اعلان جريمة عشق
بقلمي #فاطمة_العبادي
قرائة ممتعه كيكاتي 🖤
عمرچ ليش يكظي وياي و ظلين مختنگة
انتِ سنينج اموردات و اني سنين محترگة
دوريلج حضن دافي
وشفة اترف من شفافي
من اوداعي لا تبجين والله ارحملج الفرگة
حرام يظل شبابج هذ تايه منتظر مرسة
عليج انقهر كل ماشوف وحدة بعمرج معرسة
جفج حلقة يستاهل
يلوگ بحضنج الجاهل
ورجلج لو لعبتي ويا يطفي بروحج الحرگة ..
قيصر ...
اتركم ويا البارت
نزلت من السيارة للبيت .. رافعه الفستان و امشي ع كيفي
اخته شايلته من ورا
و دخلتني للبيت .. للغرفة
قرآن مفتوح بنص السرير ..و ورد طبيعي بأرجاء الغرفة
و المبخرة تنشر عطر .. من اجمل العطور الي شميتهة بحياتي
جو رومانسي .. و يبعث الطمئنينه بالروح ..بس تذكرت كل مخاوفي و كعدت ارجف
اخته لاحضت رجفتي كالت .. لتخافين م راح ياكلج
مرح ..م خايفه
باوعت بطرف عينهة .. جاوبت من ورا خشمهة - لا واضح و له انتي بنيه صغيرة شجابرج ع قتيبة
مرح .. شنو قصدج؟!
- ما اعرف احسج عينج فارغة و عايشة حياة ابد مو مثل بنات عمامج كل وحدة تختار واحد من عمرها و تتزوجة اله انتي اجيتي ع واحد اكبر منج بهواي و منفصل و عندة اطفال شنو الي جابرج؟
رفعت تك حاجب - احترمي نفسج لو سمحتي .. شنو عينج فارغة؟
شخص و تقدملي عادي شفته مناسب وافقت! لتشوفيني مثل ما تشوفين نفسج
الحمد لله عشت احسن عيشة و شابعه ببيت اهلي
علت ضحكتهة بأستهزاء و طلعت الكلمات من بين شفايفهة مثل السم - ههه يا اهل ذول ؟
رفعت راسي و جاوبت بغرور .. الي ربوني همة اهلي بغض النظر عن منو كانو!
و هسة لو سمحتي اريد ارتاح تعبانة تعرفين اجواء صالون و القاعه تدوخ
- م تردين افتحلج الفستان
- لا عيني شكو تفتحي انتِ زووووجي هوا يفتحة الي و يفتح التسريحة شنو ليكون خواتج نزعنج بالعرس ؟
ضاجت و كالت - اخذي راحتج
جهال قتيبة عند بيت اخو .. بس ايام العرس و يرجعونهم
اني خايفه و بالي مو طويل شكد دعيت حتى اتحملهم و اكون لطيفة وياهم حتى تستقر حياتي و ما يكون اكو عقبات
گلبي كان يرتج بقوة .. توجهت للمراية بقيت افتح بالماشات و اشمر
ايدي ترجف .. الزم الماشة مرتين اكثر يله اسيطر ..و اسحبهة
اسمع صوت عقارب الساعه .. ويا كل ثانية دكات كلبي تتضاعف
نفتح الباب - ما لتفتت ع صوت و بقيت مستمرة اباوع بالمراية و افتح بالتسريحة
أنت تقرأ
اعلان جريمة عشق
Fiction généraleخمس بنات و خال مغتصب , قلوب تطلب الحرية , و واقع قذر ..... ؟؟؟ .. قصه حقيقيه ذات طابع رومانسي( فاطمة العبادي ) ( جرئتهة للعقول الراقيه ) ..
