—————-
حازم وصل اماندا البيت و قليها بي زهج:اماندا خلاص ،بكرة حنمشي انتي عارفة الساعة كم ولا ازكرك؟
اماندا بي زعل :لا عارفاها
جاية تنزل كدا قام مسكا من يدها و قليها :بت
اماندا عاينت ليه بي طرف عينا و قالت ليه بي زهج:نعم
حازم:زعلانة؟
اماندا سكتت مسافة بعدين قالت ليه :اي
فكا يدها و قليها :طيب
اماندا:طيب شنو
حازم:انزلي عشان بكرة عندي شغل
اماندا و هي بتعدل قعدتا :لا يا حازم م راضية انت قلت لي بكرة من الصباح حنمشي
حازم :اولاً م قلت ليك من الصباح ثانياً عندي اجتماع فما تنقي كتير عشان م حقدر أجلو ثالثاً الساعة داخلة على وحدة انزلي عشان قعدتنا هنا مع بعض غلط رابعاً م تكرفسي لي وشك كدا
اماندا :حازم منصور افصلا مني +اجيك الساعة كم
حازم:اي وقت انتي عاوزاه
اماندا: علفكرة
حازم:اخو محمد فكرة؟
اماندا :م وقت هظارك عاوزة اقول حاجة مهمة
حازم:قولي سامعك
اماندا:شغلك كتر الايامات دي و اجتماعاتك بقت م بتخلص و بقيت م شغال بي😃
حازم:اماندا انزلي من العربية صدعتي بي خلاص
اماندا:فاضي لي من بسمة انت 🌚اها خلاص نازلة لكن نازلة و انا زعلانة و زعلانة شديد كمان
حازم كان بعاين ليها و بضحك و ساكت ،نزلت من العربية و بقت تعاين ليه و ضحكت:ياخ م تضحكني
حازم رفع يدينو نظام م عملت شي قالت ليه طيب امشي
حازم:حستناك لحدي م تدخلي
اماندا:بتخاف علي 🥺
حازم:تخيلي؟
ضحكت و دخلت البيت و هو اتحرك ،دخلت اوضتا و هي متسحبة عشان امها م تصحا و تجوط و تسألا كنتي وين و مع منو دخلت الاوضة و عينا وقعت على الدفتر الكانت بتكتب فيه قصصا ،خواطر،ملاحظاتا ...الخ كانت في المود شديد انها تكتب ختت شنطتا في السرير و ولعلت النور بتاع المكتبة و جرت الكرسي و قعدت مسكت القلم اخدت ليها تنهيدة و بدت تكتب
"أنتَ نَجِمي المُضيء خِلالِ تلكَ العُتمة المُخيفة"
عاينت لي الكاتباهو و شطبتو سريع سريع و قفلت الدفتر و قالت مع نفسها :عتمة قال
طلعت الفستان و لبست بجامة و نامت
—————-
مجدي:اهااا و انشاءالله قلت ليها شنو تاني؟
حسن:كان الضرب بريحك ربنا م بريحك
مجدي اداه بنية و حسن قليه:اضرب اضرب لو قايل ضميرك حيرتاح بعد تضربني اضرب و انا راجيه يرتاح
مجدي نزل فيه ضرب و حسن قليه:عارف لو صبا و صالح ولدك عرفو بي الحصل ممكن يعملو شنو ؟
مجدي ضرب حسن تاني و قليه:بس كدي تفتح خشمك دا بي كلمة
حسن ضحك و قال:حتا لو م عرفو مني حيعرفو بي اي طريقة كانت ماف سر و م بتكشف
مجدي بدا يضرب فيه حسن قام من محلو و ثبتو و قليه:لو قايلني ساكت ليك عشان خايف تبقا غلطان انا ضربة مني بس بتموتك انا ساكت عشان صبا بس
مجدي اتفاك منو و جاي يضربو حسن ثبتو و تما كلامو :اعمل حسابك
طلع من اوضة مجدي و اول ما فتح الباب لقا صبا واقفة و بتبكي عاين ليها و قام دخل اوضتو
صبا كانت مخلوعة شديد اول مرة تشوف حسن بي الطريقة دي و بدت تفكر حسن كان قصدو شنو بي كلامو د؟و شنو الموضوع الابوها خايفة تعرفو ؟كانت متجمدة في مكانا و مجدي طلع عاين ليها مسافة و قليها:واقفة هنا من متين؟
صبا:حسا جيت،ليه؟!
