اعلان جريمة عشق
بقلمي #فاطمة_العبادي
قرائة ممتعه كيكاتي 🖤..
شهد :- گاعدين على التلفزيون نتابع مسلسل
كلنه متمددات بلصاله و بعد خالي مموجود فرصى لا تعوض ناخذ راحتنه
الي تاكل جبس ، و الثانيه تتعارك وياها علي
مرح سحبت روحها من الكتب وكعدت ويانه شوية
نضحك سوية مسلسل مصري بعد بس كلامهم وحدة يونس
اباوع عليهن زهور و علا ونيران متمددات صفى وحدة لاطشة بلثانيه و متغطيات بنفس الغطة
و مرح عاكسة المخدة و حاطة ايدهة على خدهة و تباوع
و اني منتجية على الحايط بالي اكثر شي وياهن مو وية التلفزيون
علا خلصت من چيس الجبس و شمرته يم راسهة
شمرت الريموت جبته لزگ براسهة
علا :- اووووي هاي شنو ؟ ليش هيج
شهد :- غير كاتلج الوصخ اكو وحدة تشمر هيج الزبل يم راسهة خو ماكو شي ؟
علا :- ههههه بس يصير اعلان أكوم اذبة والله
مرح :- خوش سكتن خلي نسمع
كامت زهور من مكانهة بصوت هادئ كالت :- نعست رايحة للغرفة انام
شهد :- كملي المسلسل لا تخربين علينه هذه الأجواء بلسنه حسنه يلا نحصل هيج فرصى نكون سويه و محد يدخل بينه
زهور :- دخت كلش والله
عافتنه و دارت وجهة أبطئ وردات تطلع ، كتلهة وين طالعه ؟
زهور :- وين غير للتواليت
شهد :- انتظري اروح وياج لطلعين وحدج بهذا الليل الدنيا مو آمان لا ابن حرام متربصلنه شي ناقصنه احنه
مرح :- لا شهد كعدي اني طالعه وياها
زهور :- شنو يعني ابن حرام متربص النه ؟
شهد :- مرح تأكدي من الباب مسدود و من تدخلن طكن باب المطبخ قفل مو اطلع وراجن الگا مفتوح
زهور :- ليش من اسئلجن متجاوبن ؟ ترى اني اختجن مو غريبة
مرح سوت روحهة تلف بشعرها و غلست و اني درت وجهي على التلفزيون ، تنهدت و كالت :- رايحة
كامت طلعت و وراها مرح فترة ودخلت مرح
شهد :- وين زهور ؟
مرح :- عفتهة وحدهة برا كاعده ما تقبل تدخل ، اني اكول خليهة ما عليهة شي بس انتي تخافين زيادة
تنهدت بتعب و كتلهة :- خليهة براحتهة شوية و اطلع وراها سمعني كلجن اني الجن مثل ظلجن فتهمتن ؟ وياجن بكل خطوة وصح راح يجي يوم و راح اعوفجن بس مرح بمكاني قوية و تكدر تدير بآلهة عليجن
نيران :- يعني وين تعوفينه !؟
مرح :- يعني ما تكدرن تسمعن و تسكتن ؟
نيران :- بس النه حق نعرف غير هيه مثل ام ألنه و تبارينه و حاطتنه بنص كلبهة من احنه صغار
علا :- اي وصحيح قاسيه مرات جانت تكتلني بس تحبني اذكر من تضربني تضل تبجي و تبوس بيه
مرح :- حتى علا طلع لسانهة تفضلي هسه كليلهن وين ترحين
أنت تقرأ
اعلان جريمة عشق
General Fictionخمس بنات و خال مغتصب , قلوب تطلب الحرية , و واقع قذر ..... ؟؟؟ .. قصه حقيقيه ذات طابع رومانسي( فاطمة العبادي ) ( جرئتهة للعقول الراقيه ) ..
