اعلان جريمة عشق

البارت 15

اعلان جريمة عشق
بقلمي #فاطمة_العبادي
قرائه ممتعه كيكاتي 🖤.

الدنيه حيــل يرهه :::::منحبلهه
بديه ودوم اضحك :::::منحبلهه
همومي حيل كبرت ::::منحبلهه
معسره وما تييب شلون بيه

بهيجة: - يبوووووووي ولك حيدر من نعلا على البطن الحملتك ولك تالي تعبي ورباي توكف بوجهي تريد تاخذ المعيديه ولك ماخذ ناس و مشي عليهة و لا اني الي علم و لا ابوك! !!

حيدر: - ما سويت اله الصحيح اخذت ناس كبار من اهل جماعتي و خطبت و الحد هسه ما صار شي و اريد اكمل كلشي يله احجي الأبوي

بهيجة: - هذا هوااا انجلط ابووووك و ماااات بعد هذا هو قريت السلام عليك معتز

حيدر: - لا تفاولين علي يوووم

بهيجة: - من احتركت روحي و روح الخلفك يا سافل شلون تمشي ع مصكوعتك و احنه مالنه علم هاااا فهمني؟

تصخم وجهج ي بهيجة يمه عوفهة تولي اخذلك بت عمك نيران هاا شتكول؟

حيدر: - مثل اختي

بهيجة: - زين اخطبلك مرح شحلاتهة و دكتورة

مرح: - عمه ضليتي تقسمين براحتج! 

خزرتهة
حيدر: - يمه هاااي هيج ضايجة من الي اريدهة لأن معيديه! ع كولتج

بهيجة: - لعد شلون تريدني امشي بالشارع و من يسئلون عن اصل چنتي شكللهم؟
اكلهم خذيتله وحدة معيديه؟ لا علم لا فهم

جميلة: - بهيجة انتِ ما يوم حبيتي بنات زيد و من اجن لليوم ما تردينهن لا تخلين وحدة منهن براس الولد يشوفن قسمتهن و تصير بعيد عنج احسن

بهيجة: - قصدج اني حيه هااا و مو زينه؟

جميله: - حشاج بس انتي ما تحبين البنات مو شفتي روحج تحاصرتي و تردين تحطين وحدة منهن براس ابنج علمود ياخذهة و تشبع ضيم و قهر

_ خلفله عليج داده

حيدر: - عمتي ما حجت اله الصحيح

بهيجة: - بعد صفيت ويا عمتك ضدي هيه عمتك لو بيهة خير و تفتهم ما تطلكت و رجعت ع اهلهة
عذريني جميله بس هذا الصدك انتِ ما تعرفين تتصرفين

جميله: - ماشي بله ما اعرف اتصرف و تطلكت بس نكول تعلمت من اخطائي و اختياري الغلط و ما راح اخلي وحدة من بنات اخوي تعيش نفس الي عشته و تاخذ واحد امه تكرها

فرت شفايفهة و كالت
بهيجة: - عشتووو تعلمت صفي وياهن صفي هسه شحجيت وين يلگن مثل ابني اني كلت عود اخذله وحده منهن ع الاقل من يسئلوني اكللهم خذيتله بت زيد الدكتور و طالبه مو معيديه

يعني من قله الخيل ..

شهد: - صراحة مو أبالنه عمه احنه نحب الغرييييب

باوعتلي بطرف عين و حيدر كال: - اني الي عليه كتلج مو تكولين ما كال احبهة و اريدهة و اخذهة غصب يعني اخذهة