زحا عيونو منها و طلع من الباب مشت لي اوضة حسن و دقت الباب
امها قالت ليها:يبت عاوزة منو شنو؟عارفة لو ابوك جا داخل في اي لحظة و لقاك معاه ممكن يخصل شنو،
صبا:يحصل اليحصل يا امي زهجت انا من العيشة دي .
دقت الباب تاني و حسن م فتح بدت تقلق و خايفة تدخل ليه بدون اذنو لانو عارفاهو ممكن يهيج و يجوط ،لكن قلبها كان ماكلا شديد كانت حاسة بي شي غلط قررت تدخل الاوضة دخلت و هي مندفعة و لقت حسن راقد في السرير و مغمض عيونو جات قعدت جمبو بي هدوء ختت يدها في كتفو و بلعت ريقة و قالت ليه حسن ،م ردا عليها قربت عليه تاني و قالت لي حسن م ردا عليها بدت تهز فيه و قالت ليه حسن بي صوت باكي فتح عيونو و جها عليها و قليها:مالك
صبا:مالك م بترد علي ؟
قليها و هو بحاول اقول من السرير:م كنت سامعك
صبا :م تقوم خليك،اجيب ليك بندول
حسن :لا انا كويس
صبا:مالك ي حسن ليه بتتكلم معاي كدا؟
حسن و هو بضغط على كتفو من الالم :بتكلم معاك كيف ما فهمت
صبا بقت تدمع في صمت كان بمسح ليها كل دمعة بتجي نازلة هي بتعاين ليه و كان نفسها بس تترمي في حضنو و تبكي م مانت عاوفة تخفف عنو كيف ولا تقول ليه شنو و هو كذلك م كان عاوف يقول ليها شنو كان خايف تكون سمعتو قليها عشان يقطع الصمت الكان خاصل:ابوك ماف؟
صبا هزت راسا قليها:مالك بتبكي؟
صبا:ماف شي
حسن:معقولة الدموع دي كلها و مافي شي؟
صبا:انت بتسألني كانو م حصل شي قبل شوية؟
حسن:انتي بتبكي عشان ضربوني؟انتي لسا م اتعودتي ،صبا دي بقت حاجة عادية و مفروض تتعودي.
صبا:انت لي اي شي عندك عادي؟و بتستصغر الامور مدا؟
حسن:الحكاية تعويدة بس يا صبا
صبا:طيب اوكي خلينا من دا ،مالك بتتكلم معاي بي الطريقة دي ؟
حسن:بي ياتو طريفة؟
صبا سكتت مسافة بعدين قالت:كأنك م عايزني اتكلم معاك
حسن:ابداً والله
صبا ختت يدها فوشها و بقت تتبكي و تتنهد و حسن ما كان فيه حيل يقوم يطبطب عليها م كان قادر يحرك صباع واحد منو قبل بي الناحية التانية و بدا يستغفر و يتحسبن عاينت ليه بي زهج :تمام تمام يا حسن طالعة بس جيت اشوفك لانو خفت عليك م اكتر
حسن:صبا م قصدي حاجة تعالي
فتحت الباب و طلعت حسن جرا عليه البطانية و نام ..
