اعلان جريمة عشق

بارت مرح 2

#أعلان_جريمة_عشق

بقلمي #فاطمة_العبادي

قرائة شيقة 🖤.

:- اني جاي أتعذب شهد مو بيدي من شفتة وشفت تبوكة احس الدنيا ضاگت بعيني كولش
شهد :- شنو گلج و هيج روحج داهت؟
قتيبة محترم مستحيل يجرحج او يضرج بالحجي

تنهدت و بعدت عيني عنها .. غمضت عيني بهدوء و ذبيت حسرة شكبرها و گلت :- يريد يرجعني .. يكول خلي نبدي صفحة جديدة و نصنع مستقبل النه حلو

ابتسمت ألي بحب و علامات التعجب و الفرح بانت ع وجها :- الرجل الي ضل يريدج رغم اغلاطج الي متنعد .. و رغم ضربتج القاسية اله ، و الأذية الي سببتيهة اله
هذا يحبج صدك و صدگيني صدگيني متلگين مثلة

:- مالي عين ارجع لو احط عيني بعينة ، الي كسرتة عيب من اكول ارجعلة

:- جل من لا يخطأ ، انتِ مو نبي
يلة حبيبة ارتاحي و فكري زين ، و كوني على ثقة تامة ان الي شاف كل عيوبج و ضل يريدج هذا زلمة معدل ينشد بي الظهر و كد حجايتة

:- الظاهر من انطاني ظهرة شالني بقلبة و راح ..

:- راح ينتشلج من البقعة الي انتي بيهة
راح ينتشلج من دوامة الأحزان الي دا تبتلعج شوية شوية

دخلت زهور محمرة و لابسة ثوب طافر و اطك بعلجهة
شافتنة نسولف گلبت عيونهة و كالت بضجر :- عيني الارامل ما الجن نية تخلصنة من كل هذا البكاء و العويل و تكعدن اتجهزن العرسي وياي داحس نفسي يتيمة
وحيدة و معندي احد ..

شوكت نروح للسوگ ونشتري ملابس
شوكت اكمل ذهبي

شهد :- حبيبتي اليوم باليل نطلع نشتريلج ملابس و باجر الصبح نكمل الذهب و نشتري ملابس منرجع حد منكمل كل شي

رفعت ايدهة بملل و كلبت وجهة و كالت وهية تطلع :- صدك ضايجة ومجاي احس بنفسي عروس
يلة راح اكعد ويا كمولتي بغرفتي

صاحت شهد وراها حيل و هي تعقد حواجبها :- رجعي رجعي رجعي

مشت ليورة رجعت و كالت ها وهية ناطيتنة ظهرها
:- بغرفتج و بهذا لبسج ويا الولد

دارت وجهة و شبكت اصابع ايديها و ضلت تتمايل
:- منسوي شي عيب بس نتسامر

شهد :- لا تقفلون الباب
زهور :- لا ما نقفلة بس لا تفوتون انتم علينة دگو يلة

شهد باوعتلها بطرف عين معاجبهة و فرت كف ايدها :- ع اساس اني اقتنع انتي كبرتي و صرتي مرة و راح تتزوجين
بعدني لهسة اشوفج ذيج الطفلة الي تنام بحضني و تتعارك بالشارع تفتح روس الجهال و تسوي بية دگات ناقصة

ضحكت و تقربت حطت رجلها ع سرير و كعدت كبالنة
:- تدرين شهد اني حتى كامل فشختة
:- ندري بيج

:- اتمنى ترجع ايام الطفولة
باوعت الشهد رمقتني برمق حزين و مجاوبت
خيم السكوت على المكان