بخطة شنو قلت ليها م تتدخلي بس برضو مصرة😭.
——
-في جانب اماندا
اماندا بفرح:حازم كلامك صاح😭😭😭😭.
حازم:عملتي شنو؟
اماندا:شلت اول حرف واخر حرف من كل جملة وطلع لي مكان😭.
عمر:ياتو جمل؟
اماندا:الحوار البعد الخاطرة طوالي اقراهو تاني وحتعرف اصلا بتكون من اربعة جمل طويلة ف طلع كلام حازم صاح في موضوع البداية والنهاية حازم بحبك😭.
حازم:الله يخليني بس..اها المكان طلع شنو؟
اماندا:ااا طلعت قرية عروس..اها دي شنو كمان؟🦦
حازم:دي قرية سياحية هنا.
عمر:وحتمشو؟
حازم:بالجد هي قرية كبيرة يعني ح نفتش وين؟؟؟؟ يااا الله.
اماندا:دقايق دقايق.
حازم:في شنو تاني؟
اماندا:في كلام تحت مكتوب باليوناني بخط صغير م لاحظت ليهو امبارح.
عمر:وريني ليهو.
ورتو الدفتر وكان مكتوب..
Κτίριο ، ύπνος ، 17
حازم:ارح طيب ترجمي.
اماندا:طيب دقايق.
طلعت تلفونها وبدت تترجم.
اماندا:هناي الكلمة الاولى طلعت "مبنى".
عمر:اها.
اماندا:التانية "نوم".
حازم:بس؟
اماندا:والتالتة رقم واللي هو ١٧🦦.
حازم:لاحووولل..راسي حيطق المرة دي لغزين..هسي قصدهم شنو؟
حسن:جاك لغز باليوناني قبل كدا صاح؟
اماندا:ايي.
حسن:كان شنو؟
اماندا:العاب،اطفال،سعادة،ارواح،اموات..وطلع قاصدين بيهو مقبرة وحدة اسمها فرح.
حازم:الفهمتو انو مبنى ونوم ديل قاصدين بيها بيت ولا حاجة زي دي🦦.
سكتو مساااافة بفكرو حتى صبا اتكلمت.
صبا:واضحة!
اماندا:شنو هو؟
صبا:حازم قرب للاجابة! انو مبنى ونوم م قاصدين بيها بيت.
حسن:اها قاصدين بيها شنو ي شاطرة؟
صبا:فندق!
اماندا:امممم..
صبا:انو الفندق مبنى يعني ومكان بنومو فيهو و 17 دا رقم الغرفة معاكم عبقرية هنا يجماعة💅🏻.
اماندا:ياخ بحبك ي صبا.
صبا:انا بموتفيك🤩.
عمر:اها يعني في قرية عروس دي حيكون فيها مية فندق حنفتش واحد واحد ولا كيف؟
حازم:لا!
اماندا:اها؟
حازم:قرية عروس فيها فندق واحد اصلا!
اماندا:يلااااا💃🏽💃🏽.
مشو على البيت.
اماندا:عاينو اي زول يشيل معاهو شنطة صغيرة ويخت فيها كم لبسة بس عشان يمكن نقعد هناك😉.
حازم:اماندا بتخططي لشنو؟
اماندا:ااا ولا حاجة عايزة افسحكم بس😗.
شالو شنطهم وركبو العربية وبقو ماشين..لمن وصلو على القرية.
بسمة:عاينو حلوة كيف😭.
عمر:اي شديد.
حازم طوالي مشى على الفندق اصلا كان عارف الطرق وجا قبل كدا..دخلو الفندق وكلهم بقو قاعدين وحازم مشى يحجز الغرفة رقم ١٧.
مشى مسااااافة وبقى بتناقش معاهم وواضح الزهج في وشو.
حسن:حازم دا اتاخر صاح؟
بعد شوية جا وهو زهجان شوية.
اماندا:حصل شنو؟
حازم:الغرفة محجوزة!
*#يتبع*