————-
حازم كان قاعد في اضوتو و ماسك التلفون و بقلب في الصور نفسو فجأة كتم جرا على دولاب الادوية حقتو و شال البخاخ حقو و بدا ياخد فيه قعد في السرير بعد م حسا نفسو ارتاح شوية اخد تنهيدة و قال:الحمدالله على كل حال
اتزكر رؤى و الموقف الحصل قبيل مسح وشو و قام من محلو و مشا على ناحية اوضتا دخل و قعد جمبها في السرير و قليها:المصحيك شنو
روى عاينت حولينا و قالت ليه بي برود:زي م شايف بقرا
حازم:مالك بتقوليها كدا
روى:عاوزني اقولا كيف؟
حازم:حسا منو المفروض يزعل فينا؟
روى سكتت قام قليها:انا اي صحبك و اخوك و بتحكي لي اي شي لكن برضو مفروض يكون في احترام ولو شوية لي صح؟
هزت ليه راسا بمعنى اي قام قليها:و انتي عاوفة اني خايف عليك م اكتر لأني انا عندي خلفية عن الولد دا ،بعدين لو بحبك بجد م كان اتكلم مع دي و مرق مع دي و اتصعلق مع دي و انتي قاعدة كدا ،روى انا عارف نواية الاولاد لاني ولد عارف تفكيروم.انتي قايلة بدايتا كيف؟ياهو تركبي العربية بعدين تمرقي معاه يخليك تثقي فيه و بعدين يشيل العاوزو منك +انتي بتقارنيني انا و اماندا بي تصرفاتكم انتو؟جيلنا بختلف عن جيلكم يا رؤى و اولاد الزمن ديل م مضمونين و انتي عارفة لو ابوي شافك كان عمل فيك شنو؟والله م كنتي حتكوني عايشة لي حسي
رؤى:حازم انا في الاول كنت رافضة لكن هو الاصر
حازم:حتا لو اصر يا رؤى خلي كلمتك هي الماشة !
رؤى جات عليه و حضنتو و قالت:حازم معليش ،انا عاوفة العملتو غلط
حازم:اي زول بغلط بس اتعلمي من اغلاطك و م تعيديها
رؤى مسحت دموعا و هزت راسا قام قليها:يلا خلاص نومي عشان تقدري تصحي بكرة
رؤى هزت راسا و حازم قام و دخل اوضتو
————-
صحت الصباح لبست و شالت الدفتر معاها و نزلت تحت لقت حسن في وشها اتخلعت و حست بي الاحراج شديد قالت ليه:طيب قبل م تقول اي شي معليش !
حسن:معليش على شنو؟
اماندا:على الحصل امبارح!
حسن:اصلا الحصل امبارح بحصل كل يوم فما فرقت ،بعدين انتي ما عملتي شي
اماندا عاينت لي الضربات الفي وشو بعدين قالت ليه:واجعاك؟
حسن:ما عارف بقيت م بحس بي حاجة
اماندا غيرت الموضوع بعدين قالت:اهااا غريبة جاي لحدي بيتي افتكرتك بتكرهني😃
حسن:م قصة بكرهك والله لكن
اماندا:عارفة عارفة بنق ليك في راسك كتير😼
حسن:بظبط😂
اماندا:اها طيب الجابك لحدي عندي شنو
حسن:كنت عاوز اقول
قالت ليه و هي بتصلح الطرحة :قول
حسن:ماشة الجامعة صح؟
اماندا:ايون
حسن:انا م عارف اعمل شنو مع صبا
اماندا:صبا الحكيت لي عنها امبارح؟
حسن:اي هي،بلقا نفسي لمن اقرب بأذيها و لمن ابعد برضو بأذيها انا م عارف اعمل شنو يا اماندا انا اول مرة اكون محتار كدا بعدين هي زولة مسكينة و حساسة،حساسة شديد !حياتا كلها مقضياها حسن كيف حسن مالو حسن انت تعبان حسن انت..الخ شاغلة بالا بي شديد و حاصرة حياتا حوليني بس .البت دي م عندها صحبات م قاعدة تطلع من البيت اليوم كلو حارساني لمن اسألا من السبب بتقول لي خايفة ابوي يقتلك .. اتخيلي معاي كدا اذا واجهنا انا و صبا حبنا لا اتخيلي مجدي حيعمل شنو؟حيقتلني انا و هي الله اعلم حيعمل فيها سنو يلا اتيخلي انا ببعد عن صبا؟
اماندا:انا فهمتك بس عاوزة اسألك سؤال
حسن:اها
اماندا:انت في رأيك شايف احسن حل شنو؟
حسن:اني ابعد ،اكيد ما عاوز ابوها يعمل فيها زي م بعمل فيني
اماندا:يلا خت نفسك محلها موقف حياتك كلها عشانا م بتطلع من البيت و حارسا بس عشان خايف انها تموت ،بعدا كلو تمشي و تسيبا بعد م كرثت حياتك كلها عشان تحميها عحسب فهمها تمشي و تخليها؟ انت قايل الشعور دا هين؟شوف هي رغم انو عارفة العلاقة الفي بالا مستحيلة بس برضو صابرة و قاعدة و مستحملة،حسن انا م عايزاك تيأس و انا اماندا بقول ليك حتكونو مع بعض يعني حتكونو مع بعض!
