" ဘာလဲ.. ပိတောက်.. ဘာဖြစ်လို့မေးနေရသေးလဲ.ဒီမှာ ငါမဟုတ်ပဲ နင်မျှော်နေတဲ့သူ ရှိလို့လား... "
မေခတ္တာ ... မိုးပိတောက်ကိုတော့ နောက်ကနေဖက်ထားရင်းဖြင့် မျက်ခုံးလေးကို ကွေးနေအောင်ကြုံ့ရင်း မေးလာတော့..
မိုးပိတောက် သက်ပြင်းချမိရင်း.. ဒါနဲ့သူက ဘာဖြစ်လို့ ဒီကိုရောက်နေရပြန်တာလဲ မလာပါနဲ့လို့ပြောထားရဲ့သားနဲ့.. ခေါင်းမာတဲ့ကောင်မလေး. အင်းလေ.. မိုးပိတောက် သူကနင့်သူငယ်ချင်း.. နင် ငယ်ငယ်လေးထဲကပေါင်းလာတဲ့သူငယ်ချင်း အခုမှ ခေါင်းမာတာမဟုတ်တော့ မဆန်းပါဘူး.
" ဒါနဲ့ နင် ဒီလိုဘာဖြစ်လို့ လာပြန်တာလဲ.. ငါမလာနဲ့လို့ပြောထားပြီးသားလေ "
မိုးပိတောက် သူမကိုသိုင်းဖက်ထားတဲ့ မေခတ္တာ လက်လေးတွေကို ဖယ်ရှားရင်း သူမအလုပ်စားပွဲဆီ ပြန်လာထိုင်တော့.. မေခတ္တာ ကနောက်မှ လိုက်လာရင်း..
" ကိုယ့်ကောင်မလေးဆီအလည်လာတာလေ.. မလာပဲဘယ်နေလို့ရမှာလဲ... ပြီးတော့ ငါနင့်ကိုအခုလို ဖက်တာလည်း ဟိုးအရင်ထဲက လုပ်နေကို..ခုမှ.. "
မေ ခတ္တာ နှုတ်ခမ်းလေးစူရင်း ပြောတော့သည်..
" ငါက နင့်ကောင်မလေးမဟုတ်ဘူး ခတ္တာ.. ငါတို့ ဒီကိစ္စကို ပြောပြီးပြီလေ .. ဒီလိုမှမဟုတ်ရင် နင် ငါ့ဆီကိုမလာပါနဲ့ "
မိုးပိတောက် ဒီလိုပြောတော့မှ မေခတ္တာ မျက်စောင်းထိုးရင်း
" အင်းပါဟာ.. အင်းပါ.. နင်ကငါ့ကောင်မလေး မဟုတ်ဘူး.. ရပြီလား.. ဒီမှာ နင့်အတွက်နင်ကြိုက်တတ်တဲ့ ဆူရှီ ဝယ်လာခဲ့တယ်.. နေ့လည်စာ စားချိန်ကလွန်နေပြီ အခုထိမစားရသေးတာမလား.. အလုပ်ပဲလုပ်မနေပဲ ကိုယ့်ကိုယ်ကိုလည်းဂရုစိုက်အုံး... "
ပြောရင်းနှင့်.. မေ ခတ္တာ.. သူမဝယ်လာသည်များကို မိုးပိတောက်ရှေ့တွင်ချလာပေးတော့.. တစ်နေကုန်အတွေးတွေနဲ့ စားဖို့မေ့နေတဲ့ မိုးပိတောက် ဆူရှီလည်းမြင်ရော စားချင်စိတ်တွေဖြစ်လာတော့သည်..
ဂွီ....
" ဟော... ကြည့်ပါရောလား.. အသံတွေတောင်ထွက်လာလို့ ဟ ဟ ဟ... စားတော့ ပိတောက် မြန်မြန်.. နင့်ဗိုက်လေး သနားပါတယ် "
YOU ARE READING
နွေဦး ရဲ့ မိုးပိတောက်
RomanceTwo girls... love story 💛 Guys... My story named " နွေဦး ရဲ့ မိုးပိတောက် " is adapted story from my favorite author@skyaceaus. As first I was thinking about writing my own story but I'm not good at writing or thinking. This story was my first eve...
