اعلان جريمة عشق

البارت 36

اعلان جريمة عشق

بقلمي #فاطمة_العبادي

قرائة ممتعه كيكاتي 🖤

.
مِن أزعَِل أكَِلك مَِن صَِدك رايَِح
وآصَِيحن وينِّك ، الزمِني !

دقايق صغيرة .. كانت تفصلنة عن اللقاء
بداخل كل روح توقدت شرارة الشوق و اليوم حـ تطفيهة قطرات اللقاء

ينفتح الباب طلاقتين .. تدخل السيارة
نرسمت الأبتسامة ع وجوه الكل
ابتسامة حب وشوق يرافقهة تساقط دموع الفرح من عيونة

اخيرا راح ينتهي البعد .. و حان وقت اللقاء

نزل باسل يتسالم ويا العم معتز و الباقي
و عمة جميلة بعدهة شهد

هميت بكل لهفة و ركضت حتى اطفي نار الاشتياق بين احضان الطيب و الرحمة ... شهد ...

باعتلي و عرضت ابتسامتهة .. تلألأت الدمعات بعيونهة
فتحتلي ايدهة بكل لهفة

شمرت روحي بحضنهة ..التصقت بيهة و اريد افوتهة بين ثنايا روحي
طلعت مني كلمات ..عتب .. و حب ( شلون تحملتي عفتي اختج كل هاي المدة، يابعد اختج)

-ما عفتج لأن روحي ضلت هنا وياكم

رفعت راسي لتلتقي عيونهة بعيوني .. ضحكت بهستيرية - بدونج اضيع شهيدان لا تعوفيني بعد

-اذا اجة يوم اعوفج معناها اكون ركنت امومتي ع جهة ..و هذا الما راح يصير

اجة صوت رجولي من خلفي .. يحثني ع حركة و الابتعاد عن احضان اختي و هوا يكول - زهور عمج واكف ساعه منتظر دورة حتى يحضى بحضن من هاي الاحضان العميقة لا تصيرين انانيه

ضحك الكل .. التفتت كان المتكلم باسل .. ابتعدت و عفت شهد تسلم ع باقي

لحضات ضياع مرت .. مجرد لحضات و بعدهه رجعت للوجدان ..

لحضات حافلة بالسلام و الحب
و الجمعة الحلوة لمت الأهل .. الضحكات الي تطلع من الگلب و الجهال يگمزون بكل مكان

صوتهم واصل الاخر الدنيا ..

شكد حلو اباوع عليهم يركضون و يضحكون من گلبهم .. بحرية و بدون خوف

تذكرت نفسي ..كل ما العب و يعلى صوتي جنت انبسط بواير و اكعد اصرخ و انتظر شهد تجي تاخذني من جوة سياط عدي الضالم

مما خلاني كل ما اكبر اعاند و اصير گوية ..هذا الشي خلاني لسان و اكبر واحد ما اكدر احترمة
مو بأيدي اني متأذية و كل كلامي يطلع نتيجة غضب متكدس بداخلي

بركان غضب .. و الله يرحم الي راح اثور بوجهة بيوم من الأيام

حد الأن اكدر اكول .. مجرد حرارة تأذي المقابل
و هوا كفيل بأن يغير هاي الموجة .. و يخلي النسمات البركانية تتحول الى نسمات ربيع تنعش روحة