حسن:اماندا انتي م فاهمة
اماندا:فاهمة ي حسن فاهمة!!انت ماسك مجدي من اليد البتوجعو عارف يعني شنو؟يعني بي كلمة منك مجدي بروح فيها عندك سلاح خطير بس م عارف تستخدمو
حسن:لا ي اماندا لا صبا لو عرفت انو ابوها قاتل ..
اماندا:و انا قلت ليك امشي كلما؟ حتهدد مجدي بي الكلام دا و هو اكيد ما عاوز يطلع في عين اولادو مجرم!او اكيد م عاوز يدخل السجن صح؟
حسن:و صبا
اماندا:ي حسن صبا مالا قلنا ليك م تكلما ياخ اها و عشان صبا دي لازم تلوي دراعو
حسن هزا ليها راسو و قامت قالت ليه:اي خدمة ي معلم؟
حسن و هو سرحان :لا لا
اماندا من بعيد:فكر في الكلام القلتو دا .
حسن:طيبب
اكيد كنت فرحانة انو حسن بقا يحكي لي و الحاجز البيتاتنا اتكسر لكن في نفس الوقت كنت متوترة انو هو بقا بلجأ لي هل انا حقدر احل ليه مشاكلو ؟طيب اذا انا وجهتو يعمل شنو هل دا لي مصلحتو؟بزات الموضوع حقو حساس ،كنت حاسة بي مسؤولية كبيرة شديد لي لحظة حسيت روحي م قدرها ..و حنك اني فتحت ليه ماضيه موترني شديد بس كنت عارفة انو انسب حل التهديد و انو م يخلي صبا مهما حصل .
متاب نادتني من بعيد بس عملت نفسي م سامعة كلام امبارح نهائي م كان هين و هي اخر وحدة كنت متوقعة منها الكلمة دي اي كانت معصبة بس بقولو الزول و هو معصب بكون صريح بعد نادتني كذا مرة اتلفت عليهابي نفاذ صبر:في شنو ي بت مالك
متاب:اماندا عاوزة اتكلم معاك
اماندا:تتكملي معاي تقولي شنو عاوزة تزكريني اني الكتلت اخوي؟اي متزكرة يا متاب و اصلا ولا مرة نسيت و اليوم داك بحلم بيه كل يوم كل يوم
متاب:اماندا م تقولي كدا انتي م قتلتي زول
اماندا:متاب انا م قادرة اتكلم مع زول حسا عليك الله خليني في حالي
متاب و هي بتبكي:اماندا والله ذلة لسان انتي عارفاني انا لمن اكون معصبة بقول كلام و ..
اماندا:متاب انا م زعلانة منك بس ممكن م تتكلمي معاي في الوقت الحالي؟
متاب سكتت مسافة بعدين قالت ليها:تمام يا اماندا
اماندا وقفت في مكانة و مسحت وشها و قالت بي حيل مهدود:ي رببب
كانت بتعاين لي متاب و هي ماشة فا لقتا ماشة ناحية حديقة الطاهر مشت وراها لحدي م لقتا دخلت الحديقة عاينت لي الساعة الفي يدها لقت نفسها متاخرة وقفت ليها ركشة و اتحركت على الجامعة
—————
حازم:اتأخرتي مالك؟
بسمة:الطريق كان زحمة ،الناس جو؟
حازم:اي قاعدين في اوضة الاجتماعات
بسمة :تمام
حازم:بسمة في حاجة؟
بسمة:امممم حاجة زي شنو؟
حازم:ما على طبيعتك
بسمة:حازم حسا جاي تقولي لي الكلام دا و الناس منتظرننا جوا؟
حازم عمل حركة بي يدو و زحا خطوتين لي ورا و قليها:اتفضلي
بسمة ضحكت و عاينت ليه و دخلو جوة الاجتماع
حازم:معليش ي جماعة على التأخير
عمر و هو مركز مع القلم:ماف داعي لي الاعتزار بقينا شبه شركاء ولا شنو؟
حازم ابتسم ليه و سكت بعد كلام كتير وقعو عقد و عمر و حازم بقو رسمي شركاء في الشركة طلعو الموظفين من اوضة الاجتماع و فضلو هو و عمر و بسمة
عمر:شنو يا حازم
حازم:انجز عاوز تقول شنو
