اعلان جريمة عشق

البارت 21

اعلان جريمة عشق
بقلمي #فاطمة_العبادي

ملاحظة / ممنوع التجاوز بهذا البارت
ملاحظة 2 / كتبته لأن بارت امس قصير مگطوم ..

ملاحظة 3 / لزمن گلوبچن ع مرح ..

وصلو البارت الف تعليق 🙂اذا ما وصل ما انزل لأن جاي اتعب يله 200 تعليق 🙂🙂والمشاهدات اللاف وين يصير حبايب احب اشوف رأيكم حماسكم ع قصه جاي تحسسوني هيه مو حلوة ومابيهة حماس والله حتى اخابر صديقاتي اسئلهن :- العباس عليجن حلوة شو ماكو تفاعل ?

اتركم ويا البارت اقرو الفوگ

قرائه شيقه كيكاتي 🖤💛.

گام قيصر و اخذ اطفاله و زوجتة صعدو بالسيارة
و مروة يمه
اني أباوع عليهم تحجي ويا

ضلت عيني تتنقل ع وجه كل واحد بيهم
و ع ضحكتهم
عائله حلوة صغيرة هادئه ..

اختفت الأبتسامه عن وجهي
و حسيت بالغيرة و القهر لأن ما حاطلي اهتمام ولا حاسبلي حساب

بس لحضة اني منو حتى يحطلي اهتمام و يحسبلي حساب؟!

شغل السيارة و باوعلي مبتسم
اني سيطر عليه القهر و أحساس يگلي انتِ و لا شي
انتِ مجرد لعبة عندة

ما كدرت أبادلة الأبتسامه ..

عفتهم و گمت دخلت للبيت

كانت فترة مراجعه السادس و رفل تدرس كله بالحديقه بالنهار
لأن هدوء و تحس بالراحة ..

صعدت للغرفة طلعت السبحه من الميز
شميتهة
و غمضت عيوني براحة
ما اعرف شنو صار بية و شنو مشاعر اجتاحتني
و خلت گلبي ينبض بغير انتظام
دگات كلبي صارت اقوى

هيه بيهة عطرة؟! لو اني يتهيألي السبحه بيهة عطر منه؟!!

هوا عطرة مو قوي عطرة من النوع هادئ ما تشمه اله تتقرب اله هواي
اني من اتقرب منه كلش يله اكدر اشمه

هذا الشي يعجبني لأن اضوج من باقي الشباب يحطون عطر قوي ع بعد امتار ينشم

يعجبني بي هذا عطرة الهادي ..
الي احسه موجود بالسبحة , شنو الي يخليني ارتاح من اشمهة!؟
لأن حلوة من العقيق و شكلهه يجذب حبيتهة

هسه شبيه اني زليخة و هوا يوسف؟!
حتى اشمشم بعطرة

انتبهت النفسي اشمشم بالهوى
عزا العزاني تخبلت
شعندي افكر بي ابو وجه المستطيل
لا لا مو ابو وجه المستطيل وجهة حلو! ..

شو حليان بعيني! ما جنت اشوفه هيج

بس اني ليش ضجت
يمكن ضميري أنبني من شفت عائلتهم شلون حلوة
و هيه مو بس مروة السبب
امي و ابوي هم سبب ضياعنه

بس مروة هيه الي بدت و ما سترت ع حدهن
مالي علاقة أأذيهة أأذيهة ..

بس لا لا ما اخلي سالفتهم توصل للطلاق
الأطفال يصيرون ضحيه و يتشتتون , ما الهم ذنب
بس احرگ كلبهة و اخلي يتعلق بيه و تشبع نااار غيرة و قهر ..