اعلان جريمة عشق

البارت 22

اعلان جريمة عشق
بقلمي #فاطمة_العبادي
قرائه ممتعه كيكاتي

وصلو 1000 تعليق مثل البارت القبله

خطواته كـ الأسد المجروح .. ينزل ركض بوجه لونه اصفر .. ينبه بوقوع كارثه
عيونه تريد تطلع من مكانهة .. و الحواجب معقودة ويا عيونه الي صارت حمر
كفيله بـ أن تخليني ارتجف خوف ..

عاط بـ المبايل
_ أبني ووووييييين هسه شلوووون تگليلي ابنك مااااات

أمه طلعت ركض من المطبخ تكله هااا يمة شكوووو؟

طر المبايل بالگاع بعصبيه .. فلشه ..
و گللهة .. رايح المروة

يريد يطلع اعترضت طريقه هيه و عمتي جميله
و كانت عمتي كفايه هسه تفوت للبيت هيه و بناتهة

بهيجة .. ولك قيصر گلبي راح يوگف دكول شكوووو يمة راح انجلط و الحسين

قيصر .. يمة أگلج ما ادري ما ادري دين ما ضل براسييييي رايح اشووووف بنفسي .. والعباس ابو فاضل اذا الحجي صدك و أبني ميتتتت مثل ما كالت و حجت يمروة اكتلهة و اخليهة تلحگا و نمد گبرها بصف گبرة

لطمت ع خدودهة و عاطت عزاااا العزااااني ولك يا أبن علاوووووي؟  عزا العزاني يبووووووووو شنوو تحجي ولك راح الووولد شلوووون؟ !!!!!

ما لحگت تكمل كلامهة طلع شايط عصبي
كل الي بالبيت ضلو يتراكضون ميدرون الي صاير شنو ..
طلع كرم كال :- رايح ورا ..

ما حجة شي هوا ..بس الي فهمنه من الكم كلمة الگالهن يعني علاوي ابنه ميت ...

بهيجة ..طلعت تركض و كالت ابو محسن اطلع البيت اهل مروة چنتي .. هوا يندلهم ..
طلعو بالسيارة .. و الخوف و الرعب و القلق صار سيد الموقف ..

سؤال صار واضح ع كل الوجوه
علاوي مات؟!
شلون ؟ شوكت .. يعني صدك مات
انريد جواب

عمتي جميله تخابر حيدر تسولفله شلون قيصر نزل شايط

و عمتي كفايه تكول فلك طرها المروة كون اني مليون مرة كتلهة ابنج مينلزم حرك من تطلعين عينج علي .. بس لا طالع و ساحكته سيارة؟

جميله .. كولي يا الله بلكت الله مبي شي

انتصار .. عمه هوا قيصر يصيح ابني مات ما مات چا قيصر يچذب؟
بس بالعباس ابو فاضل انه اموتن قهر اذا صگد و العباس عبن احبنه عليوي يمه سودة عليه الله لا يگولهة

رفل ..ماما ما اخذت مبايلهة وياها و قيصر فلش مبايله و طلع .. ادري احنه شلون نضل هيج؟

جميله .. مو خابرت حيدر و راح عليهم و يخابر اخوان مروة يتأكد منهم و يسمع الصاير ..

كفايه .. عمت عيني بس لا ساحكته سيارة ..

انتصار .. لا تفاولين علي هسه يرد النه سالم بس صلن ع نبي