عمر:لا لا بعدا تتكلم معاي بهدوء و رواقة كدا عشان نقدر ندير الشركة و م يحصل كلام كتير ولا شنو يا بسمة
بسمة:اكيد د المفروض يحصل بس انت برضو خلي المطاعنات دي و انت يا حازم كفاية حركات الشفع دي
عمر :مطاعنات شنو يا بسمة نحن الحركات دي خليناها زمان
حازم:واضح
عمر من اكتر الناس الانا بكرهم صراحة هو م عمل لي شي و ما اذاني نهااائي و حتا م كان بكرهني و كرهي ليه دا خلاه يكرهني و تحصل بيناتنا مطاعنات شكلة كدا ..مغارز ممكن تقولو! ما عارف سبب كرهي ليه منطقي ولا ل ا لكن خلوني احكي ليكم زممااااان انا و عمر و اماندا كنا اصحاب اصحاب شديد عمر كان الولد الكلاسك و الجنتل و كدا فهمتوني؟نظام بهتم بي اماندا بجيب ليها ورود من شجر بيتوم بشتري ليها حلاوة مصاصة الهي بتحبها كدا يعني اما انا انا كنت حكاية تانية خالص كنت زول بحب اللعب تمام و فيني طاقة كدا م عادية كنت الزول المضحك داك البتشاكل مع اماندا اربعة و عشرين ساعة بعدين براضيها بي انو اخليها تلعب معانا كورة في الشارع كدا يعني امور الورود و الجنتلة دي م بتنفع معاي انا و عمر كنا فرد ععددديييل عديل بس اول م اعترف لي انو بحب اماندا تعالو شوفو الانسان التاني الاتحولت ليه انا بعد م سمعت الكلام دا!م عارف الحصا لي شنو بس من يومتا بقيت زول تاني نحن كنا ساكنين التلاتة جمب بعض كنا شفع فبنتجمع في ميدان الحي يلا لمن عرفت عمر بحبها بقينا نقعد في حتا تانية بقعد اضحك اماندا و الهيها عشان م تسال من عمر و خططي دايما كانت بتنجح و عمر كان قايلنا انو نحن م عاوزين نقعد معاه فبقوم يتخاسس و يعمل حركات اماندا مع الزمن كرهتو بعديها رحلو من الحتا النحن قاعدين فيها و فضلنا انا و اماندا سوا +ابو الزوز كان بقولا لي عمر و اماندا حبت الموضوع شديد فبقت تقول لي ابو الزوز عشان كدا بكره الاسم دابعد كبرنا كدا و اماندا جات داخلة الجامعة اتلاقينا تاني بي عمر و وقتها اماندا نس المراضيع الزمان و رجعت معاه عادي و طبعا عمر عارف انو د انا العملت كدا !و لي حسة الموضوع ماكل معاه جمبة و انا! انا عارفو لسا بحبها عشان كدا كارهو
اماندا جات داخلة و قالت:عمممررررر
عمر:مشتاقين ياخي
اماندا:بلكتر والله م رسلت لي ي حيوان
عمر:والله الايامات دي ظغطة شديدة اسألي حازم
حازم:ههه اي 🙂
اماندا يجماعة لينا زمن من بعض لازززم لازم لازم نعمل لينا طلعة كدا سوا و نمشي ميدانا الزمان ،هيي ايام زمان دي لازم ترجع
حازم كان بعاين ليها و مكتف ايدينو و بحمر ليها بي الجابس
عمر:طوالي اصلا خلصنا الشغل بعدا ناخد لينا بريك كدا كم يوم نرتاح فيهم جسدياً و نفسياً كدا ولا شنو يا ابو الزوز
حازم ضرب عمر في كتفو نظام بعظر بس هو كان جادي و ليه مراض يدفنو في محلو:ههههههه انت لسا بتقول ابو الزوز 😀
عمر عاين لي كتفو و ابتسم بعدين عاين ليه وقال:والله الاسم كان جاي معاك وقتها !كلبوظ كدا و كيوت
حازم:مافي اكيت الورود الكنت بتجيبها لي اماندا من شجرة بيتكم 😆
