اعلان جريمة عشق

البارت الخامس

اعلان جريمة عشق
بقلمي #فاطمة_العبادي
قرائة ممتعه كيكاتي 🖤

(بنات دعموني سوولي واهس ماتوقعت هيج التصويت والمشاهدات و شكرا ع الي يدعموني بلتاكات والتصويت والتعليقات )

گاعدة برا و شعري مبلل
الهوى بارد ، حسيت برجفه و شعر جسمي وكف
فركت ايد بأيد ، مسحت دموعي و تنهدت

اجا صوت همس ( ولج ، شهد )
بقيت أتلفت باوعت هشام من فوگ السياج

فكيت عيوني كمت بسرعه :- شتسوي هشام

_ههههههه سمعت صوت أنين مثل البجي وبيناتنه الحجي ما انطاني كلبي صعدت اشوف يا حورية كاعد تبجي

فركت وجهي وضحكت :- شلونك
هشام :- الحمد. لله ، شو جاي تحجين وياي ما تخافين يطلع خالج و يشوفج ؟

خصمت عيوني بحذر بقيت ادرس طريقه كلامة مثل الي بيهة سؤال ثاني غريبة
جاوبته :- نايم ميجي

هشام :- سكران ؟

رفعت تك حاجب بسرعه كال :- مو قصدي عبالي يشرب

تنهدت :- اي هوا يشرب انتَ شمدريك ؟

هشام :- ما توقعت خالج هيج

ضحكت تك خد :- ليش شلون توقعته ؟ نبي شريف ما عندة شي

هشام :- شايفه لسانه من اسلم علي جنه معزب معدل من أهالي الجنوب هيج ياخذني بلمديح و الكلام و يعزم بيه

شهد :- ممممم شلون ذبيت علي يشرب ؟

هشام :- سمعت حجي هيبت ويا اختج مرح عرفته مو زين و اخذت هيبت ع صفحة تهامست ويا كال خالهن عندة سوالف شرب ما شرب صدك نصدمت

شهد :- ههههههه شكو نصدمت هواي ناس تشرب

هشام :- صدك شايف و عايف بس هناك عدنه بلعمارة اليشرب نكرهة كره الدم

_وين ما تروح تلگا هيج نماذج !

هشام :- بديرتنه ماكو و من صغري جنت اشوف الناس تشرب ما جانت تعرف الحلال من الحرام بس ورا السقوط و من كثرن التلفزيونات و صارت العالم تتعمق بلدين و تفتي نص العالم تغيرت وتابتت و هسه ما عدنه شاب يشرب لو يكبسل نادراً ما نسمع بمناطق مجاورة

شهد :- صدك ؟ أنيالكم ، زين انتِ منين بلعمارة وين بلضبط

_من اهل ميسان

هزيت راسي ، سامعه بيهة و كله عشاير و عرايك ع اتفه الأسباب

ضحك حيل و كال :- منو كلج هذا الحجي ؟