اعلان جريمة عشق

البارت 30

اعلان جريمة عشق
بقلمي #فاطمة_العبادي

قرائة ممتعة كيكاتي 🖤

بارت اليوم مبي احداث بس مكدرت اختصر اكثر لان هاي اعتبرها بداية احداث بحياة مرح و نيران
وتتطور قادما

اتركم ويا البارت

نشغت .. و لطمت ع صدري ، و بدأت الصدمات تجتاحني .. مرح الي فرت مثل الطير و صارت تتحرك بسرعة بالبيت
و تجري المكالمات ع اقرب شخص القيصر " مروة "

لكن كانت ما تجاوب .. ربما تكون مشغولة بمصيبتهة و كاعدة هسة و هي تحاول تستوعب هذهِ الصدمة ..

اني واكفة و مترددة اتحرك .. و كأن الحركة راح تعكس مسار الحياة ، و تعكس الوقت
و ترجعني البداية مكالمة مرح .. و تكول مات

الهذا السبب بقيت واكفة .. انتظر تثبت عقارب الساعة و يتوقف الوقت
و بعدهة اخرج من القوقعة الي اني بيهة .. و الگا الحقيقة غير!  ..

اشوف مرح تطلع من الغرفة و هي تلبس جبة، و تتحرك بسرعة
و حركات نوعاً ما غير مفهوما ..

زهور مختفية عن الانظار .. ممكن تكون رايحة يم بنات عمو عمو محمد
و الهيج مختفية! 

باوعت النفسي الملابسي .. ما اكدر اطلع و اني بعذا الشكل ..
كسرت القاعدة و ثبتت الوقت بنفسي
و تحركت بسرعة للغرفة ..

سحبت مبايلي و اتصلت ع مرح
جاوبتني و هيه تحجي بسرعة .. هسة طلعت من البيت اني اخذت تكسي و رايحة الهم .. مو شفتيني!

نيران .. كنت بصدمة!  من توصلين و تعرفين اخر الاخبار بردي گلبي

مرح .. ماشي .. غلقت الخط من نيران
و درت وجهي بأتجاه الجامة .. بلعت ريگ و عيوني كانت مليانة دموع

اشوف كل شي بحركة سريعة .. و بشكل مبهم
حتى اللافتات الكبيرة .. صرت اشوف كلماتهة مثل السراب و يتبخر ..

توقفت السيارة .. و التفتت للسايق
همست .. ليش وكفت

جاوبني .. يا عيني مو دا احجي وياج و انتِ صافنة منين نطلع؟

باوعت ع شارع و اشرتلة
و مشى .. وجهتة حد ما وصلني البيت عمو
طلعت الفلوس من گفر المبايل و نطيتة ..

نزلت بهمة .. و كان الباب مفتوح
دخلت ركض،  بوجهي الباب المطبخ
كان البيت هدوء و بس رفل الي حاطة راسهة ع طاولة و شعرها متناثر بشكل عشوائي ع مكان
مغمضة عيونهة

تقربت منهة .. ندستهة
رفعت راسهة و فتحت عيونهة حمر .. عضت شفتهة و نزلت دمعتهة

همست بغصة و صوت مخنوگ .. اخوي راح يموت

واحد و رفسني بگلبي و طگيت بچي .. بقيت ابچي بهستيرية
و اكللهة .. ولج لا تگولين هيجج
بس گليلي بيا مستشفى .. خليني اروحلة لج احجي