اماندا:ايام حلوة والله المهم زي م قلت ليكم لازم نتلمااا
عمر :اكييد
مشا عليها و حضنا بسمة طوالي مسكت حازم من يدو و قالت ليه و هي بتقرب منو م تعمل شي يندمك اهدا مسحت في ضهرو و طلعت من المكتب و عمر طلع وراها طوالي
اماندا:م شايف بسمة دي اوفر شوية؟يعني هي مال اهلها تتدخل بيناتنا التلاتة بعدين تتصرف زي م انت تتصرف
حازم:دقيقة دقيقة دقيقة بيناتنا التلاتة!انتي اظن قاصدة عمر
اماندا:🤭زلة لسان والله زلة لسان اعزرني
حازم حدر ليها كدا و قليها يلا قدامي
اماندا :ححمممممممماااااسسسسسس
نزلو تحت و ركبو العربية و فضلو ساكتين قامت اماندا قالت:خلاص بطل زعل
حازم:اماندا حالياً م تتكلمي معاي لو سمحتي ❤️
اماندا:خلاص ها سكت لكن عجل عشان الحماس بدور يقتلني
حازم:اصلا متين الحماس م كان عاوز يقتلك
اماندا:افصلا مني يا ابو الزوز
عاين ليها قامت فقعت الضحكة قالت ليه:والله بحب اشوفك متنرفز كدا و هايج بتكون كيوت جدا جدا
حازم عاين ليها وقليها:انتي عادي عندك الحصل فوق دا؟
اماندا:حصل شنو
حازم:م تعملي روحك غبية
اماندا:طيب طيب م تكورك اكيد م عاجبني الوضع بس قلت ليك م عرفت اتصرف كيف م تكبر الموضوع ما لي خلق اتشاكل معاك حسا
حازم:تمام
اماندا:شنو هو التمام؟
حازم:خلاص يا اماندا اقفلي المرضوع
اماندا:سمح قفلتو ...طلعت تلفونا و ركبت السماعات
اقل من خمسة دقايق وصلو الشارع كان فيه ناس و ستات شاي بس م كتار نزلو و حازم قليها:د الما كنا حاسبين حسابو لي المرة التانية
اماندا:لا بجد حنلقا الورقة كيف؟
حازم:يلا اتصرفي مش انتي الجبتينا هنا؟انا حاخد لي شاي و حستناك
اماندا:ي حازم بطل عوارة ياخ انا كيف حقدر افتش د كلو ؟؟
خازم:لا و يعني انا لو الفتشت معاك حلقاها؟
اماندا:على الاقل تساعدني شوية
حازم:جيبي الدفتر و اقعدي ...لزا ليها كرسي بي رجلو عاينت ليه مسافة بعدين قعدت طلعت الدفتر و قال ليها:اكيد م حنفتش الورقة كدا زي العبطة !اكيد في مفتاح او اي دليل
اماندا:طيب وريني كيف حنلقاها يا محقق كونان انت
حازم و هو برفع حواجبينو:شوفي و اتعلمي ..مبدئيا كدا المفتاح الاساسي في الكلام البداية القصة دا و اكيد في مفاتيح بين الكلام زي م عرفنا انو مفروض نجي هنا حنعرف حنفتش وين بظبط
حازم قرا الكلام كذا مرة و م طلع معاه شي
اماندا:عامل لي فيها مفتح قوم قوم خلينا نفتش ساي نكسب زمن!
حازم و هو بضيق عينو :عايني هنا لمن قعدو قالو انو قعدو تحت شجرة !
اماندا:في مليون شجرة
حازم:كلها خمسة شجرات بس قومي نفتش
قامو و بقو بفتشو الشجرة الاولى م لقو فيها حاجة و التانية نفس الحكاية لحدي م وصلو الخامسة بدو يفتشو حولينا و كان في طين حفرو يشوفو تحتو م لقو اي شي
اماندا:يا حازم اها؟ا
حازم و هو بنفض يدو:اها شنو قالت ليه و هي بتكورك :شنو اها شنو الورقة ماف مش قلت بكون تحت الشجر قليها:لا عليك الله تعالي اضربيني قدام الناس ديل!بعدين قلت ليك احتمال ،اللغز م واضح اصلا .
