اعلان جريمة عشق

البارت الاول

اعلان جريمة عشق
بقلمي #فاطمة_العبادي
قرائة ممتعه كيكاتي 🖤

( تاكات للأصدقاء يلربع + البارت مجرد بداية )

كان يا ما كان
في قديم الزمان ..
في لوحات السماء ، بين طيات الحياة ..
و في نسمات الهواء ..
تصل إلينا مع الريح رائحة دموع القوارير ..

و صوت الوجع ، يتقرب منا و يدخلنا عالمهم ..

١١:٠٠ مساءاً ( محافظة الموصل )

عام 2010 شهر الـ 11

بهذاك البيت الصغير ، الي متكون من غرفتين و مطبخ و صاله صغيرة ..
تدخل نسمات الهوى البارد بين حيطان ذاك البيت اللعين

و تمر النسمات الباردة على الگلوب الي ما شايفه الدفئ ..

البرد الي صنع من گلوب طفلات صغار قطعه ثلج ..
ثلج قاسي و لمستة تچوي ..

بقساوة الحجر ، و برود الثلج و قوى الدگ :- نصنعت لگلوب داخل هذا البيت

لزمتني من ايدي و عيونهة مدمعه و خشمهة احمر
تشهك و تحجي و اني ما درت بال الهة اعدل بروحي على المرايه و هية مستمرة تحجي و تبجي و تگلي :- بس كليلي ليش تقفلين علينه الباب و تعوفينه هنا و يطلع صوتج بليل ما ادري شلون ؟ و احنه صرنه نخاف

سكتت
رجعت جلبت بيه حيل و تناشغ :- حبابه لا تطلعين اخاف عليج

مرح جرتهة حيل من ايدهة و كلتلهة :- نجبي انتي لا تزيدين علينه ضيمنه بله ، امشي ولي نامي صارت ب ١١ روحي نطمري عساج ما كعدتي

ردتهة نيران :- لا تدعين عليهة هاي اختنة قطعه من روحنه تعاي زهور انتي مو طفله عمرج ١١ سنه لازم تتعلمين ما تتدخلين
عيب الواحد يتدخل بسوالف الأكبر منه صيري عاقله مثل علا ما تحجي شي و فقيرة

زهور :- ما اريد ما اريد ، لا تعوفنه و تروح اخاف عليهة

نيران :- فدوة اروحلج لا تشلعين كلبي تعاي نامي فرشتلج لا تعلعلين گلبي و هوا خلصان

باوعتلهة صفح و اني اشوفهة شلون تقنع بيهة اخذتهة من ايدهة و كلتلهة نامي بفراشج يله و ذيج الثانيه تبجي بحرگة گلب

مرح :- اذا ما تنطمرين اكضيج كضيان و حق هوا الله

حثيت مرح علمود تسكت و كتلهة :- تكبر و تعقل عوفيهة

باوعت عليهة و رجعت باعتلي و كالت و هيه تتنهد :- شلعت كلبي هاي البنيه و تالي وياها ؟ هم بت حرام شمرها علينه الگوا** و دار وجهة و ولى و هم وكيحة

لو مخلي كحب*** تذبهة مو احسن ؟ بلأقل كل الجهات مرتاحين

مالي خلگ اجاوب كتفيت بس بكلمة :- الله يساعدنه

رحت للكنتور سحبت ثوب النوم و المفتاح مال الغرفة طاحت صورة امي بلگاع سحكتهة برجلي و سديت باب الكنتور