اعلان جريمة عشق

البارت 28

اعلان جريمة عشق
بقلمي #فاطمة_العبادي

قرائة ممتعة يعسل

التنزيل يومي ف شنو انتم شجعوني بالتفاعل وك
وان شاءالله الرجعه تكون افضل من اول

بدأت المشاعر و الخيبات تجتاحني ..
حسيت كلماتة تقطع انياط گلبي , صفاء هيج دا يگول؟

انتكأت ع حايط , بطني كانت تنخبط خبط
و گلبي دكاتة غير منتظمة ..

رفعت المبايل .. و اتصلت ع صفاء و رن رن رن .. ماكو !!!
جاوبني قبل لا تنقطع المكالمة ..

گال بأنزعاج و تذمر .. المن تخابرين؟

نيران .. شبيك وياي حبيبي , شو گلبت علية بأول عقبة؟ مو ع اساس وياي للموت و تصبر وياي
مثل ما اني كتلك اصبر ويا اهلك!!! لان م يردوني ..

يعني هيج بهلـ سرعة صرت تهدد و تحجي ..

صفاء .. بتذمر و هوا يتنهد ...
...احبچ و علي بس قهرني الحجي
ما اكدر اتحمل يجي ابن عمج هيج يحجي وياي

نيران .. احجي للصدك شنو حجة هوا ما اتوقع مثل الكلام الي كلتة!
حسيتك تبالغ هواي ..

صفاء .. اصلا ما اعرف شنو كتلج لان مقهور و ضليت اسربت

نيران .. كلت هواي حجي و من بينهن تنهزمين وياي!  ليش تفكر هيج

صفاء .. و اني عد كلمتي اذا م صرتي الي ننهزم اني وياج
نيران ابن عمج حاط عينة عليج و اني اموت هيج اشتعل بنار و نفط
و اهلي من جهة ثانية ما يردونج ابد ..
طريقنة مسدود اذا من ناحية الأهل , نسويلنة طريق اني وياج سهل افضل من كل هاي المعاناة .. شتگولين؟

نيران .. شنو متوقع مني اكول ؟ اكيد لا
هيج تنزل مصيبة ع راسي ..

صفاء .. هسة هذا مو موضوعنة منا الذيج السالفة ستمية الف باب .. روحي هسة حبيبي
و هاا اسف و العباس ابو فاضل جنت مقهور و ضليت اسربت

نيران .. بثقل
… ماشي .. الله وياك

نهيت الأتصال .. و سكتت
بقيت صافنة ..
اباوع بأرجاء المكان احس الدنيا تفتر بية .. عجيب الأنسان!
مرات يقود نفسة للتهلكة بأيدة ..

و يتقاضة عن اغلاط المقابل
بس لأن هو ضعيف بالمواجهة ..

تنهدت بتعب
احس روحي مخنوگة بهاي اللحضة اريد ابچي
و الدمعه وصلت الطرف عيني
جريت حسرة و مسحت وجهي بأيدي
يا ربي انطيني القوة و الصبر و كون ما اغلط خليني ع طريق الصحيح ..

...
طلعت يم البنات .. بس يا مصعب الكعدة و تشوف ناس تضحك
و انتَ خانكتك العبرة ..

صدت عيني بعين شهد
رفعت تك حاجب بتساؤول .. اشرت الهة راسي بمعنى ( ماكو شي )

ضلت تباوعلي من جوة الجوة .. دا تفهم شبية
بس منطيت فرصى و سيطرت ع دموعي و حزني

احس كلام صفاء كسرني .. مثل طير طاير بسابع سما .. و نصعق و وگع بقوة ع گاع مكسور الجناح ... هيج حالي بعد حجي صفاء وياي ..