اماندا بقت تكورك و تجوط حازم رفع راسو بنفاذ صبر بعدين قليها :اماندا!
اماندا:مالك ...رفعت راسا و لقت ورقة ملفوفة و معلقة في الشجرة فوق حازم نطا و سحب الورقة و قليها :مش قات ليك في الشجر ة😌
اماندا سحبتا منو و قالت ليه:قلت احتمال😚
ركبو العربية و بي كل حماس فتحو الورقة و بقت في علامات استفهام واضحة في وشوشهم،حازم قليها:د شنو؟
اماندا و هي بتقلب الورقة:ما عارفة!
حازم:و هو بشيل الورقة :خريطة؟نعمل بيها شنو دي؟انتي مش قلتي بمون في الورقة المقطوعة تكملة القصة؟؟؟
اماندا بي خلعة:اي والله لكن م عارفة د شنو!
حازم:ابقا اكيد م الورقة البنفتش فيها
اماندا:لا واضح هي يا حازم ملفوفة نفس اللفة بتاعة الورقة الاولى و شوف...
اماندا طلعت الدفتر و فردت فيه الورقة :شوف نفس القطعة
حازم:طيب مفروض نعمل بيها شنو؟
اماندا:والله م عارفة لكن ححتفظ بيها امكن نحتاجها في الالغاز الجاية
حازم مسك الورقة و بقا بعاين ليها و قال:اشمعنا جايبين بورتسودان و الخرطوم بس +شوفي شوفي يا اماندا دي الاماكن المشيناها و ياهو د الشارع الاحنا فيه حسا
اماندا :طيب بورتسودان ايش دخلها
حازم:م عارف انا زاتي +عادي ما هي خريطة ولا كيف
اناندا:يعني انا تعبت روحي و فتشت و وسخت نفسي بي الطين عشان في الاخر تطلع لي خريطة؟
حازم:اصلا انا من البداية قلت ليك اكسري حنك الدفتر د بس انتي شليقة يسوو ليك شنو:)
—————
نازك:اصلو م بصدق!!!!جيت ماين ي ولد انت؟؟؟؟؟
زين:حسي جيت داخل عليكم😂
نازك حضنتو عليها و داك يا البكا و المخيت قالت ليه:امك كويسة؟
زين:اجي يا هالتي حسا البكا لشنو؟
نازك:ي ولدي د الشوق 😭
زين:وين ايمن و اماندا؟؟
نازك:ديل بقعدو في البيت؟ايمن بكون مع اصحابو و ياهو اماندا لي حسا م رجعت من الجامعة تكون نع صحبتا يا مع حازم
زين:اقسم بالله مشتاق ليه شوق م طبييععي
نازك:كدا ي ولدي تجي بدون م تكلمنا؟كان حسا جهزت ليك اكل و جهزت ليك اوضة الضيوف
زين:عشان الحركات دي ابيت اكلمكم ،خالو عبدالله وين
نازك:في الشغل والله د م بجي حسا بجي لي المغرب كدا
زين:اها يا خالتي ماشي قريب و جاي
نازك:ماشي وين يولدي
زين:ماشي لي حازم د مش م رحلو؟
نازك:قاعدين اي لكن م اظن يكون في يا زيننن ...
زين طلع سريع سريع و مشا على بيت ناس حازم لقا بت بتبكي و لاحقا ولد بقا ماشي براحة عشان يعرف ديل مالم الولد بقا بجر في البت و البت بتكورك بتقول ليه فكني م استنا طوالي مشا ضرب الولد
زين:امشي من هنا يلا
الولد قام عليه عاوز اضربو بس زين كان ضخم كدا و معضلة طوالي مسكو و ولزاهو و عاد نفس الكلام:ي ود م تمشي من هنا م عاوز معاك قلة ادب
الولد قال لي البت من بعيد:كلامنا لسا م انتها م حسيبك يا رؤى
#يتبع
