اعلان جريمة عشق

بارت مرح

#اعلان_جريمة_عشق

بقلمي #فاطمة_العبادي

قرائة شيقة 🖤..

مرح ..

من بدينة نقمع اغلاطنا بسهام من التوبة و الدعاء .. بدت الحياة تفتح ابوابها بوجهي

على صوت تكبيرات الأذان ، و نومة الصبح عزيزة أريد اشيل راسي من المخدة ما اگدر
غمضت عيني و غفيت
و بحلم حسيت اني كاعدة بجامع و صوت المُلا يعلى ( بـ حي على الصلاة )

ما اعرف شلون گمزت من فراشي بهمة و الأذان بعدة ممخلص
غمضت عيني و ذبيت حسرة
ضميري المترنح على هاوية الحياة بسبب زيد ديأذيني

گمت ع كيفي توضيت و شفت عمتي جميلة و زهور يصلن
وگفت صليت وياهن و راحن نامن قريت قرآن شوية
و گمت سويت چاي و خليت بي خاشوكتين حليب حتى يكسر طعم الچاي
طلعت امشي بهدوء بالطرمة
ونسمات الهوى تداعب وجهي

اخذت نفس عميق
افيش يا ريحة الصبح
گعدت بالكاع اشرب و عيني تراقب الطيور
شيصير لو أني هيج طيرة حرة مثل هاي الطيور؟
حسيت نفسي مقيدة بقيد متين
بس شنو هوا ما اعرف

طلعت زهور مفتحة نص عين و شمرت المبايل حيل علية
:- اليوم عطلة دوام ما عدنا كلنا شكو مخلية منبه گعد كل أمة لا اله الا الله و انتِ من الأصل كاعدة

مرح :- لا يمة؟ غير اليوم عدنة عزيمة بـ بيت عمو معتز شنو تتوقعين ننام للظهر
وبعدين ما خاست روحج من الگعدة تحركي طلعي صخمي الى متى تضلين هيج

زهور :- غير عطلة! خليني مرتاحة
مرح :- نچبي عزيزتي عقيلة السيد كامل
زهور :-اوي صدقة لله ذكرتيني بختيبي الحلو اليوم اشوفة

باوعتلهة بنص عين و درت وجهي و حجيت بأنزعاج :- ع اساس هوا مو يومية يمنة عابدنة عبادة
زهور :- لاااا قلبي لااااا هوا هنا علمود تجهيزات العرس مو علمود نتونس! و نسولف
هسة غير يروحي الوضع مختلف اليوم

ضحكت وكمت خليت ايدي ع كتفهة
تعالي نسبح و نسوي جلسة عناية البشرتنة قبل منروح
تنهدت بتعب و أردفت بـ حزن :- لا ترحين مرح فدوة

مرح :- الله سبحان و تعالى يحبني و انطاني درس و فرصة و قوة
ولازم الكل يعرفون هذا الشي
مرح مو ضعيفة و لا أيست من رحمة الله
على العكس تمامًا
مرح صارت القوة .. مرح صارت منبع للحنان و الرأفة

الأنسانة الحاسدة لنعم الغير الى كانت بداخلي ماتت
الأنسانة الحقودة مااتت
مرح المادية الأنانية ماتت

زهور :- اي هذا قصدي
انتي مو صلفة مثل قبل تغيرتي و راح تتأذين اذا سمعتي حجي

مرح :- مو صلفة صح
بس قوية و وياي رب العالمين لا تخافين

طلعت الجبن و البيض من الثلاجة و حضرنة الريوگ
كعدنة عمتي جميلة و تريگنة
و صرنة نركض ع ماسكات و الأقنعة و خيوط الحفافة
عبالك عرس مو عزيمة
بعد ما انتيهت برمت شعري كُلة .. و وكفت ساعة اتمكيج