اعلان جريمة عشق

البارت 42

اعلان جريمة عشق

بقلمي #فاطمة_العبادي

قرائة ممتعه كيكاتي 🖤..

اللهم صل على محمد وال محمد

علقووو 🙂🙂🙂🙂🙂🙂🙂🙂🙂

الصدمة سيطرت ع كياني
لشتي كلهة رجفت ، هذا المخبل صدك
و همة شمسرع خابرو و كلولة!
شنو من بشرررر!!!!! عرباين و الله العظيم

هذا مخبل هسه يضل يرزل بيه يمكن قبل لا الحگ احجيلة
و يمكن م يصدكني
صخام الصخم وجهي ع كولة غفران

و الله اليوم ما اسكت - اذا هسه سكتت و عبرتهة مرة ثانية تعيدهة و ثالثه
اني شنو استفاد غير طياح الحظ

اندك الباب ركضت صحت منو
صحاب - انه ابو عگرب

فتحتله الباب فات للبيت عصبي عاقد حواجبة و وجهة محتقن كلش
- نورة العباس ابو فاضل عليج صدك الحجي ؟ انتي تخابرين صفي؟ حاط عليج العباس ابو راس الحار تحجين الصدك

- منو كلك انتَ؟ هااا مرت اخوك جذبت الجذبة و صدكتهة و خابرتلك و انتَ بكل بساطة صدكت و اجيتلي معصب

- انه ما صدكت انه شكيتتتت صدك شكيت ان السالفه صدك و احجي رحمة الروح ميتج لا تفتين افادي اذا انتي يبت الناس كلبج ما هاويني ها و تحبين صفي جا هاي هيه اطلگنج و روحي حبي و عشگي من ورا ظهري جيف انه مو گواد و تصاحبين و انتي ع ذمتي

نيران - بعصبية و تحذير - اسمع صحاب اني دخلت بيتكم و عشت بنصكم حجاب من اول يوم حجبتني ما كلت لا ، طلعة كل ما اكلك تكول حدج السوگ شنو تردين امي تجيبلج اكلك اني ما اتحمل اكعد بالبيت اختنگ تكلي عادي تتعودين و متحملة
نص الملابس الي جبتهم وياي م تقبل البسهم بالبيت تكول زحمة من اخواني

جبتني طير حر و سجنتني بسجنك و ما كلت لا ..بالعكس

ترجع من شغلك اتلگاك بوجه يضحك حتى لو ضايجة و مخنوكة اكول تعبان ما انكد علي لو اضوجة
ما يوم ردت تنام وياي و كتلك لا
امك تموت عليه لان فقيرة ومالي علاقه بأحد
كتلي تعلمي طبخ هاي يومية اوكف يم غفران تشرحلي

كل هذا في سبيل اكون الك زوجة صالحة - تجي هسه تشكك بية!
اني اكدر من البداية اعاندك و اخليك بأيدك ترجعني البغداد
وتطلگني

- هسه انتي صارلج چم اسبوع و هيج بزعتي
لو تكملين العمر وياي شلون بله

- صحاب اني ما جاي اشتكيلك اني جاي احجيلك التغيرات بهاي الفترة الصغيرة العشتهة وياك و القادم اكبر
بس كول انت ما تريدني لان مو مناسبه الك مو اني الي يتمناها كلبك

بجيت و كلت - اصلا صوج عمي الشمرني عليكم و خلاني بهذا السجن حسرة عليه اضحك يكولون عيب عيب

رفعت صبعي بتهديد
و خلي ببالك حجي شيماء ما اسكت عنه لو تطلع نخلة براسك افتهمت

لزم صبعي لوة و كال بعصبية - تهددين لو شني حضرتج؟